المساعد الشخصي الرقمي

مشاهدة النسخة كاملة : جميعاا يدا بيد نحو منتدى افضل .. !! (موضوع أستثنائي)


اخو جميلة
05-01-10, 03:19 AM
هذا موضوع أستثنائي وكان لابد من طرحه

طبعا نلاحظ في الفترة الاخيره كثرت المهاوشات والمناوشات وبدأ القسم ينحرف

عن مساره والخط الي يسير عليه ,, والاداره حليمه جدا مع الاعضاء ويستحقون

كل الاحترام والتقدير على أعطاء الاعضاء حرية واسعه ويستحقون ايضا منٌا

كا اعضاء ان نكون بالصوره الي يرجونها من كل عضو

وأنا مابري ء نفسي واعتبر نفسي أحد المخربين للقسم بسبب بعض الاراء الحادة

وبعض السقطات في أختيار وأنتقاء المصطلحات ,, أحيان يعلم الله تكون بدافع الغيره والبعض منها بدافع الاستفزاز كرد غير مباشر لبعض الردود الي فيها تهجم مباشر على الشخص نفسه في موضوع يكون في إطار عام


مافيه خساره أكبر من خسارة شخص تحترمه وتقدره وتكن له كل الاحترام تتفاجأ بعتبه عليك

وعلشان نبدأ با اول خطوه في أول طريق

راح اعلن للجميع اعتزالي النهائي عن الدخول في مواضيع الي تثير الغضب وتشحن النفوس ,, واتمنى من الاخوان الي عندهم بعض هذي السلبيات يشاركني هذا الموضوع ونبدأ صفحه جديدة للاتقاء بهذا القسم

مع الاعتذار لكل شخص غلطت عليه القائمه طويلة بالمهاوشات لامجال للحصر


وانا اول الموقعين

اخو جميلة

بنوتة الخبر
05-01-10, 03:28 AM
هلابك ويصبحك بالخير
مبادره حلوه
والله يااخوي اكثر مايضايقني الاستفزاز
والغمز واللمز...يجي شخص يتسفزك..لاسباب سخيفه
يسمع بالاثاره ولا مريض نفسي اعوذ بالله بس
معك انا
ثاني الموقعين انا

اخو جميلة
05-01-10, 03:41 AM
هلابك ويصبحك بالخير
مبادره حلوه
والله يااخوي اكثر مايضايقني الاستفزاز
والغمز واللمز...يجي شخص يتسفزك..لاسباب سخيفه
يسمع بالاثاره ولا مريض نفسي اعوذ بالله بس
معك انا
ثاني الموقعين انا

الله يصبحك بالرضى والنعيم

انتي الله يسلمك ماشفنا منك إلا كل خير وبركة

توقعيك غير مقبول اطلاقا التوقيع فقط للي رصيده مثل رصيدي في المهاوشات

لاهنتي وبيض الله وجهك

الميسم
05-01-10, 03:42 AM
دعوه تستحق الشكر عليها
ومبادره طيبة نتمنى أن ننجح في غرس بذورها في الصفحات الجديدة القادمه
لتثمر , ونحن بالتأكيد أول المستفيدين منها ..

بالتوفيق وإلى الأمام جميعًا ...

... بنت الجنوب ...
05-01-10, 03:43 AM
انا معك يااخو جميله بس صدقني الهوشات لها طعم.

يعني صعب يكون القسم كله واااو .

لازم من شد الشوش وكم بووقس ع الطاير .http://i1.makcdn.com/m002/alfrasha/imagesNew/smilies/048.gif

يعني لابد من الملح والا ماييصر للقسم طعم.
<< ماتصلح مراقبه .http://i1.makcdn.com/m002/alfrasha/imagesNew/smilies/061.gif

cardiac
05-01-10, 03:55 AM
كمن ينفخ في قربة مخرومة :)

أوبآل
05-01-10, 03:58 AM
私の署名

cardiac
05-01-10, 04:00 AM
私の署名


أفااااااا ليش تسبيين الرجال ما سوى شي :)

بنوتة الخبر
05-01-10, 04:02 AM
الله يصبحك بالرضى والنعيم

انتي الله يسلمك ماشفنا منك إلا كل خير وبركة

توقعيك غير مقبول اطلاقا التوقيع فقط للي رصيده مثل رصيدي في المهاوشات

لاهنتي وبيض الله وجهك
الله مير يسلمك(a21)
لاوالله جايبه العيد بس اشوى انك ماشفت(vv)
بس اظن ان محد موقع الا وانت(vv)

اخو جميلة
05-01-10, 04:05 AM
دعوه تستحق الشكر عليها
ومبادره طيبة نتمنى أن ننجح في غرس بذورها في الصفحات الجديدة القادمه
لتثمر , ونحن بالتأكيد أول المستفيدين منها ..

بالتوفيق وإلى الأمام جميعًا ...


شكراا لك يا أستاذتنا

عن نفسي قفلت الباب هذا بشكل نهائي

وان شاء الله باقي الاخوان يسيرون على نفس الطريق

الدخول في مثل هذي الامور يدخل الواحد في هفوات وسقطات كثيره

ومثلك ياطويلة العمر وشرواك الواحد يتقطع من الحياء امامهم اذا خرجت منه هفوات

لانها في النهاية تنعكس على صورة الشخص حتى لو كان بريء منها

لاهنتي وبيض الله وجهك

اخو جميلة
05-01-10, 04:13 AM
انا معك يااخو جميله بس صدقني الهوشات لها طعم.

يعني صعب يكون القسم كله واااو .

لازم من شد الشوش وكم بووقس ع الطاير .http://i1.makcdn.com/m002/alfrasha/imagesNew/smilies/048.gif

يعني لابد من الملح والا ماييصر للقسم طعم.
<< ماتصلح مراقبه .http://i1.makcdn.com/m002/alfrasha/imagesNew/smilies/061.gif

ههههههه

تذكرين هوشتنا :rofl951:

والله ماندمت على شيء كثر ماندمت على ذيك الهوشه

مع العلم ان مسألة الهواش عندي مثل السلام عليكم ويمكن المكان الي مافي هوشه ماعيش فيه ,, لكن أحيان اطيح في ناس ماعرف عنهم شيء ,, اخ فاضل او اخت فاضله مثلك واحس اني سويت جريمة كبيره في حقهم وأندم كثير لان المسالة كلها ماتستاهل , أما بعض الاشخاص ودي اتهاوش معه كل يوم هههه

لاهنتي وبيض الله وجهك

... بنت الجنوب ...
05-01-10, 04:13 AM
أفااااااا ليش تسبيين الرجال ما سوى شي :)



محرق عشاش..:rofl951:

... بنت الجنوب ...
05-01-10, 04:18 AM
ههههههه

تذكرين هوشتنا :rofl951:

والله ماندمت على شيء كثر ماندمت على ذيك الهوشه

مع العلم ان مسألة الهواش عندي مثل السلام عليكم ويمكن المكان الي مافي هوشه ماعيش فيه ,, لكن أحيان اطيح في ناس ماعرف عنهم شيء ,, اخ فاضل او اخت فاضله مثلك واحس اني سويت جريمة كبيره في حقهم وأندم كثير لان المسالة كلها ماتستاهل , أما بعض الاشخاص ودي اتهاوش معه كل يوم هههه

لاهنتي وبيض الله وجهك




ههههههههههههههههههههههههه


وديه حاقه تتنسي .(vv)

انا بعد تندمت عليك ..تسرعت وطبيت في بطنك وانا متغطيه.:rofl951:

لكن غيرنا جو شويه عن المعتاد.(qq18)

..

اخو جميلة
05-01-10, 04:25 AM
كمن ينفخ في قربة مخرومة :)


جزاك الله خير

>> شوف كيف المعامله بعد توقيع اتفاقية عدم الاعتداء :)

اخو جميلة
05-01-10, 04:29 AM
私の署名



صدقتي ياوحدة فله (q81)


>> مسوي يعني يفهمها وهي طايره

اخو جميلة
05-01-10, 04:32 AM
الله مير يسلمك(a21)
لاوالله جايبه العيد بس اشوى انك ماشفت(vv)
بس اظن ان محد موقع الا وانت(vv)

ههههههه

ماشفت شيء والله

الظاهر برسلهم الجني الي يدغدغ علشان يوقعون :876564:



حان وقت النوم

البقيه بكره ان شاء الله

تصبحون على خير جميعاا

بنت الهيلا
05-01-10, 07:11 AM
الله يوفقك ياخو جميله
وان دل فانه يدل على معدنك الطيب لا حرمك الله الاجر
يعطيك ربي العافيه

نجمة المنتدى
05-01-10, 07:19 AM
شي جميل ......يله وقعو الله لايهينكم كلكم....
ولاتحسبون طولة اللسان عن علم وبعضهم على لاشي..شر بس واستفزاز.......
اخ بس ياليت ينعث ناس قبل كانت شغلتهم المراد.......ولايملون....
الله يهدي الجميع......
شاكرين لك هالحركه الحلوة اخو جميله...

شموخ بدوية
05-01-10, 07:53 AM
وأنا مابري ء نفسي واعتبر نفسي أحد المخربين للقسم بسبب بعض الاراء الحادة


راح اعلن للجميع اعتزالي النهائي عن الدخول في مواضيع الي تثير الغضب وتشحن النفوس ,, واتمنى من الاخوان الي عندهم بعض هذي السلبيات يشاركني هذا الموضوع ونبدأ صفحه جديدة للاتقاء بهذا القسم



اخو جميلة


طييب متى حفلة الآعتزال حقتك (ask)

نواف التميااط سوا حفلة لازم انت بعد تسوي حفلة (qq18)




عاد أنا أعترف لي معارك شيل أبوك وحط أبوك...


لكني ماأحب خطى على أحد .لكن اللي يخطئ علي .......(qq136)




ودي أطنش لكن مااش ..ماأصبر تحكني يدي ولسااني .>> وش دخل يدك ماادري (vv)



ع العموم بحااول والله كريم يهون الجرح الاليم (qq136)



عسى يارب ب ماتصير مثل اتفاقية كامب ديفيد (qq18)

منــــــال
05-01-10, 02:10 PM
صدقتي ياوحدة فله (q81)


>> مسوي يعني يفهمها وهي طايره



هههههههههههههههههههه
تراها تقولك (ما عندك سالفة ) بالياباني (vv)

الهنـوف
05-01-10, 03:14 PM
كل ممنوع مرغوب
ولكن ِ موافقه ع النص اعلاه

ام / عبد الرحمن
05-01-10, 03:17 PM
جزاك الله خير وانا ثالث الموقعين >>> بس ترى مو اكيد اذا تعرضت لاهانة ما اقدر امسك لساني

فآرق عنـي !
05-01-10, 03:59 PM
أنا مو موقع لأني الحمد لله
مسالم هههههه


ما أعرف أوقع لكن أبصم لك هههههه
http://t2.gstatic.com/images?q=tbn:1UHS6KGaj5YopM:http://www.compscipbl.com/fingerprint/images/fingerprint300w.jpg (http://images.google.com.sa/imgres?imgurl=http://www.compscipbl.com/fingerprint/images/fingerprint300w.jpg&imgrefurl=http://www.alrepat.com/vb/showthread.php%3Ft%3D51072&usg=__U69kpkg-J8J88HJ6XOUk_VD8l5g=&h=470&w=300&sz=73&hl=ar&start=10&um=1&tbnid=1UHS6KGaj5YopM:&tbnh=129&tbnw=82&prev=/images%3Fq%3D%25D8%25B5%25D9%2588%25D8%25B1%25D8%2 5A9%2B%25D8%25A8%25D8%25B5%25D9%2585%25D8%25A9%26h l%3Dar%26safe%3Dactive%26sa%3DN%26um%3D1)
ولا أتخلى عن التثريب الجائز

AbduLraHmN
05-01-10, 07:23 PM
طييب متى حفلة الآعتزال حقتك (ask)

نواف التميااط سوا حفلة لازم انت بعد تسوي حفلة (qq18)




عاد أنا أعترف لي معارك شيل أبوك وحط أبوك...


لكني ماأحب خطى على أحد .لكن اللي يخطئ علي .......(qq136)




ودي أطنش لكن مااش ..ماأصبر تحكني يدي ولسااني .>> وش دخل يدك ماادري (vv)



ع العموم بحااول والله كريم يهون الجرح الاليم (qq136)



عسى يارب ب ماتصير مثل اتفاقية كامب ديفيد (qq18)

سبقتيني كنت بكتب له متى حفل اعتزالك :rofl951:

AbduLraHmN
05-01-10, 07:25 PM
كل ممنوع مرغوب
ولكن ِ موافقه ع النص اعلاه

ليش خطك دايم كبير صغري الخط (a21)

ونسقيه

او اذا مره ماتبغين تسوين شي صغريه وخليه على طبيعته (qq18)

ربع ريال
05-01-10, 07:35 PM
وانا معكم ، الا بشي واحد لا جاني شخص يتكلم ويطالب باشياء للمراه يحرمه الدين هذا ودي امسكه وادعسه الين تتطلع مصارينه

((قلم ودرع))
05-01-10, 07:42 PM
عسى أن لايكون ((غليــــــــــص)) منهم...موضوع جاء في وقته من جميل هو أخ للجميلــــــــة فجمل الله حالك وطيب فالك أخي الفاضل.....

سدد الرحمن خطاك على الحق

يتيمة في دنيااليمة
05-01-10, 07:59 PM
سبحان الله.....



أول مره اعرف ان الوضوء معناه كذا !!

- غسل اليدين : اللهم ناولني الكتاب باليمين

- المضمضــة : اللهم ثبت لساني بالنطق بالشهادة

- الاستنشــاق : اللهم استنشقني رائحة الجنة

- الاستنثــــار : اللهم نجيني من رائحة الزقوم

- غسل الوجه : اللهم بيض وجهي يوم تسود الوجوه وتبيض الوجوه

- غسل اليدين إلى المرفقين :
- اليـد اليمنــى : اللهم اجعلني من أصحاب اليمين

- اليـد اليسـرى : اللهم نجيني من أصحاب الشمال

- مسح الرأس : اللهم اعتق رقبتي من النار اللهم ردني مرد المؤمنين

- غسل الرجلين : اللهم لا تزل قدمي عن الطريق المستقيم


نصيحه :

من كتم علما كان عليه حجة يوم القيامه
انا حبيت احد يستفيد منه وانا مادخلت المنتدى الا انا احد يستفيد من الي اكتبه وشكرا
واتمنى الرد منكم

اخو جميلة
05-01-10, 09:57 PM
الله يوفقك ياخو جميله
وان دل فانه يدل على معدنك الطيب لا حرمك الله الاجر
يعطيك ربي العافيه


الله يسلمك ويستر عليك دنيا وآخره

الطيب والعلوم الغانمه كلها عندك ياطويلة العمر

لو ربعنا يطيعوني كان خليتهم يعطونك ختم الشيخه

وتصيري شيخة شمل حريم الهيلا


لاهنتي وبيض الله وجهك

اخو جميلة
05-01-10, 10:07 PM
شي جميل ......يله وقعو الله لايهينكم كلكم....
ولاتحسبون طولة اللسان عن علم وبعضهم على لاشي..شر بس واستفزاز.......
اخ بس ياليت ينعث ناس قبل كانت شغلتهم المراد.......ولايملون....
الله يهدي الجميع......
شاكرين لك هالحركه الحلوة اخو جميله...



هلا ومرحبا نجمة القصيعة


للتوضيح فقط للي مايعرف عني شيء

الحمدلله ماعمري على كثر هواشي تلفظت على أحد بالالفاظ السوقية والالفاظ النابية هذي الالفاظ خارج قاموسي في كل زمان وفي اي مكان ,, فقط مجرد مصادمات ومشاحنات وأحيان اختار مصطلحات غير مناسبه للموضوع , علشان كذا قررت أتجنٌب إي موضوع فيه مصادمات وشحن للنفوس والي يغلط علي أرد عليه بالتطنيش والصمت , وكفا الله المؤمنين القتال


عفواا ماسويت كذا غير أحتراماا للناس الي أمثالك طال عمرك

اخو جميلة
05-01-10, 10:56 PM
طييب متى حفلة الآعتزال حقتك (ask)

نواف التميااط سوا حفلة لازم انت بعد تسوي حفلة (qq18)




عاد أنا أعترف لي معارك شيل أبوك وحط أبوك...


لكني ماأحب خطى على أحد .لكن اللي يخطئ علي .......(qq136)




ودي أطنش لكن مااش ..ماأصبر تحكني يدي ولسااني .>> وش دخل يدك ماادري (vv)



ع العموم بحااول والله كريم يهون الجرح الاليم (qq136)



عسى يارب ب ماتصير مثل اتفاقية كامب ديفيد (qq18)


ههههههههههه


لا ماني معتزل قاعد على قلبوكم (qq168)


بس بخفف شوي من التكسير واللعب الخشن وبلتزم بتعليمات إدارة الفيفاا


بس انتي بالذات ممنوعه من التوقيع تعلقياتك وناسه ماودنا نفقدها (qq22)

كان لي نصيب منها زمان وكنت مسميك بيني وبين نفسي "المدمره كول"

عليك صواريخ يادافع البلا هههههه

الظاهر لو انك شاعرة بتصيري مثل الزلامي مير الي يبا العافية يخلي بينه وبينهم مئة وادي


لاهنتي وبيض الله وجهك

اخو جميلة
05-01-10, 11:07 PM
هههههههههههههههههههه
تراها تقولك (ما عندك سالفة ) بالياباني (vv)




ههههههههه

سلامت نظرك ,, انا اعرف ياباني تمام هي تقول ( ماعندك سلف ) مو سالفة

ركزي زين علشان تنجحي هذا الترم :)

اخو جميلة
05-01-10, 11:13 PM
كل ممنوع مرغوب
ولكن ِ موافقه ع النص اعلاه


هلا مرحباا

نحاول قدر الامكان الابتعاد عن الهواش والاشياء الي تسبب الشحن في النفوس

اما المزح والاخذ والرد وطرح الاراء والانتقادات مالها علاقه بالموضوع


توقيعك مرفوض لان سجلك ناصع البياض


لاهنتي وبيض الله وجهك

اخو جميلة
05-01-10, 11:17 PM
جزاك الله خير وانا ثالث الموقعين >>> بس ترى مو اكيد اذا تعرضت لاهانة ما اقدر امسك لساني


وياك الله ان شاء الله يام عبدالرحمن

سجلك ناصع البياض وتوقيعك مرفوض

والي يتعرضلك بالاهانه مو بس انتي الي تردي عليه كلنا برد عليه


لاهنتي وبيض الله وجهك

اخو جميلة
05-01-10, 11:27 PM
أنا مو موقع لأني الحمد لله
مسالم هههههه


ما أعرف أوقع لكن أبصم لك هههههه
http://t2.gstatic.com/images?q=tbn:1UHS6KGaj5YopM:http://www.compscipbl.com/fingerprint/images/fingerprint300w.jpg (http://images.google.com.sa/imgres?imgurl=http://www.compscipbl.com/fingerprint/images/fingerprint300w.jpg&imgrefurl=http://www.alrepat.com/vb/showthread.php%3Ft%3D51072&usg=__U69kpkg-J8J88HJ6XOUk_VD8l5g=&h=470&w=300&sz=73&hl=ar&start=10&um=1&tbnid=1UHS6KGaj5YopM:&tbnh=129&tbnw=82&prev=/images%3Fq%3D%25D8%25B5%25D9%2588%25D8%25B1%25D8%2 5A9%2B%25D8%25A8%25D8%25B5%25D9%2585%25D8%25A9%26h l%3Dar%26safe%3Dactive%26sa%3DN%26um%3D1)
ولا أتخلى عن التثريب الجائز



هههههههههه

مثلي مسالم مره :rofl951:


الكلام بس عن الهواش والسب وآثارت بعض الاشياء الي تشحن النفوس

اما التعليقات والمزح والذبات الخفيفه عادي هذي من حريات الشخص


لاهنت وبيض الله وجهك على المبادره الطيبه

اخو جميلة
05-01-10, 11:30 PM
سبقتيني كنت بكتب له متى حفل اعتزالك :rofl951:




ابو داحم وين توقيعك (qq1)


انا قلت اللحين بيملا الصفحه بالتواقيع

اخو جميلة
05-01-10, 11:34 PM
وانا معكم ، الا بشي واحد لا جاني شخص يتكلم ويطالب باشياء للمراه يحرمه الدين هذا ودي امسكه وادعسه الين تتطلع مصارينه


هلا ومرحباا

وحنا معاك بعد الي يطالب بشياء تخالف الدين أو المواضيع الي تتعلق بالشيعه والاعضاء الشيعه هذي خارج الاتفاقيه سفهم بالتراب وانت بكرامه

القصد فقط الابتعاد المصادمات والمشاحنات الي تكون بين الاعضاء

اما القضايا الي تهمٌنا جميعاا الي في خاطرك قوله


لاهنت وبيض الله وجهك على مبادرتك الطيبه

اخو جميلة
05-01-10, 11:39 PM
عسى أن لايكون ((غليــــــــــص)) منهم...موضوع جاء في وقته من جميل هو أخ للجميلــــــــة فجمل الله حالك وطيب فالك أخي الفاضل.....

سدد الرحمن خطاك على الحق


هلا ومرحباا يا اخ غليص

لا بالله منت منهم ,, سجلك ناصع البياض ياطويل العمر

المبادره هذي فقط علشان نتخلص من المهاوشات والمناوشات والشحن الي بين الاعضاء

اما حرية الراي والانتقاد هذي حريات شخصيه ماحد يتدخل فيها


ولاهنت وبيض الله وجهك

اخو جميلة
05-01-10, 11:41 PM
سبحان الله.....




أول مره اعرف ان الوضوء معناه كذا !!

- غسل اليدين : اللهم ناولني الكتاب باليمين

- المضمضــة : اللهم ثبت لساني بالنطق بالشهادة

- الاستنشــاق : اللهم استنشقني رائحة الجنة

- الاستنثــــار : اللهم نجيني من رائحة الزقوم

- غسل الوجه : اللهم بيض وجهي يوم تسود الوجوه وتبيض الوجوه

- غسل اليدين إلى المرفقين :
- اليـد اليمنــى : اللهم اجعلني من أصحاب اليمين

- اليـد اليسـرى : اللهم نجيني من أصحاب الشمال

- مسح الرأس : اللهم اعتق رقبتي من النار اللهم ردني مرد المؤمنين

- غسل الرجلين : اللهم لا تزل قدمي عن الطريق المستقيم


نصيحه :

من كتم علما كان عليه حجة يوم القيامه
انا حبيت احد يستفيد منه وانا مادخلت المنتدى الا انا احد يستفيد من الي اكتبه وشكرا
واتمنى الرد منكم





جزاك الله خير

ولو خليت الموضوع هذا في موضوع مستقل كان افضل علشان يطلع عليه الجميع

لاهنت والله يعطيك العافية