المساعد الشخصي الرقمي

مشاهدة النسخة كاملة : لــ**ـغـ**ــز من نظمي .....


فهد رحيم النفيعي
15-12-09, 06:44 AM
http://www.samysoft.net/forumim/slam/46eab0297c.gif


لغز جديد من كتاباتي ارجو ان ينال رضا الجميع


http://www.samysoft.net/forumim/fwasel/1/sdfsfs.gif



ما قام مجلس غير و هي بجاله = مصفطة تشبه لبيض الغرانيق
بالوالمة ذكر دغيم و جاله = و قابل ضيوفه يوم جو له سوابيق

http://www.samysoft.net/forumim/nehaya/ffryrty.gif

الشاآآآمخه
15-12-09, 07:50 AM
صح السانك اخوي فهدرحيم

ورمعتي تقول احتمال المركي (التكايه )ا

السيف 2
15-12-09, 10:41 AM
http://www.samysoft.net/forumim/slam/46eab0297c.gif



لغز جديد من كتاباتي ارجو ان ينال رضا الجميع


http://www.samysoft.net/forumim/fwasel/1/sdfsfs.gif



ما قام مجلس غير و هي بجاله = مصفطة تشبه لبيض الغرانيق

بالوالمة ذكر دغيم و جاله = و قابل ضيوفه يوم جو له سوابيق



http://www.samysoft.net/forumim/nehaya/ffryrty.gif




صح اللسانك


يقول ادغيم الضلماوي



ياكليب شب النـار ياكليـب شبـه
عليك شبة والحطب لـك يجابـي

وعلي أنـا ياكليـب هيلـه وحبـه
وعليـك تقليـط الـدلال العذابـي

وادغث لها ياكليب من سمر جبـه
وشبة الي منه غفـى كـل هابـي

باغـي ليـا شبيتهـا ثــم قـبـة
تجلب لنـا ربعـا سـراة غيابـي

بنسريـةً ياكليـب صلفـا مهـبـه
لاهب نسناسـه تقـل سـم دابـي

سـراة بليـل وناطحيـن مهـبـه
متكنفيـن وشوقـهـم بالعـذابـي

الوالمـة ياكليـب عجـل بصبـه
والرزق عند اللي ينشى السحابـي

صبـة لقرمـا صرفتـه ماحسبـه
يوم البخيل مكنهب الوجـة هابـي

وصبة لمنعوريـن ليـا جـاة نبـة
يرخص بعمره والدخل لها ضبابي

وعدة عن اللي مايـداري المسبـه
اللـي يـدور بالقصيـر الغيابـي

عن الطيب عده نـازلا لـه بغبـه
يضرب علي درب الخطا مايهابي

لا باطن الهلبـاج خطـوا الجلبـة
يا حلو خبـط عصيهـم بالركابـي

أطمر لهم وأبـدي سـلام المحبـه
لا جو على هجناً يديهـم خرابـي

سلام أخلى مـن شخاليـل جبـه
وأحلى من السمن الجديد العرابـي

مع كبشً مصـلاح راسـه نجبـه
لا أدبـر الهيـن متيـن العلابـي

خطو الولد يـوم الملاقـي نكبـه
يأتي علينا من حسـاب الزهابـي

وحتى يش لو يلبس وبينن وجبـه
معيـرة علـى غضيـر الشبابـي

أنا لقيـت الصبـر يازيـن غبـه
يرقيك رؤوس مشمرخات الهضابي

من لاصبر ياكليب في حكم ربـه
هذاك يـوم البعـث مالـه ثوابـي

يقولها اللي مـا حسـب المسبـه
ولا عرقل الاجواد ببعض الهلابي

هذا هـوى بالـي وهـذا مطبـه
من قبل مايسفـح علينـا الترابـي

الشاآآآمخه
15-12-09, 11:27 AM
يعني يقصد القهوه
صح السانك يالسيف

فهد رحيم النفيعي
16-12-09, 08:29 PM
نعم نعم القهوة الدلة


السيف بارك الله فيك لك مني


http://www.samysoft.net/forumim/worood/1/big/tyrtyry.gif

فهد رحيم النفيعي
16-12-09, 08:30 PM
يعني يقصد القهوه
صح السانك يالسيف




يساهل شرفني مرورك اختي الشااامخة



إحترامي لكي

شريف الشمال
16-12-09, 08:57 PM
انت بتار يا السيف


( عيني عليك باردة والله )

أذا كان حبك اللغز براعة

فتحليلة وحلة غايتها ومنتهاها

صح لسانك يا النفيعي وصح تفكيرك يا الفاروق

السيف 2
16-12-09, 09:42 PM
نعم نعم القهوة الدلة


السيف بارك الله فيك لك مني


http://www.samysoft.net/forumim/worood/1/big/tyrtyry.gif



لا خلا ولا عدم شاعرنا فهد

لغز حاكم يا جعلك سالم


لا تحرمنا من ابداعاتك يالغالي

السيف 2
16-12-09, 09:43 PM
يعني يقصد القهوه
صح السانك يالسيف



صح بدنك الشاااامخه

السيف 2
16-12-09, 09:44 PM
انت بتار يا السيف


( عيني عليك باردة والله )

أذا كان حبك اللغز براعة

فتحليلة وحلة غايتها ومنتهاها

صح لسانك يا النفيعي وصح تفكيرك يا الفاروق



شاعرنا الغالي شريف الشمال

صح بدنك وماعليك زود

تلميذ من تلاميذك يالغالي



تحياتي

فهد رحيم النفيعي
21-12-09, 06:33 AM
بارك الله في الجميع