المساعد الشخصي الرقمي

مشاهدة النسخة كاملة : بين المخالفين للسنه "بالزياده" والمتمدحين في العبادات


اخو جميلة
30-11-09, 09:41 AM
كيف الحال عساكم بخير

ماحب أتكلم في أمور الدين لان هذي الاشياء لها أهلها ,, بس أحيان يكون في أمور تفرض على الواحد الكلام عنها ,, انا لاحظت ظاهرتين سيئة تحتاج النقاش في هذا الموضوع

الظاهره الاولى تتعلق بالزياده والظاهره الثانيه تتعلق بالاشخاص الي يتمدحون بتقواهم وصلاحهم

بالنسبة للظاهره الاولى الي تتعلق بالزياده

وش رايكم في شخص بدٌل مايقول في السجود سبحان ربي الاعلى ثلاث مرات يقولها عشر مرات
وشخص بدٌل مايمضمض ثلاث مرات يمضمض خمس مرات
وشخص بدٌل ما يرفع ثوبه فوق الكعب يرفعه الي نص الساق ويمكن تحت الركبه بشوي
وشخص يبغى طول السنه تقام صلاة التروايح ولا تقتصر على شهر رمضان بحجة انها زيادة في الاجر وتحافظ باقي السنه على الاجواء الامانية الرمضانية طول السنه ,, والامثله كثيره

ليش يعتقد الواحد عندنا ان الزياده في العمل معناها الزيادة في الاجر حتى لو خالفت السنه ,, يعني مثلا اذا كان في السنة مثلا ان خطبة الجمعه كان الرسول صلى الله وسلم يلقيها في فترة قصيرة مثل الفترة مابين الاذان والاقامه ,, وتحصل ناس يلقى الخطبه في ساعه ونص ,, واذا كان في السنه الواحد قبل يشرب يقول بسم الله ليش بعضهم يضيف ادعيه ويزيد على كلام رسول الله صلى الله عليه وسلم وعلى سنته ,, واذا كان الرسول صلى الله عليه وسلم حرٌم الكذب ليش بعض الاشخاص يكذب ,, مثلا يجيك شخص ويقول شفت نار طلعت من قبر شخص متوفي علشان مثلا يسمع اغاني ,, واذا قلت له اتق الله لاتكذب قالك مافيها شي هذا يبعد الناس عن سماع الاغاني وتحصل الملتقى يعرف انه كذاب وتتفاجأ بدٌل مايقول اتق الله ياكذاب يقوله جزاك الله خير !! وشخص ثاني مايخاطبك إلا بالاحاديث الضعيفه والمكذوبه على الرسول الله صلى الله عليه وسلم وهو يعلم انه لاتقوم عليها حجه ولا دليل لكن علشان فيها ترهيب يستغل جهل الناس بالحديث ,, ليش نسكت عليه ؟ وبدل ما نقول اخطأت نقول جزاك الله خير


والاهم من هذا كله ليش معاملتنا ليٌنه مع المخالفين للسنه بالزياده بعكس معاملتنا مع المخالفين للسنه بالنقصان الي دايما نوصفهم ونقولهم يافاسق يافاجر ياضال ياقليل الدين والخاتمه بعكس المخالفين للسنه بالزياده الي نقولهم جزاك الله خير !!


أقترح على الهيئه تتفتح قسم يخص المخالفين للسنه "بالزياده" وكل شخص يقول للاهل البدع والزياده جزاك الله خير يبلغ في أمره للهيئه وتتولى الهيئه حجزه وتصحيح الانحرافات الي عنده ,, وعمل الهيئه مثل مايشمل مخالفين السنه بالنقصان من اصاحب المنكرات لابد يشمل مخالفين السنه بالزياده حتى لو كانت في الفضائل لانها بدع والبدعه مافيها اجر مثل الي يبغى يصلى صلاة التروايح طول السنه ماله فيها غير التعب ولا يحصل من الاجر شي


الظاهره الثانية التمدح بالتقوى والصلاح

بعض الاشخاص ليش يحب يظهر دايما اعماله الصالحه للناس ويحب يوضح للناس انه يسوي اعمال صالحه ,, هذي نقطه خطيره لان يدخل فيها رياء لانه يستانس على ثناء ومدح الناس له ,, فمثلا تلاحظ بعض لاشخاص علشان حفظ جزء من القران مايخلي احد مايكلمه ويعلمه بمناسبه او بدون مناسبه ,, او مثلا شخص في المنتدى يفتح موضوع في المنتدى ويقول ياشباب من صلى الاستسقاء اليوم ؟ او من قام الليل اليوم ؟ وكأنه يقولهم انا سويت كذا بس بشكل غير مباشر ,, او شخص اعطى محتاج فلوس ويجلس يعلم في هالسالفه علشان يحصل شخص يقوله مشاء الله عليه هذا من اهل الخير او يستمتع بالردود الي تجيه عن هذا العمل

هذي من أسوء الظواهر الي لاحظتها ,, غلطان من يظن ان مشاكل هالوقت محصوره فقط على اهل الموضات واهل الغزل واهل النت والمقصرين وغيرهم ,, لا ماسلم منها حتى اهل الدين والاتزام وبحكم معرفتي واحتكاكي بكثير من طلاب الجامعه قسم الشريعه حصلت عندهم مثل ماحصل عند اهل التقصير مع الاختلاف الكبير بينهم ,, حصلت من طلاب الجامعه من يقول انا اخرج مع مجموعه للدعوه في السنه اربعين يوم واختلي مع نفسي في الشهر ثلاث ايام !! وش معنى اربعين يوم ليش التحديد اتضح لي بعدين من بعض الاخوان يقولون هذولا من جماعة الدعوه والتبليغ مؤسسها شخص من الهند ومنتشره عندنا ,,عندهم بعض الانحرافات وبدع ما انزل الله بها من سلطان ومنتشرين بكثره في المنتديات,, وحصلت طلاب فيهم مثل ماذكرت في هذا الموضوع واشياء كثيره طالعه في السنوات الاخيره ,, فخلوكم على حذر لاتأخذوا إلا من الثقات المشهود لهم ,,,

وعلشان نتخلص من هذي الظواهر السيئه

لازم كل واحد يتخلص من حب كسب الثناء والمدح والبحث عن نظرت المجتمع له عن طريق التسويق لعماله الصالحه الي يسويها بشكل مباشر او غير مباشر لان الرياء يحبط العمل ولاتحاول تظهر لآحد انك سويت شي توعد على الكتمان في هذي الامور

بالنسبه للاهل البدع واهل الزيادات

لازم التعامل معاهم بحزم ونبذهم من المجتمع والتنفير منهم علشان مايصير لهم مكانه ورأي وتأخذهم العزة في الاثم فالشخص الي يكذب بسم الدعوه الي الله قوله سود لله وجهك ياكذاب ولا تقول له جزاك الله خير ,, الي يخاطبك بالاحاديث الضعيفه والمكذوبه على الرسول صلى الله عليه وسلم رد عليه بالاحاديث الصحيحه وعطه درس في مذهب اهل السنه والجماعه ,, والي يزيد في العبادات والادعيه والاعمال لازم يوقف عند حده والرد عليه بما ورد في السنه وبما قاله الرسول صلى الله عليه وسلم مو الي تقوله اهوائهم وتوقعاتهم وظنونهم وبدعهم ,,

والاشخاص الي يدافعون عن اهل البدع والزيادات ويثنون عليهم الافضل تلبيغ الهيئه عن الشخص علشان تتولى اصلاح مفاهيمه الخاطئه ويتخلص من البدع قبل تتمكن من الشخص وتصير في كامل اموره الدينيه وبعدين يصعب عليه جدا التخلص منه ,, اذا ماطبقنا هذي الحلول راح يصير مجتمعنا المصدٌر الاول للبدع ونرجع الي عصر ماقبل دعوة الشيخ محمد بن عبدالوهاب رحمه الله

معليش على التطويل لكن الموضوع لازم اتكلم فيه بشكل مطول

بنوتة الخبر
30-11-09, 10:04 AM
صح كلامك
ومعروف ان الزياده اخو النقصان
وكل بدعه ضلاله وكل ضلاله في النار وهؤلاء يسمون بالمتنطعين
و ع قولة امي
دينهم حامض هههه
المفروض يحاسبون نفس محاسبه المقصرين
بس للاسف مجتمعنا اي شخص مطول لحيته ومقصر ثوبه خلاص
مؤمن وصالح ومعصوم عن الخطأ
غلللللللط
كلنا نخطئ

أخو صفيناز
30-11-09, 11:27 AM
والدشير والسرابيت وراه متجيب سيرتهم ولا تخاف على مشاعرك من الكسر (qq122)

عدد الزوار 149 وعدد الأعضاء تسعه

الأعضاء نقول العدد يحمل الصدز


الزوار لكم عليه نقول يا عيوننا نصابه :( يا عيون المنتدى الله بالخير (gfp)

بنوتة الخبر
30-11-09, 11:39 AM
الدشير والسرابيت ملعون جدفهم لاتخاف
بس بلاك من اللي يسوي نفسه دين وهو من جنبها
ويشوه سمعة المتدينين
ولا ماينقال عليهم شي

فآرق عنـي !
30-11-09, 12:22 PM
بنت الخبر على طول تبديع
بعينك سماحة عاوز فتوى
في الازهر
الاخ اخو حمسا ذكر سنة يعتقد بسبب جهله
أنها زيادة على الدين
الواحد قبل يكتب أمور في الدين يتفقه في الدين

قول السجود سبحان ربي الاعلى ثلاث مرات يقولها عشر مرات
جائز

الكمال 3 والزيادة لاشيء فيها
قال الشوكاني (ولا دليل على تقييد الكمال بعدد معلوم ب
ل ينبغي الاستكثار من التسبيح على مقدار تطويل الصلاة من غير تقييد بعدد)


أما تقصير الثوب
فالوجب أن يرفع فوق الكعب
ومن السنة الى نصف الساق وأعلى إلى ما تحت الركبة

قال العلامة البعثيمين في شرح رياض الصالحين فإذا قال قائل ما هي السنة ؟
قلنا السنة من الكعب إلى منتصف الساق هذه هي السنة، نصف الساق سنة،
وما دونه سنة، وما كان إلى الكعبين
فهو سنة، لأن هذا هو لبس النبي
صلى الله عليه وسلم وأصحابه
فإنهم كانوا لا يتجاوز لباسهم الكعبين،
ولكن يكون إلى نصف الساق أو يرتفع قليلا وما بين ذلك كله سنة )

بنوتة الخبر
30-11-09, 12:39 PM
بنت الخبر على طول تبديع
بعينك سماحة عاوز فتوى
في الازهر
الاخ اخو حمسا ذكر سنة يعتقد بسبب جهله
أنها زيادة على الدين
الواحد قبل يكتب أمور في الدين يتفقه في الدين

قول السجود سبحان ربي الاعلى ثلاث مرات يقولها عشر مرات
جائز

الكمال 3 والزيادة لاشيء فيها
قال الشوكاني (ولا دليل على تقييد الكمال بعدد معلوم ب
ل ينبغي الاستكثار من التسبيح على مقدار تطويل الصلاة من غير تقييد بعدد)


أما تقصير الثوب
فالوجب أن يرفع فوق الكعب
ومن السنة الى نصف الساق وأعلى إلى ما تحت الركبة

قال العلامة البعثيمين في شرح رياض الصالحين فإذا قال قائل ما هي السنة ؟
قلنا السنة من الكعب إلى منتصف الساق هذه هي السنة، نصف الساق سنة،
وما دونه سنة، وما كان إلى الكعبين
فهو سنة، لأن هذا هو لبس النبي
صلى الله عليه وسلم وأصحابه
فإنهم كانوا لا يتجاوز لباسهم الكعبين،
ولكن يكون إلى نصف الساق أو يرتفع قليلا وما بين ذلك كله سنة )
اول شي مهوب انا اللي كاتبه الموضوع عشان تخش بعيني
ثانيا" اسم العضو صاحب الموضوع اخو جميله
ماخذ عقلك اخو حمسا
وبعدين انا ماعلقت على الزياده في سبحان الله
انا علقت انه فيه متنطعين وانا قد شفت شخص ثوبه والله العظيم تحت الركبه بشوي
واييييي في متنطعين واسلوبهم مايعجبن
الدين الوسط

فآرق عنـي !
30-11-09, 12:54 PM
أخو جميلة لاتواخذنا ما انتبهت(qq152)
رقية الملوسنه
طيب دقي على شيخ واسأليه عن اللي ثوبه الى تحت الركبه
هل هو تنطع ولا جائز
راح يقولك جائز لكن نفسك ما تقبلت المنظر
لأنه غريب ما عتدنا عليه

أخو صفيناز
30-11-09, 01:01 PM
الدشير والسرابيت ملعون جدفهم لاتخاف
من متى :secret25:
بس بلاك من اللي يسوي نفسه دين وهو من جنبها
ويشوه سمعة المتدينين
كيف حكمتي عليهم من جنبها شققتي عن قلوبهم ولا نزل عيك الوحي ولاّ هذا إلهام (qq115) شاهين
ولا ماينقال عليهم شي
لا قولي بس نكون صادزين مهوب تسذوبين


تشكرات كيوته الخبر (asl)

بنوتة الخبر
30-11-09, 01:03 PM
أخو جميلة لاتواخذنا ما انتبهت(qq152)
رقية الملوسنه
ياربي وراك انت اليوم تلعب بالمعرفات مفطر فول؟
معرفي بنوته الخبر
طيب دقي على شيخ واسأليه عن اللي ثوبه الى تحت الركبه
هل هو تنطع ولا جائز
راح يقولك جائز لكن نفسك ما تقبلت المنظر
لأنه غريب ما عتدنا عليه

جائز؟؟ طيب منظره مقبول؟؟
يعني الواحد يلبس لبس الناس اللي عايش معهم
وحلو الواحد لما يصير مرتب بشكله
شايف علمائنا واولهم بن باز الله يرحمه سواها؟؟
وشوله المبالغه؟

بنوتة الخبر
30-11-09, 01:07 PM
تشكرات كيوته الخبر (asl)
وراكم اليوم تلعبون بمعرفي اللي رقيه واللي كيوته
بنوووووووووووته يعني تصغير بنت
ايييي والله الدشير ملعون جدفهم وربي ومااحد متقبلهم
وكل المشائخ والعلماء مو مقصرين فيهم
وتقولي الهام شاهين(q69)
لا يسرا:SmileyBunny:
لاني اعرف خششهم زييييييين واعرفهم معرفه شخصيه وقرابه
ومعارف
شايفين نماذج يالله لك الحمد بس
مناظر مو مخابر
مو معناة دين يعني ماينتقد..الكل المفروض يتقبل النقد والنصح
مو بس الدشير
مافي احد معصوم من الخطأ

فآرق عنـي !
30-11-09, 01:10 PM
جائز؟؟ طيب منظره مقبول؟؟

يعني الواحد يلبس لبس الناس اللي عايش معهم
وحلو الواحد لما يصير مرتب بشكله
شايف علمائنا واولهم بن باز الله يرحمه سواها؟؟

وشوله المبالغه؟


لا مايقال كذا نقول الواحد يرفع ثوبه فوق الكعب ولا يرفع مره
لكن كلامك خطير منظر مقبول وما مقبول ترى الصحابه فيهم
من كان ثوبه الى تحت ركبته
لكن عشان الامر هذا مهجور يترك مو عشان منظر مو مقبول
لا
عشان ماينفر الناس ويقعون في ازدراء سنة
(يعني سبب عدم قبول هذا الامر هو جهلنا )

بنوتة الخبر
30-11-09, 01:15 PM
لا مايقال كذا نقول الواحد يرفع ثوبه فوق الكعب ولا يرفع مره
لكن كلامك خطير منظر مقبول وما مقبول ترى الصحابه فيهم
من كان ثوبه الى تحت ركبته
لكن عشان الامر هذا مهجور يترك مو عشان منظر مو مقبول
لا
عشان ماينفر الناس ويقعون في ازدراء سنة
(يعني سبب عدم قبول هذا الامر هو جهلنا )
اها يعني علمائنا الحين جاهلين ليش انهم ماقصروه لين الركبه؟؟
اجل ورى مانرجع للعمامه(qq22)
كانو الصحابه يلبسونه(qq22)
يااخي اي مو مقبول ليش الرسول عليه افضل الصلاة والسلام ماسواها؟؟
وهو افضل الخلق؟؟
طيب ورى ماتصير انت اولهم وتقصر ثوبك لين الركبه دامك مقتنع(qq22)
وترى الموضوع مو عن الثوب القصير للركبه
يعني في كلام غيره

أخو صفيناز
30-11-09, 01:19 PM
جائز؟؟ طيب منظره مقبول؟؟

يعني الواحد يلبس لبس الناس اللي عايش معهم
وحلو الواحد لما يصير مرتب بشكله
يعني مايصير شكلي مرتب ومنظري حلو إلاّ إذا لبست ثوب يسحب على الأرض تقل طاووس (q104)
والاّ تبين ثوبي يخم قمام الأرض على شان تنبسطين ويطيب خاطرك (adf)
شايف علمائنا واولهم بن باز الله يرحمه سواها؟؟
وإنت من مته شفتي سماحة الوالد بن باز رحمه الله

وشوله المبالغه؟
إسألي نفسك وشوله الميوعه يعني مرتاحه لشباب طيحني هو تكفى أسدحني(q36)



زين دوري مفتاح اربع طعش على شان يفتح العقول أل (qq161)

أخو صفيناز والعتب مرفوع (qq102)

فآرق عنـي !
30-11-09, 01:22 PM
اها يعني علمائنا الحين جاهلين ليش انهم ماقصروه لين الركبه؟؟
اجل ورى مانرجع للعمامه(qq22)
كانو الصحابه يلبسونه(qq22)
يااخي اي مو مقبول ليش الرسول عليه افضل الصلاة والسلام ماسواها؟؟
وهو افضل الخلق؟؟
طيب ورى ماتصير انت اولهم وتقصر ثوبك لين الركبه دامك مقتنع(qq22)
وترى الموضوع مو عن الثوب القصير للركبه
يعني في كلام غيره
أقول إنتي فاضية وتبين تطقين حنك
أقولها الصحابة كذا تقول ورى الرسول مايسوي كذا
يعني اقرار الرسول مو دليل ؟؟؟؟؟؟؟
روحي تعلمي وتثقفي في دينك أحسن من الجدل
والثرثرة اللي مالها لزوم
وأنا ثوبي طويل احب يسحب كأني طاؤوس
مزااااااااااااااج : )

بنوتة الخبر
30-11-09, 01:26 PM
زين دوري مفتاح اربع طعش على شان يفتح العقول أل (qq161)

أخو صفيناز والعتب مرفوع (qq102)


شايفن امدح بطيحني؟ بعد يقولني كلام ماقلته
ياسلام
شايفني اتمدح بهالصيع؟؟
والله يانك تبي طقاق وبس

بنوتة الخبر
30-11-09, 01:30 PM
أقول إنتي فاضية وتبين تطقين حنك
ليش ماعندي غيرك
أقولها الصحابة كذا تقول ورى الرسول مايسوي كذا
يعني اقرار الرسول مو دليل ؟؟؟؟؟؟؟
روحي تعلمي وتثقفي في دينك أحسن من الجدل
عارفه ديني قبل مااشوف هالخشش الكريمه هماي سعوديه؟ ترانا ندرسه بالمدراس ياحظي
والثرثرة اللي مالها لزوم
والله انت اللي بديت ولا ماتبين ارد؟
اذا تبين اسفهك مره ثانيه علمن الله يحيك وابشر بسعدك
وأنا ثوبي طويل احب يسحب كأني طاؤوس
مزااااااااااااااج : )
عنك مالبست ثوب وانا وش دخلن ؟؟
اصلا من مواضيعك انت وزقارتك هاللي مافارقت خشتك وانا عارفه
يالطاووس
بس تحب مبدأ خالف تعرف
وتجي حق الطقاق وتطلع
رأيي قلته اللي عجبه واللي ماعجبه ماهو مشكلتي
تمام ؟؟
وتراي مهوب انا صاحبة الموضوع

أخو صفيناز
30-11-09, 01:35 PM
شايفن امدح بطيحني؟ بعد يقولني كلام ماقلته
انا داري اللهم يا كافي طايحه ذبح وسلخ وتقطيع بالملتزمين وتقول ماسويت شي (qq11)
ياسلام
سلم
شايفني اتمدح بهالصيع؟؟
لا بس مستحيه تقولين فيهم شي :sh652:
والله يانك تبي طقاق وبس
لاااااااااااع انا حبوب ومسالم كلش إلاّ الهوشه والنجره


أخو صفيناز حبيب الجميع (q41)

فآرق عنـي !
30-11-09, 01:36 PM
كنغر
سلاما

بنوتة الخبر
30-11-09, 01:39 PM
أخو صفيناز حبيب الجميع (q41)
انا طايحه بالملتزمين؟؟
اتق الله وطالع كلامي زين
انا اكره اللي يسوون نفسهم ملتزمين وهم كذابين
يعني سوي شكله ملتزم وهو اكبر نصاب وحرامي وصايع
وقولي مافيه؟
فييه وفيييييييييييه وهذولا هم اللي شوهو صورة الملتزمين الحقيقيه
ولا الملتزم الحقيقي ينحط ع الراس والكل يحترمه ويجله
واولهم مشائخنا
انا كنت اتكلم عن مجموعه من النصابين اللي اشكالهم اشكال ملتزمين
وهم ابعد مايكون عن الالتزام والدين
طالع زين بكلامي مو تقرأ وتطمر
يامال الصلاح

أخو صفيناز
30-11-09, 01:53 PM
انا طايحه بالملتزمين؟؟
اتق الله
لا إله إلاّ الله
لا مهب طايحه يعني طايحه اقول تلمحين بس (qq152)
وطالع كلامي زين
أبشري (smile)
انا اكره اللي يسوون نفسهم ملتزمين وهم كذابين
يعني سوي شكله ملتزم وهو اكبر نصاب وحرامي وصايع
وقولي مافيه؟
فييه وفيييييييييييه وهذولا هم اللي شوهو صورة الملتزمين الحقيقيه
ولا الملتزم الحقيقي ينحط ع الراس والكل يحترمه ويجله
واولهم مشائخنا
انا كنت اتكلم عن مجموعه من النصابين اللي اشكالهم اشكال ملتزمين
وهم ابعد مايكون عن الالتزام والدين
زين وش دراااااااااااااااااااااااااااااااك انهم نصابين وكذابين ولك عليهم هنا إختلافنا يامال الغنيمه(qq63)
طالع زين
طيب (q90) بكلامي مو تقرأ وتطمر
يامال الصلاح
أحسن من يامال الشام (qq40)

أخو صفيناز الحبوب (qq147)

بنوتة الخبر
30-11-09, 02:10 PM
أخو صفيناز الحبوب (qq147)

يمال الشام هاه؟
اي هذا اللي ذابحكم
اللي عرفني يااخو صفيناز اني قلت لك برد سابق بس كالعاده
بس تبون اعيد وازيد
اعرف ناس من هالنمونه..حولي وحول اللي اعرفهم ومااكثرهم
ليس كل مايلمع ذهبا"
والحين بالعكس حتى الوافدين ليا جا السعوديه يحط لي هاللحيه
عشان الكل يحبه ويقدره
انا هذا اللي اتكلم عنه يرحم والديك
افهمني يامال الصلاح وبس

اخو جميلة
30-11-09, 04:44 PM
بنوتة الخبر .. صدقتي وبغض النظر عن المحافظ في حدود امور الدين هذا شي يرجع للشخص وشي مقبول .. المشكله من يزيد ويدخل البدع في امور دينه ويعتقده انها تزيده اجر وخير وصلاح هذا لازم نعامله مثل منعامل المقصر بالنقصان

لاهنتي يابنوته

اخو جميلة
30-11-09, 05:04 PM
اخو صفيناز ... مثل هذا الاسلوب الي تستخدمه مع الدشير والسرابيت لازم تستخدمه مع اهل البدع والزيادات الي لاترضي الله ولا رسوله ولا اهل السنه

مثل ماتتهجم على المقصرين في السنه ليش ماتتهجم على المزودين في السنه والمحرفين لها

اذا تقول للداشر ياصايع ياسربوت يامحط ليش ماتقول للي يزود في السنه يامنحرفين ويا اهل البدع ويااهل الظلال

ليش اذا واحد يكذب عليك وتعرف انه كذاب تقوله جزاك الله خير على كذبته ؟ ليش واحد تشوفه ينصح الناس ويحذرهم وكل الادله والآحاديث الي يقولها لهم مكذوبه على الرسول صلى الله عليه وسلم وآحاديث ضعيفه وبدل مانقول انت أخطأت تقوله جزاك الله خير ونفع بعلمك

المنكر مو بس في المعاصي والذنوب والمنكر بس مو في الغزل والدشره والصياعه المنكر حتى في العبادات وفي الزيادات وفي البدع وخطرها اكبر لانها تضرب بأقوال الرسول صلى الله عليه وسلم وافعاله عرض الحايط وتزيد على كلامه وما جاء في سنته

الدشير دشرتهم معروفه للجميع بس هذي الفئه من الناس مجهوله والكلام عنهم مهم والتحذير من خطرهم واجب شرعي ,,لان فيه ناس تقلدهم جهل منهم ويعتقدون انهم على صواب وهم في بدعه

علشان مايجي اليوم الي بكره فيه تتوضى بنص كمية خزان البيت وتصلي التروايح طول ايام السنه و قبل تشرب المويه تقرا خمس صفحات من الادعيه

لاهنت

اخو جميلة
30-11-09, 05:34 PM
فارق عني ... انا طرحت الامثله من باب الامثله فقط وتوضيح الفكره بشكل مبسط ,,

فيه امور كثيره وتصرفات كثيره كلها بدع وزيادات ما انزل الله به من سلطان ,, هل زيادة ركعه في صلاة الفجر مثلا تضاعف لك الاجر او تبطل الصلاة ؟ قيس على هذا المثل الامور الوراده في السنن الي يعتقد الشخص في زيادتها زيادة اجر وهي تبطل اعماله

حتى في التصرفات مو بس في العبادات

مثلا لو لك صديق ملتزم ويقول يافارق عني انا شفت في المنام الرسول صلى الله عليه وسلم يقولي في المنام بلغ فارق عني ان ابواب جنهم فتحت ابوابها له ولا راح تقفل ابوابها إلا اذا ترك الدخان ,, وهو يكذب عليك بغرض ترهيبك وانت تعرف انه كذاب هل تقوله جزاك الله خير ولا تقوله سود الله وجهك ياكذاب ,, او يجيب لك آحاديث مكذوبه وضعيفه وهو يعرف هذا الشي والغرض ترهيبك واستغلال جهلك بالحديث علشان يكرهك في هذا الدخان

المحافظه والتشدد في حدود السنه بدون زياده شي مقبول ومحمود اما الزياده والبدع لازم يردع اصحابها ,, لان الشخص الي توٌعد يفرغ وايت علشان يتوضى ماراح يحس انه توضى اذا سوا مثل الرسول صلى الله عليه وسلم في وضوءه

لاهنت

AbduLraHmN
30-11-09, 05:41 PM
هلك المتنطعون قالها الرسول ثلاثا هذا حديث عن الرسول-صلى الله عليه وسلم- رواه ابن مسعود-رضي الله عنه-

فآرق عنـي !
30-11-09, 05:49 PM
أخو جميلة فاهم عليك وربي ولاتعبت
وصادق انت
لكن هل يا عزيز وصديقي
نحن نعاني من المتنطعون هل مشكلة بلدنا المتنطعون؟
أنظر لمجتمعنا الانحلال يطغى ويزيد وينتشر
ياخي تذكرني بشيخ جوه ناس قالوا الحق نبي فتواك
بيت جارنا يحترق وينتقل من بيت لبيت ولا عندنا ماء
فيه خزان عصير هل يجوز ان نخمد النار بالعصير
فالاطفال والنساء محشورين في البيوت
قالهم صبر انا اناقش بعض الطلبة في هل النزول على الركبة اولى
ام النزول على اليدين؟!
فتأمل!
أخي أخو جميلة

اخو جميلة
30-11-09, 06:00 PM
عبدالرحمن .. لاهنت وبيض الله وجهك في ماقلت

اخو جميلة
30-11-09, 06:04 PM
فارق عني .. صحيح الاولويات تختلف عندنا مشاكل اكبر من هذي

لكن المنكر واحد واغلب المنكرات المنتشره معروفه للجميع الكبير والصغير ,, لكن هذا النوع من المنكرات يجهله الكثير ويقع فيه الكثير بسبب الجهل بعكس المنكر الواضح البيٌن

تحصل الي يسمع اغاني ويقولك عارف انه شي حرام
لكن ماتحصل المبتدع يقولك عارف انها بدعه وظلال

لاهنت يابعد حيي

أخو صفيناز
30-11-09, 08:18 PM
يمال الشام هاه؟
اي هذا اللي ذابحكم
تعرفين الله هداك يمدحون حمصهم يقولون زين (qq115)
لا والتبوله وش خليت وش خليت
اللي عرفني يااخو صفيناز اني قلت لك برد سابق بس كالعاده
بس تبون اعيد وازيد
اعرف ناس من هالنمونه
ماشاء الله ألحين المطاوعه صاروا في نظرك نمونه
أجل لو ألأمر بيدك كان خليتهم ليمونه(q84)
..حولي وحول اللي اعرفهم ومااكثرهم
وش دراس بأكثرهم لايصير عادتهم (qq167)
ليس كل مايلمع ذهبا"
هه قلتيها
والحين بالعكس حتى الوافدين ليا جا السعوديه يحط لي هاللحيه
ليه بتعرسين عليه يومك زعلانه خليه يحط إن بغى
صبه سمنت وش دخلك إنتي(qq11)
عشان الكل يحبه ويقدره
يا إنتي طايحه بالمظاهر طيح
انا هذا اللي اتكلم عنه يرحم والديك
امين الله يرحم والدين
افهمني يامال الصلاح وبس
برضه رجعنا ثانيه يامال الشام (q53)


مساكين حنا ياهالملتزمين منين نلقاها من بنات حواء


وإلا من ابناء آدم

الشكوى لله

عموما شكرا ناريمان الخبر (q71)

بنوتة الخبر
30-11-09, 08:23 PM
مساكين حنا ياهالملتزمين منين نلقاها من بنات حواء


وإلا من ابناء آدم

الشكوى لله

عموما شكرا ناريمان الخبر (q71)
يبي الطقاق وبس الاخ
انا اقصد اللي يتلاعبون على الناس ويخدعونهم بشكل المتدينين
والدين منهم براااااااااااااااااااااااااء
انت لو تخلي عنك بنات الشام والتبوله <تراها اكله لبنانيه مو شاميه
ورب البيت بتركز
بس انت جاي تستخف دمك معي
وانت عارف ان اللي اقوله شرق وردك وكلامك غرب

أخو صفيناز
30-11-09, 08:33 PM
اخو صفيناز ... مثل هذا الاسلوب الي تستخدمه مع الدشير والسرابيت لازم تستخدمه مع اهل البدع والزيادات الي لاترضي الله ولا رسوله ولا اهل السنه

أخوي أخو جميله الله يخليها لك

وين البدع
أهل الدين وإن زادوا يرجا منهم خير

ولكن السرابيت والدشير يرتجى منهم خير (qq167)

مثل ماتتهجم على المقصرين في السنه ليش ماتتهجم على المزودين في السنه والمحرفين لها

اذا تقول للداشر ياصايع ياسربوت يامحط ليش ماتقول للي يزود في السنه يامنحرفين ويا اهل البدع ويااهل الظلال
أكيد إلتبس عليك الأمر ربما تقصد الشيعه وليس أهل السنة والجماعه

بكذا أكيد بكون معاك على طول الخط

ليش اذا واحد يكذب عليك وتعرف انه كذاب تقوله جزاك الله خير على كذبته ؟ ليش واحد تشوفه ينصح الناس ويحذرهم وكل الادله والآحاديث الي يقولها لهم مكذوبه على الرسول صلى الله عليه وسلم وآحاديث ضعيفه وبدل مانقول انت أخطأت تقوله جزاك الله خير ونفع بعلمك

المنكر مو بس في المعاصي والذنوب والمنكر بس مو في الغزل والدشره والصياعه المنكر حتى في العبادات وفي الزيادات وفي البدع وخطرها اكبر لانها تضرب بأقوال الرسول صلى الله عليه وسلم وافعاله عرض الحايط وتزيد على كلامه وما جاء في سنته

الدشير دشرتهم معروفه للجميع بس هذي الفئه من الناس مجهوله والكلام عنهم مهم والتحذير من خطرهم واجب شرعي ,,لان فيه ناس تقلدهم جهل منهم ويعتقدون انهم على صواب وهم في بدعه

علشان مايجي اليوم الي بكره فيه تتوضى بنص كمية خزان البيت وتصلي التروايح طول ايام السنه و قبل تشرب المويه تقرا خمس صفحات من الادعيه

لاهنت
لا ندمت


شكرا أخو جميله (qq115)

أخو صفيناز
30-11-09, 08:42 PM
يبي الطقاق وبس الاخ
انا اقصد اللي يتلاعبون على الناس ويخدعونهم بشكل المتدينين
إيه تقصدين كذا ألحين اتضحت الصوره (qq14)
والدين منهم براااااااااااااااااااااااااء
انت لو تخلي عنك بنات الشام والتبوله <تراها اكله لبنانيه مو شاميه
والله ماجبت بنات الشام ولا هيام
ورب البيت بتركز
بس انت جاي تستخف دمك معي
إيه هذا الناقص بايع عمري انا (q20)
وانت عارف ان اللي اقوله شرق وردك وكلامك غرب


ألحين معاك شرق شرق (a14)
أخو صفيناز محبوب الكل (q79)