كيف تجعل الاعضاء يتفاعلون مع مواضيعك

[البيز]

السلام عليكم ورحمة الله وبركاته
خل اخش بالموضوع من غير مقدمات
احيانا تجد موضوع مهم بس ماعليه تفاعل
يعني الاعضاء معطينه اشكل
رغم ان الموضوع يكون مهم
مثال على ذالك مواضيع زميلي رامي<===زميل في منتدى اخر
احس ان المسكين يتعب عليها بس ماحد يعبره الا انا بس وبعد ارد عليه مجامله
يعني يعتبر رد زكاة عن صحتناودفع بلاء
مره ارسل لي مسج يقول البيز بليز رد على موضوعي الجديد الي توي منزل
قلت رامي قال سم يدلعن علشان ارد
قلت اقلب وجهك انت وموضوعك
فمثل مواضيعه المهمه حرام ماعليها تفاعل
واحيانا تشوف موضوع سخيف عليها تفاعل ونشاط وناس داخله وناس خارجه وهذا يرد وهذا يقراء وثالث يعدل رده ورابع يلعن ويسب
وهكذا دواليك
عاد جلست مع روحي افكر وافكر ياترا وش الا سباب وبحثت وبحثت الى ان وجدت بعض العوامل الي يمكن تساعد في تفاعل الاعضاء مع الموضوع المطروح
ياربت تقراه وتحاول تطبقه وشوف النتيجه
شرط ان تقول خطير يابيز
والان خل اقول النصايح وياليت الي يبي ينصح زود يبزخ بنصيحته

اول نصيحه:

رد على مواضيع خوياك بالمنتدى مو مسوي فيه ولد ابن خيخي

تبي الناس تتفاعل مع موضوعك وانت تمر من عند مواضيعهم تمشي الفين

ياخي رد لو بقولة موضوع زي وجهك

ترا المنتدى زي الملحق كل واحد يقول سالفه فيه مؤيد وفيه واحد يقول سالفك سخيفه(وجه اثرم)

النصيحه الثانيه:
حاول في ردك او موضوعك ان تبتعد عن الرسميات وخليك صريح مع خويك في الطرح...قلنا صريح مو بجيح تقعد تسب فيه على بالك اتنكت وياريت لو حاولت تميل الى الدعابه اكثر من الجديه

النصيحه الثالثه:
اختار الموضوع الي تحس انه مهم وياليت قبل تطرح الموضوع تخيل ان الموضوع لفلان من الاعضاء وهل سوف ترد عليه لو طرحه العضو فلان اذا كانت اجابتك ايه اطرح الموضوع واذا كانت اجابتك لا فلا تطرح الموضوع ريح اصابعك وفكنامن المجامله نرد عليك

النصيحه الرابعه:
علم اصحابك بالمنتدى انك منزل موضوع جديد واذا مالك اصحاب لا تعلمهم<==بذمك

النصيحه الخامسه:
حاول ان مواضيعك تكون بالمنتدى الي تحب وليس القسم الاكثر زورا

يعني اذا كنت جاد اكتب بالسياسه اديب اكتب بالادب طباخ وتهتم بشغلات الحريم اكتب بالاسره وانا كنت كوكتيل اطرح بكل المنتديات لا تصير حكر على منتدىواحد اقصد قسم واحد

النصيحه السادسه:
لا تنقطع عن المنتدى فتره همن تدخل بعد فتره وتنزل موضوع غلط كذا

المفروض عودتك يعقبها اقل شي 50 رد علشان الاعضاء يتذكرونك لانك ماسطهم لك 6 شهور

النصيحه السابعه:
اذا كل النصايح الي فوق مانفعت وماتفاعلو مع موضوعك اخر حل عندي انك تسجل باكثر من اسم بالمنتدى وترد على روحك تقهرهم لانهم ماتنفع معهاهم النصايح
وياريت الاسماء الي تسجل فيهن يصيرن اسماء بنات علشان الشباب اذا شافو اسم بنت تحمسو شوي مع الموضوع

واخيرا موضوعي عن تفاعل الاعضاء مع مواضيع الناس هاه

فاهمين وش ابي مايحتاج اشرح
وياهلا

[wecs]

تسلم
على الموضوع(oo)

[العاذريه]

شف ياخوي موضوعك حسافه عليه الترفيهي

الصراحه روووووعه وأنا توني ماكملته ..تحمست ارد عليك

ولي عودة انشاءلله..

[نااايف الصقررر]

الله يعطيك العافيه


اخوي البيز لو شكلك مالك داعي


يوم انك مارديت على رامي لو مجامله

[شباط]

هلابك البيز وش لونك

تصدق اني مطبق كل هاللي تقول ولا قدرت اخلي احد يتفاعل مع مواضيعي <<< اصلا هي مشاركة وحدة بلا تسذب

حتى الأخيرة اللي تقول سجل باسماء بنات سجلت باسماء بنات وصرت ارد على روحي بس المشكلة ان الناس هجوا عن مواضيعي ماجوا

مع اني مختار اسماء بنات رنانة مثل الحولا ....ام كرتة ......... راعية سوابق ......... خريجة السجون ......... راكبة مع داشر ........

حتى حاولت الفت الانتباه ودخلت بمعرف ام بشار قلت غدي احد يقول يام بشار ترى بشار بهكالمحل

شكرا لك كثير على هالموضوع وان شاء الله ابحاول اني اطبقه بس انا جديد ياخوي واخاف اني ادخل واستخف دمي على عضو همن يقول لي لو سمحت لاعاد اشوفك بموضوعي احش رجلينك

يالله عاد رديت على موضوعك رح رد على موضوعي ....هماك تقول هذي الطريقة على شان تلفت انتباه الأعضاء لمواضيعك :)

[البيز]

شباطمع اني مختار اسماء بنات رنانة مثل الحولا ....ام كرتة ......... راعية سوابق ......... خريجة السجون ......... راكبة مع داشر ........
كله كوم وراكبه مع داشر كوم ههههههههههه
يعني تبي تركب مع مطوع
اكيد داشر
ياخي كل الاسماء هذي ماينرد عليها
هذا اسماء تلفز بيده عشرة ريال وتطلب منه تدعي لك

ويسز تسلم انت

نايف رديت على رامي بس ماعجبه ردي
قلت بقلبي طرار ويتشرط
يعني اذا ماردينا زعل واذا ردينا زعل قلت خله يزعل مره وحده
وفعلا الان انا ورامي مانحب بعض وكل واحد معطي الثاني بلوك

[البيز]

العاذريه
شكرا على مدحك موضوعي وانتي ماقريته
عموما انا واثق اذا قريتيه تبين تغيرين رايك علشان كذا تكفين لا تقرينه
خليك على المدحه الاوله
واعجبني توقيعك لو انك كسرتي البيت يوم حذفتي الف رجال
لاني البيت يقول:
وحدي وصلت العز لاخر موانيه .....انثى ولكن عن الفين رجال
الفين مو الف

[القصيميه]

موضوع دمه خفيف يالبيز (q94)

وبصراحه انا مرابطه بالسياسي وماعندي مشكله بالردود

بس احيانا القى موضوع حلو مناسب للترفيهي فانقله

ومحد يعبرني الا قله قليله ......... ( حلوه قله قليله ) وفيه موضوع محد رد عليه خير شر (q68)

ومدري ويش المشكله ......اظن يسثتقلون دمي هنا في الترفيهي عشان كذا اعلنها توبه نصوحه

اني مراح اجيب اي موضوع هنا .......وسأكتفي بالردود والله على ما اقول شهيد....(q73)(q73)

[المهندس]

هلا بالبيز بصراحة الموضوع راااااااااااااااااائع ومكانه الحوار المفتوح والعام لعرضه على شريحة اكبر ....احسنت

[المتحد]

خخخخخخ
أنا قايل أن البيز فلته
موضوع مرستك
وكل شوي ابنقز للموضوع
لأنه متعوب عليه

يسلمووووووو
.

[العاذريه]

العاذريه
شكرا على مدحك موضوعي وانتي ماقريته
عموما انا واثق اذا قريتيه تبين تغيرين رايك علشان كذا تكفين لا تقرينه
خليك على المدحه الاوله
واعجبني توقيعك لو انك كسرتي البيت يوم حذفتي الف رجال
لاني البيت يقول:

الفين مو الف

لا ياخوي انا أخذت نبذه بشكل سريع من أول الموضوع لآخره

بس تراني المواضيع اللي زي كذا احب امخمخ عليها

ورايي زي ماهو بموضوعك ويمكن أحسن

بس لا يكثر...هههههه..ولا تهوشن لاني ابرجع نوبتن ثانيه..

والبيت اللي بتوقيعي نعدله ولا يهمك..وشكرا على التوضيح..

[العاذريه]

شبـــــــــــــاط

الله يرجك زود على هالرجه اللي بك..!!

[شيهانة]

الله يعطيك العافيه اخوي على موضوعك المفيد

[الشنفرة]

موضوع حليو
والرد عليه لازم
كفيت ووفيت
انا بزيد شي مهم خاص للاعضاء الجدد
اقول لهم لازم تردوا على الاعضاء
حتى تصير معروف عندهم
بعدين اطرح موضوعك وشوف النتيجة
طبعا فتاكة

البيز انتبه الدلة حارة

[شبيـه الريـح]

أشكرك اخوي البيز

[سيف العداله]

البيز

تنسيم قصمان في قصيمي نت :)

بداية جديدة للمنسمين

ولا يهون شباط :)


الموضوع رغم انه كتب بطريقة ساخره ووضع بالترفيهي الا انه قمة ومهم جدا

تشكرات يا البيز

[العاذريه]

رد على مواضيع خوياك بالمنتدى مو مسوي فيه ولد ابن خيخي
تبي الناس تتفاعل مع موضوعك وانت تمر من عند مواضيعهم تمشي الفين
ياخي رد لو بقولة موضوع زي وجهك
ترا المنتدى زي الملحق كل واحد يقول سالفه فيه مؤيد وفيه واحد يقول سالفك سخيفه(وجه اثرم)


صحيح .. وتأكد أنك مع الوقت بتفرض وجودك .. وابن خيخي عند اهله مهب بهالمنتدى ..
وبعدين لا تنسى اختلاف العقليات بغض النظر عن اختلاف وجهات النظر..ودائما خلك عندك اريحيه<< اتحدى ولد امه يقول هالكلمه مثلي..توي سارقته من العام..المهم.. اريحيه بتقبل النقد والردود..خصوصا ان فيه عالم ياربي لك الحمد ..(!!!) كنت ابفندهم بس خفت احد يفهمن غلط..يالله من خاف سلم..وعساني اسلم على هالحيا والأدب<<< ايه بالحيل.
ولا تهون ياخوي المشاركات ثم المشاركات ثم المشاركات ثم طرح المواضيع...


النصيحه الثانيه:
حاول في ردك او موضوعك ان تبتعد عن الرسميات وخليك صريح مع خويك في الطرح...قلنا صريح مو بجيح تقعد تسب فيه على بالك اتنكت وياريت لو حاولت تميل الى الدعابه اكثر من الجديه


صح لسانك ياخوي..وبعدين اذا جلس احد يمزح معك باحترام قدر له هالشي وثق ان هالعضو لو حس انك مستهتر فيه ..راح يبتعد اغلب الأعضاء عنك ..لانك بنظرهم ماهمك أحد.. ومشاعر الناس عندك لعبه..وبالنسبه للدعابه والجدية..طبعا لكل مقام مقال..مهب تسدح لي موضوع بالترفيهي وانت جاد واذا شفت الناس جلد وتشذيب بك زعلت وقمت تتلفظ عليهم ..يعني الترفيهي مافيه زبده..الناس منحاشين من العام والسياسي.. وانت تزيد الطين بله..


النصيحه الثالثه:
اختار الموضوع الي تحس انه مهم وياليت قبل تطرح الموضوع تخيل ان الموضوع لفلان من الاعضاء وهل سوف ترد عليه لو طرحه العضو فلان اذا كانت اجابتك ايه اطرح الموضوع واذا كانت اجابتك لا فلا تطرح الموضوع ريح اصابعك وفكنامن المجامله نرد عليك


حكم يالبيز ياخوي..


النصيحه الرابعه:
علم اصحابك بالمنتدى انك منزل موضوع جديد واذا مالك اصحاب لا تعلمهم<==بذمك

بذمك ..؟


النصيحه الخامسه:
حاول ان مواضيعك تكون بالمنتدى الي تحب وليس القسم الاكثر زورا

يعني اذا كنت جاد اكتب بالسياسه اديب اكتب بالادب طباخ وتهتم بشغلات الحريم اكتب بالاسره وانا كنت كوكتيل اطرح بكل المنتديات لا تصير حكر على منتدىواحد اقصد قسم واحد


ياسلاااااام عليك..وانا اقول البيز ولا يهون شباط داخلين الترفيهي بقوة..والتنقل بين الأقسام يزيدك معرفة لو مازادك شهرة ..وصدقني اهم شي بالكاتب انه يكون على طبيعته ولا يتكلف حتى يكون قريب من قلوب الأعضاء..يمكن احيانا تحس انك بالمقارنه مع كبار الكتاب والناس الصاحيين ولا شي..لكن يظل لكل كاتب نكهه تميزه عن غيره..>>ترى اختكم تغار من المتحد..بس لاتعلمونُه..


النصيحه السادسه:
لا تنقطع عن المنتدى فتره همن تدخل بعد فتره وتنزل موضوع غلط كذا

المفروض عودتك يعقبها اقل شي 50 رد علشان الاعضاء يتذكرونك لانك ماسطهم لك 6 شهور



لا فض فوك ويرحم ابوك ياشيخ..يعني مهب تنزل موضوع واتلى علمك بوه الاسبوع الماضي ..واذا برد جيت طال عمرك ورفعته لنا..لا ..كذك تحوم تسبود الأعضاء..والحي وانا أختك يحييك والميت يزيدك غبن..

النصيحه السابعه:
اذا كل النصايح الي فوق مانفعت وماتفاعلو مع موضوعك اخر حل عندي انك تسجل باكثر من اسم بالمنتدى وترد على روحك تقهرهم لانهم ماتنفع معهاهم النصايح
وياريت الاسماء الي تسجل فيهن يصيرن اسماء بنات علشان الشباب اذا شافو اسم بنت تحمسو شوي مع الموضوع

لا تعليق
>>>
بلا من كثر هذرتس عجزتي تعلقين..!!
نعلبو حيتس موضوع ابوتس يوم انتس طاقتن خيامتس
عاد يالله من فضلك أمطار وخيرات
تقل اني استحيت اشوي...( وجـــــه خدوده حمر )

[فجر]

السلام عليكم ورحمة الله وبركاته

صراحه موضوع عجيب وضحكني وانا مالي خلق اضحك

مشكور .........وما قصرت يالبيز ...............

واشكر اخوي شباط بعد موتني من الضحك......

فعلا الموضوع قمه ولازم يتثبت في جميع المنتديات ,,

واقول للمشرفين ثبتوه... لو سمحتوا.... واتركو عنكم الواسطات ترى الموضوع يستاهل

[العاذريه]

تثبيت ياجماعة ..وأن جحدنا البيز ولا رد اقلعوا موضوعه للمحذوفات...أمزح

[البيز]

العاذريه
تدرين ليه مارديت
لانتس مدحتين
وانا اعرف روحي كود ماحد يمدحن
سالفة الصعيدي الي يشتغل حارس مرمى يوم طاح بزر من عماره مرتفعه وينقز الصعيد ي ويلقفه قبل ياصل الارض
ويصفق له الناس المتجمعين من شجاعته لانه انقذر البزر
الصعيدي ماهو كفو من يصفق له
من الحماس شات البزر يحسبه كوره
عقب مدحتس صاير تقل ام وحدتن تبي تعرس
مختب على الخرطي
مره امسك الفاره مره احرك الكي بورد مره امسح الشاشه
رحمت روحي ياشين الي اول مره يمدح
تصدقين كل مواضيعك زرته وردودك بعد
عموما شكرا لك على تعليقات الرومنسيه <===قايل لتس ماعطى وجه والا وشدخل الرومنسيه بردودك

اشكر كل من مدحن وعلشان مايتحسفون انهم مدحون خل اكتب اسمائهم:
المدعو:شفايف عنب
المدعو: الشنفره
السيد :شبيه الريح
المحترم:سيف الحق جادالله عويس شبرا
والمطمزيل :عتيجه<=====اسم يستاهل يفوز باجمل اسم بالمنتدى
واطالب الدوله انه تثبت الموضوع نزولن عند رغبة الجماهير

[البيز]

شكرا اختي القصيميه
السياسه ماتجيب الا الهم تعال بذا بس اضحكي
وانااعتبر الضحك نص السياسه
لان كل المسرحيات الكوميديه اساس هي سياسه تصب بقالب فكاهي واكبر دليل الكراكيتر الي بتوقيعك سو الاول او الثاني كلهم يضحكون وان كان الهدف سياسي

المتحد والله احرجتن
لا ابد موضوع بسيط من شخص بسيط <===يعني اني متواضع
شكرا لك على مدحك لي تستاهل ونيت بس منين ياحسره

المهندس المعماري:
هلا بالبيز بصراحة الموضوع راااااااااااااااااائع ومكانه الحوار المفتوح والعام لعرضه على شريحة اكبر ....احسنت هذاي جالس احتريهم يسوون شي
بس اشوف الموضوع راح الصفحه الثانيه وماشفنا لا تثبيت والا تعميم
الله يستر مانطرد بس

[العاذريه]

مايروح للصفحة الثانية وانا راسي يشم الهوا

<<<

أبووووووووووك يالفزعات

شف يالبيز انت امدحن وانا امدحك بس بيني وبينك

يعني حط بين قوسين وقل ياختي..وانا افهم انك تعنين

وانا اقول ياخوي وانت افهم اني اعنيك....>>ايقالك تشفر البنت

تستاهل وانا اختك ...

[شبيـه الريـح]

ما يرفع الموضوع وراااسي يشم الهواء










للنزول

[العاذريه]

ما يرفع الموضوع وراااسي يشم الهواء

للنزول

وماينزل وراسي يشم الهوا

ههههههههههههههههه

أقول شبيه

وشرايك نقلعه للألعاب

ونغير عنوانه (للرفع&&&&او&&&&&للقلع)

ياشين الفضاوة يارجال..

ههههههههههههههههه

[ابو خلف]

والله الصدق

النصيحه السابعه هي



الحل الوحيد



تحياتي

[شبيـه الريـح]

صدقت يابو خلف

[العاذريه]

ياناس فكوا التثبيت

هونا ماحنب مادحينك يالبيز

بس وق يادافع البلا بموضوعك

وتسانك منتب راد عطن توكيل ارد على خلق الله

جعلي ما اطلبك معامله ياولد العم

.....................

[مستر هريدي]

دنتا خطير قووووووووووووووي يامعلم بيز ..

ايه الحلاوة دي كلها ..
موضوع جميل وحلو اوي وبيتكلم عن التصحر وعلم الجولوجيا .. << يادي الفضيحة طلع الراجل ماقراش الموضوع ..

نرجع للجد بأ ...

تقبل وتوافق تصير كفيلي بدل كفيل النحس مستغرب ابن مستغرب كفيلي الحالي واللي انا هربان منه ومبلغ عني القوازات ...
وادخل مواضيعك كلها وبدون مقابل ..
اولت ايه .. مستنزرك ..