غربه
30-03-05, 02:21 PM
أي نوع من البشر إنت؟؟
1. المشغول؟؟
(الذكر) إنت واحد فاضي .. همك بطنك و النوم و المسلسلات و المباريات .. يا أخي عيب عليك عط أهلك وجه .. اقعد معاهم شوي ، شوف طلباتهم .. جيب للوالدة وقايه أو عطر للحرمه .. بس تبي تروح طلعات مع الشباب و ترد تالي الليل تبي تنام و لا يهمك شو صار شو ما صار في البيت ؟؟ استح .. استح على ويهك .. قول أنت مب عيب هالكلام ؟؟ (على الأقل لي بغيت تطلع .. و تخلي زوجتك .. أو أهلك يالسين في البيت بين 4 جدران .. جيب لهم أفلام فيديو يشوفونها كلهم مع بعض .. أو و إنت طالع وصلهم بيت أحد من الأهل .. على الأقل تسوي خير في حياتك و تكون سبب في صلة الرحم .. شو رايك ؟؟)
(الأنثى) و انتي ما هو عيب عليج تلبسين أهلج، و مقعده ترمسين بالتلفون بالساعات ؟؟ هاه ؟؟ شو من رمسات عندج ؟؟ أبي أعرف أنا ؟؟ واااااااااااااااااااااالله ..مخليه دراستج و زوجج و عيالج .. و يالسه إلا تجلبين هي هذي القنوات و الا نص اليوم قاضيته في الرمسه في التلفون .. خافي ربج .. هيه ترا إنتي ما يهمج شي .. كله على راس الوالد و الزوج ..هالمساكين يدفعون و قلوبهم تقرقع من الحسرة على اللي يدفعونه .. ( بدل هالهذره و الحش في هذي و ذيك .. قعدي مع زوجج و عيالج شوفي طلباتهم و حاولي تتواصلين معاهم .. و اللي ما عندها زوج تجابل دراستها و أهلها و نفسها .. يالله خلكن حريم ينشد الظهر فيكن )
2. الأنيق ؟؟
( الذكر و الأنثى) يا حبكم للمظاهر و الفشخره .. بس تبون الناس تأشر عليكم و تقول شوفوا هذا شو من سيايير عنده و هذي شو هالفستان اللي عليها .. الأخ يتسلف من البنك و من الربع و يحط فلس على فلس بس علشان يشتري له سيارة بالشي الفلاني .. عاد ليش هالكلافه ؟؟ ليش معذب عمرك كل هالعذاب ؟؟ .. تاخذ من هذا و تسأل ذاك .. و لي سألك واحد منهم عن السلفه تقعد تتشكى و تماطل و تسود ويهك جدام اللي يسوى و اللي ما يسوى .. الله يهديك مد ريلك على قد لحافك .. و إنتي يا الحلوة .. يالسه ما شاء الله عليج مجابله هالمجلات و تشوفين آخر خطوط الموضة و تتحسرين على هالجسم .. لا و مصره على إنج تجارين الآخرين لا و لازم تلبسين أحسن منهم على حساب نفسج و فلوسج .. يا ناس خلوكم قنوعين .. لأنه ما في أحلى من القناعة في زمن إرضاء النفس فيه شي وايد صعب ..
3. الممثل ؟؟
ليه في ناس تحب الخداع و الكذب و التمثيل و الزيف ؟؟ مع إنه ما في شي جابرهم على إتباع هذي الأساليب .. و كل هذا لكسب مودة و محبة الناس .. و إذا جلست معاهم جلسة صريحة .. قالوا الدنيا علمتني جذي .. يا ناس يا اللي نسبوا لكم الإنسانية .. خلوكم قد هذي الكلمة .. ترا مو كل بشري يسمونه إنسان .. إحنا ناس لنا مشاعر و أحاسيس.. ليش ندفنها تحت رمال الكره و الغيرة و الحسد ؟؟.. أنت ، و إنتي .. الانسان ما انولد و هو شايل شي من الصفات .. ليه ما تعلمتوا الإحسان والطيبه و التسامح بدل التمثيل و الكذب و النفاق ؟؟ .. اللي يبي يحبك لازم يحبك لشخصك و صفاتك .. يحبك لأنك إنت .. و أنت مو مجبور على إنك تعجب اللي حواليك علشان يحبونك .. خلك على طبيعتك .. و اخلع القناع اللي لابسه و البس نظارة التفاؤل و شوف الدنيا .. لأن مهما كثرت فيها الهموم و المشاكل تظل حلوه ..
4.الساذج؟؟
يا طيبة قلبك الكبير .. يا أخي الطيب في هالزمن يسمى بالمغفل و الغبي .. ( عذرا على هذا التعبير) .. و لكن من في هذا الزمن لا تلقى من يستحق طيبتك اللا محدوده .. الطيب اليوم ينداس و لا يسأل عنه إلا للمصلحة .. لأن المصلحة هي عنوان من عناوين هذي الدنيا العجيبة .. يا أخي اسمع نصيحة مجرب و لا تسأل طبيب .. تحكم في طيبتك شوي .. و حط مقدار من طيبتك لكل شخص تعرفه .. راح أقول لك قصه بالمختصر المفيد و يا ليت تفكر شوي .. مره من المرات كنت توني راح أدخل الصف..بس شفت صديقتي(ن) تأشر لي علشان أوقف و أسمع (اللي كنت أعتقد إنها صديقتي(م)) شنو قاعده تقول ؟؟ فوقفت .. و سمعت صديقتي(ن) تسأل الثانية عني فقالت الثانية(م).. غربه فيها غباء غريب .. فيها طيبه زايده عن اللزوم .. تصدقين أنا مصادقتها علشان المصلحه .. لأن غربه مستحيل ترفض لأحد طلب هي تقدر تسويه .. و الله هالانسانه واااااايد طيبه و هبله .. ( عاد انتوا احكموا)
غربــــــه
1. المشغول؟؟
(الذكر) إنت واحد فاضي .. همك بطنك و النوم و المسلسلات و المباريات .. يا أخي عيب عليك عط أهلك وجه .. اقعد معاهم شوي ، شوف طلباتهم .. جيب للوالدة وقايه أو عطر للحرمه .. بس تبي تروح طلعات مع الشباب و ترد تالي الليل تبي تنام و لا يهمك شو صار شو ما صار في البيت ؟؟ استح .. استح على ويهك .. قول أنت مب عيب هالكلام ؟؟ (على الأقل لي بغيت تطلع .. و تخلي زوجتك .. أو أهلك يالسين في البيت بين 4 جدران .. جيب لهم أفلام فيديو يشوفونها كلهم مع بعض .. أو و إنت طالع وصلهم بيت أحد من الأهل .. على الأقل تسوي خير في حياتك و تكون سبب في صلة الرحم .. شو رايك ؟؟)
(الأنثى) و انتي ما هو عيب عليج تلبسين أهلج، و مقعده ترمسين بالتلفون بالساعات ؟؟ هاه ؟؟ شو من رمسات عندج ؟؟ أبي أعرف أنا ؟؟ واااااااااااااااااااااالله ..مخليه دراستج و زوجج و عيالج .. و يالسه إلا تجلبين هي هذي القنوات و الا نص اليوم قاضيته في الرمسه في التلفون .. خافي ربج .. هيه ترا إنتي ما يهمج شي .. كله على راس الوالد و الزوج ..هالمساكين يدفعون و قلوبهم تقرقع من الحسرة على اللي يدفعونه .. ( بدل هالهذره و الحش في هذي و ذيك .. قعدي مع زوجج و عيالج شوفي طلباتهم و حاولي تتواصلين معاهم .. و اللي ما عندها زوج تجابل دراستها و أهلها و نفسها .. يالله خلكن حريم ينشد الظهر فيكن )
2. الأنيق ؟؟
( الذكر و الأنثى) يا حبكم للمظاهر و الفشخره .. بس تبون الناس تأشر عليكم و تقول شوفوا هذا شو من سيايير عنده و هذي شو هالفستان اللي عليها .. الأخ يتسلف من البنك و من الربع و يحط فلس على فلس بس علشان يشتري له سيارة بالشي الفلاني .. عاد ليش هالكلافه ؟؟ ليش معذب عمرك كل هالعذاب ؟؟ .. تاخذ من هذا و تسأل ذاك .. و لي سألك واحد منهم عن السلفه تقعد تتشكى و تماطل و تسود ويهك جدام اللي يسوى و اللي ما يسوى .. الله يهديك مد ريلك على قد لحافك .. و إنتي يا الحلوة .. يالسه ما شاء الله عليج مجابله هالمجلات و تشوفين آخر خطوط الموضة و تتحسرين على هالجسم .. لا و مصره على إنج تجارين الآخرين لا و لازم تلبسين أحسن منهم على حساب نفسج و فلوسج .. يا ناس خلوكم قنوعين .. لأنه ما في أحلى من القناعة في زمن إرضاء النفس فيه شي وايد صعب ..
3. الممثل ؟؟
ليه في ناس تحب الخداع و الكذب و التمثيل و الزيف ؟؟ مع إنه ما في شي جابرهم على إتباع هذي الأساليب .. و كل هذا لكسب مودة و محبة الناس .. و إذا جلست معاهم جلسة صريحة .. قالوا الدنيا علمتني جذي .. يا ناس يا اللي نسبوا لكم الإنسانية .. خلوكم قد هذي الكلمة .. ترا مو كل بشري يسمونه إنسان .. إحنا ناس لنا مشاعر و أحاسيس.. ليش ندفنها تحت رمال الكره و الغيرة و الحسد ؟؟.. أنت ، و إنتي .. الانسان ما انولد و هو شايل شي من الصفات .. ليه ما تعلمتوا الإحسان والطيبه و التسامح بدل التمثيل و الكذب و النفاق ؟؟ .. اللي يبي يحبك لازم يحبك لشخصك و صفاتك .. يحبك لأنك إنت .. و أنت مو مجبور على إنك تعجب اللي حواليك علشان يحبونك .. خلك على طبيعتك .. و اخلع القناع اللي لابسه و البس نظارة التفاؤل و شوف الدنيا .. لأن مهما كثرت فيها الهموم و المشاكل تظل حلوه ..
4.الساذج؟؟
يا طيبة قلبك الكبير .. يا أخي الطيب في هالزمن يسمى بالمغفل و الغبي .. ( عذرا على هذا التعبير) .. و لكن من في هذا الزمن لا تلقى من يستحق طيبتك اللا محدوده .. الطيب اليوم ينداس و لا يسأل عنه إلا للمصلحة .. لأن المصلحة هي عنوان من عناوين هذي الدنيا العجيبة .. يا أخي اسمع نصيحة مجرب و لا تسأل طبيب .. تحكم في طيبتك شوي .. و حط مقدار من طيبتك لكل شخص تعرفه .. راح أقول لك قصه بالمختصر المفيد و يا ليت تفكر شوي .. مره من المرات كنت توني راح أدخل الصف..بس شفت صديقتي(ن) تأشر لي علشان أوقف و أسمع (اللي كنت أعتقد إنها صديقتي(م)) شنو قاعده تقول ؟؟ فوقفت .. و سمعت صديقتي(ن) تسأل الثانية عني فقالت الثانية(م).. غربه فيها غباء غريب .. فيها طيبه زايده عن اللزوم .. تصدقين أنا مصادقتها علشان المصلحه .. لأن غربه مستحيل ترفض لأحد طلب هي تقدر تسويه .. و الله هالانسانه واااااايد طيبه و هبله .. ( عاد انتوا احكموا)
غربــــــه