المساعد الشخصي الرقمي

مشاهدة النسخة كاملة : لو كنت مكاني .. !


سيمار
19-02-10, 11:07 PM
السلام على كل من مر هالموضوع

حبيت استشيركم واشوف رأيكم بإشتراك تبع رسيفر "الفلك"

بالله شورو علي هو زين ولا لا لأني قررت اركبه

صح اني استغربت شوي يوم دخلت موقعهم ولقيت الاشتراك ب350 ومع التركيب ينقز ل850 (qq50)
لكن ميخالف دام فيها فايدة وياما انلعب علينا باشياء مالها اي قيمة

وايضا رسيفر "العائلة" واذا فيه اي اشتراكات بديلة للاشتراكات اللي اغلبها سيء

وهل هي ممتعه ولا ممل..؟
وهل فيها قنوات رياضية ..؟


لو سمحتو يامشرفين خلو هالموضوع لين اخذ فايدة من الزملاء والزميلات هنا على الاقل يوم ونص (hjh)

والله يسعدكم ويوفقكم

فآرق عنـي !
19-02-10, 11:20 PM
يوم ونص متأثرة بقيمة البيبسي
ريال ونص هههههههههه

والله يا سيمار أنا منذ سنين مقاطع التلفزيون كله
بس جيت اعلق عالنص هههههههه

الميسم
19-02-10, 11:33 PM
وعليكم السلام ..

أنصحك ونصيحتي من تجربة برسيفر (العائلة )
بالنسبة لقنوات الخليج مافيه إلا الشارقة , وفيه تقريبًا 6 أو أكثر قنوات أطفال , بس طبعًا مو مثل المجد
لاتخلوا من الموسيقى والأناشيد الصوفية , بس أرحم من الأم بي سي وبلاويها ..
وفيها قنوات رياضه ..
لنا تقريبًا سنة مركبينه وبصراحه أشوفه فعلًا رسيفر عائلة , لأن فيه متطلبات الصغار والكبار
وكان تركيبه كـ بديل للدش العادي شلناه وركبنا العائلة , صراحة من ناحية الراحة النفسية
العائلة أريح بكثييير وما فيه مجال مقارنه ..

قيمته بـ 550 يوم طلبناه وقلنا أحنا وين قال اهاااا لا أنتم 600 ليه ما أدري ...!!
إلى يومك متعجبة ليه أحنا يزيد السعر علينا ..
بس خلاص هي دفعة وحده وانتهى الأمر ..

اخو جميلة
19-02-10, 11:54 PM
سيمار تفكر في الفلوس قبل كل شيء ههههه
مثل هذه السيفرات تصلح للي عنده اطفال ممتازه جدا
اما الشخص الكبير ريموته في المخ يقدر يتحكم في أختياره
حتى لو كان رسيرفر عادي يقدر يميٌز الخبيث من الطيٌب
نتمنى لك اختيار موفق

abade4116
20-02-10, 12:04 AM
ركبي الرسيفر الي عن طريق dsl فيه جميع القنوات
المجد قنوات الكورة وجميع القنوات

بس اهم شي تتحكمين فيه لأن فيه جميع القنوات تكون مفتوحه

يريحك من الدفع

ملك الوسط
20-02-10, 12:25 AM
ركبي الرسيفر الي عن طريق dsl فيه جميع القنوات
المجد قنوات الكورة وجميع القنوات

بس اهم شي تتحكمين فيه لأن فيه جميع القنوات تكون مفتوحه

يريحك من الدفع

المشكله انه يعلق وخصوصا وقت المباريات(qq6)

سيمار
20-02-10, 12:27 AM
يوم ونص متأثرة بقيمة البيبسي
ريال ونص هههههههههه

والله يا سيمار أنا منذ سنين مقاطع التلفزيون كله
بس جيت اعلق عالنص هههههههه

من جدك مقاطع التلفزيون؟؟
ولا تستهين بالنص يكفيك انه خلاك تشارك :ola854:<<كني كبرت على هالايقونة

الحب خالد
20-02-10, 12:28 AM
شرهتك على اللي يدري عن ذا الريسيفرات >>>صح الجمع على
اختك في الله من جنبها في التلفزيون الا ماندر
عموما الله يسمح امرك ياوخيتي
>>>وشوله داخله تردين براااااااااا

سيمار
20-02-10, 12:32 AM
وعليكم السلام ..

أنصحك ونصيحتي من تجربة برسيفر (العائلة )
بالنسبة لقنوات الخليج مافيه إلا الشارقة , وفيه تقريبًا 6 أو أكثر قنوات أطفال , بس طبعًا مو مثل المجد
لاتخلوا من الموسيقى والأناشيد الصوفية , بس أرحم من الأم بي سي وبلاويها ..
وفيها قنوات رياضه ..
لنا تقريبًا سنة مركبينه وبصراحه أشوفه فعلًا رسيفر عائلة , لأن فيه متطلبات الصغار والكبار
وكان تركيبه كـ بديل للدش العادي شلناه وركبنا العائلة , صراحة من ناحية الراحة النفسية
العائلة أريح بكثييير وما فيه مجال مقارنه ..

قيمته بـ 550 يوم طلبناه وقلنا أحنا وين قال اهاااا لا أنتم 600 ليه ما أدري ...!!
إلى يومك متعجبة ليه أحنا يزيد السعر علينا ..
بس خلاص هي دفعة وحده وانتهى الأمر ..

هلا وغلا ميسم
وانا بعد الى الحين متعجبه وشلون رضيتو ب600 وهو ب550
طيب هو مسلي لك وتستمتعين ببرامجه انتي.؟
سمعت ان فيه دش ينقل لك البرامج الحلوة اللي بالقنوات مثل الام بي سي وقت بثها ثم يوقفون
وتسلمين ربي يوفقك على هالمداخله

ماقهرني الا ال50 الزيادة هنا (asj)

سيمار
20-02-10, 12:35 AM
سيمار تفكر في الفلوس قبل كل شيء ههههه
مثل هذه السيفرات تصلح للي عنده اطفال ممتازه جدا
اما الشخص الكبير ريموته في المخ يقدر يتحكم في أختياره
حتى لو كان رسيرفر عادي يقدر يميٌز الخبيث من الطيٌب
نتمنى لك اختيار موفق




بالنسبة للمال فإنها عصب الحياة يابني :d

وصراحة حكاية الارادة الذاتية صعب تخليها في مكان عام وتستاثم بخلق الله لاني ودي احطه بالدوام وبالبيت بعد
وايضا بالاضافة لقنوات اشوفها مهمه بالدش العادي
واشكرك كثير

سيمار
20-02-10, 12:37 AM
ركبي الرسيفر الي عن طريق dsl فيه جميع القنوات
المجد قنوات الكورة وجميع القنوات

بس اهم شي تتحكمين فيه لأن فيه جميع القنوات تكون مفتوحه

يريحك من الدفع

وانتم مصدقيين..؟!!
ورب البيت الفلوس ماهمتني ولا فكرت فيها ولا عمرها كانت عائق لشي مقتنعه فيه
ابي شي يريح ضميري والفلوس عمرها ماريحتك اذا كان تصرفك فيها بدون تعقل
شكرا لك

سيمار
20-02-10, 12:38 AM
المشكله انه يعلق وخصوصا وقت المباريات(qq6)


شكرا لمشاركتك

فآرق عنـي !
20-02-10, 12:40 AM
من جدك مقاطع التلفزيون؟؟
ولا تستهين بالنص يكفيك انه خلاك تشارك :ola854:<<كني كبرت على هالايقونة

امحق حتى تحسبين للنص بالاشتراك ههههههههههه على قولة المصرية والمصري يا خراااااشي

والله يا سيمار يمكن من سنين ايام الزير سالم
ما اطالع التلفزيون حتى برمضان
مدري احس شي مو طبيعي ههههههههه
:ola854: <<< يقولك القلب ما يكبر هههههههههه

سيمار
20-02-10, 12:43 AM
شرهتك على اللي يدري عن ذا الريسيفرات >>>صح الجمع على
اختك في الله من جنبها في التلفزيون الا ماندر
عموما الله يسمح امرك ياوخيتي
>>>وشوله داخله تردين براااااااااا


حي الله ام الفزعات

تعريف الفزعه عند الحب خالد :

هى طلب شخص من شخص آخر بالقيام بضرب شخص ثالث دون معرفه السبب!!!!


والف الف مبروووك الفوز والتأهل (qq6)

الهلالي
20-02-10, 12:44 AM
اممممم

مثل رسيفر الفلك حلو

لكن انتبهييييي تركبين رسيفر المجد بس ، لانه ببساطه ، لهف فلوس

الهلالي
20-02-10, 12:45 AM
حي الله ام الفزعات

تعريف الفزعه عند الحب خالد :

هى طلب شخص من شخص آخر بالقيام بضرب شخص ثالث دون معرفه السبب!!!!



والف الف مبروووك الفوز والتأهل (qq6)

اي تأهل يا سيمار بارك الله فيك (a14)\\خلاص اخذنا الكاس (a24)

سيمار
20-02-10, 12:48 AM
الفارس
اص اص
تكفى لاينتبهون والله ان ينقلب موضوعي كورة
كني سمعت ولدي يقول على كاس ولي العهد
اوشي زي كذا
ترى احسب التأهل حضور سموه

الحب خالد
20-02-10, 12:54 AM
حي الله ام الفزعات

تعريف الفزعه عند الحب خالد :

هى طلب شخص من شخص آخر بالقيام بضرب شخص ثالث دون معرفه السبب!!!!



والف الف مبروووك الفوز والتأهل (qq6)



الله يصلحك ..
السبب معروف ..
احساسي يقول كذا ...واحساسي ما يخيب
>>>> راح موضوعك سواليف ليل يا سيمو (qq168)

$ حجـازية مــوت $
20-02-10, 12:59 AM
هلا ياقمر ,,

شوفي أنا أقترح عليك ,, بدل الخسائر هادي كلها ,,

أنتي بنفسك حطي القنوات المناسبة ,,

أما أدفع عشان أحد يتحكم لي بالقنوات ,,

صراااحة خسااارة ,,

===


ركبي الرسيفر الي عن طريق dsl فيه جميع القنوات
المجد قنوات الكورة وجميع القنوات

بس اهم شي تتحكمين فيه لأن فيه جميع القنوات تكون مفتوحه

يريحك من الدفع


ممكن تشرح كيف أركب الرسيفر ؟؟

أوبآل
20-02-10, 01:05 AM
انصحك تبرمجين قنوات الرسيفر العادي تحذفين الي ماتبينه وتخلين الباقي في قائمة المفضلة وانتهينا

هذا هو عمل رسيفر الفلك بس عشان الرقابة حطي رقم سري على القائمة وخلاص ولا فلك ولا عائلة

أوبآل
20-02-10, 01:06 AM
مكررررررررررر

سيمار
20-02-10, 01:09 AM
اممممم

مثل رسيفر الفلك حلو

لكن انتبهييييي تركبين رسيفر المجد بس ، لانه ببساطه ، لهف فلوس

اتذكر اول ما طلعت المجد مسكت معي امي وقالت نبيها يالله من فضلك
المهم ركبناها فترة
ذالكلام اضن قبل خمس سنوات
صراحة جلست فترة ثم خلاص
المهم رحنا من كم يوم لعمتي وهي ملتزمه ومركبينها
تخيلو للحين نفس النغمات والفواصل
جاني شعور غريب بس موب زين ابد

الله يوفقني ويفقهم لكل خير لكن ماحبيتهم

تاهت افكاري !
20-02-10, 01:09 AM
هههههههههههههههههههه
وش بك ياختي سيمار شكلك قلبتي موضوعك تهاني بالفوز
مبروك وحركات
اكفش ههههههههههه

الهلالي
20-02-10, 01:15 AM
اتذكر اول ما طلعت المجد مسكت معي امي وقالت نبيها يالله من فضلك
المهم ركبناها فترة
ذالكلام اضن قبل خمس سنوات
صراحة جلست فترة ثم خلاص
المهم رحنا من كم يوم لعمتي وهي ملتزمه ومركبينها
تخيلو للحين نفس النغمات والفواصل
جاني شعور غريب بس موب زين ابد

الله يوفقني ويفقهم لكل خير لكن ماحبيتهم
يا بنت الحلال ان ما احب استغلال الناس او بالاصح جيوب الناس من ورى الدين والاشياء هذي

يعني كقنوات مشفره شي عادي ، لكن لما تحطها بسعر خيالي ، ولازم كل فترة تجدد الاشتراك هذا مو مقبول ابدا

يقولون قنوات هادفه ونريد الخير

اوك ، شفر القنوات العامه ، وخل القناة العلميه ، اللي فيها الخير الكثير ،ليه تشفر القناة العلميه دام انك تقول انك تبي الخير؟

فاتح لي القناة العامة ، اللي برامجها عاديه وش ابي بها ؟

ومثل ما قلتي ، ما في تطوير ولا ابداع

سيمار
20-02-10, 01:19 AM
هلا ياقمر ,,


شوفي أنا أقترح عليك ,, بدل الخسائر هادي كلها ,,

أنتي بنفسك حطي القنوات المناسبة ,,

أما أدفع عشان أحد يتحكم لي بالقنوات ,,

صراااحة خسااارة ,,

===
بجرب واشوف اذا ضبط ولا احد لعب من وراي خليتها






منورة ياقمر (قلب كبر الدشوش القديمة)(wtg)

الميسم
20-02-10, 01:22 AM
هلا وغلا ميسم
وانا بعد الى الحين متعجبه وشلون رضيتو ب600 وهو ب550
طيب هو مسلي لك وتستمتعين ببرامجه انتي.؟
سمعت ان فيه دش ينقل لك البرامج الحلوة اللي بالقنوات مثل الام بي سي وقت بثها ثم يوقفون
وتسلمين ربي يوفقك على هالمداخله

ماقهرني الا ال50 الزيادة هنا (asj)


هلا بك سيمار ..
مكره أخاك لابطل, حاولنا بس راسه وألف سيف ما يطلع إلا بهالمبلغ..(asj)


البرامج عشان أكون معاكِ صريحة مافيها تسلية بقدر ما فيها من فائدة ..
يعني البرامج الحوارية كثييرة , وأحيانًا الحق على بعضها وبعضها يفوتني
زي مثلًا برنامج يجي في الرسالة كل يوم أحد يستضيف الدكتور طارق الحبيب , هذا قمة المتعة بالنسبة لي يمكن غيري يشوف العكس .
وأختك في الله وبشهادة أهلها متسمرة أكثر الوقت عند طيور الجنة , أدري بتتعجبين بس قولي الحمد لله , شاديني مدري على أيش ..!!!
نرجع للمتعة , كل أنسان وذوقه , ومدري بالضبط أي البرامج الي تعتبرينها متعة
مثلًا أنا بالإضافة للبرنامج الي قلت لك عليه , فيه ايضًا الجزيرة الوثائقية , طبعًا مو دايم برامجها ممتعة أحيانًا وخاصة لما يكون البرنامج عن أدغال أفريقيا وحياتهم ومعتقداتهم هذي البرامج تعجبني وماودي تخلص ..
يعني الخلاصة ,,أعتبره بالنسبة لي مفيد أكثر من هو مسلي ..

أما الدش الي تقولين والله مدري أول مرة أسمع عنه ..
وشكرًا لسيمار ..

الهلالي
20-02-10, 01:26 AM
يالميسم اذا تحبين القنوات الوثائقيه

لا تفوتك قناة ابو ظبي الوثائقيه

قمه في الروووعه

$ حجـازية مــوت $
20-02-10, 01:33 AM
منورة ياقمر (قلب كبر الدشوش القديمة)(wtg)

الله ع ايام الدشوش الكبيرة ,, كنت أخاف منه من كبره (qq15)

وإذا مالقيتي أحد يسويه لك أرسليه لي بظرف ربع ساعة وهو جاهز خخخخخخ

وفري ع نفسك ,, مع حجازية للأجهزة << هههههههههههههههههههههههههههه

(قلب بعدد القنوات (wtg))

الميسم
20-02-10, 01:40 AM
يالميسم اذا تحبين القنوات الوثائقيه

لا تفوتك قناة ابو ظبي الوثائقيه

قمه في الروووعه

اي نعم أحبها بس مو أي برنامج يعرض لااا.. بعض البرامج
دامك تمدح هالقناة أكيد أنها رائعة
جاري التطبيق بإذن الله

الهلالي
20-02-10, 01:45 AM
اي نعم أحبها بس مو أي برنامج يعرض لااا.. بعض البرامج
دامك تمدح هالقناة أكيد أنها رائعة
جاري التطبيق بإذن الله
جزاك الله خير

شوفي القنوات الوثائقيه عاده هدفها الفائده ، وطبيعي مو اي برنامج يعرض عليها يكون رائع عند الكل

ولكن كقناة تستاهل انها تكون عند اللي يهتم بهالقنوات



هذا اسمها الاصلي

ناشيونال جيوغرافيك ابو ظبي


وهذا ترددها

على نايل سات التردد 12226 افقي 27500.

الميسم
20-02-10, 01:55 AM
جزاك الله خير

شوفي القنوات الوثائقيه عاده هدفها الفائده ، وطبيعي مو اي برنامج يعرض عليها يكون رائع عند الكل

ولكن كقناة تستاهل انها تكون عند اللي يهتم بهالقنوات



هذا اسمها الاصلي

ناشيونال جيوغرافيك ابو ظبي


وهذا ترددها

على نايل سات التردد 12226 افقي 27500.


الله يجزاك خير ماقصرت
مشكور يالفارس الهلالي

اخو جميلة
20-02-10, 02:04 AM
ناشيونال جيوغرافيك ابو ظبي


وهذا ترددها

على نايل سات التردد 12226 افقي 27500.
الله يجزاك خير يالفارس الهلالي
والله ادور ترددها بشمعه
عندي عشق جنوني لقنوات الافلام الوثائقيه
قنوات الديسكفري والناشيونال جيوقرافيك
والجزيره الوثائقيه والمجد الوثائقيه
غير هذه القنوات في الدش ماتفرج شيء
لاهنت والله

بنوتة الخبر
20-02-10, 02:15 AM
انتو زيي تشوفو ناشيونال جرافيك:ola854:>انا ماكبرت(q33)
حلووووووه بس برامج الحشرات(hjh) وع
سمورتي....ياقمري....
انا اشوف رسيفر عادي وانتي شفري اللي تبين هذا نظامنا المتبع ولا لنا نية نغيره ان شاء الله
بالتوفيق ياقمر
مبــــــــــــــــــــــــــــــــــــــــــــــــ روك تأهل الهلال(ghqv)

الشـــــادن
20-02-10, 02:41 AM
رسيفـر العائله هو الافضل
شــامل لجميع القنوات االاخباريه والرياضيه والدينيه والاطفال والشعريه
وقنوات اخرى منوعـــــه

برأيي افضل بكثير من الفلـك والمجد

وأأمــن من الرسيفر العادي

وهـ بس قصيمنا
20-02-10, 03:09 AM
معليش سيمار
بس حبيت اسأل ايش هذا الفلك والعائله؟؟
مجموعه من القنوات ماتوجد بالدش؟!
وفيها اشياء حلوه ومميزه!!
فيها قنوات رياضيه وافلام ومسلسلات ماتجي الافيها!!
8
8
اذا هي كذا حلو دخلت الموضوع منشان احطها

والله يوفقك ويعينك اختي

لجماهير الهلال العظيمه,,الحب خالد والفارس
الف مبروك البطوله(qq172)ولوانهم لعبو باعصابنابس الحمدلله تحققت رغم انه خلاص جانا تشبع عظيم من البطولات
نبي اسيا الحين(qq18)
الفارس
الحمدلله خاب توقعي وفزنا(q39)<<موكل مره حيصيب

سيمار ليتك ماجبتي طاري الفوز عندك ناس عله
الله يعينك ههههههههههه
سامحينا(qq136)

الشـــــادن
20-02-10, 03:49 AM
هلا بك سيمار ..
مكره أخاك لابطل, حاولنا بس راسه وألف سيف ما يطلع إلا بهالمبلغ..(asj)


البرامج عشان أكون معاكِ صريحة مافيها تسلية بقدر ما فيها من فائدة ..
يعني البرامج الحوارية كثييرة , وأحيانًا الحق على بعضها وبعضها يفوتني
زي مثلًا برنامج يجي في الرسالة كل يوم أحد يستضيف الدكتور طارق الحبيب , هذا قمة المتعة بالنسبة لي يمكن غيري يشوف العكس .
وأختك في الله وبشهادة أهلها متسمرة أكثر الوقت عند طيور الجنة , أدري بتتعجبين بس قولي الحمد لله , شاديني مدري على أيش ..!!!
نرجع للمتعة , كل أنسان وذوقه , ومدري بالضبط أي البرامج الي تعتبرينها متعة
مثلًا أنا بالإضافة للبرنامج الي قلت لك عليه , فيه ايضًا الجزيرة الوثائقية , طبعًا مو دايم برامجها ممتعة أحيانًا وخاصة لما يكون البرنامج عن أدغال أفريقيا وحياتهم ومعتقداتهم هذي البرامج تعجبني وماودي تخلص ..
يعني الخلاصة ,,أعتبره بالنسبة لي مفيد أكثر من هو مسلي ..

أما الدش الي تقولين والله مدري أول مرة أسمع عنه ..
وشكرًا لسيمار ..










اقـول الميســم بما انك مثلي من عشاق طيور الجنه


وش رايك بجديدهم انشودة ديـمه ، وليـــن


انا الايام هذي بعد اناشيدهم الجديده ما افارق هالقناه :)

الميسم
20-02-10, 04:12 AM
اقـول الميســم بما انك مثلي من عشاق طيور الجنه


وش رايك بجديدهم انشودة ديـمه ، وليـــن


انا الايام هذي بعد اناشيدهم الجديده ما افارق هالقناه :)


زين فيه أحد مثلي
أجل خلاص باخذ راحتي
ومن سمعك , شدونا زيادة على هالأناشيد الجديدة حلوه بصراحة وفيها تجديد لأننا بصراحه ملينا من التكرار
مدري شفتي حفلتهم في الكويت ناقلينهاعن طريق قناة الوطن واستمرت لمدة ساعتين بس الصراحة راااائعة

ولد حمده
20-02-10, 04:15 AM
ان كنتي تبين راحة البال ياسيمار خليك على الريسيفر العادي واختاري القنوات المحافظه واحذفي الباقي وخلي له رقم سري

اما الريسيفرات اللي قلتي ياكلون الواحد اكل وما احبهم ولايمكن اشترك فيهم

الشـــــادن
20-02-10, 04:38 AM
زين فيه أحد مثلي
أجل خلاص باخذ راحتي
ومن سمعك , شدونا زيادة على هالأناشيد الجديدة حلوه بصراحة وفيها تجديد لأننا بصراحه ملينا من التكرار
مدري شفتي حفلتهم في الكويت ناقلينهاعن طريق قناة الوطن واستمرت لمدة ساعتين بس الصراحة راااائعة


اكييييييد شفتها ، وربي من الحماس كأني عندهم
ياحبيلهم


بالنسبه للي يقولون الرسيفر العادي افضل وتشفير القنوات
اعتقد صعب خصوصا اذا كان فيه مراهقين في البيت
ما تقدرين تتحكمين بالرقم السري ، سهل فتحه
لان فيه ارقام معروفه تفتح جميع الرسيفرات
وطبعا رسيفر العائله بدون اشتراك

الميسم
20-02-10, 04:46 AM
اكييييييد شفتها ، وربي من الحماس كأني عندهم
ياحبيلهم


بالنسبه للي يقولون الرسيفر العادي افضل وتشفير القنوات
اعتقد صعب خصوصا اذا كان فيه مراهقين في البيت
ما تقدرين تتحكمين بالرقم السري ، سهل فتحه
لان فيه ارقام معروفه تفتح جميع الرسيفرات
وطبعا رسيفر العائله بدون اشتراك

قضية التشفير فيها مخادعة للنفس ..
ومع وجود شباب صغار يستطيعون إعادتها بسهووله
أما العائلة لااااا سألنا عنه قبل تركيبه , لايمكن مشاهدة غير المرفق بالقائمة ..
اي نعم بدون إشتراك , دفعة أولى وخلااااص
صراحة أعتبره بديل ممتاز جدًا للعوائل الي توجد عندهم جميع الفئات العمريه ..

ام / عبد الرحمن
20-02-10, 05:18 AM
صباح الخير سيمار

انا اشتركت في المجد عشان العيال وهذا اول ما طلعت
والله يسلمك الى اليوم يشغلون التلفزيون ويعلونه حده وكل واحد يروح يدور له شي يلعب فيه >> يعني يشغلونه بس عشان يصير في حس تلفزيون هههههههه
الصراحة ممل واجدده كل مرة واتحسف

المهم دخلت موضوعك ابي اعرف عن العايلة والفلك ومميزاتهم

وانا عندي دش عام بس فاصلته >> لي فترة افكر احطه واشفر القنوات الغير مرغوب فيها بس مترددة وكلام بعض الاخوة شجعني بما ان عيالي توهم صغار وما يعرفون يفكون الرقم السري

حاليا اشبك لهم التلفزيون على الكمبيوتر ويطالعون افلام عائلية او كرتون او طيور الجنة انا محملتها قبل وشايفتها ومتأكدة من سلامتها >> لكن هالشغلة متعبة وتاخذ وقت

الله يوفقك ويسهل امورك ويقر عينك بابنائك

الشـــــادن
20-02-10, 05:19 AM
قضية التشفير فيها مخادعة للنفس ..
ومع وجود شباب صغار يستطيعون إعادتها بسهووله
أما العائلة لااااا سألنا عنه قبل تركيبه , لايمكن مشاهدة غير المرفق بالقائمة ..
اي نعم بدون إشتراك , دفعة أولى وخلااااص
صراحة أعتبره بديل ممتاز جدًا للعوائل الي توجد عندهم جميع الفئات العمريه ..



ادري ياحبي لك حتى حنا بعد عندنا رسيفر العائله مو بس انتـم (q33)

صح لا يمكن مشاهدة غير المرفق بالقائمة ، الشركه فقط هي اللي تتحكم بالقنوات


وانا ذكرت اخر كلامي انو رسيفر العائله بدون اشتراك
لان البعض يحسبه كذا ،،
وما قصدت فيه كلامي عن الارقام السريه وسهولة فتح القنوات
واعادتها ...