مساعد والفرقا..!!

[ابوخداش]

من بغى الفرقا لقى له عـذر و اسبـاب و دليـل=خل عنك العـذر والأسبـاب دام الحـب ضـاع
كان ودك بالفراق أبشر عسـى عمـرك طويـل=لا تردد و أنت لـك كلمـه و لـك أمـر مطـاع
لـي عليـك أن تبـت بكلمـه تشفـي الغلـيـل=ولك علي إني لأوقـف وقفـه الرجـل الشجـاع
لاتجاملنـي مخافـه قـال مـدري خـوف قيـل=عمر هـرج النـاس مايسمـن ولايغنـي جيـاع
كان قصدك سر حبـك أوعـدك لأصبـح بخيـل=وأحمل أسرارك معـي للمـوت قـدر المستطـاع
بس قلها قل ما أحبـك و أبشـر بصبـر جميـل=لاتحسب أني مثل مـن طبعهـم لـوي الـذراع
صاحبـك ماهـو كـذا ياصاحـب القـد النحيـل=صاحبك طبعه غريـب وغربتـه غربـه طبـاع
فالهـوى مايقبـل الحـل الوسـط ولا القلـيـل=مثل ماهو لاشرا يشـري اليـا مـن بـاع بـاع
ثابت لو هـي تميـل الأرض حـدره مـا يميـل=يدري إن الفقـر ماهـو عيـب والدنيـا متـاع
ماعشق لـذه حياتـه كثـر عشـق المستحيـل=ولا كـره حتـى مماتـه كثـر كـره الانصيـاع
كم تعلمت من شديد البـدو وش معنـى الرحيـل=وكم تعلمت من غروب الشمس وش معنى الوداع
وكم تعلمت من سحاب الصيف وش معنى الحصيل=وكم تعلمت من ليال البرد وش معنـى الضيـاع
إيه أنا هذا طريقي موحـش وصعـب و طويـل=وأنـت لامنـك تعبـت العالـم فجوجـه وسـاع
أعتبرنـي فـي بدايـه سكتـك عابـر سبـيـل=ورح و أنا قلبي معك من وين وجهـت الشـراع
يكفـي أنـي لاذكـرت بسالفـه عشـاق قـيـل=عاشر أحبابه شجـاع وفـارق أحبابـه شجـاع

[طايل]

صح لسانك ابو خداش

بس يااليت تفرق بين الاشطر متلازقه مع بعض

تحياتي لك اخوي

[فهد بن زيد]

استاذي ,,
تـــــم تنسيـــــقها ,,
==========
صح لسانك استاذي
ابـــــــــوخـــــــــــداش
قصيدة رائعــــــة وجـــــــزله,,
ولكنـــــــــها بكـــــــل صـــــراحـــة,,
مبهمة الهويّه,,ولـــو حتى بكلمة (بقلمي)
لانك لم توضح ما اذا كانت بقلمك او منقوله,,!!
فــ حفظا للحقوق الادبية ياليت تتفضل علينا
وتؤكد لنــــــــا مصدرها لاعدمناك,,
ننتظر اجابتك استاذي الكريم,,

[شــتآت]

صح لسانك اخوي..

ابيات قمه في الجزاله والابداع..

وكما نوّه استاذنا فهد بن زيد..

يُرجى ذكر المصدر لاعدمناكم..