المساعد الشخصي الرقمي

مشاهدة النسخة كاملة : ماحولكم وايت للبيع ....


توتة
04-03-10, 03:58 AM
http://images.msoms-anime.com/13/b5e0184ab30036f5df835b2f9c37d6e2.gif










الشايب والوايت


http://www.alhadafa.com/uploadedfiles/images/318.jpg




شايب نوى يشتري له وايت علشان يسقي الحلال
وذالشايب متقاعد

وشاري له قطيع غنم

وفوقها خمسين ناقه , فأخذ يجمع له دراهم لين صار عنده حول
الخمسة وثمانين ألف ريال

فقام وتوكل على الله وعزم يروح يدور له وايت



صدفه و هو يمشي .. يلقى ناس
مجتمعة في أرض فضاء كبيرة
وحولهم وايت واقف

تعجب الشايب

قال بس لقيناه
خلني اروح

أوصل هناك وأشوف كم هو واصل سومه وإذا هم حادينه اشوف كم هو عليه



وصل عندهم الشايب ووقف يسمعهم يحرجون

وأستانس بالحيل لأنه ماهو غالي



وإلا ذاك الرجال

ماسك الميكروفون ويحرج 50,,52,,55,,ومن قال زود

قال الشايب بس شكلهم يحرجون على الوايت ولا هوب بغالي
وإن شاء الله يكون من نصيبي

وخش معهم بالحراج ,,,56,,,ويزودون...ويزود...ويزودون...ويزود

المهم وصلوه 75,,,قام خربها وقالهم ,,,80

هو قالهم ,,80,,يوم طخوا كلهم وسكتوا..!..وهجدوا..!!..
والتفتوا عليه!!!



يناظرونه..ويناظرون بعضهم..يوم تغامزوا ونقزله واحد منهم

وسحبه على جنب

وقاله شف يا رجال أنت باين عليك أبن حلال وطيب بالحيل
وش رايك لو نعطيك شيك!!!

بمليون ريال الآآآآن

بس مانشوف وجهك واقف معنا بالحراج

انصدم الشايب ..أفتر راسه شوي وقال هااااا

وش السالفة..؟؟؟

مليون ريال ..وليه..؟؟

قال له الرجال خويهم
بس خذ هالشيك وتوكل على الله
والله يستر عليك ولالك بالطبخه



وش اسمك ؟؟

عطاه أسمه وكتب له الشيك بمليون ريال

وطلع الرجال من الحراج وهو مايدري

وش السالفه!!!

طيب وش العلم علمني ..؟؟

إلا واحد قال له
الجماعة يحرجون على المخطط وواقفين بالصدفة جمب الوايت اللي

جايبينه يرشون به الأرض علشان يحرجون

والحراج من اليوم بــ 56 مليون و 75 مليون..وابو الشباب الشايب

خش عليهم عرض

ولايدري وش العلم



وهم بعد أخترشوا شوي يحسبونه هامور وبيلطش عليهم المخطط

قاموا صرفوه بمليون ريال

وهو ماصدق .. طاير من الفرحه,,مليون,,ويقول بخاطره

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده

الرزق مثل الأجل يتبعك



******

الله يرزقنا بمخطط بالغلط.

ماحولكم وايت للبيع ههههههه



..... من الايميل .. اعجبتني ونقلتها لكم

ضحكة الدُنيـــآ
04-03-10, 09:56 PM
آيييييييييييييييه أرزآآآآق http://www.qassimy.com/vb/images/icons/icon9.gif..~>> http://www.qassimy.com/vb/images/icons/icon10.gif

الحين السآلفه هذي صدق ها1...!!؟؟..~>> بتقول لآبوهآ يروح يشتري وآنيت http://www.qassimy.com/vb/images/icons/icon10.gif..~


يعطيك ألف عآفيه توته (j)..~

الفارس الهلالي
04-03-10, 09:57 PM
آيييييييييييييييه أرزآآآآق http://www.qassimy.com/vb/images/icons/icon9.gif..~>> http://www.qassimy.com/vb/images/icons/icon10.gif

الحين السآلفه هذي صدق ها1...!!؟؟..~>> بتقول لآبوهآ يروح يشتري وآنيت http://www.qassimy.com/vb/images/icons/icon10.gif..~


يعطيك ألف عآفيه توته (j)..~
وايت يالامريكيه مهوب وانيت (q39)

ضحكة الدُنيـــآ
04-03-10, 10:14 PM
^
^
أنآ قآصده أقول وآنيت عشآن مآنتوهق فيه إذآ طلعت السآلفه تسذب وإشترينآه ..~>> خلآص يآشيخه مآعآد تترقع http://www.qassimy.com/vb/images/icons/icon10.gif..~

« كَـرستہَـِآل »
04-03-10, 10:34 PM
حسيت ان الشايب عآض ٍ طرف ثوبه ولمن الحين يركض خآيف أحد يقوله رجع الشيك ولا بنقلع ضرووسك (a14)(a14)

الفارس الهلالي
05-03-10, 12:08 AM
^
^
أنآ قآصده أقول وآنيت عشآن مآنتوهق فيه إذآ طلعت السآلفه تسذب وإشترينآه ..~>> خلآص يآشيخه مآعآد تترقع http://www.qassimy.com/vb/images/icons/icon10.gif..~
اهاااا

بئا تسذا (q39)