المساعد الشخصي الرقمي

مشاهدة النسخة كاملة : شي قاهرن من زمان


بنت مجنونه
09-02-10, 05:26 PM
السلام عليكم ورحمة الله وبركاته جاي على بالي اتكلم بالقصيمي والسبب هو بعض اولاد وشباب ورجال القصيم ماشاء الله عليهم
بسألكم هل تؤمن بالمثل القائل من شب على شيء شاب علية
طيب انا بقولكم شي قاهرن من زمان وحاز بنفسي وله آثار سلبية على بعض الناس مو الكل هذا الشي هو
بعض الأمهات الله يصلحهن للأسف تدلع الولد دلع زايد عن حدة لحد مايصير الولد ما ينتعوبل مثال من بعض التصرفات السلبية الي تعلم الولد الأتكالية على غيرة وعدم المسؤلية
( الولد ماما ابي ماء ، الأم يابنت قومي جيبي لأخوك ماء ، البنت خلية هو يجيب لنفسة ، الأم وش قلتي
هذا رجال البيت هاذا الغالي .............الخ
للأسف هاذا شي بسيط لكنة يساعد كثير في ان النتيجة تكون شاب كدش او شاب كيرلي مع طوق وبنطلون طيحني والبنت سنعة نابضة بالحياة مبدعة مثقفة ومتفوقة بتعليمها وتلعب دور البنت والرجال حتى بعد زواجها وزوجها تربى نفس تربية اخوها يعني اغلب الوقت يمسمس بالقصيصة ويضوق الثوب ويختار اي لون تي شرت يناسب يلبسة مع طيحني واي تحديد للدقن راح يكون حلو ويناسب مع الموضة .
للأسف كثير من هاذي النماذج بدأت تنتشر كثير والأمهات والأباء غافلين ان هاذي ظاهرة شاذة يعني مثلاً اشوف كثير امهات في المجمعات والمولات الكبيرة يجيبون اولادهم معاهم وهم والله اشكالهم تضحك وتنرحم بعد كيف ابوة و امة سمحت له مع انه في اغلب الأحيان يكون صغير ماتعدى 10 سنوات واحيان اشوف اطفال اعمارهم من 3و4و5 سنوات مع ابائهم وامهاتهم مطولين شعر الطفل وملبسينة لبس شبية بلبس البنات والله اني اقول ياحرام ربي عطاهم ابناء يربونهم وهم شوفو ايش يعملون فيهم
طيب بقولكم ليش مدحت اولاد القصيم انا كنت ساكنة في محافظة بجنب القصيم كنت احب اروح لعنيزة كثير وبريدة بعد تخيلو شبابهم يهبلون من الأدب والنخوة الي فيهم حتى عيالهم الصغار يعني ولد تقريبا 12 او 10 سنوات باسط مع امة في السوق كل الوقت حول امة يصلح البسطة وينظف حولها شافني انا وامي شايلين تنك كليجا هههههه بنروح للسيارة جئ يركض يشيل معانا ما شاء الله علية وبعد رحنا عندهم بسطة الخضار تدرون ماشفت ولا هندي والله اني ما ابالغ كلهم كانو شباب قصيمي 100في 100 رهيبين وماشاء الله عليهم كيف يتساعدون مثلا انا شريت من واحد كمية كبيرة من الخضار والفاكهه استغربت منة بشي إنة ياخذ بعض الأشياء الي اطلبها من اصحابة الي بجنبة مع انة بسطته فيها نفس الشي بالأخير اكتشفت السبب كان يبي اصحابة يكسبون مثلة يعني يبيعون مثلة بالضبط شفتو التكاتف بعد بقولكم شي ثاني وهاذا الشي للأمانة فية بعض شباب الرياض والمناطق الثانية يعملوة بس الله يهديهم بعضهم يعملوه عشان يسرقوا النظر امافي القصيم لما تكون نبي نقطع الخط للمحلات الي على الجهه الثانية من الرصيف تلاقي السيارات توقف بسرعة وكلهم يعطو اشارة عشان الخط يوقف ونمشي احنا مو بس مع الحريم يعملون الحركة هاذي حتى مع الرجال ماشاء الله عليهم والله.
فية وحدة من قريباتي للاسف متعلمة بس ما استفادت شي من تعليمها تعرفون وش تطبق في تربيتها لأولادها تطبق حكمة قديمة متخلفة هاذي الحكمة تقول الولد دلعيه وعطية الرأي ولا تقصرين علية بشي ولا تضغطين علية كثير ترى ينكسر عودة بزعمهم انه اذا كبر بيكون هو الي ينفع امه والبنت ادقميها عشان ماتطلع مايقة والله بنتها ذكية ماشاء الله عليها بس مكسورة الخاطر كل ماتجي تتكلم او تلعب امها تخانقها وتقول انتي كبرتي وهي الحين عمرها 11 سنة والولد استغفر الله اكرة دلعة ودائما يفشل امة ويرد عليها لا ماراح اسوي الي تقولين الحين الأم متحسفة انها طبقت الحكمة لأنها بدأت تشوف النتائج السلبية على اولادها وحاليا تحاول انها تصحح غلطتها وإن شاء الله تلحق

.Never
09-02-10, 05:59 PM
استفدت من موضوعتس حاجة وحدة:

عندتس خبرة في الرجال كبارهم وصغارهم ما شاء الله ^ ^

بالنسبة لتدليع العيال فذا اللي حاصل..

ما تقدرين تغيرين روس البدو

ما قد سمعتي بالمقولة "الأشـهر"..

(للولد المدح والبنت اللدح)

واللدح هو ضرب الظهر هههه

شكرا لك يا بنت صاحية, هذا اول موضوع صاحي لك

عالم الإناث
09-02-10, 06:14 PM
مجتمعنا مجتمع ذكوري يحترم الولد من يوم يولد ويقوونه على اخته حتى لو كانت اكبر منه..ويعلي صوته عليها وبتشجيع من اهله!!
بزعم انه رجل والرجال قوامون على النساء
البنت تحرم من العاطفه والدلع عشان ماتخرب وفي النهايه يصير عندها حرمان عاطفي تروح تدور عليه
عند اول واحد يمنحها نظرة اعجاب او يحاول يستميل عاطفتها.. ويصير مالا يحمد عقباه..
تكفون حبوا بناتكم واغدقوا عليهم من العاطفه حتى الاشباع..

يافا
09-02-10, 07:09 PM
موضوعك انصب على نقطة مهمة

التفريق في المعاملة بين الابن والبنت

بين الواقع الذي يقسو على البنت في مقابل ان الدين يحث على تربية البنت ومعاملتها مثل الولد في اعطائها حقوقها وفي ارشاد الاباء الى تعليم الابناء واعدادهم من الصغر على تحمل المسؤولية (اخشوشنوا فانكم مخلوقون لزمن غير زمانكم)


اعجبني الصورة المشرقة التى نقلتيها عن شباب واطفال القصيم

بارك الله فيك واصلح ذريتنا جميعا

الــنــوخــذة
09-02-10, 07:16 PM
كما قيل بالمثل

العود من اول ركزة

وهذا هو حال الشباب الحين مع اهلهم فان عودهم على الرجولة فانعم بها واكرم
وان صار عكس هذا فللاسف صار رخمة

معـدي ومسيـر
09-02-10, 08:48 PM
تصدقين ان البنت تحب الولد المدلع ت وتحب تلدعه وتحن عليه..
هذا جيلنا الرائع,,

بنت مجنونه
09-02-10, 08:56 PM
استفدت من موضوعتس حاجة وحدة:

عندتس خبرة في الرجال كبارهم وصغارهم ما شاء الله ^ ^

بالنسبة لتدليع العيال فذا اللي حاصل..

ما تقدرين تغيرين روس البدو

ما قد سمعتي بالمقولة "الأشـهر"..

(للولد المدح والبنت اللدح)

واللدح هو ضرب الظهر هههه

شكرا لك يا بنت صاحية, هذا اول موضوع صاحي لك


وانت شدراك ان عندي خبره ترى كلامك ابد ماينفع ومايصير تقوله راجع نفسك شوي وبتشوف قد ايش كلمتك خطيره:126:

بعدين انت تقول ماتقدرين تغيرين روس البدو احنا حضر والتعامل عندنا كذا

واظن البدو يدلعون بناتهم اكثر منا

بنت مجنونه
09-02-10, 08:57 PM
مجتمعنا مجتمع ذكوري يحترم الولد من يوم يولد ويقوونه على اخته حتى لو كانت اكبر منه..ويعلي صوته عليها وبتشجيع من اهله!!
بزعم انه رجل والرجال قوامون على النساء
البنت تحرم من العاطفه والدلع عشان ماتخرب وفي النهايه يصير عندها حرمان عاطفي تروح تدور عليه
عند اول واحد يمنحها نظرة اعجاب او يحاول يستميل عاطفتها.. ويصير مالا يحمد عقباه..
تكفون حبوا بناتكم واغدقوا عليهم من العاطفه حتى الاشباع..

نظرة بعض الناس قاصره يعني البنت ماتخرب الا اذا دلعوها اجل يعيشونها بحرمان عشان ماتخرب

والله حاله

بنت مجنونه
09-02-10, 08:58 PM
موضوعك انصب على نقطة مهمة

التفريق في المعاملة بين الابن والبنت

بين الواقع الذي يقسو على البنت في مقابل ان الدين يحث على تربية البنت ومعاملتها مثل الولد في اعطائها حقوقها وفي ارشاد الاباء الى تعليم الابناء واعدادهم من الصغر على تحمل المسؤولية (اخشوشنوا فانكم مخلوقون لزمن غير زمانكم)


اعجبني الصورة المشرقة التى نقلتيها عن شباب واطفال القصيم

بارك الله فيك واصلح ذريتنا جميعا


تسلمين يا اختي يافا

ردك فعلا يزيدني فخر

راعية غنم
09-02-10, 09:12 PM
مهوب كل الناس مثل اهلك

في ناس البنات عندهم يتأمرن ويتدلعن والولد يدلع خواته ويوديهن المكان اللي يبون

بنت مجنونه
09-02-10, 10:39 PM
مهوب كل الناس مثل اهلك

في ناس البنات عندهم يتأمرن ويتدلعن والولد يدلع خواته ويوديهن المكان اللي يبون

انا ماقلت اهلي فتحي عيونك زين وانتي تقرين

عــزالخــوي
09-02-10, 11:39 PM
افااااااااا
شي قاهرك من زمان
ونتي بنت مجنونه اجل ابحل حنا يالمسلمين اقصد الناس العاديين(q31)
الدلع الزايد سوا انه للبنت او الولد رايح يوديه هو واهله بداهية وبعدهامافيه الاكذا>>(qq79)

محبة الورود
10-02-10, 12:29 AM
افااااااااا
شي قاهرك من زمان
ونتي بنت مجنونه اجل ابحل حنا يالمسلمين اقصد الناس العاديين(q31)
الدلع الزايد سوا انه للبنت او الولد رايح يوديه هو واهله بداهية وبعدهامافيه الاكذا>>(qq79)


خير الأمور أوسطها

الحب خالد
10-02-10, 12:35 AM
والله يا بنت مجنونه
انا احس الكلام هذا قبل >>يعني من مبطي
اما الان فالوعي موجود
بالنسبه لي انا شخصيا ولان الوالده عانت من الشيء هذا في زمانها
فتلافته في تربيتنا
ما اقولك ممكن تامرني امي اروح اجيب كاس المويه لاخوي الصغير
بس في المقابل لايمكن تسمح لاخوي الكبير انه يرفض لنا طلب
ببساطه العلاقه على الاحترام قائمه
بغينا شيءنرفع سمااعه علي واحد من اخواني ونقول نبي كذا وكذا
وهو يحدد يجيبه او يكلم السواق ويجيبه
وهذي نعمه الله يتممها علينا يارب
الوالد الله يسلمه عنده حكمه تعجبنا يا البنات
يقول البنت في بيت ابوها تسوي اللي تبيه بس برااا مو بكيفها