بالــــهـــم والحـــــــــرمان

[فلاح الحبلاني]

لاتساليني وش بلا الروح بالهم=خليني أبقى داخل الثوب رجال
الهم في نفسي عن الخال والعم=كني بناخي وصار همي لي الخال
ومن الشقا هالقلب يامابه انضم=والله لو تدرين تبكين بالحال
بالهم والحرمان دايم محزم=لكني أبقى ملح بعيون الانذال
لامن دعاني صاحبي قلت له سم=أجيه من بين الرجاجيل خيال
عدلت مايل في حياتي ولا تم=وأشوف نفسي هناك بعيون الاطفال
لاراح دم الوجه ماعاد به غم=ماعاد بسأل كيف؟ واشلون؟وش قال
أنا قوي بالذي يفرج الهم=الواحـــد العبـود القـادر العال
فلاح عشوي العنزي

[طايل]

صح لسانك
ابدعت واجدت

[فلاح الحبلاني]

اذكريني ..بالهواء طير جريح=بذكريات ماضيه بعش الحياه
الزمان اللي مضى بوصلك شحيح=ليت حظي الردي شاله رفاه
في خفوقي نجمتك عيت تطيح=لي بقالي نورها بسمه شفاه
في خيالي عشرتك لا ماتزيح=بيت كفه حامل..حره دفاه
اذكري قلب معك دائم مليح=لوهبوب الصد مرت في رباه
في عيوني فراقنا دمعك يبيح=وارتحالك ياحياتي لي شفاه
ياربوع الغاليه شوقي يحيح=في ظلامي دنيتي شمسك ضواه
فلانه..الحب الوافي هذا صحيح=انتي فرحه دنيتي قلبي وهواه
فلاح عشوي العنزي

[فهد بن زيد]

صح لسانك
ولاهنت اخونا الشاعر/ فلاح العنزي
وتسلم كلك على هذه القصيدتين
وابياتها الرائعه ,,, من شاعر جزل
دمت من الله بكل الخير

[بنت المقرن]

رووووووووووعــــــــــه الأبيات
مشكوووور اخـــــــوي

[جود القمر]

فلاح العنزي
،
،

عزف جميل

صح قلبك .. ودام نبضك ..

يعطيك العافيه

،
،

احترامي

[فلاح الحبلاني]

تشرفت بمروركم واطلاعكم على القصيدة وأسعدني وسرني تعليقكم وردكم الراااائع

صح الله بدنكم ولاهنت ونتشرف دائماً بتشريفكم لمتصفحنا المتواضع

خالص ودي وتقديري

[الغـــــــامض]

صح لسانك وبيض الله وجهك

شاعرنا فلاح العنزي

قصيدتين بمنتهى الجمال

[♥برتقاله♥]

يعطيك العافيه
صح لسانك
لاهنت

[شــتآت]

ابيات جداً رائعه..

شاعرنا فلاح...صح لسانك .

اعتدنا على هذه الروائع من قلمك..

دمت للإبداع يااخوي..

لاهنت..

[فلاح الحبلاني]

لاتكتمل الروعه إلابمروركم المحترم

صح الله بدنكـم وشاكر لكم

[ابوالاندلس]

ابيات جميله رائعه
تصور احساسك المرهف