النظره الشرعيه بين الرفض والقبول

[عبير الورد 000]

كثير يسير هل الموقف الي يخلي البنت تنحبط
معروف ان الرد يجي بلا او نعم من البنت عموما
لاكن لاجاء من الولد وش يسير
سؤال خااااص للبنات ؟؟؟؟ (http://vb.qloob.com/redirector.php?url=http%3A%2F%2Fwww.glaksa.com%2Fv b%2Ft50419.html),ومايمنع مشاركة الشباب



السلام عليكم ورحمة الله وبركاته


سؤالي هو؟؟؟؟؟؟؟؟؟؟؟



ما شعور الفتاة التي يتقدم عريس لخطبتها


ثم يراها وبعد يومين تتصل أم العريس لتخبر أم الفتاة بأن




ابنها لم يوافق على الزواج من ابنتها وإن الزواج قسمة ونصيب ..




ارجو ان تعطيني رأيك بكل صراحه .. ولو مثلا مرّ عليك هالموقف في الحقيقه (تجربه سابقه)




( كيف راح تكون ردة فعلك ) ؟

اتمنى تجاوبكم وردكم على سؤالي

وعلى اي مقياس تم رفض البنت من الشاب هل هو عدم راحه ؟؟
او عدم اعجاب بالشكل !!

الاغلب ما يتقدمون الابعد سؤال عن البنت وعن شكلها

لكن يحدث هذا الامر بعد النظره الشرعيه وهو الرفض !!

يعني يكون راسم بباله صورة ملاك ؟؟ ولا يكون اهله ما وصولوا له الصوره بالشكل المضبوط؟؟

ومن الي يكون الغلط منه من الاهل ولا من الشاب ؟؟

وايهم يكون افضل انه لما يتقدمون يجون الاهل ويشوفون البنت ويكون الرفض ساعتها اقل وطأه ؟؟
ولا على طول النظره الشرعيه ؟؟

[بدون نك كلي لك]

تصدقين ذكرتين باخو وحده من صديقاتي تقول شاف ثنتين وما عجبنه تقول زوجته بشهر العسل وحنا بالحرم الرجل يصيح ويدعي يوم سألته قال ادعي للبنات اللي ما عجبنن ان الله يوفقهن باحسن من جد كبر بعيني هالانسان
اتوقع يرفض علشانه ما ارتاح له ولا الشكل مو مقياس لانه ما عمره شاف غير محارمه حتى لو كان يتشرط ويبي جميله ويشوف وحده غير المواصفات وارتاح رضى به هذه وجهه نظري

[ظغط عاالي]

يا سلااام عليك اختي عجبني طرحك



عاااد تدرين حنا بمجتمعنا مافيه نظره شرعيه ....الاعتماد كله على المواصفاات من قبل الاهل



لكن صراااحه اشووفها شغله محيره ...يعني اوووكي الولد يشووف البنت وبعدين يرفضها انا اعتبرها شغله تكسر الخاطر للبنت ...وبعض المراات اقووول يمكن البنت حلووه بس يمكن الولد ما زااانت بعينه ..او مو الجمال المطلووب عنده يعني نظرته تختلف عن نظره اهله للبنت



بعدين احس ان النظره الشرعيه مو كااافيه يعني تخيلي حيااه طويله عريضه تختصر بجلسه ربع ساااعه ..انا ما اقووول ان البنت لازم تجلس مع الولد اكثر من مره ...لكن والله النظره الشرعيه اعتبرها يعني شوووي مو كافيه للشاااب انه يقرر يرتبط بالبنت او لا


بعدين بعض البنات على حسب ما اسمع انها تلمع نفسها في النظره ...بمكياج وخلااافه



انا متحمس اني اشوووف رد البنات بهالخصوووص ...



واتمنى اتمنى اتمنى ان الموضووع ياخذ شوووي جديه لانه والله مهم بالنسبه لنا حنا يا الشباااب خصوووص ..



والله يجزاااك خير على هالطرح

[عالي المستوى]

طيب ليش مانقول

ان الله سبحانه يبي يبدلها بواحد افضل منه

وهو يبي الله يرزقه افضل منها

وانتهى

[سفير شمر]

وعليكم السلام ورحمة الله وبركاته

اعتقد انا ان سبب الرفض هو الشكل فقط
ولا هل الراحه تجى من نظره يمكن لا ويمكن ايه
ولكن الشباب هذى الايام يبحثون عن الشكل قبل كل شى


اذكر واحدن جاء يخطب من احد الاقارب ومعه امه واحد خواته وهو عارف ان الشايب ماراح يوافق
انه يشووف البنت ؟ طلب من امه واخته ان يشوفنها وعندنا سألن عن العرووس وينها ردت امها عليهن
وقالت العرووس رايحه الى السوق ؟ قامت اخته ودقت عليه قالت البنت ماهى موجود (وهى موجوده بس العجوز ماتبي يشفنها ) قال الولد يالله اطلعن وقوم ابوه واللى معهم قبل لا يعقد العقد وعندما سألووه لماذا طلعت قال لو البنت مزيوونه كان جلست امها تستعرض بها قدامك يا امى بس البنت ماهى مزوينه ؟ وهى تعتذر تقول بالسوق من معه بالسوق اذا ابوها واخوانها حاضرين بالمجلس

انا ايدت كلامه ورده فعله اتخذذ خطوه جريئه قبل ان تطيح الفاس بالراس

[سنى البدر]

أعتقد المسألة مو أعجاب بقدر ماهي قبول

إذا حصلت الرؤية الشرعية يكون بينهم قبول كذا من الله

أعرف وحدة من الرؤية الشرعية وهي ما أرتاحت تحس بعدم قبول

وأمها تقول بعد الزواج تتعودي عليه وتحبيه

صار الزواج والبنت تحاول تتقبله بس ما قدرت بعد عدة شهور حدث الطلاق

طرح رائع

يعطيك العافية

[منــــــال]

النظرة الشرعية مهمة جداً
ومو المفروض أحد يرضى في ذا الوقت يتزوج بدون ما يشوف البنت

وبخصوص الشكل مو كل شي في النظرة لان أكيد الأهل قبل شايفينها فماراح يختارون وحدة بشعة
بس الأهم هو التوافق النفسي
الرسول صلى الله عليه وسلم قال الأرواح جنود مجندة فما تعارف منها ائتلف و ما تناكر منها اختلف

في تجربة سابقة خطبنا لأحد أخواني بنت جميلة جداً سبحان اللي خالقها
لكن وقت الشوفه بعد ما شافها تفاجئنا انه يقول مره ما أرتحت لها

أمي بغت تنجن قالت بتفشلنا مع أهل البنت والبنت ما شاء الله مو ناقصها شي
ما قدرنا طبعاً نجبره وأمي اعتذرت من أهل البنت وهي محرجه

بعد فتره خطبنا له وحده جميله ولكن أقل جمال من الأولى
وطلع من الشوفه وهو مبسوط على الأخر ومنهبل عليها


بعض الناس عندهم طاقة إيجابية وجاذبية خاصة فيهم تجذب لهم الناس

[تفداهـ روحي]

عاااد تدرين حنا بمجتمعنا مافيه نظره شرعيه ....الاعتماد كله على المواصفاات من قبل الاهل

الصراحه شي صعب ان الشاب مايشوف البنت والعكس

وبعدين ايش السبب الي يمنع النظره الشرعيه

وبعدين ماراح ينسو هذاك اليوم الجميل

[بدون نك كلي لك]

لالا ضغط عاااالي مو كل البنات يتلمعن ويحطن مكياج اهم شي ترتب شعره وتحط قلوس هذا المتعارف عاليه وان زادت مسكار بس يمكن فيه ناس قبل يحطون مكياج ويدهرون بس الاغلبيه شي بسيط ونااااعم

[تيميد]

موضوع مهم جدا وصعبً للطرفين


أنا أتمنى من البنات إنهم ينظرون لمسألة الرفض بإيجابية أكبر. فكثير من الأحيان الرفض يكون بسبب عدم قبول القلب، أي ببساطة لم يؤدم بينهما. فلتعتبر هي خصوصاً وكلاهما عموماً إن هذا رحمة لهما وإلا لم شرعت؟، حتى لو كان سبب الرفض الشكل، أحسن من يوافق – ولو كان ما يخاف الله- بعد خمس أو عشر سنين زواج إذا عدد ولا حصلت مشاكل يقول أصلاً من الشوفة ما كنتي معجبتني بس النصيب!! وهذا مب خيال أعرف واحد والده عمل هالتصرف يقول وقع الكلمة على امي وعلينا كان كالسم، حتى يقول يوم جا وقت زواجي واخواني وبدا البحث صرنا نوسوس ونصر على أن تكون الشوفة تمام ويكون قبول كامل.


وأنا عندي اعتراض على بعض النقاط في الشوفة والي تخفف من مسألة الرفض ووقعها:


المفروض يحرصون الاهل على التبكير بالشوفة مب تصير آخر شي مرة بعد ما يتعلقون ويكثر التفكير والاماني، يعني يسألون عن الشاب مبدئياً عن الأشياء الاساسية والمهمة لهم وللبنت وبعدها يشوف البنت وبعدها يفصَلون فيه على كيفهم ويردون رد نهائي متى ما بغوا. فكما تسمعين ونسمع إن الشوفة كانت سبب بعد الله في قبول طرفين ما احد يتوقعهم لبعض وسبب بعد الله لرفض طرفين يمكن مفصلين لبعض على قولة البعض!. فهذا دليل ان لها دور أساسي جداً في الزواج فهل منطقياً مكانها في الآخر؟!.



الوقت: بعض الآباء او الاخوان ما أدري وش يفكرون فيه يبون تكون الشوفة في أقل وقت ممكن، يعني ثواني وبالكثير دقيقتين أو ثلاث!!! ياناس زواج هذا مب لعب عطوهم فرصة شوي خلوهم يتكلمون شوي، بعض الناس يخلون الشوفة زي توظيف عارضات الازياء الولد جالس وبجنبه ابو البنت (لجنة القبول) وتجي البنت وتقعد زي الصنم!! فسؤالي للبنات هل رفض الشباب يدل على عدم قبول الشكل ولا الطريقة هذي أصلاً هي الي تخلي المسألة قبول لشكل أو رفض لشكل غصبٍ عنه؟!



تواجد ابو البنت أو الاخ الاكبر أو كلاهما حتى!! ماله داعي، يكفي لازالة الخلوة تواجد أحد إخوان البنت أو ولد اخوها عشان أخف وأريح للطرفين مب صح؟ تصرف بسيط بس أثره رائع.



ختاماً، يجب على أهل البنت تهيئتها وعدم شحنها بالأفكار السلبية مثلاً: إذا أعجبهم الشاب تلقينهم أنواع عبارات الاعجاب عساه من نصيبك عساك تعجبينه، وإذا سألتهم البنت وش بيصير يقولون إذا أعجبتيه مب طالع من البيت الا معطي الموافقة، بينهبل مدري ايش ومن هالكلام. بالعكس المفروض يقولون له إن هذ من حقك زي ما هو من حقه وحاولي تشوفينه واختبري شعورك وإذا رفضك فاحمدي الله.


أختي المسلمة لو خيرتي بين شاب تمام وكلٍ يمدحه وشاب عادي ولكن سعادتك مع الثاني من تختارين؟ أكيد الثاني، ولكن هذا في علم الغيب أما اختيارنا بما اننا لا نعلم الغيب فسيكون للأول على طول فكيف تحصلين على هالميزة؟ بدخولك الشوفة الشرعية مستخيرة متوكلة داعية ربك ولن تشوفي الا الخير بإذن الله


بس، عسى ما طولت (qq115) كلام ببالي حبيت اقوله
شكراً على الموضوع، والله يعين

[» سنيوره «]

صراحه موقف صعب .. وفيه جرح لـ غرور الأنثى بطريقة غير إرادية

حنا سالفة الشوفه مو عندنا والحمدلله موفقنا الله بحياتنا

اذكر يوم يتقدم لي واحد قبل زوجي خال وحده من زميلاتي بالمدرسة
وجت أمه بتشوفني قلت لأمي وأبوي والله ماطلع لو تقتلوني
اتخيل شكلها تناظرني من تحت لـ فوق هذا اللي بقى
وبعد يوم اتصل ع أبوي قال انا ابيها لو ماشفتها أمي
وانا رفضته .. أخواني يقولون أسمر وطويييييييل و وظيفتة باااايخه

تحــــــــــيااااتي لك أختي عبير الورد ,,

[طالبة رحمة الله]

بصراحه عجبني المووضوع

وودي اتكلم في براحتي بس لازم التحفظ شوي..

النظرة الشرعيه لازم منها وهي من حق الطرفين..

انا كبنت ماارضى أتزوج واحد بدون مايشوفني واشوفه لان هالنظرة هي اللي تحدد مشتقبلي انا وهو...

وبالنسبه للرفض من قبل الولد بصراحه فشيله ويسبب جرح كبيييييير واحراج للبنت وفوق كل هذا بينكسر خاطرها..

بس من واقعي اللي اشوفه رفض الشاب للبنت موب لسالفه الشكل لا من ناحيه الارتياح فقط..

اخوي خطب وحدة وشافها من ناحيه الشكل ماعليها خلاف مقبوله بس ماارتاح لها ..

وصدقوني بالنظرة الشرعيه اذا حصل الارتياح بين الطرفين مابيلتفتون للشكل ..

اعرف وحدة ملكت وطلقها زوجها وهي بصراحه مزيوووونه وقال انا ماارتحت لها واعرف انها حلوة بس قلبي ماارتاح لها..

يعني الموافقه من الطرفين على الارتايح فقط وليس الشكل.

عوافي..

[هدي اعصابك]

مو بس البنت بعد فيه واحد يقربلي خطب اكثر من ست مرات
واذا دخل للنظره الشرعيه هو يوافق والبنات يرفضن
يقولون بيكملون دراستهم
مع ان اخوي يقول انه مملوح وشكله مقبول بس الله اعلم
اته ربي ماوفق بين الارواح وتراه ازين من تتزوج ولا يتزوج ويكونون مو مرتاحين لبعض

[رغادي]

اذا رفض الشاب مو شرط انها ماعجبته احتمال يكون مارتاح لها
وشوفت الاهل للبنت قبل الشاب يكون افضل علشان تكون عنده خلفيه
على بعض الاشياء
انا اهلي رفضوا النظره الشرعيه بس هوه مارتاح سوى ليه كمين وشافني
ولاعرفت الا بعد الزواج قلي وقلت هب عليك وانا يغافل لكم الله
قال هذا زواج مو لعبه هههههههههه
عبير الله يكتب لكي مافيه صلاح وويوفقك يارب

[احبك ياماما]

أكيد إحراااااج وموقف صعب وحنا ماعندنا
النظره الشرعيه يصير ماخذ معلومات من أمه
وأخوااااااااته وكفااااايه مالها داعي النظره
تحياااااااتي

[الجارح]

أنا بقولكم قصه حصلت لواحد من الشباب ,,,
تقدم لخطبة فتاة وبعد ما واقفوا اهلها طلع وبلغ أخوانه وعيال عمه واهله وكلهم أستغربوا انه ما قال ابي النظرة الشرعيه لانها يمكن ما تكون البنت الى يبيها وماهى بزينه ومن هالقبيل ,,,,,,,,,
المهم بعد مافكر أخونا في الله قال ليش ما أقول لأخوها الملتزم وهو يزين كل شي ,,,,
وافق اخوها وحددله يوم وجاء عريس الغفله وشاف الشوفه الى تسر وطلع ,,,,,
ولـــــــــــــــــكـــــــــــن المصيبه ان البنت هي الى رفضته بعد هالنظرة لانه طلع عكس الى كانت راسمته لان امه مصورته لهالبنت على انه غير ,,,,,ههههههههههههههههههههههه
وهو الله يستر عليه ,,,,,, شوين هههههههه والبنت صااروخ ,,,,,,,,
عاد يوم رفضته بغى يموت من القهر يقول لو انى ما سمعت كلام اخوانى وزملائي و وما خليتها تشوفنى الى في وقت الزواج وأحطها قدام الأمر الواقع كان ماصار الى صار ,,,, طبعا كل شي قسمة ونصيب ,,,,,,
شفت الموضوع وتذكرت هالقصه قلت اقولها لكم ,,,,,
الف شكر أختى ,,,على الموضووع