المساعد الشخصي الرقمي

مشاهدة النسخة كاملة : ماطـــــــــر ..... قصـــه وقصيـــــده


ياسر التويجري
29-03-05, 01:38 PM
السلام عليكم ورحمة الله وبركاته ..
الأخوه جميعاً .. بعد التحيه
اضع بين يديكم هذه الأبيات واستئذنكم بوضع مقدمه قصيره لها ..
ماطر المنصوري .. واحد من اعز الرجال اللذين تربطني معهم علاقه قويه على درب (النقاء)...
بإختصار العام الماضي في نهاية موسم القنص كنت في دولة الإمارات وكنت أنا والأخ ماطر جالسين ونسولف عن هوايتنا وعن الطيور والحباري ولم نخرج عن هذا المجال والأخ ماطر من اشهر صقاقير ابوظبي ومعروف عنه في بلده انه يقنص بطيوره الأراضي العراقيه منذ اكثر من 15سنه مروراً بظروف العراق التي لا تخفاكم وربي سبحانه ميسر اموره وله علاقات قويه هناك. فتطرقنا للحديث عن المقناص في العراق وعن ارضها الجميله وصيدها الوفير فطلب مني طلب وقال بلهجته وبسرعه لم تمنحني فرصة التفكير ( علي الربق أن تقول تم يالشاعر) فقلت بعد (مازرقني) (تمين ماهب واحد) فقال نبغيك تقنص معنا العراق السنه الجايه ( بلشت شوي) وقلت براسك وتم على اني بس ابي امشيها لين السنه الجايه اللي هي هذي راحت الأيام ودق علي الرجال قبل فتره يشيك ويتأكد ويحدد الموعد.. ماقلت له شي في التليفون كنت اقول (تم .. وخير ) لين سكرسماعة التليفون اخذت بعدها يوم واتصلت وبنفس طريقته وبسرعه بس هالمره بلهجتنا ولكن المعنى واحد قلت ( علي الحرام ان تسمع اللي ابي اقولك وان تقول تم) تراه الأجودي قال تم قبل يسمع مع العلم انه يدري اني (ماتزوجت واطلق هواء) بس هي فوعه. وسمعته القصيده وقال صح لسانك وقعد يضحك واعفاني عن المقناص معه في العراق وقال قانص معك هالسنه يعني قانص إن شاء الله لو في سوريا..!!؟؟
وللإمانه هو اللي طلب مني نشر القصيده مع ذكر اسمه ولاكنه طلب ان انشرها في الإعلام المطبوع فقلت له يابوعيد لو ارسلها للنشر كان والله اعلم يمكن ( ينشرون غسيلي!!!!!!!) قال كذا قلت كذا

ماصارت السالفه مختصره .. لكن السموحه وإليكم النص مسبوق بالعذر



اشتقتلك يارفيق الطير والدله
=شوق الصحاري لنبت العشب والماطر
لنك فهيمٍ تعقد الحبل وتحله
=حرٍ معرب سلايل مخلبه شاطر
مفرع قرامه وفعل وقول وجبله
=كلك مهابه ورب البيت يا(ماطر)
إليا فقدتك احس بكوية المله
=وإليا لقيتك اروق وياسع الخاطر
لكن وقتي دمار وعلتي عله
=جيت اتبرى بوجهك علك تشاطر
الوقت قرب وأنا يالقرم بي خِله
=وانته اشوفك لساعة موعدي ناطر
لاتنتظرني وذيك الدار محتله
=والدم فيها على القيعان متقاطر
وشلون اجيها بكفي طير واشله
=والواجب إني اشيل السيف واخاطر
ماكنت لفعل واصيد الريش واحله
=والبوش يذبح أوادم حِل ويساطر
خل العراقي يموت بديرته خله
=واقنص بدارك ودور جرة الفاطر
كذا أونك ليامن رحت مع شله
=خل (الحباري) وصيدوا جندي الباطر!!



للإستماع للقصيدة بالصوت في هذه الصفحة
اضغــــط للإستماع (http://www.qassimy.com/sd/sounds.php?mqtaa=504)

سـعـد العتيبي
29-03-05, 04:18 PM
خـــل الـعـراقـي يـمــوت بـديـرتـه خـلــه
واقـنـص بــدارك ودور جــرة الـفـاطـر
كــذا أونــك لـيـامـن رحـــت مـــع شـلــه
خل (الحباري) وصيدوا جندي الباطر!!




بيض الله وجهك يالتويجري

صح لسااااااااانك مليووون

اسجل اعجابي وحضوري


اخوك سعد

الزاحف
29-03-05, 05:30 PM
ياسر التويجري

حضور جميل

وصح اللسانك

وارجو منك التواصل ونشر جديدك

والف شكر

وماذا عن ديوانك الصوتي ؟

سيف العداله
03-04-05, 12:57 AM
خـــل الـعـراقـي يـمــوت بـديـرتـه خـلــه
واقـنـص بــدارك ودور جــرة الـفـاطـر
كــذا أونــك لـيـامـن رحـــت مـــع شـلــه
خل (الحباري) وصيدوا جندي الباطر!!


مبدع يا بو محمد

اجل قنص بالعراق وامريكا فيها تقنص اخواننا

يا نقنص رقاب هالامريكان والا اقنص بدارك :)

صدقت يا الذيب

صح لسانك

عبْث
03-04-05, 06:45 AM
صح لسانك

مستشار الحب
03-04-05, 11:09 AM
صح لسانك يا شاعرنا :)



شكراً على هذه المشاركة

محروم من قربك
03-04-05, 01:40 PM
اخوي الشاعر ياسر التويجري...
في الحقيقة اتمنى لو انه في تسجيل الموقع للقصيدة ذكرت هذي المقدمة بصوتك...
لان القصيدة حلوه لكن به غموض شوي... لكن يوم ذكرت السبب وضحت أكثر...
وفيه ملاحظة لو تكرمت...
وهي اني حضرت امسية الجنادرية اللي بمركز البابطين...
والصراحة انت والشاعر نواف الدبل كنتم نجوم الأمسية

لكن مشكلتك تنسى او تتلخبط واجد بقصايدك... فليه ما تجيب القصايد مطبوعات معك على ورق...
لكن تقراه ارتجالي زي وضعك الحين... لكن الورق احتياط علشان لو نسيت ولا تلخبطت يصير بوه الورق علشان تسلك امورك؟؟ يعني شف تسجيل قصيدة المنوفي الي في الموقع.. فيهن بيتين سمعتهم منك في الامسية واستغربة انه مهب بالتسجيل اللي بالموقع... والبيت على مااذكر هو (وقلبي يضرب ضرب الدفوفي)
وانا اعتبر اي شاعر ما يحفظ قصايده مهب شاعر... لكن ضروفك غير...


وسؤال اخير... وراه جريدة الجزيرة حاطين حيلهم عليك...
فيوم حطوا التقرير عن الامسية كل ماطروا اسمك كتبوا بين قوسن (الفتى النحيل):)
وتقبل تحياتي

:: سهيل المطيري ::
03-04-05, 02:14 PM
رائعة القصيدة أستاذ يا سر .. وأضم صوتي لمن سأل عن الديوان الصوتي متى ينزل ..

صح لسانك ...

aboody_1422
03-04-05, 08:38 PM
السلام عليكم ورحمة الله وبركاته :


قصيدة رااااااااااااااااااااااااااااائعة





و شاااااااااااااااااااااااااااااعر مبدع



مشكوووووووووووووووووورين


الله يعطيك العافيه

سفير البادية
05-04-05, 09:03 PM
ياسر التويجري



تسلم على هالقصة الجميلة والابيات الاجمل



وصدق من قال :


الكلام فيه فتوح وفيه انطوح



والمعنى قد يفتح عليك مشكله لا تستطيع حلها



وقد تنطح به مشكله مستعصية وتنحل بسهولة





ماقصرت

فديت التويجري
09-11-05, 05:02 PM
خـــل الـعـراقـي يـمــوت بـديـرتـه خـلــه
واقـنـص بــدارك ودور جــرة الـفـاطـر
كــذا أونــك لـيـامـن رحـــت مـــع شـلــه
خل (الحباري) وصيدوا جندي الباطر!!


ويــــــــــلاهــ يا الشعر

قمه

النجديه
09-11-05, 07:59 PM
صح السانك يا شاعرنا

والله يعطيك العافيه على هالقصيده الرائعه

نديم الليالي
11-11-05, 12:55 AM
صح لسانك ياسر ..
وتخلص ذكي من الموقف..
اتمنى استمرار تواجدك في هذا المنتدى ..

شيخة الكعبي
11-11-05, 01:12 AM
الله يوفقك ياشاعرنـا ..



صح لسانك والله يحفظك انت وكل اهالي السعودية ومنورين بلادكم الامارات أخوي :)

تميـــ 100
11-11-05, 12:42 PM
صح لسانك

أحمد السكران
15-11-05, 05:48 PM
ابو محمد


صح لسانك قصة وقصيدة راااااااااااائعتين



تشرفنا بوجودك

ام أيمن
15-11-05, 05:55 PM
لاتـنـتـظـرنـي وذيـــــك الـــــدار مـحـتــلــه
والــدم فيـهـا عـلــى القـيـعـان متـقـاطـر
وشـلــون اجـيـهـا بـكـفـي طـيــر واشــلــه
والواجـب إنـي اشيـل السـيـف واخـاطـر


صح لسان شاعرنا
انا عجبني هالمقطع الحلو لانه بدلت مجهود لحتى افهم القصة والقصيدة

لاعدمناك
ننتظر جديد القادم

نووف المطيري
15-11-05, 08:53 PM
يــآسـلالام يآسـلآلآم يـآسـلالام .
إبداع × أبـداع = .ياسر التويجري
أنشـهد أنك مبدع بكل ماتحمل الكلمه من مـعاني ، وآلله أن الـرد لا يوفي حق ألقـصيده .. أبيـات عـذبه من شـآعر عـذب يجيد الـكلمه ويـصب الـمعنى على الـمعنى حتى يـنشئ الإبداع الـمعهووود من شـآعر مشـهوود له بـ آلجـزآله والـقـصيد الـعذب .. أبـدعت فعل ً ياسر التويجري


تحيااتي لك إسـتاذي الـفاضل

نوووف

محب قصيمي نت
20-02-06, 02:11 PM
صح لسانك

مـــشـــتـــاقR
20-02-06, 05:34 PM
أخوي ياسر التويجري
السلام عليكم ورحمت الله وبركاته
انت شاعر بمعنى الكلمه وبما تحمله من معاني
كلمة شاعر وانا (مشتاق) من قبيلت عتيبه
أخـــوانك وصراحه أنا جديد في هذا المنتدى
ولا كنت ادري بوجودك حتى اللحضه
في هذا المنتدا
ولي الفخر اني لقيتك بهل المنتدا
وتشرف بمعرفت الرياجيل شرووواك
وشرروا من فلمنتدا
تقبل تحياااااااااااااااااااااااااااااااااااتي


أخـــــــوك" فهد بن ساير الحبيل العتيبي