شي غريب من جد الي يعيش ياما يشوف ويشوف

[مشرقه]

السلام عليكم ورحمة الله وبركاته

مساكم الله بالخيرات والمسرات

أعجبني اليوم تصرف يدل على أن الوراثه تلعب دور في شخيصه الفرد

أختي في أحد المدارس الخاصه في الرياض ولا أخفيكم [ان رسوم مدرستها

مبلغ مبالغ فيه ..

لااحب أن اطيل عليكم

أختي متغيبه يومين بسبب مرضها وهي في ثالث ثانوي

طلبت من الوالده مبلغ من المال قالت :...لها ليش قالت :علشان وحده من صديقاتي

تكتب عنا الواجبات في حاله غيابنا والصفحه بخمسه ريال ومستعجله بعشره

وطبعآأختي كسوله وماصدقت خبر

وعلى فكره ...البنت من اغنى بيوت الرياض وأبوها تاجر مرررررررررررره

سؤالي هنا ...ماهي الحاجه وراء كتابه الطالبه لدفاتر البنات وخاصه وقت راحتها

هل الوارثه هي السبب ؟؟

او أثبات شخصه ومكانه ماليه لديها ؟؟؟

اترك لكم التعليق

دمتم بحفظ الرحمن

[cardiac]

اسمحيلي البنت استغلت دلاخة البنات ..

وبنت التاجر اكيد أبوها حسسها بأهمية المال وان الحصول عليه ليس بالامر السهل اي انها تربت على ذلك ولم ترثه وراثة من ابيها ..

اتمنى ما تكونيين مثل اختك :)

[كامل الأوصاف]

أختي متغيبه يومين بسبب مرضها وهي في ثالث ثانوي
////////
ماتشوف شر أخت شده وتزول

/////
تصرف البنت حاجة في النفس بس

[فآرق عنـي !]

هذي أكيد يا بنت حضرمي أو قصيمي
يا حبهم للفلوس ههههههههه
وكلن يحب الفلوس لكن هم بزياااااااااادة
يحبون الدراهم حب
يفقع القلب

[بنوتة الخبر]

^
فارق اعقل(q41)
والله ياحياتي الوراثه تلعب دوووور كبييييير
لاحوووول هذي وهي بطرانه
ذكرتين بوحده تقول لزميلاته اللي تبي مشوار ترى ولد اخوي يوصل حرام عاطل وماعنده شغل وهم توهم وارثين ملاييين الملايييييييين
غريبه يااختي هالناس....عندك فلوس احشم نفسك

[فآرق عنـي !]

امحق اعقل ههههههه
بهرب بطلع اصلا اتمشى وأدور لي شي ابلعه
قبل يتجمعون علي القصمان
حميا اجل ههههههههه

[مشرقه]

اسمحيلي البنت استغلت دلاخة البنات ..

وبنت التاجر اكيد أبوها حسسها بأهمية المال وان الحصول عليه ليس بالامر السهل اي انها تربت على ذلك ولم ترثه وراثة من ابيها ..

اتمنى ما تكونيين مثل اختك :)

هي دلاخه مافيها كلام

وكلامك ممكن يكون صحيح أحساسها بأهميه المال

هو الي جعلها حريصه كل الحرص

بوركت

[بنوتة الخبر]

امحق اعقل ههههههه
بهرب بطلع اصلا اتمشى وأدور لي شي ابلعه
قبل يتجمعون علي القصمان
حميا اجل ههههههههه
اي احسن لك(qq166)
نجتمع عليك همن تروح فيها(q41)

[مشرقه]

أختي متغيبه يومين بسبب مرضها وهي في ثالث ثانوي

////////
ماتشوف شر أخت شده وتزول

/////
تصرف البنت حاجة في النفس بس



الشر مايجيك

ممكن حاجه في نفسها

بوركت

[مشرقه]

هذي أكيد يا بنت حضرمي أو قصيمي
يا حبهم للفلوس ههههههههه
وكلن يحب الفلوس لكن هم بزياااااااااادة
يحبون الدراهم حب
يفقع القلب

عاد تصدق ماسالتها ...شوي وأسالها

بيني وبينك مين فينا مايحب الدراهم

بوركت

[((قلم ودرع))]

أعانها الله على نفسها ((أقصد تلك البنت التي تجمع الفتات))؟؟؟؟؟؟؟!!!!!

أتوقع لالــــــــــــة تعشق هذا الصنف من الناس فانتظروها....(qq152).....

[الميسم]

وعليكم السلام ورحمة الله وبركاته

لكل وجهة نظر
بالنسبة لي لا أرى أن تصرف تلك الطالبة يثير الإعجاب
وخاصة أنها ليست في حاجة ..
قد تكون نظرتي غير صائبه , ولكن لا أدري لماذا أشعر أنها أقرب للحالة النفسية ..
ويكفينا قولها أن المستعجل بعشره...!!!
صراحه تصرف غريب وتفكير أشد غرابة..


شكرًا لكِ

[مشرقه]

^
فارق اعقل(q41)
والله ياحياتي الوراثه تلعب دوووور كبييييير
لاحوووول هذي وهي بطرانه
ذكرتين بوحده تقول لزميلاته اللي تبي مشوار ترى ولد اخوي يوصل حرام عاطل وماعنده شغل وهم توهم وارثين ملاييين الملايييييييين
غريبه يااختي هالناس....عندك فلوس احشم نفسك

هلابك بنوته ...هنا المشكله تجدينها عند الوارثين

أعرف لك واحد هو زوجته وارثين شي بالهبل

يوم سافرو الى لندن خذو معهم كراتين أندومي يقولون هناك المعيشه غاليه

يعطيك العافيه يالغلا

[مشرقه]

امحق اعقل ههههههه
بهرب بطلع اصلا اتمشى وأدور لي شي ابلعه
قبل يتجمعون علي القصمان
حميا اجل ههههههههه

مسرع خلك قد كلمتك ...(qq166)

[مشرقه]

أعانها الله على نفسها ((أقصد تلك البنت التي تجمع الفتات))؟؟؟؟؟؟؟!!!!!


أتوقع لالــــــــــــة تعشق هذا الصنف من الناس فانتظروها....(qq152).....



آآآآآآآآآمين أخي غليص

أشكر لك مداخلتك

[اخو جميلة]

إذا اجتمع البخل والجشع في انسان

اغسل يدك منه

صفات قبيحه والانسان المبتلا بهذه الصفات لازم يتخلص منها

[مشرقه]

وعليكم السلام ورحمة الله وبركاته

لكل وجهة نظر
بالنسبة لي لا أرى أن تصرف تلك الطالبة يثير الإعجاب
وخاصة أنها ليست في حاجة ..
قد تكون نظرتي غير صائبه , ولكن لا أدري لماذا أشعر أنها أقرب للحالة النفسية ..
ويكفينا قولها أن المستعجل بعشره...!!!
صراحه تصرف غريب وتفكير أشد غرابة..


شكرًا لكِ

ومن غرابتها بأنها لا تشاركهم الماكولات ...ويكاد تاكل خبزتها وعصيرها اليومي فقط

وتقول أختي حرام يمكن أهلها مايعطونها ....أستعطفت جميع زميلاتها

أشكرك غاليتي الميسم لاحرمنا حضورك

[مشرقه]

إذا اجتمع البخل والجشع في انسان

اغسل يدك منه

صفات قبيحه والانسان المبتلا بهذه الصفات لازم يتخلص منها



فعلآ ..................من اقبح الصفات لدي

اللهم لك الحمد والشكر

أشكرك أخي أخو جميله على مداخلتك

[رزان ~]

اغلب اهل الملايين يموتون عند الريال حريصين كل الحرص عليه .... ليش ماادري
اما الناس البسطاء خاصه ( ذوي الدخل المحدود ) ماتعنيلهم الدراهم كثير ..يعني مايتعبون في ايجادها ..ويصرفونها بسهوله
.
.
.
امحق فلوس اهم شئ الوناسه

[بنوتة الخبر]

هلابك بنوته ...هنا المشكله تجدينها عند الوارثين


أعرف لك واحد هو زوجته وارثين شي بالهبل

يوم سافرو الى لندن خذو معهم كراتين أندومي يقولون هناك المعيشه غاليه

يعطيك العافيه يالغلا

ياربي ربااااه(hjh)
هذولا اللي يجمعون القرش مهوب حنا اللي الواحد ليا صار معه قريشات يركض يدور اي شي يصرفهن فيها
وه بس

[سلطان888]

لا اظن الوراثة تلعب هذا الدور

على فكره مو كل اب عنده فلوس يبذر على اولاده البعض منهم مايعطيهم الا بحساب عشان يعرفوا قيمة القرش

البعض اللي يدرسوا في مدارس خاصه اتكالين

على كذا اختك ماتنجح الا بالدف

[samisalami]

والله اختك المفروض تتصرف احسن من هالتصرف يعني تروح لأحد البنات اللي ماتسوي بزنس بالمدرسة وتاخذ الدفتر منها وتنقل مافاتها ومو معقول كلهن بيبزنسن مثل الجلدة اللي تسوي بزنس قبيح...

واللي يقول الحضارم والقصمان يحبون الفلوس
اقول ستجد خلف كل تطور ومشروع حضاري وعصري إما قصيمي او حضرمي على قولتك
فهم من يدفع عجلة التنمية في البلاد ليسوا كمن يهرب بعيداً الى بلاد ما وراء البحار ويستثمر ويتاجر بها للغريب

اتمنى ان الروح الرياضية تجد مكانها في هذا المنتدى لأن لا تنحرف عجلة الحيادية عن مسارها..

دمتم في رعاية الرب

[عشقي ديرتي]

وشفيهم القصمان يا فارق اذا هم يحون الفلوس على قولتك فالكل يحب الفلوس ,عاد انت ماشاء الله ماتحبهم ,لكن والنعم بالقصمان سخى وسنع وذرابه .:6655:

[سيمار]

يحليلها
والله لاقيه هالبنات


شوفي ولدي بسنة ثالث ابتدائي كان يحوش ريال من مصروفه بدون علمي
واكتشفت هالشي بعدين
صار واحد من الطلاب يجيب سيارات صغيرة اللي تجي وجبه مع الهابي ميل
ويخلي العيال بين الحصص يلعبون فيها وياخذ من كل واحد ريال ههههههههههههه

اسم الله عليه على هالعقلية والله يحفظة لاهله
لاتفكرون بتفاهة العمل هذا بقدر تفكيركم بهالعقلية كيف راح تكون بعدين
للأسف لا احنا ولا اولادنا طلعنا نعرف قيمة الفلوس
اللي يجي من هنا ينصرف من هنا لكن هذا اكبر غلط

[الحب خالد]

ياااحليلها .. والله تشتغل الدميجه ماشاء الله
بس عذرا وبحكم خبرتي التعليميه ..يجب اخبار المرشده
لتخبر اهلها لان الاهل يمكن ما يدرون عن الفلوس .. ولايعرفون وين تصرفها
مره وحده من طالباتنا في المتوسط جمعت من كل وحده بفصلها ريال
>>>نوعا ما ماسهز الميزانيه للطالبه
وفي نهاية الدوام انحاااشت الله يصلحها
المهم درينا عنها مع انه نظاما ماعلينا شيء لانها خرجت بعد الدوام الرسمي
وقاموا المعلمات كل وحده تدوري في جهه اللي في مستوصفات قريبه
ةواللي في البقالات والسوبر والمطاعم واللي تطل في وجيه البنات
وانا من الحظ الردي علي المناوبه ..
المهم رجعت البنت (((كانت رايحه لعمها ))
وجاء ابوها ((( عسكري من اهل الجنوب ))
وقال ابدخل اذبحها ويصااارخ تراها ميته ..
وانا ادخل البنات داخل الساااحه اخاف ابليس يلعب براسه
المهم انا ماطلعت البنت ابدا وكلمت عمها وقلت تعال تستلمها ماراح اعطيها الاب في هالحال ابد
وفعلا جاء عمها وانتهت المشكله بفصل الطالبه

فلازم اختي حياااتي تبلغون المرشده الاجتماعيه
يمكن البنت فيها خلل نفسي او اجتماعي
وان كان القصد تجاره فبين البايع والشاري يفتح الله
واللي ممعهوش ميلزموش
وكونوا بخير دوما
برشاشه يقول طلع

[الجبل الشاهق]

أتوقع المال هذا حرام لأنها تحل الواجبات المفروضه على غيرها

بس على الأقل تعجبني إهتماماتها أكبر من بعض البنات الدلوخ اللي ماهمهن الا التبطح عند النت و وتملى بطنها بـ طُن من أنواع وأشكال من الأطعمه

[إزدحام]

مادامها بنت زنقيل طبيعي فرخ الوز عوّام ..
ياحليلها المستعجل بعشرة ..
الله يرزقها ويعوض على أختك .

[دانه السبيعي]

هههههههههههههههه رهيبه ذي البنت ابن الوز عوام جاي على ابوها
تصدقين عندنا بالجامعه كذا بس مو طالبات لأ دكتورات واستاذات ههههههه

[قصتي رواية]

هو فيه دفاتر إلى الآن ؟!

صح أنا ألاحظ أغلب الناس المليانين طماعين لحد الجشع ..

ويلهثون وراء الفلوس بطريقة هستيرية ،، حتى فيه واحد عندنا بطران للآخر ..

ولدة يدرس في الجامعة حجزله منصب من مناصب الجامعة ،، ولا يفوتكم جالس على رأس عمل


اللهم لا تجعل الدنيا أكبر همنا ..

[ام / عبد الرحمن]

وينها ذي البنت ابيها تكتب عني هاليومين في المنتدى صاير مالي خلق واخاف بريستيجي يخرب - حقوق الطبع محفوظة لشموخ الاصلية-يعني تعرفون كتاباتي مهمة والكثير ينتظرها >>> مصدقة عمري

المهم اذا ما تعرف ابكتب موضوع وبعطيها خمسة بس ترد على المشاركين >> اصعب شي الردود :)

[شموخ بدوية]

طيب أنا بسويها ب 3 ريال للدفتر الواحد (ask)






استغفر الله الواحد كل ماكثرت فلووسه زااد بخله



ليتنا نعلم أنفسنا شوية أدخاار للزمن هذا أنا معلمة كم سنة ماجمعت الأ طل في وجهي

أمي كل يوم تهاوشني أنا وأختي ...(qq60)


بنتي الصغيرة اسم الله تحفظ القرووش

..الولد والبنت الكبار خربوطين مثل أمهم (qq60)



دنيااااااااا

راح نموت ونترك الفلووس ....(qq89)

[*سماهر*]

يا حليلها بزنس وومن

يمكن ابوها بخيل ما يعطيها مصروف وهي ذكيه دبرت نفسها بنفسها

تذكرت وحده بالجامعه ابوها غني وهي تكتب ابحاث للبنات وكل شي بحسابه كنت اتعجب منها ولما تقربت منها اكثر عرفت ان ابوها بخييييل الله يعينها

[دانه بعين بحاري]

هلابك بنوته ...هنا المشكله تجدينها عند الوارثين


أعرف لك واحد هو زوجته وارثين شي بالهبل

يوم سافرو الى لندن خذو معهم كراتين أندومي يقولون هناك المعيشه غاليه

يعطيك العافيه يالغلا


ههههههه...اجل لو ماصاروا كذا من اين لهم يسافروا
انت خلينا نسافر ومايحتاج ناكل..

[مشرقه]

اغلب اهل الملايين يموتون عند الريال حريصين كل الحرص عليه .... ليش ماادري
اما الناس البسطاء خاصه ( ذوي الدخل المحدود ) ماتعنيلهم الدراهم كثير ..يعني مايتعبون في ايجادها ..ويصرفونها بسهوله
.
.
.
امحق فلوس اهم شئ الوناسه

هلابك رزان

بيني وبينك بعد الفلوس تونس

وذوي الدخل المحدود ماذاقو طعم الدراهم زين علشان كذا يصرفون وبس

أسعدتني مشاركتك يالغلا

[مشرقه]

ياربي ربااااه(hjh)
هذولا اللي يجمعون القرش مهوب حنا اللي الواحد ليا صار معه قريشات يركض يدور اي شي يصرفهن فيها
وه بس

بس كذا بعد غلط يابنوته

الاعتدال مطلوب لافرط ولاتفريط

دمتي بود يالغلا

[مشرقه]

لا اظن الوراثة تلعب هذا الدور

على فكره مو كل اب عنده فلوس يبذر على اولاده البعض منهم مايعطيهم الا بحساب عشان يعرفوا قيمة القرش

البعض اللي يدرسوا في مدارس خاصه اتكالين

على كذا اختك ماتنجح الا بالدف

لا اختي بيني وبينك دافوره ولاتبي تضيع وقتها في الكتابه

علشان كذا اعجبتها الفكره

[مشرقه]

والله اختك المفروض تتصرف احسن من هالتصرف يعني تروح لأحد البنات اللي ماتسوي بزنس بالمدرسة وتاخذ الدفتر منها وتنقل مافاتها ومو معقول كلهن بيبزنسن مثل الجلدة اللي تسوي بزنس قبيح...

واللي يقول الحضارم والقصمان يحبون الفلوس
اقول ستجد خلف كل تطور ومشروع حضاري وعصري إما قصيمي او حضرمي على قولتك
فهم من يدفع عجلة التنمية في البلاد ليسوا كمن يهرب بعيداً الى بلاد ما وراء البحار ويستثمر ويتاجر بها للغريب

اتمنى ان الروح الرياضية تجد مكانها في هذا المنتدى لأن لا تنحرف عجلة الحيادية عن مسارها..

دمتم في رعاية الرب

المفروض شي والي يصير مع البنات شي ثاني

الله الهادي ...بوركت

[مشرقه]

وشفيهم القصمان يا فارق اذا هم يحون الفلوس على قولتك فالكل يحب الفلوس ,عاد انت ماشاء الله ماتحبهم ,لكن والنعم بالقصمان سخى وسنع وذرابه .:6655:

والنعم والله في القصمان .\0.وحده خايفه

تراني ماني قصميه