نصيحــــــــــــــة دوســـــــــــــــــــري

[صوت العاصفه]

احد شيبانا الغالين نصحني..


والله اني احبكم

ياعيال ابوي

ويشهد علي الله ان راسي مرفوع لا قلت دوســـــري

كلً يهابك لادرا انك دوسري والله وذي حقيقه مع احترام القبايل الثانيه وكلً فيه حقه

وانا من حقي الفخر والمجد على ذي الابه الداهيه



الحمدلله والشكر ان الله خلقني دوسـري




الله ميزهذي القبيله بأشياء واجد لا تعد ولا تحصى
آكثر قبيله لها فعايل منهم هم الدواسـر اكثر قبيله يحبونها القبايل الثانيه هي الدواسر
يعني من فضل الله عز و اجل الذي منه الله على قبيلة الدواسر نعم االمكارم والفروسيه ونعم الاخلاق

هذا وقدر الله بأن تكون هذه القبيلة السيده من جذور عربية , بل ومن أحسـن الأصول العربية على الاطلاق .



وكلامي هذا موجه لدواسر فقط مع أحترامي و اعتذاري اشديد للاخرين


يا دوسري حب ابن عمك اكثر من اي شي ثاني ولاتصادق الا دوسري مثلك لانه مهوب نافعك الا هو في الاخير , بتقولي ليه بقولك ونت خابر انه خوة الدوسري لأبن عمه فيها وقفة و مرجلة وشجاعة ونخوة والله محد يعطيك الصداقه الحقيقيه الا ابن عمك الي هو من نفس دمك ومعدنك لانه اي شي بجي على ولد عمك بجي عليك يعني دائماً خلونا جنب بعض صف قوي متحد قاهر الخصوم كما هوا الحال الان ..

ونصيحتي لكل أب دوسري لايزوج بنته الا لدوسري مثله من نفس سلالته حفاظاً من اختلاط الدماء الاخرى مع الدم الدوسري لو يكلافك الامر ان تبحث على رجل دوسري فهذا شرف عريق لك ايها الاب وايضاً شرف لابناء بنتك الذين سيكونون دواسر احسن من يكونون غير ذالك . فارجوك ان تحافظ على هذا النسل العريق

ايها الشاب الدوسري نصيحتي لك
اذا شفت ابن عمك غلط عليك في شي لا قدر الله لا تشلها في خاطرك ولا تعاديه آآآآآآآبداً
وسع صدرك ولا تستعجل في ردة الفعل هو بجيك من نفسه وبيستسمحك من طيبه

[cardiac]

والله انك صادق ما مر علي اطيب ولا ارجل من الدواسر الاصل بصراحة يحرجوك بطيب اخلاقهم ..

[بنوتة الخبر]

من جدك؟

[.Never]

"دعوها فإنها منتنة"

ولا حول ولا قوة إلا بالله..


يا خوفي إنك تشيل ذنب من تاخذه الحمية
بالنسبة للدواسر



فـ ما يختلف عليها اثنين رجااال وراعين فزعات ويخافون الله

فديتهم

[السماء]

ترى جائز مدح قبيلة معينة بس ما يجوز نطعن في قبيلة أخرى




قسم بالله أن الدواسر غيييييييييييييير



وخوتهم تنشرى أحبهم حتى لو كنت موب منهم


إحدى الصديقات تتمنى أن تصبح دوسرية لكن لو كنا على العهد القديم كان بيضمونها لهم


باختصار ..يكفييييييك فيييهم ذا القصيدة:



الياومرك الله وفي السوق طبيّـت


جنّب عـن المترديـة والنطيحـة


والياهـداك الله لخـوه وخاويـت


دوك الدواسر كاسبيـن المديحـة


قوم(ن) اليا جات الحرايب طواغيت


وكفوفهم تندى ولاهـي شحيحـة


فقيرهـم لاجيـت بيتـه تعشّيـت


تلقى الشحم والعود الأزرق وريحة


وكريمهم ترحيبتـه بـك الياجيـت


ترحيبة(ن) تبري القلوب الجريحـة


إن قلت له تبقى قلط بك على البيت


وإن قلت وشلونك ذبح لك ذبيحـة


وصبيّهم لاصحت فيـه وتعزويـت



صدره من النخوة يـروّع فحيحـة


قبيلة(ن) يفخربها الحـي والميـت


شريحة(ن) راحت وباقي شريحـة


من عاش يبقى طيّب الذكر والصيت


ومن مات منهم جعل ربي يبيحـة


ألاد زايـد هيضونـي وغنّـيـت


ومن طيبهم هاضت علي القريحـة


حاولت أعد فعولهم لكـن أزريـت


وماقلت فيهم غير حاجة صحيحـة


فهمت من بعض التجارب وعانيت


ويكفيك من بعض التجارب نصيحة


الياهـداك الله لخـوّه وخـاويـت


دوك الدواسر كاسبيـن المديحـة

["أنـامل فضيهـ"]

ونصيحتي لكل أب دوسري لايزوج بنته الا لدوسري مثله من نفس سلالته حفاظاً من اختلاط الدماء الاخرى مع الدم الدوسري


وهل الدم الدوسري من ماء عذب وغيره من ماء اجاج ؟!!!!

ههههههه بجد ضحكت على هالجمله

[الميسم]

والنعم بـ الجميع
هي آراء شخصية , وكل يرى الفخر في قبيلته
ونبقى أكرمنا عند الله أتقانا ..



الحمدلله والشكر ان الله خلقني دوسـري
ولو لم تكن دوسري ..
هل ستحمد الله أيضًا وتشكره ...!!!!

[ولد حمده]

وهل الدم الدوسري من ماء عذب وغيره من ماء اجاج ؟!!!!

ههههههه بجد ضحكت على هالجمله

ههههههههههههههههههههه


الدواسر ونعم لكن مافضلهم ربي على العالمين

وكل قبيله تشوف نفسها من افضل خلق الله

والموضوع هذا مصيره الحذف لانه يثير النزعات العرقيه

ومشكور ياعاصفة الصحراء

[بنوتة الخبر]

ترى جائز مدح قبيلة معينة بس ما يجوز نطعن في قبيلة أخرى

اي جائز ماقلنا شي بس عاد مو لازم ان بنت الدواسر لولد الدواسر
عشان يحافظون على هالدم الغالي!!
وش دعوا؟ والله لو انهم من نسل الرسول عليه الصلاة والسلام
هذا نقض صريح لكلام الرسول من جاءكم ترضون دينه وخلقه فزوجوه
وامصيبتاه اذا للحين فيه ناس يفكرون بهالتفكير ويحرضون عليه
ياطر جيبي طراه(q104)

[صوت العاصفه]

والله انك صادق ما مر علي اطيب ولا ارجل من الدواسر الاصل بصراحة يحرجوك بطيب اخلاقهم ..

والفلسطنيين ماعليهم زود

رجال بمعنى الكلمة

[صوت العاصفه]

بنت الخبر

تدرين وش المصيبه ان البنت في آخر الليل تسهر وتمزح مع الرجال الأجانب حتى لو كانت نيتها طيبه

ياذا النيه الطيبه اللي خلوها شماعه

كل من تجاوز حدوده قال نيتي طيبه وماادري وشو

[صوت العاصفه]

نفر

انا ماذميت احد عشان اشيل ذنبه إن شاء الله

[صوت العاصفه]

الوان

جزاك الله خير

[بنوتة الخبر]

بنت الخبر

تدرين وش المصيبه ان البنت في آخر الليل تسهر وتمزح مع الرجال الأجانب حتى لو كانت نيتها طيبه

ياذا النيه الطيبه اللي خلوها شماعه

كل من تجاوز حدوده قال نيتي طيبه وماادري وشو
يقاله تردها لي طيب بالنهار يجوز؟
بالعقل جاوبن؟
طيب انت بهالعنصريه والتحريض والنزعه نيتك طيبه؟
وماتبي الا المدح لقبيلتك؟ ونيتك طيبه؟
يالذا النيه الطيبه اللي صارت شماعه
لاتنه عن خلق وتأتي بمثله.....اذا تعتبر ان اللي اسويه مصيبه
ولا حول ولا قوة الا بالله
فاعلم انه اللي انت تسويه بعد مصيبه
ان تعتبر دمك من افضل الدماء ومافي زيه
والرسول نهانا عنه...
غفر الله لي ولك
نصيحه بنصيحه(q81)

[ولد حمده]

اي جائز ماقلنا شي بس عاد مو لازم ان بنت الدواسر لولد الدواسر
عشان يحافظون على هالدم الغالي!!
وش دعوا؟ والله لو انهم من نسل الرسول عليه الصلاة والسلام
هذا نقض صريح لكلام الرسول من جاءكم ترضون دينه وخلقه فزوجوه
وامصيبتاه اذا للحين فيه ناس يفكرون بهالتفكير ويحرضون عليه
ياطر جيبي طراه(q104)

يعني ماهمك في السالفه كلها الا الزواج من خارج العايله (a26)

[صوت العاصفه]

انامل فضية

صايره محلله للدماء

[cardiac]

بنت الخبر

تدرين وش المصيبه ان البنت في آخر الليل تسهر وتمزح مع الرجال الأجانب حتى لو كانت نيتها طيبه

ياذا النيه الطيبه اللي خلوها شماعه

كل من تجاوز حدوده قال نيتي طيبه وماادري وشو

اهم شي القلب ابيض (a26)

[بنوتة الخبر]

يعني ماهمك في السالفه كلها الا الزواج من خارج العايله (a26)
لا وربي كله هامتن واكره ماعلي العنصريه
بس عاد لاتزوج بنتك الا منك وفيك عاد مصيبه
على فكره اعرف بنات مقهورات ويدعون على اهلهم بسبه هالعنصريه...عجبي

[صوت العاصفه]

يقاله تردها لي طيب بالنهار يجوز؟
بالعقل جاوبن؟
طيب انت بهالعنصريه والتحريض والنزعه نيتك طيبه؟
وماتبي الا المدح لقبيلتك؟ ونيتك طيبه؟
يالذا النيه الطيبه اللي صارت شماعه
لاتنه عن خلق وتأتي بمثله.....اذا تعتبر ان اللي اسويه مصيبه
ولا حول ولا قوة الا بالله
فاعلم انه اللي انت تسويه بعد مصيبه
ان تعتبر دمك من افضل الدماء ومافي زيه
والرسول نهانا عنه...
غفر الله لي ولك
نصيحه بنصيحه(q81)

انا متعمد اكون قاسي بالرد عليك ومتعمد بذلك أتعلمين يافاضلة
لأني أخشى عليك مثل ماأخشى على أخواتي
وأعلم أن نيتك طيبة لكن يافاضلة الكثير بيسيئون الظن فيك

["أنـامل فضيهـ"]

انامل فضية

صايره محلله للدماء

حسستني اني مصاصة دماء (a14)

[بنوتة الخبر]

انا متعمد اكون قاسي بالرد عليك ومتعمد بذلك أتعلمين يافاضلة
لأني أخشى عليك مثل ماأخشى على أخواتي
وأعلم أن نيتك طيبة لكن يافاضلة الكثير بيسيئون الظن فيك
لاحول لاقوة الا بالله (q104)
الله يجزاك خير وانا اعرف حدودي وربي ولاتخاف علي وانا اختك
اللي بيتعدى حدوده اعطيه على عينه ولا نيب متردده
تسلم ويخليك ربي
بس انا العنصريه مااحبه وربي مااحبه هذا كل القصد
تصبحون على خير

[صوت العاصفه]

اهم شي القلب ابيض (a26)

بس أخواتك منتب مخليهم يمزحون مع الرجال الأجانب وقايل عن الرجال قلوبهم بيضاء

[صوت العاصفه]

لاحول لاقوة الا بالله (q104)
الله يجزاك خير وانا اعرف حدودي وربي ولاتخاف علي وانا اختك
اللي بيتعدى حدوده اعطيه على عينه ولا نيب متردده
تسلم ويخليك ربي
بس انا العنصريه مااحبه وربي مااحبه هذا كل القصد
تصبحون على خير

ايه لاحول ولاقوة الا بالله

ايه وانا اخوتس خليتس قويه ولاتعطينهم وجه وخلي شخصيتس قويه عسى الله يحفظتس لأهلتس
عسى الله ينفع بتس الاسلام والمسلمين

وتراني ادري اني نيتك طيبه بس حبيت انصحك يافاضلة يادرة مكنونة

["أنـامل فضيهـ"]

صوت العاصفه تراك غيرت مسار موضوعك

حلك على اتجاه واحد علشان ماتشتت الاعضاء

[بنوتة الخبر]

ايه لاحول ولاقوة الا بالله

ايه وانا اخوتس خليتس قويه ولاتعطينهم وجه وخلي شخصيتس قويه عسى الله يحفظتس لأهلتس
عسى الله ينفع بتس الاسلام والمسلمين

وتراني ادري اني نيتك طيبه بس حبيت انصحك يافاضلة يادرة مكنونة
لاتخاف علي ذيبه(q104)
الله يسلمك ويحفظك بس عاد ان شفتن عدتها لاتنسى تذكرن وتهاوشن وربي صادزه(q104)
قولي بنوتة لاتنسين (q104)
نرجع للموضوع:whwhwh:

العنصريه ياخيي لاتجوز ونهانا الرسول عليه الصلاة والسلام عنها
كلنا وش زيننا مسلمين ونهبل الدواسر والنعم فيهم
وكل المسلمين خياله:whwhwh:
تصبحون على خير للمره 89575

[صوت العاصفه]

وانتِ ياانامل معجبتس الموضوع عشان يهتمس اني اغير مساره

ياليتس تروحين ادورين لتس موضوع ثاني

[صوت العاصفه]

ههههههههههههههههههههه


الدواسر ونعم لكن مافضلهم ربي على العالمين

وكل قبيله تشوف نفسها من افضل خلق الله

والموضوع هذا مصيره الحذف لانه يثير النزعات العرقيه

ومشكور ياعاصفة الصحراء


النعم بكل مسلم تقي يخاف ربه

واعيد واكرر ماذميت احد

[صوت العاصفه]

لا وربي كله هامتن واكره ماعلي العنصريه
بس عاد لاتزوج بنتك الا منك وفيك عاد مصيبه
على فكره اعرف بنات مقهورات ويدعون على اهلهم بسبه هالعنصريه...عجبي

تراني ضد اللي مايزوجون بناتهم الا من نفس القبيلة ويقطعون نصيبها ويخلونها تعنس ومحدن فايدهم اذا جلست بدون اعيال

قال صلى الله عليه وسلم : إذا جاءكم من ترضون دينه وخلقه فزوجوه وإلا تكن فتنه وفساد كبير

بس نقلت الموضوع بكل مافيه

[صوت العاصفه]

اذا كنتوا تشوفون ان الموضوع فيه عنصريه وتعصب ففضلا لاأمراً فأحذفوه
لأني ماأبي أتحمل أثم

يعلم الله اني مانيب متشدد مع اي قبيلة معينه

المفاضلة بين الناس بالتقوى

[المحــــارب **]

الحمدلله والشكر ان الله خلقني دوسـري
ولو لم تكن دوسري ..
هل ستحمد الله أيضًا وتشكره ...!!!!
ومن نصايحه لا تصادق الا دوسري ... (a14)
ونعم فيك يالدوسري بس نوعك منقطع من 40 سنة
عمي الناس بــ2010 والصراع النووي .. والقوى الاقليمية والدولية .. واعادة تشكيل الشرق الاوسط ... والازمات المالية ..
وعلى المستوى الشخصي والفردي اعادة تحفيز الذات والبرمجة اللغوية والعصبية والتطوير ومواكبة المتغيرات الالكترونية والتقنيات الحديثة
وانت الى الان تقول لا تصادق الا فلاني وانا من الفلان
والقبيلة الفلانية

صح صح طال عمرك مرحبا بك في مارس 2010

[تاهت افكاري !]

كل يفتخر في قبيلته
و أكرمنا عند الله أتقانا
والرسول عليه السلام يقول من جاءكم من ترضون دينه وخلقه فزوجوه

[ايه يا دنيا]

الموضوع يثير النعرات العرقيه

ان اكرمكم عند الله اتقاكم

[قلب العنا]

كل انسان له حق يفتخر بقبيلته وأهله



لكن ما له داعي يتكلم امام الجميع



وكلنا نشوف قبايلنا أحسن القبائل




وأهلنا أحسن أهل بالدنيا كلها




واذا كل واحد قال :

انا ما ىخذ الا بنت قبيلتي

انا ما اصادق الا ابن قبيلتي

انا ما أجلس ولا أروح الا مع ابن قبيلتي

أنا ما أزوج الا ابن قبيلتي

انا ما اساعد الا ابن قبيلتي


ليه مانرجع لأيام الجاهلية وكل قبيلة لحالها وكل كم يوم حروب ونعرات بسبب مشاكل بسيطة جدا





قال تعالى : ( وما آتاكم الرسول فخذوه ومانهاكم عنه فانتهو )



والرسول نهانا عن القبلية والتحزب للقبيلة


وأمرنا وحثنا على تقدير صاحب الدين والخلق الحسن واننا نزوجه بغض النظر عن القبيلة

[((قلم ودرع))]

[QUOTE=صوت العاصفه;6581250]

الحمدلله والشكر ان الله خلقني دوسـري




الله ميزهذي القبيله بأشياء واجد لا تعد ولا تحصى


((خاصة بالسامــــــــــري))






يا دوسري حب ابن عمك اكثر من اي شي ثاني



أكثر من أي شي ثاني مرة وحدة...؟؟؟!!
ياستيييييييييير...؟؟؟!!
ماذا أبقيت لحب الله ورسولة..؟؟؟!!
والقرآن ومن أخذ بذلك من الصالحين..؟؟؟!!!






الظاهر انك كثرت شوي ...؟؟؟!!!!(qq152)


اسمع وانا اخوك كل لقبائل فيها الطيب والردي
والدواسر والنعم فيهم ناسبناهم..وناسبونا
وأقربهم إلى القلب ((الشكرة))
بحكم النسب..؟؟!!

أما وصيتك هذه فلا أعدها إلا وصية ((محشش)):)

[اسير المنتديات]

صباح الخير ..وجمعه مباركة ..

شوف اذا عالدواسر .. ياحبي المميز لهم اموت فيهم ..

لكن تقول احمد الله ربي والله على انك دوسري هاذي المصيبة الاعظم ..

ليه العنصريه والتعصب في دمك وعقلك .. او بالاحرى ماهي عنصرية ..

للاسف هذا الجهل الاعمى .. ليه ياخوي مايصاحب الا ابن عمه وقبيلته .!!

افا عليييك معقوله كلمتك ..

هذا اسلامك ..؟؟ هذا نهج رسالة نبيك الكريم عليه الصلاة والسلام ..

هذا خلق الاسلام واهله ..؟

الدواسر ماهم احسن من غيرهم .. الله عطاهم ميزة جميله عن غيرهم .. وكمان

عطاهم اشياء سيئة عن غيرهم ..! (qq167)
^
^
^
وهذا شعر الامام الشافعي رضي الله عنه :

إن شئت أن تحيا سليماً مـن الأذى ..... ودينك موفـور وعِرْضُـكَ صَيِـنّ

لسانك لا تذكر به عـورة امـرئ ...... فكلـك عـورات وللنـاس ألسـن

وعينـاك إن أبـدت إليـك معايبـاً ...... فدعها وقل يا عين للنـاس أعيـن

وعاشر بمعروف وسامح من اعتدى ...... و فارق ولكن بالتـي هـي أحسـن

......................

هذا النبي العظيم اتى لكي يقمع ويحرق ويقتل النفس العنصريه والتفاخر الي ماله داعي .!!

شي جميل انه الشخص يعرف نسبه ويتمعن فيه وفي بطولاته من اجل معرفة اصوله ومناطقه وتاريخها والخ..

لكن ماهي توصل مواصيل انها تكون تفرقه وتمييز بغيض جاهلي .!!

( وانما بعثت لاتمم مكارم الاخلاق )

ياخوي راجع نفسك وافتح عقلك وقلبك .. ولا تكون اسير عادات سيئة شينه ..!!

كلنا خير وبركه .. كلنا ميز الله بعضنا على بعض ..

وقوله تعالى : يا أيها الناس إنا خلقناكم من ذكر وأنثى وجعلناكم شعوباً وقبائل

لتعارفوا إن أكرمكم عند الله أتقاكم إن الله عليم خبير )

وقد سئل رسول الله صلى الله علية وسلم :

(أي الناس أكرم ؟ قال: " أكرمهم عند الله أتقاهم " قالوا : ليس عن هذا نسألك ،

قال : " فأكرم الناس يوسف نبي الله ، ابن نبي الله ، ابن خليل الله " . قالوا : ليس

عن هذا نسألك . قال : " فعن معادن العرب تسألوني ؟ " قالوا : نعم . قال :

" فخياركم في الجاهلية خياركم في لإسلام إذا فقهوا) "

وقال صلى الله علية وسلم :

( أربع في أمتي من أمر الجاهلية لا يتركونهن ـ الفخر بالأحساب ، والطعن في الأنساب ، والاستسقاء بالنجوم، و النياحة على الميت )

وقال صلى الله عليه وسلم :

( كفر من تبرأ من نسبه وإن دق أو ادعى نسباً لا يعرف).

انظر وتأمل في هذا القول الساحر الجميل .. هاذي اخلاقنا الاسلاميه الساميه المتواضعه ...

قال الإمام علي رضي الله عنه:

الناس من جهة التمثال أكـــفاء ...... أبـــوهــم آدم والأم حـــــواء

فإن يكن لهم من أصلهـم شرف ..... يفـاخــرون به فـالـطين والـما

لا فضـــل إلا لأهـل العلم إنـهم ...... على الهدى لمن استهدى أدلاء

وقيـمة المـرء ما قد كــان يحسنه ...... والجاهـلون لأهل العـلم أعـداء

نَـقــم بعـلم ولا نبــغي لـه بـدلا ..... فالناس موتى وأهل العلم أحياء


وما ذكر من الاشعار والكلام لا يعني الدعوة إلى إهمال الأنساب وتضييعها ،

فتعلّمها شيء والتفاخر بها شيءٌ آخر ، وقد صح عن النبي صلى الله عليه وسلم قوله

( تعلَّموا من أنسابكم ما تصلون به أرحامكم).


ومشكووووور يالعاصفه ..:)

[وهـ بس قصيمنا]

رغم اني لست دوسريه
ولكن الحق ينقال الذكاء والابداع يشهد للدواسر ماشاءالله
والنعم فيكم وبباقي القبايل
ودي..

[وهـ بس قصيمنا]

يا دوسري حب ابن عمك اكثر من اي شي ثاني
لاعاد هنا تراك زودتها(a14)
رجعتو لعادات الجاهلية الاولى!!

[تكفيني الذكرى !]

ايها الشاب الدوسري نصيحتي لك
اذا شفت ابن عمك غلط عليك في شي لا قدر الله لا تشلها في خاطرك ولا تعاديه آآآآآآآبداً
وسع صدرك ولا تستعجل في ردة الفعل هو بجيك من نفسه وبيستسمحك من طيبه


وكذلك ايتهآآآآآ الشابة الدوسرية هالنصيحة لكٍ


بصراحة هالقبيلة لها شهرتها واخلاقها العآلية

[أسامه]

والنعم في اصلك بس مو الا هذي الدرجة ان إحنا مانتزوج من غيرهم ولا نخاوي غيرهم


الحق يقال أن الدواسر أهل الكرم من جد


وإحنا ناسبناهم وماشفنا منهم الا كل خير

[أسامه]

الدواسر على ما أظن نوعين

1 -الدواسر الأصليين

2- وعبيد الدواسر كثير جدا
وهم اللي يحبون السامري(zm)

[أسد بلاد الحرمين]

يادواسر أنا بسألكم

أنا أموت في بنات الدواسر
ماشاء الله تبارك الله مشهورين بالعلم الطيب.

لوجاكم واحد من قبيلة ثانيه تزوجونه
خاصةً إن كان أخلاق وكفو يناسبكم

[حلم كل العرب]

موضوع يثير العنصريه لان كل قبيله بتقول نحن الافضل وتخرج امجادها في الاسلام كل القبائل فيها الخير العدنانيه والقحطان ولافضل الابالتقوى
الله يهديك ياكاتب الموضوع وبعدين وشذا النصايح
الحمد لله والشكر على نعمة الاسلام والعقل

[أسامه]

يادواسر أنا بسألكم

أنا أموت في بنات الدواسر
ماشاء الله تبارك الله مشهورين بالعلم الطيب.

لوجاكم واحد من قبيلة ثانيه تزوجونه
خاصةً إن كان أخلاق وكفو يناسبكم

زوجتي دوسرية وعندها خوات جمااااااااااااااال بمعنى الكلمة

وعادي عندهم يزوجون غير الدواسر بس مهورهم مبالغ فيها

[عــزالخــوي]

الله ميزهذي القبيله بأشياء واجد لا تعد ولا تحصى
((خاصة بالسامــــــــــري))
الظاهر انك كثرت شوي ...؟؟؟!!!!(qq152)
اسمع وانا اخوك كل لقبائل فيها الطيب والردي
والدواسر والنعم فيهم ناسبناهم..وناسبونا
وأقربهم إلى القلب ((الشكرة))
بحكم النسب..؟؟
اكيد انسباك من عبيد الشكرهـ طالمنك ذكرت السامري وسامري معروف انه لعبيد الدواسر


يادواسر أنا بسألكم

أنا أموت في بنات الدواسر
ماشاء الله تبارك الله مشهورين بالعلم الطيب.

لوجاكم واحد من قبيلة ثانيه تزوجونه
خاصةً إن كان أخلاق وكفو يناسبكم
تبيهم يزوجونك رح للعضوهذا

زوجتي دوسرية وعندها خوات جمااااااااااااااال بمعنى الكلمة

وعادي عندهم يزوجون غير الدواسر بس مهورهم مبالغ فيها
مدامه يمدح زوجته وخواتها تلاقي هالنوعيه كثيررررررررررر وكل صاقط وله لاقط تلاقيه من حقين منفوحه (qq152)(qq152)(qq152)

بني زايد اللي تنطح الضد فـي الميعـاد
دواسر تمكـن فـي عداهـا مضاربهـا

هل العرف واهل السيف والمنسف المعتاد
واهل جيرة ياسم عصا الجار صاحبهـا
لهم هيبة أثقل مـن العـارض المنقـاد
تحامت على ابن مطرف يـوم لاذ بهـا
بغاه الشريف ولا حصل للشريـف مـراد
برزلـه طحاطيـح تفـتـل شواربـهـا
تعلوا ظهور الخيل دون الدخيـل عمـاد
ولهم دولة الاشراف طاحـت مناصبهـا
هذا والقصيدة في عريب الجـدود تعـاد
من اقصى حقيقة كلمـة الحـق نكتبهـا
أبيها الـى مـرت علـى واحـد حسـاد
يقنع بها نفـس الـردى لـو يغضبهـا
وابيها الى مـرت علـى واحـد جحاد
يعـرف الثنـا ويـرد للنـاس واجبهـا
وابيها الى مرت علـى مجلـس النقـاد
يقولـون مـا فيهـا كـلام يعذربـهـا

[abade4116]

حَدَّثَنِي زُهَيْرُ بْنُ حَرْبٍ، حَدَّثَنَا يَزِيدُ، - وَهُوَ ابْنُ هَارُونَ - أَخْبَرَنَا أَبُو مَالِكٍ، الأَشْجَعِيُّ عَنْ مُوسَى بْنِ طَلْحَةَ، عَنْ أَبِي أَيُّوبَ، قَالَ قَالَ رَسُولُ اللَّهِ صلى الله عليه وسلم ‏"‏ الأَنْصَارُ وَمُزَيْنَةُ وجٌهَيْنَه وَغِفَارُ وَأَشْجَعُ وَمَنْ كَانَ مِنْ بَنِي عَبْدِ اللَّهِ مَوَالِيَّ دُونَ النَّاسِ وَاللَّهُ وَرَسُولُهُ مَوْلاَهُمْ ‏"‏ ‏


(a26)(a26):danc854::danc854: