لكل فتاة ..... أرجو المساعدة

[السهم الملتهب]

اقدم سؤالي هذا لكل فتاة ،
انا ملكت على فتاة احبها كثيرا منذ طفولتي ، بس فيه اسئلة ذبحتني وماخلتني أنام الليل،
انا من كثر مااحبها اخاف انها كانت تتمنى أي احد غيري ، وما تحققت امنيتها !!!!!!!!!!!!
دايم اذا لمحت لها على شي زي كذا تزعل ، وتتضايق ، ويبان تضايقها في نبرة صوتها.
السؤال :
هل البنت ممكن تفتتن في شاب وتتعلق فيه بدون مايكون هناك أي علاقة ؟
لو حصل وواحدة قالت لك ان أخوها يحبك وانتي بنت 14 سنة، ورفضتي ، بتتعلقين بالشاب هذا وممكن تتذركينه بعد 7 سنوات ، حتى لو ارتبطتي بشاب ثاني؟
زوجتي اصغر مني بسنة واحدة بس ، وكأنها كانت تتمنى انها تتزوج واحد اكبر منها بكثير ، هل الفتيات يفضلون الشباب الذين يكبرونهم؟
سؤال أخير ....
هي تكلمني بالجوال ، كيف اخليها تقول لي اذا كانت حبت او تمنت او اعجبت باحد غيري ولا لأ؟
بصراحة انا شاغلني الموضوع هذا مرة ، وعطل تفكيري عن أي شي ثاني غيرة ، حتى الاستعداد للزواج!
اخواتي .................. ساعدوني ، ساعدوني بأي شي يفيدني في هالموضوع، حتى لو ماسألت عنه ، انا محتار معاها مرة.
اللي ابغى اعرفه بالضبط كيف يفكرون الفتيات ، ووش هي اهتماماتهم في الرجل ، وهل اذا حبت واحد يعني انها معد تشوف احد مثله، ؟؟؟؟؟؟؟؟؟؟؟؟؟؟؟؟؟؟؟؟

[إيثار]

السلام عليكم ورحمة الله وبركاته الله يوفقك ياخي الشابات والشباب كلهم ممكن يعجبون اوحتى يعشقون بدون ما يكون لهم علاقه بالطرف الاخر مرحله وتنتهي ان شاء الله اذا حصل الزواج او حتى قبل الزواج بحسب شخصيه وعاطفة الانسان ومدى نضج تفكيره وبعدين ياخي اسمح لي اقول لك ان هذا الامر وان حصل مع زوجتك فهو امر عادي وبسيط ولا يستحق منك كل هذا التفكير وتعطيلل امور واستعدادات الزواج من اجله دام ان زوجتك شريفه وطاهرة ولاخانتك واحمد لله فلا يستحق الامر كل هذا التضخيم اعرف ان عدوالمسلم الاول والاخير والذي يكره له السعادة في امور الدنيا والاخره هو ابليس نعوذ بالله منه

اترك عنك افكارالشيطان ووسوسته وانتبه لامور الزواج تراها كثيره وفكر وشلون تبني بيتك بدون مشاكل وكيف تسعد زوجتك اللي رضت فيك من دون الناس كلهم
انا رايي ان الحرمه تحب الرجل اللي يتفاهم معها ويتحاور يعني ما يقول لالا بدون مايفهمها ليش لالا وتحب الرجال اللي يدلعها بس عاد مو مره كل ما قالت له شىء قال سمي آمري وترى كل حياة زوجيه لازم في بدايتها مشا كل واحيانا يكون السبب تافه جدا


يعني لازم تصير حليم ولاتدقق كثير وتدور اخطئها



والله يسعدك معها ويوفقك ويرزقكم بالذريه الصالح يارب

[السهم الملتهب]

يعطيك العافية اختي اشوى مير ، كلامك منطقي وتشكرين عليه، ويعطيك 1000 عافية ، بس احتاج منك والاخوات في المنتدى إنكم تقولون لي عن الصفات اللي يحبونها البنات في ازواجهم بشكل عام ، وكيف اعرف اذا كانت مقتنعة بي فعلا ولا تضحك على نفسها وتحاول تسوي نفسها مقتنعة، ابي اعرف من الحين ، علشان لا تتعب معاي وتعبني معاها.
ملاحظة : عمرها 21 سنة.
بقولكم بأشياء قالتها وتوقفت عندها كثيراً.
مرة جينا على سيرة ولد خالها ،وقالت انها شافته زمان ، وكان حلو، هل يعني هذا انها تعلقت فيه؟
وتقول ان جارها قال لاخته (صديقتها) انه يحبها قبل 7 سنوات وهي رفضت، ويوم قلت لها انه يمكن يكون كذاب قالت مستحيل ، لانه طيب، هل هذا يعني انها هي كمان حبته؟
وانا افكر في الموضوعين هذي كثير، بس معد اقدر اكلمها فيها لاني وعدتها معد اجيب سيرتها لانها زعلت وقالت إنها ندمانة انها قالت لي.
ومرة ثانية اوجه شكري لك اشوى مير ولك من يحاول مساعدتي

[abo]

اخوي سهم اسمحلي صراحتي القويه نوعا ما
انت سبق لك علاقات مع بنات قبل كذا صح؟
لانه مافيه رجال مش راعي ها الحركات يشك في خطيبته او زوجته 1%100
واذا كنت شكاك من اول شي فانصحك بانك تقرا على نفسك وتترك عنك الوساوس هذا ولا تخرب بيتك من اول يوم .
وآآآآآآآآسف اذا زعلتك.

[السهم الملتهب]

اخوي abo اشكرك على صراحتك ، وصراحتك ريحتني شوي ، لاني اتمنى ان اغمض وافتح واكتشف ان كل الافكار هذي اللي براسي كلها مجرد شكوك ومالها اي اساس من الصحة مع اني ـ حاليا ـ اقول مستحيييييييييييييييييييييييل تروح الافكار هذي من راسي ، لاني اشوفها واقعية 100% ، وياليتني اشك في صحتها كان على الاقل ارتحت شوي في الوقت اللي اشك فيه بصحتها ,,,,,,,,,,,,,,,,,,,,,,,,,,

[باقي فرح]

دايم اذا لمحت لها على شي زي كذا تزعل ، وتتضايق ، ويبان تضايقها في نبرة صوتها.


يااخوي ...طبيعي بتزعل وبتتغير نبرة صوتها انت قاعد تتهمها وتبين انك شاك فيها

السؤال :
هل البنت ممكن تفتتن في شاب وتتعلق فيه بدون مايكون هناك أي علاقة ؟

لا طبعاً...البنت ممكن تعجب في شاب....بس بعدين لما يتقدم لها انسان وتوافق عليه وتقبل تكلمه مثل ماسوت خطيبتك


مستحييييييييييييل تفكر في احد غيره...لانها ياخوي مدام اقبلت فيك من الاول ...


خلاص فهي مقتنعه فيك مليون بالميه وماتبي غيرك...

اخوي من الملاحظ انك انسان شكاك.........واعذرني على صراحتي.......بس صدقني هذي اوهام ..وتخيلات يوحي فيها

الشيطان لك...فأنصحك تتعوذ من ابليس وتترك الشكوك هذي..حتى لو اضطررت انك تذهب لمعالج نفسي..

صدقني الشك مرض خطير...وياكثر ماتهدمت بيوت بسبب الشك

والله اني اسمع قصص وانفصال بين ازواج بسبب هذا الشئ

اتمنى انك تراجع نفسك ولا تهدم حياتك قبل تبنيها..

*

*

*


http://www.qassimy.com/vb/uploaded/fdreyui.gif

[تحت العشرين]

السلام عليكم ورحمة الله وبركاته

صبااح الخيرات

هلا بك اخووي ...حبيت اقولك انت تشك بزياده عن اللزوم انسى خلااااااااااااااااص


يمكن انت مريت بتجربه وتحسب بنت الناس مثلك ليه لا


يعني حرام عليك تتهم بنت الناس عادي تمدح مثلا ولد الجيران ولا ولد عمها ماافيها شي تمدح لطيب اخلاقه بس لكن ماتووصل للحب والعشق والهيام لكن مجرب ماتنخطب البنت ولا تتملك خلااااااااااااااااااااص تنسى الي راح والي راح مات والي استحوا ماتوا <<<< ماله داعي بس طلعت

بتقول البنت تفكر بغيري لا والله ماتفكر الا بك ...ابقولك على قصه لصديقتي تملكة وجلست سنه كاامله ماتزوجوا بس ملكه تحبه حب مثل عنتر وعبله والله ماتصدق كيف المهم صار شي بين زوجها وابوها خلاف يعني الرجال ردة فعله طلقها تخيلت طلقها بعد ملكة سنه كامل والبنت تحبه ....يعني مستحيل تنساه مهما كااان

مع الايام تقدم لها شخص ثاني وتزوجته تموووووووووووووووووووووت عليه طبعا نسولف معها ونجيب سالفة زوجها الاول قالت لاتذكروني والله مدري كيف حبيته هذاك احد يحبه ......سبحان الله ليه ؟؟ كذا صح مالنا امان ههههههههه بس نسته نست الاول لان الثاني صار يسوى عيونها وانت عاد وشطارتك زوجتك هذي انت اول واحد بحياتها يعني لاتخاااف احمد ربك ماكانت متزوجه قبلك شف سالفة صديقتي وقارن نفسك بها


يعني خلاصة الكلام ...البنت تنسى الي بعيد عن عينها ولاتشووووووف الا الي قدامها بس وانت قدامها ثق تماما انها ماتشووووووووووووووووووف الا أنت انت خطيبها وزوجها وحبيبها وكل شي عندها بالدنياااا


وخلها ببالك البنت ماتحب الاشخصين قبل زواجها بس امها وابوها والبااااااااااااااااقي حب عاادي

أذا تزوجة والله تنسى امها وأبوها هههههههههههههههههه ولا تشوووف الا عريس الهناء بس وهذا مو كلامي انا لا كلام عجايزنا وشيبانا يعني كلام موثق له تاريخ






سلملم أختك


تحت العشرين

[عطر الليل]

اعتقد لوتحبه ماوافقت عليك

[السهم الملتهب]

الاخوة والاخوات : اشوى ميرـ aboـ باقي فرح ـ تحت العشرين ـ عطر الليل:
اسعد الله كل أوقاتكم ...
اشكركم على تجاوبكم ، والحقيقة اني مااقدر اوصف الراحة اللي حسيت بها بعد ماقريت ردودكم ، صحيح، زي مااتفقتم اني فعلا شكاك ، بس ما ادري كيف اتخلص من الشك والوساوس هذي، خصوصا انه ماباقي على زواجي الا ثلاثة شهور،
عموماً ......أدعي لكم من كل قلبي ، الله لا يوريكم هم ، ولا تشوفون باس ، ، الله يشرح صدوركم دائماَ ، وينور قلوبكم ، الله يسعدكم ومن تحبون في الدنيا والأخرة .......آآآآآآآآآآآآآآآآآآآآآآآآآآآآآآمين

[عيون طفله]

مساء الخير والأحساس والطيبه مساء الخير والأحساس والطيبه مساء الخير والأحساس والطيبه
اخي السهم اللملتهب انا فتاة واقول لك انت لازم تعرف اذا تحبك او لا من تصرفها معك انت لازم تتاكد والفتاة طبعها حنونه طيبه تتعلق بي الشاب المناسب لي يعطيها الاهتمام لو ما كان فيه علاقه حب لي اقوله انت لازم من تصرفاتها تعرف اذا تحبك او تحب غيرك