ركود ما ودي اكتب شي لكني...))

[محمد مطلق الجربا]

ركود ما ودي اكتب شي لكني=مدمن كتابه ولو قلت مواضيعه
مادام حرفي بيحمل ضيقتي عني=مالي جدا غير تدوينه وتوزيعه
الحرف والله احسه قطعة(ن) مني=حتى ولو في يميني صار تقطيعه
لو خاب في كثر ناسي للاسف ضني=ماخاب في جود حرفي كثر تطبيعه
هنيت منهو خلي البال متهني=ماهو على قاف همه دايم الليعه
احرق سجاره بعد فنجال من بني=لو ضاق صدري ولو حسيت بالضيعه
اكون من جود همي بالزمن كني=روض(ن) طواه الضما وافنى مرابيعه
ياليت لو افتكر مره ضحك سني=حتى يلاقي فؤاد الهم تشجيعه
ليت المأسي بضايع سوم لو جني=كان اعطي اول تجاري زارني بيعه
ياراكد الحرف ادري ضيق لكني=ادمنت والله همومي في مواضيعه

[الغـــــــامض]

شاعرنا ابو مطلق

حتى وانت ما ودك تكتب مبدع

جميل في كل حالاتك

صح لسانك ياسمو الشعر

[محمد مطلق الجربا]

شاعرنا الغامض

منور يالطيب لا هنت

مرورك يسعدني ويشرفني

كل الاحترام لك

[ابو جهاد الهذلي]

وش نقول يابو مطلق

على قولت اخونا الغامض

هذا ونت ماودك تكتب

ماشاء الله لاقوة إلا بالله

صح لسانك وعلى شانك

يالحبيب

[محمد مطلق الجربا]

شاعرنا الكبير سليمان

ما عليك زود يالغالي

منور يالاجودي لاهنت ولا هان مرورك المشرف


كل الاحترام لسموك الكريم

[فهد بن زيد]

صح لســــــــــــــــــــــــانك ,,مـــــــــلايين,,
شاعرنا الكبير / محمد الجربا لاهنت ياشيخ المعنى ,,
ولاهــــــــــان حرفـــــك الزاهي وقــــــاف رسمك الذي تجملت به صفحات الشعر,,
وتســـــــــــــــــــــلم ,,,لي كلك لاعدمتك,,حقيقة على قولة الاخوان مافيك حيله يابومطلق ,,
فلله درّك ايُّهــا الشاعر ,, الموهوب ,و,الباذخ السبك والجزل المعاني ,,
استاذي انت من الشعراءالقلَّة الذين يمتلكون خيال شاعري نادر,,
تسلم تسلم ,,وماشـــــــــاء الله تبـــــــــــارك الرحمن,,
اسأل الله ان يحفظك بإسمه ,,الكريم ,,
اللهمَّ, آمين,, دمت من الله بكل الخير,,

[شــتآت]

الله عليك شاعرنا...

دوم القوافي طوع لفكرك لاهنت..

لاعدمناك..

[محمد مطلق الجربا]

شاعرنا الغالي رفيع الذوق سامي الاخلاق

فهد بن زيد

ابو زيد انت مرورك غير ووجودك غير

صاحه لا احس بأكتمال جمال المشاركه الا بوجود بصمه لك

دمت لنا ايه الراقي الجميل

وافر احترامي لسموك الكريم

[نار وغضب]

[poem=font="simplified arabic,4,black,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black""]
لا لا ورب البيت ما خاب ظني = شاعر جمالك من جمال الطبيعة
[/po


تقبل ودي

[محمد مطلق الجربا]

شاعرتنا الفاضله الغامضه

منوره لاهنتي ولا هان كرم مرورك وتواضعك

كل الاحترام لسموك

[محمد مطلق الجربا]

اخي نار وغضب

منور لاهنت

وافر الاحترام