المساعد الشخصي الرقمي

مشاهدة النسخة كاملة : ادخل وسجل...... ؟؟؟؟؟؟


برميل نوم
17-03-05, 05:28 PM
السلام عليكم ورحمة الله وبركاته
انأ ودي اطرح فكرة عليكم الا وهي ان كل عضو من الاعضاء
يكتب لنا من اي ديرة من حيث يكتب اسم المنطقة يكتب اسم المدينة او المحافظة الي تابع لها وهذا
يترك للمشاهد ان ينضر من اين هذا العضو وايضاً ننظر اكثر الاعضاء من اين وإذا وده يعطينا بعض المعلوماتعن نفسه ميخالف......... وارجو الا يكون في
طـــــلبي هذا احراج لكم واقول ان الامر ليس الزاماً وشكررررررراً .
اخوكم برميـــــــل نوم........

البـ ـ ـ ـ ـدر
17-03-05, 05:39 PM
ماادري وش السالفه بس اللي انا فهمته كل واحد يدخل ويقول مدينه مدري محافظه مدري منطقه وبعدين وشو ماادري
(q103)

بس مهيب مشكله يالله

موزنبيق :)


BrB

أميرة الحسن
17-03-05, 05:47 PM
جيبوتي

والله فكره حلوه (aqwa)

العاذريه
17-03-05, 05:54 PM
ماادري وش السالفه بس اللي انا فهمته كل واحد يدخل ويقول مدينه مدري محافظه مدري منطقه وبعدين وشو ماادري
(q103)

بس مهيب مشكله يالله

موزنبيق :)


BrB


اذا صرت ماتدري وش السالفه وشوله تشارك وترز وجهك بموضوع الرجال..

مدري الا متى ابعلمك السنع والذرابه..ياخزياه بك يابرميل نوم ..امسحها هالمره بوجه البدر.خخخخ

ويوم عصرت عمرك قلت موزنبيق .. باين الصراحه ياعريف الغفله..هههههههههههههههههههههه

البـ ـ ـ ـ ـدر
17-03-05, 06:00 PM
العاذريه

يالعصلا يالمصلا يامال المغص بلعومتس انتي وش يدخلتس تردين علي

هااااااااااااه

هو اللي يرد علي ياشين اللقافه والترزز بكل موضوع اقول والله ان ماعقلتي لا انتف حواجبتس واشوتس مع اقرب دريشه

والوعد قدام يالغشاشه

(gfp) هـع هـع هـع هـع هـع (gfp) (gfp) هـع هـع هـع هـع هـع (gfp)



عريف المدرسه كلهااااااااا >>>>>>>>>>>>>>>>>>>>>>>>>>> البـ ـ ـ ـ ـ ـدر(oo)

العاذريه
17-03-05, 06:06 PM
يُنقل للترفيهي

ههههههههههههههههههههههههههههههههههه
خخخخخخخخخخخخخخخخخخخخخخخخخخخخخخ

اتمنى يابرميل نوم انك ماتتضايق مني.

برميل نوم
17-03-05, 06:08 PM
السمــــــــــــــوحه ياشبـــــــــاب إذا مافهمتوا


طيب انا اقولكم وشلون اي واحد يدخليكتب لنا هو من وين


مثلا انا مولود بجده وساكن بجدة بس اصلا من القصيم من بريده وبالتحديد الطرفية


عمري 17 ووزني 55 وطولي 168


انا طالب في الثنويه


وبس وإذا ودكم تحطون صوره لكم حطو


بس انا اخاف احط صوره تنهبلون علي لأني مزيون

العاذريه
17-03-05, 06:18 PM
السمــــــــــــــوحه ياشبـــــــــاب إذا مافهمتوا


طيب انا اقولكم وشلون اي واحد يدخليكتب لنا هو من وين


مثلا انا مولود بجده وساكن بجدة بس اصلا من القصيم من بريده وبالتحديد الطرفية


عمري 17 ووزني 55 وطولي 168


انا طالب في الثنويه


وبس وإذا ودكم تحطون صوره لكم حطو


بس انا اخاف احط صوره تنهبلون علي لأني مزيون

اهااا

فهمنا قصدك.. كان قلت كذا من بدري

انا من روسيا واصولي تركيه ووحده من جداتي قصيميه ..

وجدي التاسع طعش فيه عرق سوداني ابيض بس نشيط مهب عجاز..هههههههههههههههه

البـ ـ ـ ـ ـدر
17-03-05, 06:26 PM
العاذريه

ههههههههههههههههههههههههههههه
هههههههههههههههههههههههه
ههههههههههههههههههه
ههههههههههههههه
هههههههههه
هههههه
هه
ه


يعني حتى انتي مافهمتي وتترززين بالموضوع

وااااااااااااااااااااااااااااااااااااااااااااااو

بطني بطني

الله يرجتس يالعصلا

البـ ـ ـ ـ ـدر
17-03-05, 06:28 PM
ابشرتس يالعاذريه بعير جارنا يطلب نفس مواصفاتك :)

ماشالله جمع ووفق ربي

العاذريه
17-03-05, 06:32 PM
ابشرتس يالعاذريه بعير جارنا يطلب نفس مواصفاتك :)

ماشالله جمع ووفق ربي

وناقة جيران خوالي مشتهيه موزمبيقي بس يكون حنون..ويشتغل عريف

برميل نوم..مالك الا المسط بالترفيهي ...

الوســـم
17-03-05, 07:48 PM
السلام عليكم


انا ياخوي من القصيم " بريدة "

عمري
شف
ابوي يقول :
علمي بك يوم انت برابع ابتدائي يوم تجي وانت طاير من الفرحةو مختب ومعك شهادة تقدير
لكن امي تقول :
لا ياوليدي صاكن العشرين مناك

وانا اقول الله اعلم الله اعلم ان عمري

تسع طعش ... عشرين ..... ...... واحد وعشرين ...... .... ثلاث وعشرين ... ... بالحدود مايتعدي ما يتعدى


اما بالنسبة للمرحلة الدراسية

انا الى الحين اطعس بهالثانوية الله يغربلة


أما بالنسبة
لوزني70تقريبا
وطولى 180 تقريبا

وهذي نبذه عن اي شي ثاني حنا حاضرين



وشكــــــــــــــرا

برميل نوم
17-03-05, 11:51 PM
مشكوره يالعاذريه بس شكلك انتي و البــــــــــــــــــدر مافهمتون الله يجزيكم بالخير


المسأله موصعبه


بس مشكووووووووره على تفاعلك انتي والبــدر بموضوعي المتواضع


ماقصرتي انتي والبـــــــدر

برميل نوم
17-03-05, 11:55 PM
مشكـــــــور اخوي أحـــــــمد على ردك الحــــــلو


بموضوعي


والحمد لله لقيــــــــــت واحد فهمــــــــــن





(( لاتزعل يالبــــدر انت والعاذريه مو قصدي انكم اغبياء ...... انا اقصد نفسي ما اعرف اشرح بس الحمد لله لقيت واحد فهم يعني بديت أعرف ))

بنت اهلي
18-03-05, 01:38 AM
انا من القصيم تحديدا من الرياض

اهوى جمع الطوابع

<<لايكثر

ت.ح.ي.ت.ي

العاذريه
18-03-05, 12:55 PM
ياخوي برميل نوم حنا انتغشمر معك يامعود

وابشر بهالمعلومات:

الإسم:ح ن ش

العمر:20سنه و5سنين

الهوايه:طيار مدرس

المؤهلات:حاصل على المتوسطه من جامعة اكسفورد بكلية المعلمين بيينبع.

متزوجه:نعم ولدي ولدين وبنت وولد

اسماءهم:كلهم محمد ماعدا خالد اسمه فيصل..

7

7

7

7

لقاء مع محشش
خخخخخخخخخ

البـ ـ ـ ـ ـدر
18-03-05, 01:18 PM
برميل نوم بصراحه موضوعك حلوو بس ياخي كنا نستهبل معك انا والبطه (wtg)

معك البـ ـ ـ ـ ـدر

مو مواليد بيتنا عام النحشه <<< مولود بالبيت (qq6)

موهوب مثل بعض الناس <<<<< مولوده بالمستشفى جيل النيدوو ذا خخخخخخخخخخخخخخخخ

عمري الله يسلمك اصغر من ابوي بعشرين سنه بس (wtg)

طالب في احدى الكليات واتخصص بدراسه العنقليزي <<<(qq6)

وموطني الاصلي موزنبيق (wtg)

مشكور يالبـ ـ ـ ـ ـدر <<<<<<< كفيت ووفيت

الله يسلمك يارب برميل نوم

BrrrrrrrrrrrrrrrrrrrrrrrrrrrrrrrB

برميل نوم
18-03-05, 02:22 PM
مشكوره يابنت اهلي على ردك الجـــــميل في موضوعي




ماقصرتي


وهلا والله باهل بريده والرياض

برميل نوم
18-03-05, 02:25 PM
ومشكوووووووووووره يا العاذريه



طيب ليش ماتقولين الصدق مو لازم تكتبين كل شيء قوليلنا من وين انتي هذا إذا ودك


مشكوووووووره

برميل نوم
18-03-05, 02:29 PM
هلا والله بأهـــــل موزنبيق كـــــــلهم


ماقصرت ياخلفهم

العاذريه
18-03-05, 02:41 PM
انا طال عمرك أصلي قصيميه ومن مواليد القصيم بس ماعشت فيها

واسكن برياض العز عسى مايخلي عيني..

نانا
21-03-05, 01:42 PM
انا شفت الموضوع جد الجد وحلو كمان يحلي ايامكم

انا من الاردن من الجنوب مواليد عمان العاصمه وسكانها امي من وسط الاردن جدتي من مصر والثانيه ( الله يرحمهم ) من تركيا جامعيه وموظفه


اداريه واحب منتدى القصيمي واتمني التواصل معكم باستمرار بس خففوا اللهجه الصعبع علي شوي علشان افهم عليكم (qq19)(qq19)

برميل نوم
23-03-05, 10:19 PM
هلا والله بك يالعاذريه


مشكـــــــــــــور جداً لتواصلك في موضوعــــــــــي


وهلا والله بأهــــــــل القصيم والرياض كلهم

برميل نوم
23-03-05, 10:21 PM
هلا والله بــ نانا



هلا بأهل الاردن ومصــر وتـــــركيا

والله يديم المحـــــــــــبه بينـــــــتك وبين أصحـــــــــــــــاب وعائلة المنتــتتدى

مشكووووووووووووورة
منوره موضوعي