حادثــــــــة المريدســية

[مستغرب]

بسم الله نبدأ وبه نستعين

يا أحبائي هذه القصة مر عليها زمن طويل من الزمن ( كن الجملة فيها خطأ )
لكن هذا في يوم من الأيام كنا نمشي في مزارع القصيم الغربية ( الخبوب ) وكان لنا مزرعة هناك في المريدسية المهم نحن كنا خمسة أشخاص
أنا ( وأعوذ بالله من كلمة أنا ) وأخوي ( وأعوذ بالله من كلمة أخوي ) والشوله (ما تعرفونه) و الاشدف ( برضوه ما تعرفونه ) وولد أختي الدبي وكنا في يوم صائف
وكنا نمشي وحولنا الماء والماء من حولنا
المهم أن ولد أختي دوبي أكبر من الدبدوبة مرتين ونص ومع كثر المشي مات من الحر وعجز يمشي
قال لأخوي يا خال
قال أخوي خل الله وريدك وش تبي
قال ميت حر ودي أسبح
أخوي أنضم له إبليس في هذه اللحظة .. وفكر وقال ليش ما أخلي هالدب يتأدب ولا عاد يشكي
التفت علي قال وش رأيك يا مستغرب نخليه يسبح في برتسه ( بركه يوجد فيها ماء حوض سباحه لغير الناطقين بالقصيميه ) أبو دحيم ... وهذا ابو دحيم حاط على جدران البرتسه شحم عشان اللي يطب ما يقدر يطلع ( يتزحلق إذا يبي يطلع )
قلت لا أنت مهبول والله لو يطلع عليه ابو دحيم أن يسلخ جلده سلخ
قال لا ما عليك ابو دحيم تحصله متغدي قرصان وملحق القرصان بطاسة لبن ما والله يصحي الا بكرى
قلت تتوقع كذا ... قال أيه .. قلت ربنا يئدم اللي فيه الخير
قال أخوي :: أسمع يالدب بخليك تسبح بس بشرط أنك تفسخ أثيابك هنا وبسرعة تطب في البرتسه رأس ... قال الدب ماشي يا خال بس خلن أسبح
الدب ما صدق خبر وطار وطب راس ما أمداه يطب راس الا ابو دحيم طالع من الجهة الثانيه ومعه عصى
قال الشوله طلع لكم أبو دحيم ومعه عصاه ( راح فيها الدب )
صوتنا للدب قلنا له اطلع بسرعة جاك الشايب
الدب يبي يطلع عجز كل ما وصل نصه يطلع زلق ورجع ويصوت خوال طلعوني
قلنا ما علينا منك
ويقرب له الشايب ويضربه بالعصا ويقول أطلع كانك رجال يالدب
والدب ينط ويزلق مره ثانيه ويرجع للبرتسه والشايب هات يا تلحيط بظهره
وهو يصارخ .. جلس على هالحاله أكثر من ساعه وجلده صار حمر من الضرب

قصصنا لكم هذه القصه بمناسبة تسجيل الدبي معنا في المنتدى
الف الف تحيه للدبي ( تحيه للدبي ) الف الف سلام للدبي ( سلام للدبي )
ودئي يا مزيكا ... ورئصني يا قدع

مرحبا بالدبي معنا

[الدبي]

هههههههههههههههههه

هين اوريك يا عصلين
جابن هنا تشرشحن
والله لا اقول حادثة الساقي
واقول حادثة حوش البقر

اوالله خال يشرشح ولد اخته

[مستغرب]

اعقل يا دب

أنا منزل موضوع ترحيب فيك أنت وخشك

وبعدين نسيت يوم اشري لك حلاوي برميت وتيم

صحيح ما عندك وفاء

[الدبي]

يا أخي ذليتنا عند هالريالين
اشتريت لي فيهم هالحلاوه والتيم
وكل اللي يقربون لنا عرفوا هالقصه
تعال لمي وخذ عشرين الف

[مستغرب]

خلاص يا دب روح نزل موضوع ترحيب فيك في مضايف قصيمي نت

ترى ممكن يطردونك

[الدبي]

يا رجال اي اروح يضيفوني
هذا وانت خالي هذي ضيافتكم شرشحه
لكن بالليل يكون خير
اوريك كيف انزل موضوع ترحيب

[بوصلة احساس]

هلا والله بالدبي

لوانا منك اروح اجيب له بريالين خبز

واقعد ذله بالخبز

:)

......

[مستغرب]

أضغط تسجيل خروج بس قبل تطلع

وأنتبه ترانا حاطين في الجدران للمنتدى شحم

[مستغرب]

يا رجال اي اروح يضيفوني
هذا وانت خالي هذي ضيافتكم شرشحه
لكن بالليل يكون خير
اوريك كيف انزل موضوع ترحيب


خلاص يا بعد تسبدي ليش زعلت

برسل لك وجبتين كودو ... ولا تزعل

[العاذريه]

هذا وهو ولد اختك

اجل حنا مانشره عليك

الدبي

اسفط خالك على جنب

و انا الله احياني ابنزل بك ترحيب وبنشيله حنا يافتيات المنتدى

>>>

لا تعلق على فتيات يامستغرب

ولا والله لا اسجل خروج وارجع...

[مستغرب]

هلا والله بالدبي

لوانا منك اروح اجيب له بريالين خبز

واقعد ذله بالخبز

:)

......

ما يقدر يذلني

هو عارف جيدا

[مستغرب]

هذا وهو ولد اختك
اجل حنا مانشره عليك
الدبي
اسفط خالك على جنب
و انا الله احياني ابنزل بك ترحيب وبنشيله حنا يافتيات المنتدى
>>>
لا تعلق على فتيات يامستغرب
ولا والله لا اسجل خروج وارجع...


ولد أختي وأنا حر فيه
بعيدن أمه موصيتن عليه

أمحق فتيات
عمرك شفت فتيات أعمارهن ما تنزل عن الخمسين

وين راح الدبي شكله زعل

[العاذريه]

عمرك شفت فتيات أعمارهن ما تنزل عن الخمسين



حرام عليك يامستغرب .. باقي لي 3 شهور وادخل السبع واربعين

توي بعنفوان شبابي

الدبي

تعال وانا خالتك..لاتزعل

<<<

وش دخلتس انتي يالملقوفه

مستغرب وولد اخته الداخل بنهم مفقود والخارج مولود

معليش يالدبي ايدي تحكن ...

[برجس]

يالله حيهم :)
ممكن ندخل بينكم
او هذي مشاكل عائليه ويمنع التدخل؟
علمنا تكفى
اخاف يجين بوقس يمشي مليون
والا طراااق يمشي ثلاتلاف
والا ركبه تمشي تررررليووون
والا قبسه تمشي عشرطعش
والا ... <<< اقول انثبر بس (وجه حمتز)

اجل يالمستغرب وهقت الدبي وخليتوه يطب بالبرتسه راس :)
ههههههه
تخيلت الشايب وهو يلحطوه بالعصى (as15j)
ياشين تسذا
موقف محزن وفي نفس الوقت مؤثر ويندرج تحت الموقف المؤلم :)

ياحووول يهالدبي هاكين عليه انتم ياخواله
الله لايوليكم على ايتام

بس خل عنك يالمتسغرب
شكل الدبي بوه حقه
والدليل ناظروه يرادك بالهرج ومطولن لسانه عليك !!!
هذا نطحنا
اجل عند امه وش يزين
الله العالم انه يحلتكم بصحون الاتسل والقدور :)

ارجع واقول مشاكل عائليه وماودنا نتدخل :)
<<<< كتب معروض واخر شيء يقول مشاكل عايليه :)

(ern)

[الشنفرة]

وكنا نمشي وحولنا الماء والماء من حولنا

مستغرب عبقري

بجيك انتظرني

[البـ ـ ـ ـ ـدر]

ههههههههههههههههههههه
هههههههههههههههههه
هههههههههههههه
هههههههههه
ههههههه
هههه
ه
هههه
هههههههه
ههههههههههه
هههههههههههههه
ههههههههههههههههههه
هههههههههههههههههههههه

مستغرب اثاري الحال من بعضه حنا يالخوال

ههههههههههههه الخ....

ونفس الضحكه السابقه مالي خلق اعيدها


والمشكله الدوبي احس انه ضعيّف وانكم ماكلين حقه

يووووووه ذكرتني بالتيم وحسن كراني ومسلسل افتح ياسمسم اللي بالانقليزي

اله يرج سعاده سمو شيطانك يامس مس :)

مس مس = تدليع السيد مستغرب :)

اشوف خششكم على خير

[الدبي]

اقول مستغرب
شكل الربع يبون حلقلك
يعني فرصه لي انزل كم موضوع
وعلى فكره تجيب لي كودو انا واولادي
وكل واحد وجبتين
والعاذريه تبي تنزل موضوع ترحيب فيني
بدون منه منك
قال ترحيب قال

[الدبي]

والمشكله الدوبي احس انه ضعيّف وانكم ماكلين حقه

البدر ليش ما تصير رجال
أي ياكلون حقي أنا آكل حقهم وحق جيرانهم

[مستغرب]

أنا أقول ليش المنتدى جنح يمين

أثرك دخلت يالدبي

قال ايش قال معا نحو المجد

قل معا نحو المفاطيح تركب هذي صح معك

خلاص أبشر أجيب لك ولعيالك المشكله كلكم حجم عائلي يالله يكفي كل واحد وجبتين

لكن راميو ماراح اجيب له

[الدبي]

لا تتطنز بعيالي

[مستغرب]

لا تتطنز بعيالي

سم وأبشر

[شيهانة]

مستغربووووو
ما تحملناك يالغثة لحالك
جايب ولد اختك معك ..
ما اقول الا الله يعينا على دبلة التسبد

[ابو خلف]

حياكم الله كلكم

على العين وعلى الراس



تحياتي لكم

[العاذريه]

مستغربووووو
ما تحملناك يالغثة لحالك
جايب ولد اختك معك ..
ما اقول الا الله يعينا على دبلة التسبد

لا ياشفايف هذا معه شهادة حسن سيرة وسلوك

مهب مثل خاله مطرود من مدارس بريدة كلهن

ومالقى غير هالمنتدى يضفه..واللي يقهرتس بعد

الا شفتيه متسلط على ذوو القربى<<<ياحبيلي الا تحمست

اخلط زيت وما...

وشف يالدبي ..روميو ازهله ارسله وجبه مع سواق شفايف

وغصبن عليه..بس خلك حليل معنا..مهب الا قام سوقك بالمنتدى

تسلطت علينا حنا الضعوفه...يحوووول يانا..

مستغرب

تسيف الحال<<<ترى هالكلمه توقيع....هههههه

[العقلاني]

هلا والله وألف مرحب بك في المنتدى
بس إتصدق أنا أيد كلام مستغر ب في هذه الحكمة



أضغط تسجيل خروج بس قبل تطلع

وأنتبه ترانا حاطين في الجدران للمنتدى شحم


تحياتي ؟؟ العقلاني

[رزين]

قصة ممتازة يا مستغرب لكن ممكن اسوي لها عنوان وهو
مهابيل المريدسية اذا دخلوا المنتديات ايش يسوون ؟؟؟
انت تعرف المثل اللي يقولون عن المريدسية انهم (سبحوا الديك ههههههههههههه)
ما شاء الله عليهم على هالدين الخبوبية ههههههههه
الحين انتم يا مستغرب شابكين النت من ذيل بقرة المريدسية والا اذن عنز الحمر ؟؟ هههههههه

[مستغرب]

يالله حيهم :)
ياحووول يهالدبي هاكين عليه انتم ياخواله
الله لايوليكم على ايتام
بس خل عنك يالمتسغرب
شكل الدبي بوه حقه
والدليل ناظروه يرادك بالهرج ومطولن لسانه عليك !!!
هذا نطحنا
اجل عند امه وش يزين
الله العالم انه يحلتكم بصحون الاتسل والقدور :)

(ern)

هلا بفلان
ياأخي أسمك قضيه فيه تأبيده لحاله
يا رجل هو اللي هاك علينا
ياكل نص الفطور ويقول أنا على طول أجوع
ويشرب الروب شرب
وتشوف وشلون يرفع لسانه على خاله

وفعلا اذا صار عند أمه موضي يرتفع لسانه بالحيل

شكرا لحضورك يا فلان

[مستغرب]

مستغرب عبقري

بجيك انتظرني


أتحداك تجيب مثل هالجملة

أبذبح بعيرا حول بليلة ظلمى

[مستغرب]

والمشكله الدوبي احس انه ضعيّف وانكم ماكلين حقه

يووووووه ذكرتني بالتيم وحسن كراني ومسلسل افتح ياسمسم اللي بالانقليزي



أهلا وسهلا بالبدر

يا أخي الدبي هذا ياكل حقه وحق عشرين معه
لا تتساهل فيه تراه داهيه خصوصا عند الأكل

ما تذكرت كمان البرندا

[مستغرب]

مستغربووووو
ما تحملناك يالغثة لحالك
جايب ولد اختك معك ..
ما اقول الا الله يعينا على دبلة التسبد


شفت بالدبي خليت الناس تتكلم علينا

اقول براطم عنب

ترى كمان بكرى بينزل ثلاث أسماء كمان من أقرباءنا

وسوف نشكل لوبي هنا

[عبْث]

اعقل يا دب

أنا منزل موضوع ترحيب فيك أنت وخشك

وبعدين نسيت يوم اشري لك حلاوي برميت وتيم

صحيح ما عندك وفاء


شف قلة الحيا خالك وشاريلك حلاوة واخرتها تسوي كذا

خلاص مستغرب اشترها لي واصير خالك ولايهمك خلك منه



منووووووووووووووووووووووووووور يالدبي

[مستغرب]

حياكم الله كلكم

على العين وعلى الراس



تحياتي لكم


حياك الله أخوي ابو خلف

الله يسلمك هذا والله من طيب أصلك

[مستغرب]

هلا والله وألف مرحب بك في المنتدى
بس إتصدق أنا أيد كلام مستغر ب في هذه الحكمة

تحياتي ؟؟ العقلاني


الحمد لله لدينا مؤيد

[مستغرب]

قصة ممتازة يا مستغرب لكن ممكن اسوي لها عنوان وهو
مهابيل المريدسية اذا دخلوا المنتديات ايش يسوون ؟؟؟
انت تعرف المثل اللي يقولون عن المريدسية انهم (سبحوا الديك ههههههههههههه)
ما شاء الله عليهم على هالدين الخبوبية ههههههههه
الحين انتم يا مستغرب شابكين النت من ذيل بقرة المريدسية والا اذن عنز الحمر ؟؟ هههههههه

لا تستهر فينا

بعدين أحسن منكم إحنا

تذكر يوم أنكم تربطون الفورد ( الهاف ) في النخله وتحطون له علف

وإحنا الحمد لله شابكين الانترنت على الساقي ومادين لي كمان لجيراننا

[مستغرب]

شف قلة الحيا خالك وشاريلك حلاوة واخرتها تسوي كذا

خلاص مستغرب اشترها لي واصير خالك ولايهمك خلك منه



منووووووووووووووووووووووووووور يالدبي


هاللحين من تعني أنت
تعنين أو تعنيه

حدد قبل أتهور

[شيهانة]

لا ياشفايف هذا معه شهادة حسن سيرة وسلوك

مهب مثل خاله مطرود من مدارس بريدة كلهن

ومالقى غير هالمنتدى يضفه..واللي يقهرتس بعد

الا شفتيه متسلط على ذوو القربى<<<ياحبيلي الا تحمست

اخلط زيت وما...

وشف يالدبي ..روميو ازهله ارسله وجبه مع سواق شفايف

وغصبن عليه..بس خلك حليل معنا..مهب الا قام سوقك بالمنتدى

تسلطت علينا حنا الضعوفه...يحوووول يانا..

مستغرب

تسيف الحال<<<ترى هالكلمه توقيع....هههههه
عاذرية
المشكلة ان ثلثين الولد خاله..
ومادام ان خاله مستغربو..اغسلي يدك بمرق
والله لو يجيب شهادات حسن سيرة من مدارس بريدة كلها..ما منها فايدة
,,,,,
وبعدين تكفين لا تجيبين طاري سواقي
ليه مجنونة ارسل سيارتي لعيال الدبي ..عشان يعدمونها..ويحكونها
خبرك دببة
الا وانتي الصادقة ما يضفهم الاحوض دتسن اخوتس الدحمي..
الا ان كان هريدي يبي يصلح سيارتي في ورشتهم..
وش رايك ..مستغربوووووووووو

[مستر هريدي]

مراحب بيك ياجدع انتا ياتخين ...

هو خالك ده يسلم من شره حد ..
طب تصدا انا من يوم جيت السعودية على كفالت خالك النحس وانا في هم وغم واخرتها هاربان والقوازات بيدورا عليا ..

تيجي نقوم بعملية اغتيال لخالك ونخلص منه ...

هريدي مستنزرك ...

كفيلي مستغرب ...

انتا تحفة وربنا وعليك متخرمات ماتخرش المياء ....

فتك بعافية ..

[المُهرة]

امحق خوال http://www.qassimy.com/vb/images/nasser/guq1smm.gif

لوني منكـ يا الدبي يوم جيت تطب بـ البرتسه تليت كل خال مع علباهـ وطبيت بهم معكـ

خل أبو دحيم يكسر العصا على ظهورهم (q67)

[مستغرب]

مراحب بيك ياجدع انتا ياتخين ...
هو خالك ده يسلم من شره حد ..
طب تصدا انا من يوم جيت السعودية على كفالت خالك النحس وانا في هم وغم واخرتها هاربان والقوازات بيدورا عليا ..
تيجي نقوم بعملية اغتيال لخالك ونخلص منه ...
هريدي مستنزرك ...
كفيلي مستغرب ...
انتا تحفة وربنا وعليك متخرمات ماتخرش المياء ....
فتك بعافية ..

شوفوا يا جماعة إن سمعتوا إن فيه ببريده صعيدي مقتول

فعرفوا أني أنا القاتل وهريدي المقتول

[مستغرب]

امحق خوال http://www.qassimy.com/vb/images/nasser/guq1smm.gif

لوني منكـ يا الدبي يوم جيت تطب بـ البرتسه تليت كل خال مع علباهـ وطبيت بهم معكـ

خل أبو دحيم يكسر العصا على ظهورهم (q67)


وإن كمان سمعتوا كديش ميته إعرفوا أني أنا موتها
بحط لها سم في العلف

[المُهرة]

وإن كمان

كمان وإلا كمنجه (q88)

قصمنجي ويقول كمان (q74)

هقوتي إنكـ يا الضب الأجرب الأشهب راضع(ن) من فتو أم خنجر (q103)

[مستغرب]

كمان وإلا كمنجه (q88)

قصمنجي ويقول كمان (q74)

هقوتي إنكـ يا الضب الأجرب الأشهب راضع(ن) من فتو أم خنجر (q103)


المهره ........

أتمنى لك الشفاء العاجل

[فجر]

السلام عليكم ورحمة الله وبركاته

يحليله ياختي عليه... هذا ولد اختك دمه خفيف بعد الظاهر طالع عليك..

المهم ما ابي اتدخل بمواضيع ومشاكل اسريه

ويقول المثل ((يا داخل بين البصله وإشرتها ما ينوبك الا رحتها ))

شرط الحين يقول مستغرب هذي مسبه ...تشوفون ..

شكاك اعوذ بالله ..

[المتحد]

أنا اقول ليش السيرفر رايح فيها
واثر البلا من الدبي
دبي = ابو ظبي
مستغرب تحيتي العبقه لأخواننا في الأرياف الغربيه
من الدعيسه والحمر والمريدسيه ( ونعم بالفلاليح )
<< يخطط على محفر سكري وتسان مابوه لو يتهيا لوبا او كوسه
.

[الشنفرة]

هين اوريك يا عصلين
جابن هنا تشرشحن
والله لا اقول حادثة الساقي
واقول حادثة حوش البقر

اوالله خال يشرشح ولد اخته

تكفى خلينا نسمع فضايح مستغربوه

اصلا هو مو ناقص

[المُهرة]

المهره ........

أتمنى لك الشفاء العاجل

مافيه سبيل للشفاء إلا بمرقاع على العترا

وش رأيكـ تخاويني يرقعون عتراكـ بعد أنت (q88)

[مستغرب]

ويقول المثل ((يا داخل بين البصله وإشرتها ما ينوبك الا رحتها ))

شرط الحين يقول مستغرب هذي مسبه ...تشوفون ..

شكاك اعوذ بالله ..


لا المثل مفهوم وش قالوا لك ناس ما نفهم إحنا

إحنا الي عبينا الهواء في أقزيز

لكن حددي من البصل ومن قشرتها

[مستغرب]

أنا اقول ليش السيرفر رايح فيها
واثر البلا من الدبي
دبي = ابو ظبي
مستغرب تحيتي العبقه لأخواننا في الأرياف الغربيه
من الدعيسه والحمر والمريدسيه ( ونعم بالفلاليح )
<< يخطط على محفر سكري وتسان مابوه لو يتهيا لوبا او كوسه
.


هلا بالمتحد باشا

والله الخضره لكه جلبناه للسوق اليوم

لكن فيه تالي بيدجان تسان ودك بوه مع شوي

أبشر من عيوني وفيه لبن تسان لك خاطر

[مستغرب]

تكفى خلينا نسمع فضايح مستغربوه

اصلا هو مو ناقص



والله لو يقول شي لأأعلم أمه موضي عليه

[مستغرب]

مافيه سبيل للشفاء إلا بمرقاع على العترا

وش رأيكـ تخاويني يرقعون عتراكـ بعد أنت (q88)


انتي ما هو نافع معك لا عترا ولا غيره

يالله يصبخون على راسك

[العاذريه]

احس اني بالخبوب سنتر

المتحد ومستغرب

ترجموا الله لايهينكم

[فجر]

لا المثل مفهوم وش قالوا لك ناس ما نفهم إحنا

إحنا الي عبينا الهواء في أقزيز

لكن حددي من البصل ومن قشرتها

وشنو الفرق ؟؟ مهو كلو بصل ؟؟؟

شفت فهمتني غلط... قايله ..انك راح تظن فيني

.

[الدبي]

لا فيه فرق انا البصله وهو إشرتها
لأني مليان وهو حفيان

[الوســـم]

هههههههههه

الله يقلع ابليسك يامستغرب


(q74)(q74)(q74)(q74)(q74)(q74)(q74)

مت من الضحك وتشققت مصارين قلبي من القهقه وجتن تشوهات بالبراطم السفلى من كثر ماأعض عليهن

والبراطم العليا ولله الحمد ما جاهن شي
(q38)


(q74)(q74)(q74)(q74)(q74)


تسلم على هالموضوع الجميل

:)

[المُهرة]

انتي ما هو نافع معك لا عترا ولا غيره

يالله يصبخون على راسك

ماش يا مستغرب يا قشرة البصلة(q94)

صبخت أمي على راسي ودتس وحلتيت ورشاد وخل وعنزروت وكراث معصور وجرير مقطع وربطة راسي بباغة التميمي (q67)

وجلست الباغة على راسي حول كامل ولا نفع فيني المذكور اعلاه(q73)

لذلك قررت (q65)

اني أروح ارقع عتراي وعتراكـ بكم مرقاع يمكن يمكن يمكن نتشاوا(q71)

تولم يا مستغربووووهـ

أنت توحي (dfgdgdgd)

[دلع عيني دلع]

حسبي الله على بليسك يامستغرب ... مت من الضحك ... يحول يالدبي رااح فيهاا ..

اشوااا انكم مانتم خواااااالي .......’’


كان رميتوني في الترعه ..(oo)

*

*

أقول المهره .. يعني ايش ( عترى ومرقااع ... من جد أسأل ) <<<------- كانه انجليزي :o

*

*

ومنورنا الدبي ...


(ern)