عمي يعتدي علي من صغري وانا اصير المجرمه..

[ندى الخالدي]

بسم الله الرحمن الرحيم

السلام عليكم ورحمة الله وبركاته ..


ايش اخباركم !!
اتمنى انكم تكونون بخيريارب ...
وكل عام ونتم بألف صحه و سلامه ..

انا عضوة جديده لكن من المتابعات لمنتدى قصيمي نت من زمان وكنت حابه هذا المنتدى وودي انضم له من زمان ..
وانا عارفه فيكم الأم والأب والأخ والأخت وكلكم متفهمين وهذا الشي الي شجعني اكثر بأن اكون معاكم وغير كذا افتح لكم قلبي وقول لكم الي في خاطري ...

انا صدق ماقدرت افتح قلبي لااهلي ولا قدرت اتكلم معاهم لكن اعتبركم انتوا اهلي وحاسه انكم راح تتفهموني وبنفس الوقت ماراح تبخلون علي بدعواتكم ...

ذلحين راح اقولكم قصتي او با الاصح مشكلتي ...

بداية طفولتي كانت طلاق امي و كان عمري شهر وطبعن هي الي طلبت وتركتني عند الوالد الله يخليه وانا تبهذلت يعني مرات اكون في بيت جدي ومرات عند وحده من عماتي متزوجه و الوالد بحكم عمله ماكان يقدر يكرس كل وقته لي الى ان تزوج وطبعن زوجته ما قصرت معاي ابد مهتمه فيني ولله الحمد وانا وهي قلب واحد يعني انا بنتها وهي امي مافي بينا خلاف والحمد الله الين صار عمري 6 سنين ومن هنا بدت المعاناه

بنسبه لي معا الاسف كنت اروح اسلم على جدي و جدتي كل نهاية اسبوع و الوالد يتركني عندهم كذا ساعه اجلس معا بزارين عماتي بس معا الاسف انا كرهت اروحه هذي وصرت اوقات اذا جاء نهاية الاسبوع اسوي نفسي مريضه مو لاني مريضه صدق لا والله كنت احاول اتهرب بتقولون من ايش ؟؟
من عمي !!
ايه عمي الي قتل لي طفولتي ودمر لي حياتي و ضيع لي مستقبلي كله بفعاله الشينه فيني ..
كان يعتدي علي ولا يرحم دموعي وصغر سني ويجبرني على اشياء تقرف الكبير قبل الصغير ..
زرع فيني الخوف ...خلاني افقد الثقه با الكل الى درجة اني كنت اخاف من ابوي و جدي المريض الله يرحمه ..كنت اعتقد ان ابوي و جدي و كل ذكر راح يسوي لي نفس السواه الي يسويها عمي فيني ..وغير كذا سكوتي على افعاله كان خوف كان يقول لي اني اذا تكلمت مافي احد راح يصدق وان الكل راح يكونون ضدي ولا راح يصدقوني لاني صغيره ومن كذا انا سكت لان عقلي على قدي وكنت احسب انو الكل اذا تكلمت راح يكونون ضدي يعني كنت اشوف نفسي انا المجرمه وهو المسكين ومن كذا بلعت المر وسكت ودايم كل ماطرا على باله يعتدي علي والله احيان يجي بيتنا مو لانه مشتاق لنا لا والله بس من شان يعتدي علي ما كان في احد يلاحظ ولا كان في احد يشك لانه عمي ..
استمر يعتدي علي الين صار عمري 11سنه ومن بعد كذا انا الي حطيت لكل شي حد بتقولون وشلون ؟؟؟
صرت في صف 6ابتدائي وبهذي المرحله طبعن انتوا عارفين يعطونا دروس تدبير وتحتوي على البلوغ والاتصال الجنسي ..........الخ ومن بين الدروس انو البنت اول ماتبلغ تكون قادره انها تحمل انا حطيت الشي هذا براسي رغم اني مابلغت ذاك الوقت وفكرت انوا اذا جاء يعتدي علي الخنزير عمي اقوله معاي دوره وبكذا يبعد عني وفعلا جاء يعتدي علي بس انا قلت له انا فيني دوره وبكذا وقف عند حده وصار ماعاد يقربني ابد من بعد ذاك اليوم وصراحه تمنيت لو كنت ادرس هذي الماده من بدري وتمنيت لو اني كنت افهم هذي ال مواضيع من بدري بس الحمد الله على كل حال هذا انا كبرت وبما اني مو عارفه اذا انا فاقده غشاء البكاره او لا كل ماجاني احد يخطب اتعلث بدراسه الين صرت بثنوي انخطبت لولد عمي الكبير بس انا شرطت اكمل الثنويه بعدين نتزوج وكنت اتمنى الايام ماتروح ولا تمر الا وانا ميته بس تخرجت وجاء وقت الملكه وصدمت العايله برفضي واني مو مقتنعه بولد عمي الكل زعل وبدوا يطلعون الكلام علي واني دلع والوالد و الوالده ماعرفوا يربوني وعلموني على المياعه ودلعوني زود والخ...............من الحكي وانا الصراحه ماالومهم بس بنفس الوقت ماابغى احرج الوالد وايش ممكن اقول لويدرون اني مو عذراء شنو اقول بعد كل هذي السنين اقولهم عمي هو الي سوا فيني كذا صعبه الموضوع صعب على الوالد وعلى الكل ...
كل شي يهون عندي بس دمعة ابوي ماتهون مو عارفة ردت فعل ابوي يوم يدري ولا ابغا اتخيلها ابد اموت ونحرم طول عمري من الزواج بس ابوي مابغاه يتكدر من شاني ولا ابغاه يوطي راسه ابد ..
عمري ذلحين 21ومعا السنه الجديده راح ادخل22 وطبعن مااكذب عليكم اغلب صديقاتي تزوجوا وانا لا الى متى ؟؟الى الابد
احن اكون زوجه طيب شنو ناقصني ؟؟ انتو عارفين
احن اكون ام طيب ليش مايصير؟؟ انتو عارفين
مااقدر اصير شي ابد غير اجلس عند امي و ابوي وخلاص هذي حياتي ...
وجلس اتحمل كلام الناس ...ولو انهم مالهم حق يتكلمون لانهم مو عارفين ايش السالفه ...
بس مجبوره اسكت وكتم بس على شان ابوي و امي الغالين ولا ما هموني الناس لو الود ودي الكل يدري با الفعله الرديه الي سواها عمي الحقير الواطي بس كل شي يهون من شان خاطر ابوي و امي كل شي يهون ...
انا قلت لكم لاني ادري و متأكده انكم ناس متفهمين وكيد راح تحسون فيني بس كل الي ابيه منكم دعوه تكفون ادعوا لي ان الله يصبرني و يشرح لي صدري لاني دايم اذا تذكرت اجلس ابكي و للاسف ماالقى احد يواسيني بكلمه وهذا اصعب شي مو بس بنسبه لي لا

اصعب شي يوم الانسان يمر بمصيبه لكن الاصعب يوم يكتم ولا يلقى من يواسيه ولا يقدر يشكي لاحد يفهمه ..

تكفون ادعوا لي الله يرضى عليكم ..

انــتــبـــهـــــــــــــوا

انتبهوا على بزارينكم وعودوهم على المصارحه وطلاقه من شان اي شي يضايقهم يتكلمون ولا يطيحون بنفس المصيبه الي انا طحت فيها ..

الله يحفظكم ويحفظ لكم اهلكم و كل من يعز عليكم ..
ويستر علي وعليكم دنيا و اخره ..

اما عمي الله لا يوفقه و لا يبيح منه والله يفضحه اذا مو بدنيا با الاخره دام الله فوق كل شي يهون علي يبي يجي يوم الكل راح ياخذ جزاه الله يأخذ حقي منه ...

لاتنسون تدعون لي ...

محبتكم ..

دمــــــــــــــــــــــــوع القهــــــــــــــــــــر

ندى الخالدي

*****************************************
*********************
*************
********
****
**

[الولــهان]

الله يكون بعونك اختي ندى بعد العسر ان شاء اليسر

[شموخ أرملة]

الله ينصرك على من ظلمك أكيد في حل للموضوع الجئي لأحد الشيوخ الثقات وأكيد باذن الله يلاقي حل لمشكلتك

[رانيا12]

الله يعينك ما في غير تصارحي امك بالموضوع ما احد راح يفهمك غيرها وانشاء الله تلاقي الحل كتير بنات اتعرضو للاغتصاب وهما صغار و لقو نصيبهم وتزوجو وخلفو كمان مثلا انتي ممكن يقولو اهلك انك اتعرضتي للاغتصاب من السائق عشان ما يسير عندكم فضيحه و بعدين تلاقي واحد يخاف الله ويتفهم على وضعك ولا اي حل المهم الله يساعدك و يسعدك اللهم اميين..

[ندى الخالدي]

الله يحفظكم يارب ويستر عليكم
بس انا مستحيل اني اتكلم ..بس تكفون ادعوا لي ..

[عابره سبيل]

بسم الله الرحمن الرحيم


السلام عليكم ورحمة الله وبركاته

أختي الكريمه..

أحسست معاناتك وقوة الألم بداخلك وقلبي معك

وعمك هذا رجل مريض نفسي ويجب عليك تتجنبي

حتى تسلمي عليه ولاتخافين أختي الغاليه سوف يلاقي

جزاه بالدنيا قبل الآخره والله سبحانه يمهل ولايهمل...

غاليتي..

أولاً يجب عليك مراجعة دكتوره نسائيه قبل كل شي

حتى تطمني ويرتاح بالك وإذا لاسمح الله تأكدتي بأنفضاض

بكارتك ضروري تخبري والدتك بكل شيئ...

لأن الأم هي القلب الحنون وهي تعرف كيف تتصرف

وتفائلي بالخير وأبتسمي للحياة فأنتي ليس لكِ ذنب

بكل ماحصل لكِ ...

وأكثري من الأستغفار والدعاء لنفسك بصلاتك بالستر بالدنيا

والآخره...

وأي شي أعتبريني أختك وصديقتك


أختك هدهد

[طالبة رحمة الله]

هلا أختي ندى الخالدي..

وهلا ومرحبا بس في قصيمي نت ونورتي المنتدى..

اختي أحمد الله على كل حال..

بس نصيحه لس وافقي على ولد عمس ومافيها شي وبيجي اليوم اللي بيعرفون فيه وينكشف المستور..واذا ولد عمس عرف بالسالفه أكيد بيستر عليس انتي عرضه وشرفه على الاقل كم شهر وتتتطلقين منه وتلاقين نصيبس مع أحد غيرة مايعرف بالموضوع ولابسالفتس..

يااختي فكري بعقلس وترى أمس وابوس ماهم دايمين لس طول العمر..تزوجي توس باول العمر وموب لازم السالفه لاقلتيها لولد عمس بتطلع للكل اذا كان رجال يحفظ السر ولو عافس بعد العرس يطلق على الاقل مابيفظحس والدنيا فيها خير تلاقين اللي ياخذس ومايعرف بمشكلتس وتحققين حلمس وتصيرين زوجه وأم..

الله يوفقس دنيا واخرة وربي يفرج كربتس والله يحقق امنياتس وتتزوجين برجل صالح يحطس بعيونه..

[ندى الخالدي]

اختي هدهد ..اخي طالب الرحمه
الله يجزاكم خير على احساسكم فيني ..
والله كلامكم يريحني وخفف من معاناتي ..
اما بنسبه لولد عمي ماتوقع راح يرجع مره ثانيه لانو عمي وعمتي الكبار زعلانين وفشله اني ارجع عن رفضي وقول ابيه ...
بس الله كريم والله ييسر ...
الله يحفظكم يارب ويستر عليكم ..
لاتنسوني من دعواتكم ...

[بنت الشيوخ]

الله يوفقك لكل خير اختي ندى ويستر عليك دنيا واخره
وعمك هذا اكيد مريض نفسي شلون يعتدي على شرف بنت اخوه اللي عرضها من عرضه
حسبي الله ونعم الوكيل

اول شي يالغاليه لازم تتاكدين ان غشاء البكاره موجود وهذا يخليك ضروري تروحين لطبيبة نساء تحججي باي حجه
بس لازم تتاكدين
واذا كانت موجوده ان شاء الله فالف حمد وشكر
واذا لا لازم امك تدري بالسالفه

اكثري الاستغفار وعليك بسهام الليل
وحسبي الله على كل ظالم





:

[فتى الديرة]

لا حول ولا قوة الابالله

[عسل 2009]

حطيله سم فئران فى الشاى ابن الهرمه:secret25:

[نور القصمان]

اختي ندى مع مرور الزمن ممكن يعود الغشاء وضروري تخبري امك لتساعدك لاجراء عملية ترقيع كان الله بعونك وحسبنا الله ونعم الوكيل

[haridyha]

أنا رأيي تخبري أبوكي و هوني عليه في الأول بقصة مشابهه و خذي رأيه في القصة قبل ما تخبريه و ربنا يجعل في قلبه الرحمة و هو أعلم بأخلاق أخوه و هذا كله بعد أن تتأكدي من الطبيبة..سترنا الله و إياك .

[زوجتي مجننتني]

لا حول ولا قوة الا بالله

اهكذا يصل بالانسان ان يهين شرفه وعرضه من اجل متعة نفسه

[نظرة خجــل]

حسبي الله عليه الظالم

أختي نصيحه لا تجلسين طول عمرك والله راح تندمين بعدين قولي لأمك أو خالتك أو أحد قريب منك وروحي سوي فحص علشان تتأكدين وترتاحين وتزوجي وعيشي حياتك الى متى بتجلسين كذا ياعمري

الله يوفقك

[ندى الخالدي]

الله يهون عليكم يوم الوقف للحساب ياربي
ويبرد عليكم دنيا واخره والله كلامكم يداويني
بس متردده كثير اقول للوالد و الوالده خصوصن ان صحتهم ماتسمح بأي صدمات وهذا الي متعبني زود
بس الله يسهل ويعين وزي ماقلتوا لازم اتأكد بأالاول
بس لاتنسوني من دعواتكم
ادعوا لي براحه البال وانشراح الصدر
الله يسعدكم يارب

[دموع الوفاء]

أولا أختي ندى الله يفرج لك كل هم وينتقم من كل ظالم
ثانيا أنا ما أعتقد إنه يتجرأ ويفض الغشاء
وبعدين هذا مو شي سهل زي ماتتوقعين
يعني لوكان صار كان حسيتي بنفسك
فلا تتركين الشيطان يلعب فيكي
نصيحتي لك إذا ماأنتي قادره تخبرين أمك حاولي تشوفين أقرب وحده لك من قرايبك وتكون قريبه من عمرك وياليت تكون من عماتك أو خالاتك
وروحي إنتي وياها للدكتوره وتأكدي
وش يصبرك على العذاب كل هالسنين وأنتي تقدرين تعرفين هالشئ بسهوله
ويمكن الدكتوره إذا لاسمح الله فيك شئ تساعدك أوترشدك للطريق الصحيح بس لازم تتحركين لأن العمر يمضي والهم يجيب لك المرض
ومثل ما قالت الأخت إذا اضطريتي تزوجي ولد عمك إذا كان رجل ثقه وخبريه بالموضوع
خصوصا إنه عمك هو عمه وإذا ما بغاك على الأقل بيستر عليك ويطلقك وتتزوجين غيره
الله يفرج لك كل هم يارب ويرزقك بالزوج الصالح اللي يعوضك
بس أنا متأكده إن كل هالأشياء كلها وساوس شيطان
أعتبريني أختك وإذا إحتجتي مساعده راسليني على الخاص

[ندى الخالدي]

تسلمين اختي دموع
الله يحفظك و يرعاك
والله انكم حمستوني رغم اني كنت فاقده الامل وراح احاول اني اتأكد بس يمكن المسأله تصعب بحكم عدم خروجي الكثير من البيت بس ابحاول اذا سنحت لي الفرصه
ادعولي الله يسعدكم دنيا واخره

[بنوتة الخبر]

حاسه فيك التحرش والاعتداء بالاطفال ابشع جريمه
حاسه فيك وربي
مااتوقع انه تجرأ يجي غشاء البكاره انا مااعرف التفاصيل
بس حاولي تروحين طبيبه نسائيه وتحكي لها الموضوع بتفاصيله
حاولي وان ماقدرتي تروحين كلميها ع الأقل وقولي له كل شي
وان شاء الله يرتاح بالك وبشرينا بالخير

[ندى الخالدي]

بنوته ..
تسلمين يا الغلا
الله يريح بالك وبال كل الي جس بمعاناتي
ادعولي ...
الله يحفظكم لعين ترجيكم

[**غريب**]

نصيحه لاتفوتي ولاعريس لأن البنت قبل البلوغ لايوجد بها غشا وإذاحصل تزوجتي اصحي تقولين لزوجك أي شي لأنه ماراح يرتاح معاك خليك طبيعيه وعيشي حياتك وربي يستر عليك دنياواخره واكثري استغفار وصلاة جوف اليل والله رحيم بعباده

[ندى الخالدي]

الله يحفظكم يارب
كلامكم يزرع فيني الامل

[قلب العنا]

الله لايوفقه ولايحلله ولايبيحه دنيا وآخره



ويارب تنتقم لأختنا منه يارب


آمين






أختي الكريمة


لاتتركين الإستغفار أبد



استغفري في كل وقت وحين


مهما تعبتي استمري بالإستغفار



وربك يستر عليك ويوفقك ويسعدك يارب


آمين






قال تعالى : ( فقلت استغفروا ربكم انه كان غفارا * يرسل السماء عليكم مدرارا * ويمددكم بأموال وبنين * ويجعل لكم جنات ويجعل لكم أنهارا ) الآية











مرة قريت قصة للإمام أحمد بن حنبل


دخل قرية بالليل ولا لقى مكان ينام فيه حتى المسجد طردوه منه


وراح لخباز وسمح له ينام عنده


وكان الخباز طول الوقت يستغفر


سأله الإمام وش لقيت من الإستغفار


قال الخباز كل شي تمنيته تحقق لي من الإستغفار إلا رؤية الإمام أحمد بن حنبل لأني أمتنى أشوفه

رد عليه الإمام أحمد ياسبحان الله جررت إليك جرا





وهذي ادلة واضحة وقوية على فضل الإستغفار




أسأل الله أن يفرج همك ويزيل غمك وينتقم من عمك


آمين





اخوك / قلب العنا

[بياض الثلج]

حبيبتي لاتضيعن عمرك ولا تخافين أبدا واي طبيبة راح تقول لك نفس الكلام مافيك الا العافية وأنتِ بنت
لان الي سار قبل البلوغ وحتى لو بعد مدام مر زمن يرجع مثل قبل لاتخافين

لكن المشكلة مو بالغشاء المشكله الان فيك وبالخنزير الي هو عمك
لاتخلين هذا الشي يأثر عليك وحاولي ترجعين الثقة بنفسك وبالي حواليك وذا ماقدرتِ روحي لطبيبة نفسية او هنا بالنت في استشارات اعرضي حالتك عليهم ون شاء الله ربي يفرجها لك

الان ماقلتِ لنا وين عمك.؟ وكيف علاقتك معه ؟
وأصحك أحد يعرف بالموضوع مهما كان ولا تسمعين لأي أحد يقول لك خبري بالموضوع لانك طفلة كنتِ ولا نك الان مافيك شي

[الفارس الملثم 25]

أولاً / الله يكون في عونك ويهدي بالك
ثانياً / خلك شجاعة في قراراتك أحسني الظن بالله سبحانه وتعالى والخطأ أولاً ليس خطائك فأنتي معذوره لصغر سنك ذلك الوقت أستغفري الله سبحانه وتعالى ثم تزوجي من ترضين دينه وخلقه ولا تنخذلي أبداً وعند أكتشاف الأمر من الزوج0 برري سبب ذلك بالسقوط من علو وأنتي صغير ورايتي الدم وكنتي وقتها لاتعرفين شيء0


وأنتبهي لاتقبلي بمن هو دونك ولا يستاهلك أقبلي بمن ترضين دينه وخلقه وأستخيري الله سبحانه وتعالى واسالي الله التوفيق

[*شموع الامل*]

اختي انا ابسألك ويليت تجاوبيني ...؟
عمك الحين موجود وكم عمره ...؟نصيحه لك مني لازم تواجهين عمك وتحطينه بالامر الواقع وتقولين له انت السبب في تعاستي وحرماني من الزواج ..
هذي مشكلتنا نتكتم على الموضوع ونخلي المذنب يتمتع بحياته ومحد عارف الذنب اللي اقترفه..ليه هو عايش بنعيم وانتي بتعاسه!!!
الشي الثاني راي من رائي احد الاخوات ارجعي لزوجه عمك وعمك وتاسفي وقولي لها انا غيرت رائيي وماني لاقيه احسن من ولدك ومن الكلام اللي يجبربخاطرهم ,,,,
لان ابن عمك لو عرف راح يساعدك وهواللي بيساندك..
لانه زي ماهو عمك عمه وراح يتكتم على الموضوع ...
وضروري تعرضين نفسك على طبيبه لان الطب تطور وراح يساعدونك بأذن الله...
الله معك الله يسهل لك امرك ...قلوبنا معك..

[شعااااع الرياض]

أسأل الله أن يفرج همك ويكشف ضيقك ويجعل لك من بعد عسرا يسرا
أختي الحبيبة أنصحك أنك تسمعين كلام الأخوات وتكشفين عند طبيبة
وتدافعين عن مستقبلك بكل ماأوتيتي من قوة لا تضيعين شبابك بخطأغيرك
استخيري في أمرك وادعي ربك وتأكدي أن الله مع المظلوم على الظالم

واذا كنت سليمة فلا تخبري أحدا بأمرك واكتمي سرك والظالم سينتقم لك منه رب العالمين

قلبي معك الله يكشف ضرك

[ندى الخالدي]

حبيبتي لاتضيعن عمرك ولا تخافين أبدا واي طبيبة راح تقول لك نفس الكلام مافيك الا العافية وأنتِ بنت
لان الي سار قبل البلوغ وحتى لو بعد مدام مر زمن يرجع مثل قبل لاتخافين

لكن المشكلة مو بالغشاء المشكله الان فيك وبالخنزير الي هو عمك
لاتخلين هذا الشي يأثر عليك وحاولي ترجعين الثقة بنفسك وبالي حواليك وذا ماقدرتِ روحي لطبيبة نفسية او هنا بالنت في استشارات اعرضي حالتك عليهم ون شاء الله ربي يفرجها لك

الان ماقلتِ لنا وين عمك.؟ وكيف علاقتك معه ؟
وأصحك أحد يعرف بالموضوع مهما كان ولا تسمعين لأي أحد يقول لك خبري بالموضوع لانك طفلة كنتِ ولا نك الان مافيك شي



عمي ساكن معا جدتي ...ولا اشوفه من زمان يمكن صار 2 س بس اذا شفته احيان اقدر اتهرب ولا اسلم عليه غير با الكلام ولا احب اشوف خلقته يعني اذا كان موجود با المجلس اروح الحمام
واذا جاء اروح انام يعني اتهرب باي طريقه بس احسن شي اني مااشوفه كثير ولا صار يجينا وهذا الي مريحني لانو بس ذكره يوترني

[بنوتة الخبر]

ندى ياقلبي انتي اذا انتي بالشرقيه مستعده اجيب لك رقم مستشفى
تكلمين دكتورة نساء وولاده تريح لك بالك
صيري شجاعه ولا تخافين..واذا انتي مو بالشرقيه خذي رقم اي مستشفى قريب منكم
وكلمي الطبيبه......لاتضيعين مستقبلك

[ندى الخالدي]

اختي انا ابسألك ويليت تجاوبيني ...؟
عمك الحين موجود وكم عمره ...؟نصيحه لك مني لازم تواجهين عمك وتحطينه بالامر الواقع وتقولين له انت السبب في تعاستي وحرماني من الزواج ..
هذي مشكلتنا نتكتم على الموضوع ونخلي المذنب يتمتع بحياته ومحد عارف الذنب اللي اقترفه..ليه هو عايش بنعيم وانتي بتعاسه!!!
الشي الثاني راي من رائي احد الاخوات ارجعي لزوجه عمك وعمك وتاسفي وقولي لها انا غيرت رائيي وماني لاقيه احسن من ولدك ومن الكلام اللي يجبربخاطرهم ,,,,
لان ابن عمك لو عرف راح يساعدك وهواللي بيساندك..
لانه زي ماهو عمك عمه وراح يتكتم على الموضوع ...
وضروري تعرضين نفسك على طبيبه لان الطب تطور وراح يساعدونك بأذن الله...
الله معك الله يسهل لك امرك ...قلوبنا معك..



عمي عائش معا جدتي الله لا يهنيه ..وعمره في ال 30بس كم بضبط ماادري..اما من ناحية اني اواجهههذا مستحيل لاني مااحب اشوف خلقته با الاساس..ولا راح اتكلم مو على شان خاطره لا والله بس على شان الوالد و الوالده ظروفهم الصحيه ما تسمح وانا ماعندي اي استعداد اني اخسرهم ...
وزوجت عمي با الاساس متوفيه وعمي وعمتي الكبار مااتوقع راح يسمعوني لانهم زعلانين صارلهم 4سنين من يوم رفضت ولا راح انزل عمري لهم مهما كان ...
وراح احاول اني اتأكد بس طبعن هذا مو شي بسيط المسأله يبقالها وقت وغير كذا ابغا اثق في احد يوديني لطبيبه ...
مشكورين كلكم الله لا يحرمني منكن يارب ..........
ادعولي ادعولي ...

وعلى فكره عمي مايقدر يتزوج لانه معاه مرض مزمن (( الله على الظالم ))
الحمد الله اللهم لا شماته لا زوجه ولا وظيفه رغم صغر سنه الا انه حتى مايقدر يصلي الا وهو جالس وحتى النو مايقدر ينسدح ماينام الا وهو جالس
اللهم لا شماته

ادعولي ...

[Al-jazy]

يالغالية

عمرك الآن 22 سنة ويارب يعطيك طولة العمر والصحة والسلامة ويجعلك من خير عبادة الصالحين

موضوعك صحيح صعب جداً ولكن توجد لديك نقاط قوة لصالحك

انتي تقولين يوم قلتي له ان جاتك الدورة يعني هو فهم انك بلغتي يعني فرصة الحمل لاقدر الله متاحه

وبعدها ماقربك << هذا الي فهمته من كلامك لأنك تقولي وقفتيه عند حده

ولكن حياتك انتي ماتستحق منك انك توقفيها من أجل ذكريات راحت واندثرت

هو كان يعتدي عليك وانتي بعد مابلغتي يعني بإذن الله غشاء البكاء بحالته الصحيحة

ولكي يطمئن قلبك وترتاحي تحججي بزياة الطبيبه النسائية وقولي الدورة مو منتظمة أو اي كذبه صغيرة

واذا بغى يدخل الي يكون معك قولي استحي خليك بالاستراحه وادخلي على الدكتورة لوحدك وخبريها
أكيد بتفهم وضعك

لكن انك توقفين عن حياتك وتأسرين نفسك بذكريات الماضي صدقيني ماراح تستفيدن شي غير عوار القلب

انتي الآن مشاء الله تبارك الله بنت ناضجه وفكري بنفسك وانسي الباقين واذا حبيتي زوري موقع

الدكتورة الرائعة ناعمة الهاشمي
واشتركي بحملة العمر الجديد لها اسبوع الآن والمواضيع فعلاً تُعيد صياغه الروح من جديد

وابدئي حياتك من جديد بس لازم زيارة للدكتورة بأقرب فرصه ومثل ماقلت لك تحججي بعدم انتظام الدورة
أكيد راح يودونك بأسرع وقت

وبالنسبه لعمك اتركيه لله ومثل ماتقولين عمره الآن بال30 يعني وقت ماكان يعتدي عليكي كان عمرة 18 سنة مراهق

صدقيني حتى هو مو مرتاح حسبي الله ونعم الوكيل واللهم لا شماته على حالته الآن ربك مايطق بعصى

الحياة أمامك وغيري توقعيك وتفائلي بالخير وحاولي تشغلين نفسك كل ماتذكرتي السالفه بأي شي

ياااااااارب يشرح صدرك ويبارك فيك واذا جالك عريس وافقي وابدي من جديد وانسي الماضي

ولا تنسين تشتركين بحملة الدكتورة ناعمة الهاشمي والله تسوي لك غسيل مخ رائع يخليك تشوفين الحياة بمنظار جميل الله يحفظها ويبارك بعلمها الذي نفعت الجميع به


كلنا اخوات لك وصدر حنون واي خدمة من عيوني :) وابتسمي للحياة

[ندى الخالدي]

الله يخليكم ويحفظكم لي ..
والله اني كنت واثقه من انكم راح تواسوني بس ماتوقعت اني من كلامكم راح اقتنع اروح حق اي دكتوره بس ابحاول معا اني استحي من الوالده احيان بس ابحاول ..
ادعوا لي با نشراح الصدر وراحة البال الله يرضى عليكم دنيا و اخره

[Al-jazy]

حاولي بأقرب فرصة والأم طبعها حنون وأكيد بتكون معك بكل شي عزمي نفسك وتوكلي على الله

والله يشرح صدرك ويوسع عليك انصحك بالمدوامة على قراءة سورة يس وقيام الليل الله يبارك فيك

وغيري توقعيك وتفائلي بالخير تجديه :)

[مهما الليالي]

حسبي الله ونعم الوكيييييل
الله يكون ف عونك
ويرزقك من حيث لا تحتسبين
توكلي ع الله وسوي اللي قالولك البناااااات
وبشرينااااا
الله يارب يتمم لك على خيرر ونشووفك ام وزوجة يااااااااااارب

[ندى الخالدي]

الله يسمع منكم يا رب
الله يريح بالكم مثل ماريحتوا لي بالي

[فرآس الغامدي]

< قسم بالله أول مرره أحس أنه قدآمي موضوع جـآد ..
:
:
:
ندى الخآلدي .. أسمعيني يـ الغلا .. ألغلط مـآهو منك .. الغلـط من أمك وأبووك يوم أنفصلـو .. والغلط الثـآني .. علـى أبـوك .. لـ أنه .. مـآكآن معوودك .. علـى أنك تصـآرحيـنه .. بـ كل .. شـيء .. بسس أللـه لا يسسـآمح عـمك .. ( الخنزير ) . ألوآطي .. الحقـير .. المتجرررد من أحـآسسـيسه .. حــتى مـآعنده أحـسـآس رجولـه .. وأقص يمنـآي .. كـآنه رجـآل .. < عسسب .. وأسسترسل بـ سب عمك .. :( ، وبـ النسسـبه للـ بكآره .. تقدررين .. ترووحين .. عند دكتووره وأخصآئيه نسآئيه .. تستر عليك - وأن شـآء الله .. خير .. عموما ً . أختي َ .. الله يعينك َ .. على مـآ أبتلآك ... ويكتب َ .. لك ولد الحلال َ .. اللي يسسترك .. ويحبك .. وتحبيـنه .. { تقبلوـآ مروروي .. وآسفين ع الأطآله } ..! ْ ~

[الــ ح ــائر]

الزمي الطاعات والاذكار
والزمي الصلاة

هذا علاجك النفسي باذن الله


وعلاجي الطبي للبكاره راجعي الطبيب المختص وحلي الاشكال

واستعجلي زواجك وربك بيغير احوالك الا الاحسن


الله يشرح صدرك ويسترك في الدنيا والآخره وعوضك الرضا وسعة الخاطر

[ريم النفود]

الله يفرج همك ويزيل كربك ويأجرك على صبرك وبرك بوالديكِ

كلام الاخوه جيد بس استعجلي بالكشف ان شاء الله يبشرك بعدم تغير الغشاء

واذا لا قدر الله انفضت البكاره اخبري امك فقط واطلبي منها مساعدتك لأعاده الغشاء طبيا

والله يستر عليك وعلينا
ويحميك ويحمينا

وتكفين بشرينا اذا رحت لطبيبه ان شاء الله بخبرها يكون فرج عليك

[بنت قبايل والعز هايل]

لك وعد ياندى لأضل ادعي لك بصلاتي بالليل وبسجودي لين ماتبشرييننا بالفرج هنا بالمنتدى واعدك انه بتنفرج دامي ادعي لك

ولاترفين ابد بس روحي لدكتوره وشوفي ممكن احتمال كبير ان غشائك موجود لان انا قريت قصة وحده زيك بس مع ولد جيرانهم
وتزوجت وجابت عيال وسعيده كتمت وسلمت امره للله وصبرت ودعت وعالجت الوضع بسريه تامه

وعمك بيزنا في بناته وبيزن لو في جدار بيته
الله لايوفقه

لازم تلجئين بعد الى احد المشائخ ضروري اختي وانتبهي لاتخبرين احد بسالفتك لانك بتفضحيهم ويفضحونك استري عليهم يالغاليه وعمك لاتخلطينه ولاحتى تصيرين بالمكان الى هو فيه

وابشرك دام الله ارحم من الام بولدها فهو ارحم بك من لمك وابيك وسترين النور والفرح والسعاده قريباً بأذن الله تعالى ياندى لاتحزني لاتحزني لاتحزني

[أحاِسيسْ مجِنۈنِـہُ ஃ¸͠ღ]

اما عمي الله لا يوفقه و لا يبيح منه والله يفضحه اذا مو بدنيا با الاخره دام الله فوق كل شي يهون علي يبي يجي يوم الكل راح ياخذ جزاه الله يأخذ حقي منه

آمييييين يا رب
,
و الله يستر عليتس و يزيل عنتس همومتس , و تعيشين انسآنه سعيده طول حياتس

[*شموع الامل*]

نصيحه لاتفوتي ولاعريس لأن البنت قبل البلوغ لايوجد بها غشا وإذاحصل تزوجتي اصحي تقولين لزوجك أي شي لأنه ماراح يرتاح معاك خليك طبيعيه وعيشي حياتك وربي يستر عليك دنياواخره واكثري استغفار وصلاة جوف اليل والله رحيم بعباده
غلطان اخوي لي قريبه تعرضت للاغتصاب وهي عمرها_7سنوات ومره وحده وقبل تبلغ ولماتزوجت ماكانت متوقعه انها غير عذراء ولما دخل عليها زوجها تفاجأواخذعنها فكره سيئه لكن اشرحت له موقفها وان اهلها حتى مايدرون وكان فعلاًالاهل مايدرون ماصارحتهم..لكن الزوج كان عاقل وتمت حياتهم على احسن حال والان يحبها حب وموفر لها كل طلباتها بدون تردد.....
عزيزتي ندى انا مااقول لك اخوفك لاوالله ...
انا اشجعك تروحي لدكتوره باسرع وقت وتدعي ربك وربك ماراح ينسى عبده وبيرزقك بالزوج اللي يسعدك ويمحي عنك الايام اللي مريتي بها...

[*شموع الامل*]

[quote=ندى الخالدي;6157085]
عمي عائش معا جدتي الله لا يهنيه ..وعمره في ال 30بس كم بضبط ماادري..اما من ناحية اني اواجهههذا مستحيل لاني مااحب اشوف خلقته با الاساس..ولا راح اتكلم مو على شان خاطره لا والله بس على شان الوالد و الوالده ظروفهم الصحيه ما تسمح وانا ماعندي اي استعداد اني اخسرهم ...
وزوجت عمي با الاساس متوفيه وعمي وعمتي الكبار مااتوقع راح يسمعوني لانهم زعلانين صارلهم 4سنين من يوم رفضت ولا راح انزل عمري لهم مهما كان ...
وراح احاول اني اتأكد بس طبعن هذا مو شي بسيط المسأله يبقالها وقت وغير كذا ابغا اثق في احد يوديني لطبيبه ...
مشكورين كلكم الله لا يحرمني منكن يارب ..........
ادعولي ادعولي ...

وعلى فكره عمي مايقدر يتزوج لانه معاه مرض مزمن (( الله على الظالم ))
الحمد الله اللهم لا شماته لا زوجه ولا وظيفه رغم صغر سنه الا انه حتى مايقدر يصلي الا وهو جالس وحتى النو مايقدر ينسدح ماينام الا وهو جالس
اللهم لا شماته


ادعولي ...


حبيبتي ندى الخالدي...
اليوم وانا اتصفح رجعت لمشكلتك وقلت لعلها وجدت حل ولما قريت ردك
يعلم الله اني انهرت بالبكاء
مع اني تعبانه نفسياً من مشكلتي ...
يالله شوفي نهايه الظالم والمذنب
شوفي كيف ربك وصل عمك قديكون ربه يعاقبه عقاباًدنيوياًنسأل الله السلامه...
الى هناء كافي ...........
كافي ندعي لان ربي انزل عليه غضبه ....
انا لاادافع عن عمك لكن رافت لحاله ..
الى هذا الحد اصبح خسران كل شي في هذه الدنياء ....
ندى اذا انتي بالرياض....
ياقلبي اذا تبيني ادلك على طبيبه ثقه اواروح معك ماعندي مانع ياقلبي
اعتبريني اختك وانا تحت امرك....
ختاماًالله يفرج همك وهمي يارب..

[الجريح الطايب]

.



الله يباارك فيك ياشموع الامل واتمنىا انهاا تستجيب لطلبك.....


الشي الثااني يااندىا لاتضيعيين عمرك بالخوف والنكد اقطعي الشك باليقين وذهبي الى دكتوره متخصصه بها الشي





اتمنىا اليوم اللي طمنيناا فيه عن نفسك





.

[*أثير*]

تعبانه من الموضوع وتكفين بشرينا

[fg2010]

اختي الله يفرج همك ؤيزيل كربك ويسعدك ويحفظك ويرزقك بالزوج الصالح التقي النقي الخلوق الي يحبك ولايحب غيرك ويسعدك ويرزقك منه بالذريه الصالحه الحافظه لكتابه الكريم يارب العالمين ذكورا واناثا
مشكلتك تعاني منها الكثييييييييييير من الفتيات لاتكون العذريه مصدر خوف لك ابدا شيلي هالفكره من راسك بتقولين ليش وما اقدر ومن هالكلام طيب انا اعلمك ليش
اولا العفاف والطهاره بالبنت نفسه هل تحب الحركات هذي او لا اذا كان الجواب لا فانت عفيفه طاهره حتى لو فقدتي عذريتك (اهم شي ربي عارف نيتك وعارف ما فقدتيها بارادتك) سبحانه علام الغيوب
الشئ الثاني فقدان العذريه ليس دليلا ابدا على ان البنت سوت وسوت وووو (الا اذا كان الزوج متخلف وهمجي راح يجي في باله سؤ الظن علىطول)وليس دليل ايضا على ان البنت فعلت الحرام بارادتها وانتي الحمدلله مابغيتي هالشي هذا اهم شي انت اقتنعي بنفسك منتب مجرمه ولا شي انت عفيفه طاهره عاقله
لاتخافين من الزواج بسبب هذا التفكير ابدا وش يدريك يمكن ربي كاتب لك حياة سعيده بعد الزواج ويمكن تقولين ليتني من زمان متزوجه
(اذا كنت خايفه انك تتطلقين اذا اكتشف زوجك انك غيرعذراء فانا اقولك انت مخطئه تدرين ليش
اعرررررررررررفييييييي وخليه قاعده اساسيه لك (انه ماراح يصير لك الا الي كاتبه ربك ) يعني اذا كان مكتوب لك انك راح تطلقين راح تطلقين حتى لو انت بكر عذراء وماتعرضتي لشي
واذا كاتب لك ربي التوفيق مين يرد قضاءه سبحانه (افعال عمك ولاخوفك ولا زوجك) ماراح يرد قضاء ربك شي (ولايرد القضاء الا الدعاء) اذا كنت خايفه ان مكتوب لك الطلاق ادعي وانصحك نصيييييييييحه الدعاء الدعاء تحري اوقات الاجابه وانت ساجده في جوف الليل ايام الجمعه ادعي والحي ولااااااااااااااااااااااااااااااااا تياسين ابد ابد ابد انتبهي يجيك الشيطان ويحبطك لو تستمرين قرون على الدعاء لاتياسين ابداوماعمرنا سمعنا ان احد خسر شي من دعائه
اخيرا اقولك استانسي وانسي الي راح لانه ماراح يرجع ولاتفكرين بالمستقبل لانك ماتدرين وش كاتب لك ربي فليه واستانسي وخليك مؤمنه بقضاء الله وقدره ولايهمك شي كل انسان وله اشياء في الماضي تضيق صدره ولايبي يتذكرها وتوكلي على الله وايقني انه ماراح يصير الا المكتوووووووووب
اتمنى اني اكون خففت عنك وقدرت اساعدك يارب وانا ماابي غير الدعاااااااااااااء الدعااااااااااء الدعااااااااء لي ولوالديني واخواني وسلامتك

[صحاااااري]

ربنا يفرج همك ويساعدك .
ماكنت اعرف ان فيه اقارب حيوانات لهدرجة الله لا يوفقه عمك اللي سوى فيك كذا

[fg2010]

ياندى يا ناس مهما كان لاتدعون على الرجال والله كانكم تدعون على يهودي اعوذبالله انامومعه اومع تصرفه ابدا والله
لكن تراه كان مراهق وسفيه وزود على كذا ماكان فيه احد يوجهه لان من كلامك ان ابوه وامه الي هم اجدادك كانو كبار بالسن خصوصا انه في هالحال الصعب الان لاتدعون عليه ادعو له ان الله يهديه ويصلحه (اذاكان الرسول عليه الصلاة والسلام دعاليهودي مريض)فمابالك بمسلم قريب لك فعل خطا وهو سفيه ومراهق انا اجزم بانه ندمان وانا اعذرك على غضبك وقهرك منه لاكن لاتدعون عليه تراه مسلم موحد يصلي ياعالم خطاه كثير الي سوو زيه ورجال بعد ومتزوجين هذولا الي ينشره عليهم صدق

[الغلا نجدي]

لاحول ولا قوة الا بالله
يعلم الله اني تالمت كثير ياخيتي ندى وحاسه فيك
ومعاهم حق الي قبلي لازم تكشفين وتتاكدي الاول
ونصيحه من اختك لاتتركين الاستغفار ابداااااا
يعلم الله كم فك ربي لي كربه من فضل ربي ثم الاستمرار على الاستغفار
ربي يوفقك ويحفظك ويستر عليك وعلى بنات المسلمين جميعا

[محبة المجدب]

غلطان اخوي لي قريبه تعرضت للاغتصاب وهي عمرها_7سنوات ومره وحده وقبل تبلغ ولماتزوجت ماكانت متوقعه انها غير عذراء ولما دخل عليها زوجها تفاجأواخذعنها فكره سيئه لكن اشرحت له موقفها وان اهلها حتى مايدرون وكان فعلاًالاهل مايدرون ماصارحتهم..لكن الزوج كان عاقل وتمت حياتهم على احسن حال والان يحبها حب وموفر لها كل طلباتها بدون تردد

انتي لو مادخلت كان احسن
ندى حبيبتي كلام الاعضاء مرة يطمن الحمدلله
وعمك حسبي الله عليه

[*شموع الامل*]

غلطان اخوي لي قريبه تعرضت للاغتصاب وهي عمرها_7سنوات ومره وحده وقبل تبلغ ولماتزوجت ماكانت متوقعه انها غير عذراء ولما دخل عليها زوجها تفاجأواخذعنها فكره سيئه لكن اشرحت له موقفها وان اهلها حتى مايدرون وكان فعلاًالاهل مايدرون ماصارحتهم..لكن الزوج كان عاقل وتمت حياتهم على احسن حال والان يحبها حب وموفر لها كل طلباتها بدون تردد

انتي لو مادخلت كان احسن
ندى حبيبتي كلام الاعضاء مرة يطمن الحمدلله
وعمك حسبي الله عليه



((انتي لو مادخلت كان احسن))
ليه لومادخلت كان احسن ..اخليها على بصيره احسن من اني اعيشها في وهم هي ماتدري عن الحقيقه...وتعيش في قلق ...وبعدين عندي سؤال اخوي...انت ايش عرفك ان الاغتصاب في مرحله الطفوله وقبل البلوغ ماياثر على البنت .من وين استنتجت مقولتك...!!
انا بكلامي مااخوف اختي ندى انا ابصبرها واشجعها تروح تفحص نفسها وتتطمن اكثر..
ياليت نترقى بحوارنا معاً

[أبو عجاج]

الله يكون في عونك

أول شئ روحي لدكتورة وتأكدي من غشاء البكارة


لو ماانفض فاحمدي الله وادعي الله أن يرزقك الزوح الصالح ونسي الماضي الأليم

لو انفض لازم تكوني جريئة وتخبري أمك وتفهميها اللي صار

[ولدالعيص]

الله يكون بعونك اختي
وحسبي الله على كل ظالم

[رما ل نجد]

اختي ندى الهاجري الله يستر عليك دنياء واخره عمك هذا تلبسه الشيطان واعماء بصيرته حتى صار لا يفرق بين المحارم وغير المحارم واسأل الله له الهدايه والتوبه

وانصحك اختي ان لا تدعي عليه هذا عمك ولكن اغواه الشيطان

توكلي عل الله سبحانه وهو يعلمك وتزوجي من ولد عمك

اما ما حدث لك فلا تخبري احد استري نفسك وعمك

الله يفرجها لك باذن العزيز الحكيم

اما بنسبه الى ولد عمك انه خلاص رفضتيه وصعبه انه يرجع هاذي بسيطه كلمي والدتك انك تراجعتي عن رفضك

وهي تكلم والدك ووالدك يكلم اخوه اللي هو عمك بنه اقتنعتي به ورضيتي في ولد عمك ولد العم دايم ستر وصون لبنت عمه

وانتي توكلي عل الله وابعدي الوسواوس عنك

واذا تزوجتى لا تخبرى زوجك بشئ عن فعلت عمك انه كذلك عمه حتى لاتصير مشاكل بينهم وتضهر فضايح كان لها

اسنين وتفضحي نفسك اذا سألك عن نفسك قال ليش قولي لا اعلم عنها شئ قولي له انا كثيرة الطيحات ونا صغيره وحاصل شئ لي ونا مادريت مدري

اهم شئ توكلي عل الله وتزوجي ولا يردك التوقعات ونك ونك باذن الله ان الله يسترعليك

خذيها نصيحه من اختك رمال نجد

[fouadtatoo]

السلام عليكم الله يكون بعونك اختي العزيزه واتمنى لو كنت حدك اساعدك واشد على ايدك واتمنى من الله تعالى صير احد اصدقائك

[تخيــــــــل ..؟]

السلام عليكم ورحمة الله وبركاته
الله يعينك على ما ابتلاك

اختي ندى انا حضرت مؤتمر عن العنف ضد المراه والطفل
وكانو جايبين دكتورات نساء وولاده
كانت من ضمنهم دكتوره مسؤله عن حالات الاغتصاب بمستشفى الشميسي
وقالت ان البنت اللي تتعرض لاغتصاب تتوجه مباشره للمستشفي للاحداد من المضاعفات
ممكن يعطونها حبوب مانع حمل وانهم ممكن يسوون لها ترقيع

انصحك تروحين لدكتوره نساء وولاده للفحص عن غشاء البكاره

[NJdeeeh]

ريحي راسك ياندى صدقيني مافيك الا العااااافيه بس!!!
لاتخليييييين!!!
































(((الاســتـــغـــفـــــــــاااااااااار))))




,,,,,وبعدهـا,,,, أنا أضمـن لـكــ الــ سـعـادهــ !!!



الــكـلامـ لـلـجــميــع