عيبك انك ماتصومي ( مصافحه اولى ) ..!!

[محمد الوبير]

مصافحه تحتاج الى عيونكم



تخيلتها تطلب مني سرد عيوبها حتماً لن ترا عين الحبيب سوى هذه العيوب




عيبك انـك بالقصايـد توصفيـن = كل فكره لا طريتـي لـي غـزل


عيبك انك مـن جمالـك تشتميـن = لعنبو حيك / وجـدك / والنسـل


عيبك انـك لانويتـي تسحريـن = تامرين الرمش ويعقد لـه عمـل


عيبك انك ماتصومـي تفطريـن = هو يصوم اللي طعم ريقه عسـل


عيبك انك لنحـل مـا ترحميـن = كل ورد(ن) من شذا خـدك ذبـل


عيبـك انـك لابكيتـي تذرفيـن = فوق خدك دمع يجـرح لا همـل


عيبك انـك لا مشطتـي تاقفيـن = شعرك اللي حـد رجلينـك نـزل


عيبك انـك ياغناتـي تسكريـن = شفتك خمر(ن) ومن ذاقـه سطـل


عيبك انك لانقطع كهـرب تجيـن = تكشفين السـاق ينـور مـا أفـل


عيبك انـك لا وقفتـي تشبهيـن = راية(ن)بيضاء على قمـة جبـل


عيبك انك فـي جلالـك تجلسيـن = مثل شيخ(ن) في حكم شرعه عدل


عيبـك انـك لا مشيتـي تتعبيـن = نابي الردفيـن و اتعبـك الحمـل


عيبك انـك لاكشختـي تكشخيـن = فيك تفخر أنفس واغلـى الحلـل


عيبـك انـك مابزينـك اربعيـن = لا بالآرض ولا على كوكب زحل


عيبك انك من حلاتـك تخجٍليـن = استحى الشيطان يغويك و رحـل


عيبك انـك ماهقيتـك تخطبيـن = كل رجال(ن) مـن الهيبـه جفـل


/


/


/


/


/

وعيبي اني احسد الجـن القريـن = وآتمنـى لـو يبادلـنـي بــدل


وعيبي اني يوم اشوفك ترقصيـن = اقسم اللي ماخـذا مثلـك صمـل





هناك عيوب حذفتها لاسباب امنيه وقوميه عربيه !!

[غيووم]

عيبك انـك بالقصايـد توصفيـن
كل فكره لا طريتي لـي غـزل


عيبك انك من جمالـك تشتميـن
لعنبو حيك / وجـدك / والنسـل

خوي محمد

سلمت يمينك علي ماسطرت ابيات في غاية الروعة

ننتظر جديدك لاعدمناك

اختك

غيووم

[صايد العنايد]

روووووووووووووووووووعه
صح لسااااااااااااااااانك مليون
ولايكفون

ودك ان العيوب كلها كذا

مبدع يالغالي
مبدع

اتمنى لك التوفيق

اخوك
صاااايد العناااايد

[سـعـد العتيبي]

صح لساااااااااااااااااااااااااااااااااااااااااااااااا انك

يامحمد


قصيده رائعه بمعنى الكلمه


تقبل تحياتي

[سيف العداله]

رووووووووعه
رووووووووعه

مبدع اخوي محمد
قصيدة قمة وخيال

مع انه ودي باللي انحذف لاسباب امنية :)

ارسلها لنا على الخاص

ولا تحرمنا من ابداعاتك

وصح لسانك يا الذيب