ابن قاضي
23-03-10, 03:24 PM
بسم الله الرحمن الرحيم
دن القلم واكتب على جال قرطاس *** واكتب كلام ٍ يعربي ٍ ومفهوم
يالله يارب الملا خالق الناس *** يالواحد المعبود حي ٍ وقيوم
تشفي مرض من علته تقرع الراس*** وتزيل هم ٍ داخل الصدر مكتوم
هم احتملته واصغره كايد الباس *** في ليل مظلم صفوته جو معسوم
بعض البشر همه رحول ٍ وتلباس *** كنه غدا رابع خواته من القوم
والبعض منهم مرتكي له على ساس *** هين ولا همه مهاتر هل اللوم
يمنع عطايا ناس من خوف الافلاس *** والبخل منهاجه , ولامنه ملزوم
ورّد على من زان طبعه من الناس *** عذب القراح الي به الطيب موسوم
واترك سفيه القوم مافيه نوماس *** جاهل بليا علم يرخصك بالسوم
كم جاهل ٍ يقرا دواوين كراس *** وكم عالم ٍ ماقد قرا حرف منظوم
نيل الفتى للمجد ماهو بمقياس *** ماغير حقه ياصله , رزق مقسوم
احد ٍ شرب من مر الايام بالكاس *** واحد ٍ شرب كاسه وشاربه مدسوم
واحد ٍ سهر ليله بهم ٍ وهوجاس *** واحد ٍ ينام بخاطره حلم مرسوم
يلعب على بعض البشر كل خناس *** ملعون ابو جده وبالنار مرجوم
يسوقه الشيطان للنار ويساس *** يفتر حول الراس وسواس ويحوم
ما يجتمع عقل ٍ و داخله وسواس *** لابد من رأي ٍ تبدّيه محسوم
دنياك هذي مثل جرات الانفاس *** تالي حياتك داخل القبر مردوم
كم بالبحر من باقي رفاة غطاس *** هذي حياة الناس تدفع بها رسوم
كنز الحكمة
دن القلم واكتب على جال قرطاس *** واكتب كلام ٍ يعربي ٍ ومفهوم
يالله يارب الملا خالق الناس *** يالواحد المعبود حي ٍ وقيوم
تشفي مرض من علته تقرع الراس*** وتزيل هم ٍ داخل الصدر مكتوم
هم احتملته واصغره كايد الباس *** في ليل مظلم صفوته جو معسوم
بعض البشر همه رحول ٍ وتلباس *** كنه غدا رابع خواته من القوم
والبعض منهم مرتكي له على ساس *** هين ولا همه مهاتر هل اللوم
يمنع عطايا ناس من خوف الافلاس *** والبخل منهاجه , ولامنه ملزوم
ورّد على من زان طبعه من الناس *** عذب القراح الي به الطيب موسوم
واترك سفيه القوم مافيه نوماس *** جاهل بليا علم يرخصك بالسوم
كم جاهل ٍ يقرا دواوين كراس *** وكم عالم ٍ ماقد قرا حرف منظوم
نيل الفتى للمجد ماهو بمقياس *** ماغير حقه ياصله , رزق مقسوم
احد ٍ شرب من مر الايام بالكاس *** واحد ٍ شرب كاسه وشاربه مدسوم
واحد ٍ سهر ليله بهم ٍ وهوجاس *** واحد ٍ ينام بخاطره حلم مرسوم
يلعب على بعض البشر كل خناس *** ملعون ابو جده وبالنار مرجوم
يسوقه الشيطان للنار ويساس *** يفتر حول الراس وسواس ويحوم
ما يجتمع عقل ٍ و داخله وسواس *** لابد من رأي ٍ تبدّيه محسوم
دنياك هذي مثل جرات الانفاس *** تالي حياتك داخل القبر مردوم
كم بالبحر من باقي رفاة غطاس *** هذي حياة الناس تدفع بها رسوم
كنز الحكمة