ياجماعه كيـف مافيكـم أحميّـا

[السيف الأملح]

ياجماعه كيـف مافيكـم أحميّـا ........ كيف صيّاح الضحى ماتسمعونه

ماتعونوني علـى ربـعٍ أهنيّـا ....... من بغى درب المراجل يمنعونـه

وإن بغيت الهون ساس الطيب عيّا .... حالفٍ ما أرضى لنفسي بالمهونه

المراجـل ماتهـيّـا هالسـويّـا .......... كون من عظّ النواجد في سنونـه


من يكمل القصيده ومن صاحبها وماهي قصتها الي عنده علم يجيبه

[بودحوم]

يصبحك بالخير أخوي السيف الأملح

والله العالم أنها لعبدالله القريفه من البدنه من مطير

ياجماعه كيـف مافيكـم أحميّـا ........ كيف صيّاح الضحى ماتسمعونه

ماتعونوني علـى ربـعٍ أهنيّـا ....... من بغى درب المراجل يمنعونـه

المراجـل ماتهـيّـا هالسـويّـا .......... كون من عظّ النواجد في سنونـه

وان بغيت الهون ساس الطيب عيّا .... حالفٍ ما أرضى لنفسي بالمهونه

ما علينا من مسردة القفيا .......... كان باب الرزق منهم يقطعونه

ولاهوبأكيد

[السيف الأملح]

صبحك الله بالنور حيالله القرم ولد القرم واكيد انك من حمران النواظر طيور شلوى بس ماعلمتني وش قصتها؟

اهديك هالابيات في فيصل الدويش شيخ وفارس مطير قالها برجس بن دعسان بن حطاب:


يامزنة هلت من الموت شختور *** ازت طراف مريطبه من حمرها
يوم ارعدت ثم ابرقت مالها سور *** ياويل هاك اليوم من في نحرها
حامت على (----) وهج ابن(___)*** واللي بحد السيف طاح ببحرها
منها (---) راح يزبن على الهور *** وناس ورى (----) ربي حجرها
يقودها فيصل على شقة النور *** كم راية بعيال علوى دمرها
ياناس طيعوا وافهموا واقبلوا الشور *** ياويلكم وان كان ركب بظهرها
حر مضرينه على الجول مسعور *** ومنه الحباري لبدن في شجرها
نجد بها مشرك ومسلم ومزيور *** ونجد بها ظلما وفيصل قمرها
لعل عود عقبه ياخذ الحور *** عساه بالجنه يقطف ثمرها
فيها يسويله بساتين وزهور *** وفرش تفرش له برايد حجرها

[سـعـد العتيبي]

وإن بغيت الهون ساس الطيب عيّا .... حالفٍ ما أرضى لنفسي بالمهونه

المراجـل ماتهـيّـا هالسـويّـا .......... كون من عظّ النواجد في سنونـه



لا هنت يالسيف الاملح

كون على ماظن انها كود


تقبل تحياتي

[العاذريه]

تسلم ياخوي

وتراني لطشت منها بعد اذنك

الصراحه اعجبتني..

[السيف الأملح]

سعد العتيبي

ولاهنت حياك الله وشكرا على التصحيح


العاذريه

ياهلا وسهلا اهتامك هذا يدل على طيب ساسك شكرا على مرورك