ما اعتقد احد مر بحالتي ....

[مابنكسر صابـر]

انا بقولكم اللي فيني

بصراحه انا اكثر من سنه .. حالتي تغيرت
صار يجيني صداع ودايم متضايق .. ودايم ما اقدر اسوي شي يعني مثلا لو بغيت اروح لاي مكان تجيني ضيقه وصداع قبل لا اروح للمكان .. مع اني اروح لكل مكان وما اخلي شي ودايم اروح مع اهلي اذا راحوو .. بس مشكلتي اي بغيت اروح او اسوي اي شي .. احس بضيقه بصدري وصداع خفيف
ودايم افكر كيف تكون حياتي بعدين ما دام حالتي كذا ..
مع ان وضعي مع الناس تمام واجتماعي بس مشكلتي هالحاله اللي تجيني يعني قبل ما كنت كذا .. يعني اذا بغيت اروح لاي مكان او اسوي اي حاجه ما تجيني الضيقه والافكار واكون مبسوط وعالي العال .. ودايم تجيني افكار غريبه اني ما اقدر اسوي شي .. وما لها طعم الحياه


ما ادري يمكن عين ولا وساوس ولا قلق ولا شي ثانـيـ

يعني اللي مر بحالتي او سمعت عنها ما يبخل علي

وما ابي حكي علمي ابي من واقــعـ تجربـه
ـ

[صافية الروح]

ما ادري يمكن عين ولا وساوس ولا قلق ولا شي ثانـيـ


يعني اللي مر بحالتي او سمعت عنها ما يبخل علي

وما ابي حكي علمي ابي من واقــعـ تجربـه



هلا اخوي

يسعدنا اني اول من يرد عليك

طبعا اكيد الموضوع زي ما انت قلت يا وسواس يا عين
و الاقرب انه عين عليك

و فعلا انا صارت لي هذة الحالة اكثر من مرة و تخلي الواحد ما طايق حاله و الدينا سودة بعينه

بس كنت اداوم على القران

و كل يوم لما اصحا امسك كاس في ماء و اقرا علية ايات الحمد الكرسي المعوذات

و اشربه

و بعد كنت على طول احط قران في الشقة

و الحمد لله تحسنت الحاله بس بصراحة حياة لا تتطاق كذا


اسال الله ان يفرج همك و غمك و يشرح صدرك

ولا تنسى الاستغفار و الدعاء


و شي ثاني ياليت تسوي تحليل للغدة الدرقية لان لها دور كبير في النفسية

هذة مو كلام هذة من تجربة شخصية

و لك خالص تحياتي

[خفايا الروووح]

كثري الاستغفار
الله يوفقك

[ام رااااشد]

مرحبا
الله يكون بعونك شخصيا مامريت بهذا الموقف بس نصيحتي لك الاكثار من قراءة القرآن وخاصة سورة البقرة فضلها عظيم واذا ماتقدر تقراها يوميا تقدر تشغلها في المسجل وراح تحفظك من كل سوء وأيضا الاكثار من الاستغفار والصلاة على الرسول عليه الصلاة والسلام وكذلك المداومة على قراءة الرقيه الشرعيه
والله يفرج همك وغمك انشالله

[عابره سبيل]

السلام عليكم ورحمة الله وبركاته



إن أحاسيس القلق والشكوك والاعتقادات

المرتبطة بالتشاؤم والتفاؤل -

كل هذه أشياء عادية في حياة كلا منا

وتتشابه أعراض الأكتئاب مع أعراض العين والحسد وصعب التفريق بينهم


الحل يسير وهو أن يكون القرآن والتشافي به في كل الاحوال وأن يقطع أن القران دواء لكل داء نفسي أو

عضوي أو روحي

بعد هذا أن كانت الحاله يغلب عليها أنها نفسية وشخصت من طبيب ماهر فلابد من أستعمال الدواء وقد

لوحظ أن كثير من الحالات صنفت أنها مس أو سحر أو عين وبعد تناول الدواء أختفى كثير من هذه الاشكالات

فالإستفاده وارده وبقوه من الطب النفسي


وهناك شخصا جلس بالبيت ست شهور والجميع قال أنه يعاني من سحر شديد وتبين بالاخير أنه يعاني

من قولون عصبي عضوي نفسي وتشافى في شهر واحد من خلال أدويه معروفه فالأمر يحتاج

إلى بصيره

تحيه طيبه

[انتركوم]

اخي العزيز المشكله بسيطه جدآ ان شاء الله ماتكون مشكله
الاعراض اللي تقولها انا اصبت بها فجأه بدون سابق انذار زياده عليها اذا جيت اسوي شي او انعزمت بعد يومين اشيل هم واتضايق حتى الدوام مالي نفس اداوم انا قلت اعراض اكتئاب الله يستر
رحت للدكتور جابرالقحطاني في محله مقابل جامعة الملك سعودمن الجنوب قبل 5سنوات الله يجزاه خير عطاني وصفتين وصفه اعشاب 000وصفه حبوب اسمها نكس يوم هي علاج نفسي لاكن ليست لفترات طويله تقدر توقف اي وقت الحمدلله استعملتها يومين والحمد لله 0000 في الاخر طلع قولون عصبي

[صافية الروح]

لا تنسى تحليل الغدة


و كان الله في عونك

[مابنكسر صابـر]

تسلمون ياحبايبي ع الردود

وين باقي الاعضاء

[رنا1]

قيآم الليل .. دوآء لكل دآء ..

اتكلم من تجربه ..

+ المداومه على قراءة القران .. ولو صفحه كل يوم ..




جرب وماراح تندم

[نور سعادة]

اخاف يكون هذا سحر لاقدر الله انا ايضا كان عندي اعراض وكنت اظن انها امراض عضوية بس في الاخير اتضح لي انها اعراض ناتجة عن سحر والحمد لله تعالجت الان وراحت الاعراض الي عذبتني لسنوات.