المساعد الشخصي الرقمي

مشاهدة النسخة كاملة : قصة حزينه وقصيده الله يعوضها في ولدها


القنـــــاص
31-03-05, 11:51 PM
السلام عليكم ورحمة الله وبركاته

بالنسبه لي انا ... تأثرت

هذة الابيات قالتها الشاعره عيده ام بدر المطيري الذي حكم على ابنها بالقصاص وقد تم تنفيذ القصاص فيه ...

تقول ام بدر قبل اربع سنوات كان ابني يدرس في الصف الثالث في احد مدارس حفر الباطن
تقول حدثت مضاربه جماعيه بين طلاب المدرسه ونتج عن هذه المضاربه وفاة ابن خالها
مفرج رحمه الله وقد قالت هذه القصيدة تطلب من اهل الخير التوسط لدى خالها والدعاء
بأن يتنازل خالها عن ابنها بدر ...
وتقول:





ياالله ياللي باب رحمتـك مفتـوح

دوم علـى طـول المـدا والليالـي

يالواحد المعبـود ياخالـق الـروح

علمك بحالي كافـي عـن سؤالـي

ارحم يتيم بين الابـواب مطـروح

نفسه تـردد فيـه والجسـم بالـي

سر ياقلم واكتب جوابي على اللـوح

وسطر بيوتن مثل نظـم الريالـي

مدادها مـن عبـرةٍ جالهـا فـوح

من وهجن بالقلـب ضيـق بحالـي

وبلغ سلامي حرب سالم ومسـروح

من الخليج الـى اليمـن والشمالـي

واهل القصيم ونجد والواد ابـودوح

والساحل الغربـي وذيـك التلالـي

عيني تهل الدمع والقلـب مجـروح

مير افزعوا لـي كلكـم ياخوالـي

الورع في سجن الحفر وامه تنـوح

حفيدكـم يامكرمـيـن العيـالـي

اتلا العهد به يوم شالـوه مسـدوح

وموثقن فـي محكمـات الحبالـي

والحكم صادر والقضا يزرق الروح

وحان الوعـد ماباقـي الا ليالـي

والله لوانه يوم الاحـداث مذبـوح

لنساه واصبرعنـه مـع ماجرالـي

واونتي ياخال من داخـل الـروح

ونت صويبن طاح والجـو خالـي

خلي لعكفـان الدناقيـر مطـروح

في موقعن تسفـى عليـه الرمالـي

والعـذر ماينفـع ولاينفـع النـوح

ان كان خالي ضاع فيـه المجالـي

والخاتمه يااولاد سالـم ومسـروح

ذبحـة بناخيكـم عليكـم وبـالـي

واصل القضيه لعب ورعان ومزوح

ومـا قـدرالله ماعليـه احتيـالـي

ومصائب الدنيا تجي يوم وتـروح

ولوعاتهـا تـدور دور المحـالـي

والعفو مابيـن الاجاويـد ممـدوح

ليا عفـو عـن الحمـول الثقالـي

والصبر باب لاهل الخيـر مفتـوح

والله يحـب المحسنيـن الرجالـي

من يفعل المعروف والبال مشروح

جـزاه عنـد الله عزيزالجـلالـي

هـذا وصلواعـد بـراقٍ يـلـوح

على النبي اعـداد وبـل الخيالـي


مانقول غير الله يعوضها في ولدها

عبْث
01-04-05, 12:23 AM
الله يدفع مصيبتها
ولايسلط علينا




تسلم اخوي وحزينه لدرجه كبيره

القنـــــاص
01-04-05, 12:33 AM
يسلموا يالراسي

شكرا لك على الرد

ننتظر جديدك

امير الشباب
01-04-05, 06:32 PM
الله يعطيك العافيه اخوي القناص شكراً على هذه المشاركة

القنـــــاص
01-04-05, 10:40 PM
مشكور
مشكور مشكور
مشكور مشكور مشكور
مشكور مشكور مشكور مشكور
مشكور مشكور مشكور مشكور مشكور
مشكور مشكور مشكور مشكور مشكور مشكور
مشكور مشكور مشكور مشكور مشكور
مشكور مشكور مشكور مشكور
مشكور مشكور مشكور
مشكور مشكور
مشكور

اخوي امير الشباب

عاشق عنود الصيد
07-04-05, 04:13 PM
حلالاه اني لاحق عليها يوم تطلب الفزعه

صح لسان عيده