شباط
26-03-05, 11:25 PM
بسم الله الرحمن الرحيم
بعد ماشفنا هكالمرة اللي أمت المصلين بولاية كاليفورنيا الأمريكية جا في بالي اني اسوي سيناريو لها على اعضاءات المنتدى << لاياخذونك طاش ماطاش تسرنن لهم .فانا قلت بما اننا بذا ممنوع الأختلاط الا اختلاط الزيت بالماء بمكاين الددسان .........المهم مالكم بطوالة دوكم العلم
لكن بما اني جديد ولانيب امون على القوارير اللي بذا واجد والا تسبدي تقطر اني اشرشح شوي بس ما اقدر لذلك الشخصيات راح تكون وهمية <<<الأخ كان هو وشكسبير يبسطون بمحافر كوسة ايام الصرام
الشيخه وامامة الجامع هي ام على ....تدخل المسجد وهي لابستن بشت اسود وبأفمه حلاوه بوبيز ام عود بدال المسواك ....لأن الرجال لهم المساويك والحريمات لهن هالحلاوة
دخلت الشيخة للمسجد ..... سلمت همن قعدت ........همن اذنت المؤذنة ام خالد ....... همن قامت الشيخة تبي تخطب وطبعا اللاقط لونه وردي وتبدأ الخطبة وطبعا كل عضوات المنتدى موجودات لأنه اول صلاة جمعة لهن مع الشيخة ام علي
وقامت تخطب وقالت
بسم الله الرحمن الرحيم والحمد لله رب العالمين ولا عدوان الا على الظالمين ....... ايها الأخوات الحبيبات المحترمات وش لونكن
بشرونن عنكن وش لون عيالكن ورجالكن واهلهم واهل اهلهم وكل من يعز عليهم المهم ما اطول عليكن << والله الاسلوب
ودي انصحكن الله ياخذ ابليسكن انتبهن لبيوتكن يابنات اللذينا .....وبهاللحظة دار حوار بين كل من ام سعد وام حمد
ام سعد/ وش تبي ذي وش هالخطبة فعلا الدين كله بركة اللي ما صار به خطب للحريم والا هذا اسلوب
ام حمد/ يابنت الحلال اتركيه عنتس هذي سمعت انا ان عنده انفصام بالشخصية يقولون انه كم مره تخطب ومرة ترفض الزواج ومرة تقول ابكمل دراستي مع انه مهيب تدرس اصلا
ام سعد/ علامة استفهام فوق راسه
ام حمد/ هم لو انهم حاطين ام تسع او ام دهن المصع مهوب ازين من ذي ....اصلا حتى شكله ما يؤهل انه تخطب بنا
نرجع للخطبة
تقول الشيخة ام علي / حنا يالحريم لازم ناخذ حقوقنا كاملة خخخخخخخخخخخخخخخخخخخخخ
طبعا هي قالت خخخخخخخخخخخخخخ وبان افمه وسنونه سن موجود وسن طايح سن موجود وسن طايح ....صايرن كأنه علم الشباب من بعيد اسود وابيض اسود وابيض
ولازم نبدأ نعرف نسوق ونعرف نطلع بطاقة ونعرف نروح للبقالة نشري اغراضنا بارواحنا وانا ودي اسال هالحين ايهن ازين اننا نسوق حنا او نخلي واحد اجنبي يسوق بنا ونركب معه <<< اددددهر ابليس
بهاللحظة كانت ام 44 بالصف الأول وكانت مطلعتن جواله ومدنقة متحمسة مشغلتن البلوتوث وتبحث عن اجهزة قريبة وده ترسل مقطع البطريق المستنزل ...انتبهت له الشيخة ام علي وقامت وطلعت جواله وشغلت البلوتوث قالت ياام 44 ارسلي تراه ببلاش ...مدامتس منتيب منتبهة للخطبة على الأقل استفيد منتس
المهم ياجماعة ما اطول عليكم <<<< الهرج للشيخة .....انتهت الخطبة الأولى وابتلين لي شوي ونبدأ بالثانية
,,,,,,,,,,,,,,,,
بين الخطبتين وبآخر المسجد فلن ام سرور وام صعرور السفرة وحطن حزمتين كراث +كمون + بريق شاهي وقالن يمدينا ناكل لنا شوي قبل تبدأ شيختنا الخطبة ....وفي هذه الأثناء وقبل تبدأ الشيخة الخطبة اتصلت من جواله على بيته وكان هذا الحوار
الشيخة/ الو .كرشنا سويتي غدا حق بابا وانا وبيبي << طيب قولي غدا وخلاص
كرشنا / ماما ايوه اناخلاص سوي غدا انا سوي مرق باميا وسوي رز
الشيخة / زين بس لايكون باين ملح المرق لأن ابونا وه ويا ملحوه يرتفع ضغطه
كرشنا/ ماما مرق انا سوي ما فيه ماجي ...ما فيه خوف ...بعدين ضغط بابا ما فيه يجي من ملح ...ضغط بابا يجي من انتي
الشيخة/ اقول كولي ت.... وطسي يالله طوووووووط طووووووووووط
بهالوقت قامت الشيخة للخطبة الثانية
بسم الله والحمد لله ...اخواتي وش وقفنا عليه حنا بالخطبة الأولى ....بهالوقت طارن عيون الحاضرات قالت ام عبدالله ...هالحين انتي تخطبين او تشرحين درس ..انا جايتن من آخر الدنيا وضاربتن هالخطوط وبالاخير تقولين وش وقفنا عليه ... انا طالعه لاعادت على هالخطبة ...زاد هالأمور لو به خير كان الله ورسوله امروا بهن
الشيخة/ بكيفتس يالله اطلعي بس وحطي 200 ريال بالكرتون اللي عند الباب علشان نبي نغير صوتيات المسجد ونبي نقلب الوانه نسائية ....ولا تعطليننا ....واقولكن ياخواتي الله الله بالصلاة بوقته ....لاتنامن عن الصلاة ولا تشاخرن لحد الظهر وتخلن الصلاة وتشاخرن لحد المغرب وتخلن صلاة العصر مثلي اهتمن يامال الصلاح وشوفن وش انتن عليه ....ورجالكن انتبهوا لهم لاتخلونهم يطلعون من البيت الا بمحرم ولا تخلونهم يطلعون الا وهم متغطين زين لا يهكون عليكم ويقولون لكن نبي نلبس نقاب قولن لااااااااااا يابابا مكنش يتعز تغط غطاء كامل وشيكن على جوالاتهم كل شوي وشوفوا الرسايل اللي يجنهم من اللي مرسلهن ووش محتواهن ... ولاتشرن لهم جوالات كاميرة ولا جوالات بلوتوث ماندري وش يبي يجيهم من هالملفات اللي الله اعلم بهن ......... بعدين لا تعتمدن على الشغالات خلن رجالكن هم اللي يطبخون والشغالات بس للغسيل والكنس ....وانا سمعت تراي ان رجل أميرة يعرف يزين حلا وش زينه لذلك ترانامعزومات على القهوة عنده يوم الاحد ونبي نذوق هالحلا اللي تقول .....وعيالكن لاتخلن الشغالات يغيرن لهم .... ترى ما تدرون عن نظافتهن خلن رجالكن هم اللي يقومون بهالشي علشان تضمنن النظافة .... ولا تسوي الشغالة الرضعة للبزر لأن بهن وطابتن الله اعلم به .... خلن الرجل هو اللي يسوي الرضعة ويرضع البزر ...خلاص زمن الذل راح
وقبل ما اختم هالخطبة أي وحدة عنده سؤال تقوله
كل الحاضرات طارن عيونهن وقالن الحمد لله رب العالمين ....اختمي بس خلي نصلي وتراه أول وآخرمرة نجي وتخطب بنا مرة ... والله لايقلب فطرتنا ...ويازيننا على ما قال الله وقال رسوله والحمد لله راضيات ومؤمنات بالله ولا نبي الا مايرضي الله ورسوله
وبهالأثناء دخلت ام عدنان وهي انسانة داعية مشهورة بالخير وسلمت وقالت .... بسم الله والحمد لله ولاحول ولا قوة الا بالله ... كلمة بسيطة من القلب للقلب .... اخواتي ... هل يعقل ان نسن سنة لم يسنها قبلنا امهات المؤمنين ؟ لو كان في ما قامت به تلك المرأة خير لسبقنا اليه زوجات الرسول والصحابيات الجليلات ... ولكنه من تلبيس ابليس ...وكما شاهدتم التغطية الإعلامية العالمية لهذا الحدث ... هل هو حرص على نشر الدين الإسلامي ... ليس صحيح ولو كان هذا صحيح لرأينا مراسلي الصحافة الإعلامية بالقرب من المساجد المنتشرة في العالم .....ولقاموا بتغطية صلوات المسلمين هناك والتي تقام 5 مرات يوميا .. ولكنها رغبة في تشويه الإسلام وفرحة لأعداء الدين ...............وقعدت تهرج له شوي وارتاحن الحاضرات لهرجه
قالت الشيخة/ وانتن صادزات .... استغفر الله .... خلاص كل وحدة تصلي لحاله ونتفرق وما راح اخطب مرتن ثانية ....مع اني ابخسرالراتب من الأوقاف ...لكن ما يخالف كلش ولا شين يغضب الله
اتمنى تعجبكم والسلام
اخوكم شباط
بعد ماشفنا هكالمرة اللي أمت المصلين بولاية كاليفورنيا الأمريكية جا في بالي اني اسوي سيناريو لها على اعضاءات المنتدى << لاياخذونك طاش ماطاش تسرنن لهم .فانا قلت بما اننا بذا ممنوع الأختلاط الا اختلاط الزيت بالماء بمكاين الددسان .........المهم مالكم بطوالة دوكم العلم
لكن بما اني جديد ولانيب امون على القوارير اللي بذا واجد والا تسبدي تقطر اني اشرشح شوي بس ما اقدر لذلك الشخصيات راح تكون وهمية <<<الأخ كان هو وشكسبير يبسطون بمحافر كوسة ايام الصرام
الشيخه وامامة الجامع هي ام على ....تدخل المسجد وهي لابستن بشت اسود وبأفمه حلاوه بوبيز ام عود بدال المسواك ....لأن الرجال لهم المساويك والحريمات لهن هالحلاوة
دخلت الشيخة للمسجد ..... سلمت همن قعدت ........همن اذنت المؤذنة ام خالد ....... همن قامت الشيخة تبي تخطب وطبعا اللاقط لونه وردي وتبدأ الخطبة وطبعا كل عضوات المنتدى موجودات لأنه اول صلاة جمعة لهن مع الشيخة ام علي
وقامت تخطب وقالت
بسم الله الرحمن الرحيم والحمد لله رب العالمين ولا عدوان الا على الظالمين ....... ايها الأخوات الحبيبات المحترمات وش لونكن
بشرونن عنكن وش لون عيالكن ورجالكن واهلهم واهل اهلهم وكل من يعز عليهم المهم ما اطول عليكن << والله الاسلوب
ودي انصحكن الله ياخذ ابليسكن انتبهن لبيوتكن يابنات اللذينا .....وبهاللحظة دار حوار بين كل من ام سعد وام حمد
ام سعد/ وش تبي ذي وش هالخطبة فعلا الدين كله بركة اللي ما صار به خطب للحريم والا هذا اسلوب
ام حمد/ يابنت الحلال اتركيه عنتس هذي سمعت انا ان عنده انفصام بالشخصية يقولون انه كم مره تخطب ومرة ترفض الزواج ومرة تقول ابكمل دراستي مع انه مهيب تدرس اصلا
ام سعد/ علامة استفهام فوق راسه
ام حمد/ هم لو انهم حاطين ام تسع او ام دهن المصع مهوب ازين من ذي ....اصلا حتى شكله ما يؤهل انه تخطب بنا
نرجع للخطبة
تقول الشيخة ام علي / حنا يالحريم لازم ناخذ حقوقنا كاملة خخخخخخخخخخخخخخخخخخخخخ
طبعا هي قالت خخخخخخخخخخخخخخ وبان افمه وسنونه سن موجود وسن طايح سن موجود وسن طايح ....صايرن كأنه علم الشباب من بعيد اسود وابيض اسود وابيض
ولازم نبدأ نعرف نسوق ونعرف نطلع بطاقة ونعرف نروح للبقالة نشري اغراضنا بارواحنا وانا ودي اسال هالحين ايهن ازين اننا نسوق حنا او نخلي واحد اجنبي يسوق بنا ونركب معه <<< اددددهر ابليس
بهاللحظة كانت ام 44 بالصف الأول وكانت مطلعتن جواله ومدنقة متحمسة مشغلتن البلوتوث وتبحث عن اجهزة قريبة وده ترسل مقطع البطريق المستنزل ...انتبهت له الشيخة ام علي وقامت وطلعت جواله وشغلت البلوتوث قالت ياام 44 ارسلي تراه ببلاش ...مدامتس منتيب منتبهة للخطبة على الأقل استفيد منتس
المهم ياجماعة ما اطول عليكم <<<< الهرج للشيخة .....انتهت الخطبة الأولى وابتلين لي شوي ونبدأ بالثانية
,,,,,,,,,,,,,,,,
بين الخطبتين وبآخر المسجد فلن ام سرور وام صعرور السفرة وحطن حزمتين كراث +كمون + بريق شاهي وقالن يمدينا ناكل لنا شوي قبل تبدأ شيختنا الخطبة ....وفي هذه الأثناء وقبل تبدأ الشيخة الخطبة اتصلت من جواله على بيته وكان هذا الحوار
الشيخة/ الو .كرشنا سويتي غدا حق بابا وانا وبيبي << طيب قولي غدا وخلاص
كرشنا / ماما ايوه اناخلاص سوي غدا انا سوي مرق باميا وسوي رز
الشيخة / زين بس لايكون باين ملح المرق لأن ابونا وه ويا ملحوه يرتفع ضغطه
كرشنا/ ماما مرق انا سوي ما فيه ماجي ...ما فيه خوف ...بعدين ضغط بابا ما فيه يجي من ملح ...ضغط بابا يجي من انتي
الشيخة/ اقول كولي ت.... وطسي يالله طوووووووط طووووووووووط
بهالوقت قامت الشيخة للخطبة الثانية
بسم الله والحمد لله ...اخواتي وش وقفنا عليه حنا بالخطبة الأولى ....بهالوقت طارن عيون الحاضرات قالت ام عبدالله ...هالحين انتي تخطبين او تشرحين درس ..انا جايتن من آخر الدنيا وضاربتن هالخطوط وبالاخير تقولين وش وقفنا عليه ... انا طالعه لاعادت على هالخطبة ...زاد هالأمور لو به خير كان الله ورسوله امروا بهن
الشيخة/ بكيفتس يالله اطلعي بس وحطي 200 ريال بالكرتون اللي عند الباب علشان نبي نغير صوتيات المسجد ونبي نقلب الوانه نسائية ....ولا تعطليننا ....واقولكن ياخواتي الله الله بالصلاة بوقته ....لاتنامن عن الصلاة ولا تشاخرن لحد الظهر وتخلن الصلاة وتشاخرن لحد المغرب وتخلن صلاة العصر مثلي اهتمن يامال الصلاح وشوفن وش انتن عليه ....ورجالكن انتبهوا لهم لاتخلونهم يطلعون من البيت الا بمحرم ولا تخلونهم يطلعون الا وهم متغطين زين لا يهكون عليكم ويقولون لكن نبي نلبس نقاب قولن لااااااااااا يابابا مكنش يتعز تغط غطاء كامل وشيكن على جوالاتهم كل شوي وشوفوا الرسايل اللي يجنهم من اللي مرسلهن ووش محتواهن ... ولاتشرن لهم جوالات كاميرة ولا جوالات بلوتوث ماندري وش يبي يجيهم من هالملفات اللي الله اعلم بهن ......... بعدين لا تعتمدن على الشغالات خلن رجالكن هم اللي يطبخون والشغالات بس للغسيل والكنس ....وانا سمعت تراي ان رجل أميرة يعرف يزين حلا وش زينه لذلك ترانامعزومات على القهوة عنده يوم الاحد ونبي نذوق هالحلا اللي تقول .....وعيالكن لاتخلن الشغالات يغيرن لهم .... ترى ما تدرون عن نظافتهن خلن رجالكن هم اللي يقومون بهالشي علشان تضمنن النظافة .... ولا تسوي الشغالة الرضعة للبزر لأن بهن وطابتن الله اعلم به .... خلن الرجل هو اللي يسوي الرضعة ويرضع البزر ...خلاص زمن الذل راح
وقبل ما اختم هالخطبة أي وحدة عنده سؤال تقوله
كل الحاضرات طارن عيونهن وقالن الحمد لله رب العالمين ....اختمي بس خلي نصلي وتراه أول وآخرمرة نجي وتخطب بنا مرة ... والله لايقلب فطرتنا ...ويازيننا على ما قال الله وقال رسوله والحمد لله راضيات ومؤمنات بالله ولا نبي الا مايرضي الله ورسوله
وبهالأثناء دخلت ام عدنان وهي انسانة داعية مشهورة بالخير وسلمت وقالت .... بسم الله والحمد لله ولاحول ولا قوة الا بالله ... كلمة بسيطة من القلب للقلب .... اخواتي ... هل يعقل ان نسن سنة لم يسنها قبلنا امهات المؤمنين ؟ لو كان في ما قامت به تلك المرأة خير لسبقنا اليه زوجات الرسول والصحابيات الجليلات ... ولكنه من تلبيس ابليس ...وكما شاهدتم التغطية الإعلامية العالمية لهذا الحدث ... هل هو حرص على نشر الدين الإسلامي ... ليس صحيح ولو كان هذا صحيح لرأينا مراسلي الصحافة الإعلامية بالقرب من المساجد المنتشرة في العالم .....ولقاموا بتغطية صلوات المسلمين هناك والتي تقام 5 مرات يوميا .. ولكنها رغبة في تشويه الإسلام وفرحة لأعداء الدين ...............وقعدت تهرج له شوي وارتاحن الحاضرات لهرجه
قالت الشيخة/ وانتن صادزات .... استغفر الله .... خلاص كل وحدة تصلي لحاله ونتفرق وما راح اخطب مرتن ثانية ....مع اني ابخسرالراتب من الأوقاف ...لكن ما يخالف كلش ولا شين يغضب الله
اتمنى تعجبكم والسلام
اخوكم شباط