مالحلول العملية اذا طلب احدهم مني رشوة و انا مدير مشروع؟

[هاني3]

السلام عليكم و رحمة الله وبركاته/
انا مدير مشروع و أعمل مع الحكومة ، وطلب احدهم مني رشوة لاتمام المشروع؟ ماهي الحلول العملية لحل هذه المشكلة ، علما ان المشروع قد تم تنفيذه حسب طلبهم؟

[(المرقب)]

والله وانا أخوك ماتبي حل ولكن هي بداية المتاعب الله يعينك

ماراح أقول لك هي حرام ولعن الله الراشي والمرتشي ..... الخ

رح للمسؤل عنهم وشف وش هو من رجال إن كان هو راعي هالخرابيط رح للي فوقه
إلى أن توصل لأعلى جهة ولاتقعد تنافخ وتهاوش وتبين إنهم حراميه , لكن بطريقة أدبية تبين له
إنك تبحث عن الرزق الحلال والشباب طلبوا مبلغ حتى يخلص المشروع خارج الإتفاقية واترك الموضوع بين يديه

لاتفكر وأنا أخوك بالرشوة حتى تفتك عندك حلول عديدة تستطيع تطيب بها مالك

وفقك الله وزادك من فضله

[الملك عبادي]

اخوي الموضوع صعب والله يعينك


والرشوه حرام وكلنا نعرف هالشي .. .



بس اخوي الى فهمته من موضوعكـ



أن انت بديت المشروع بطريقة نظاميه وجا لك واحد وقالكـ يا تعطيني المبلغ الفلاني يا اصعب من اتمام مشروعكـ


هل هذا ما تقصده ؟

[معـدي ومسيـر]

هذي مو رشوه هذا تعاون على البر
خذ معلومه مني مو اكيده
>>أكل الدوله مهو حرررام<<
والله يرزقك انشاء الله

[عشقي ديرتي]

أخوي معدي الحين بدال ماتدل الرجال على الخير تحثه على الحرام قال تعالى (وتعاونوا على البر والتقوى ولا تعاونوا على الاثم والعدوان) قل خيرا والا فاصمت هداك الله .

[هاني3]

والله وانا أخوك ماتبي حل ولكن هي بداية المتاعب الله يعينك

ماراح أقول لك هي حرام ولعن الله الراشي والمرتشي ..... الخ

رح للمسؤل عنهم وشف وش هو من رجال إن كان هو راعي هالخرابيط رح للي فوقه
إلى أن توصل لأعلى جهة ولاتقعد تنافخ وتهاوش وتبين إنهم حراميه , لكن بطريقة أدبية تبين له
إنك تبحث عن الرزق الحلال والشباب طلبوا مبلغ حتى يخلص المشروع خارج الإتفاقية واترك الموضوع بين يديه

لاتفكر وأنا أخوك بالرشوة حتى تفتك عندك حلول عديدة تستطيع تطيب بها مالك

وفقك الله وزادك من فضله



اخوي المرقب ، شكرا على الحل العملي اللي قدمته و هذا راح يكون احد خياراتي ، ياليت الاخوان اللي عندهم خبرة يزودونا بحلول عملية ،

وشكرا

[هاني3]

وش دعوة يا اخوان ، اعطوني الحلول العملية ، وين اهل الخبرة وين الهل التجربة

[عــزالخــوي]

بلغ عنه الهيئه(a26)