المساعد الشخصي الرقمي

مشاهدة النسخة كاملة : من كان همٌه البنات بشره بالذل طول الحياة


اخو جميلة
24-11-09, 09:12 PM
من العايدين وعيدكم مبارك وكل عام وانتم بخير

مواضيع الحريم اخذت حقها من الطرح والطرق ومن باب العدل والانصاف مثل ماقلنا الحق بدون مجاملة للحريم راح نقول الحق للرجال بدون مجاملة بعد

حب البنات والزواج والاعجاب بالجمال والشخصيه هذي بدون شك أشياء فطرية في قلب كل ولد ,, لكن ليش الولد عندنا ماعنده فرامل اذا شاف وحده جميلة او صاحبة اسلوب جميل او شخصيه فذه صار مثل السياره الي نازله مع طلعت كرا لافرامل ولا جلنط يمسكه


ليش الولد عندنا أكبر اهدافه هو كسب اعجاب البنات اسلوبا وشكلا ,, وليش يعتبر رضى البنات عنه شهادة نجاح في الحياه وبدون كسب اعجاب البنات وثنائهم واطرائهم يعتبر نفسه انسان فاشل في الحياه


ليش الولد عندنا يصنع شخصيه تختلف عن شخصيته الي يتكلم فيها مع اصدقاءه الاولاد في جلساته وطلعاته وفي مدرسته او في عمله عن الشخصيه الي يتكلم فيها مع البنات في منتدى او إي مكان يكون فيه تعامل مع البنات بشكل مشروع

ليش الولد عندنا عنده حب الرياده في كل شي ,, بمعنى يحب يظهر نفسه دائما انه صاحب الشخصيه القويه وصاحب العقلية الفذه وصاحب الكلمه المطاعه والنظره الثاقبه والقلب الحديدي والمميز في اوساط مجتمعه ,, ليش علشان البحث عن من يعجب فيك تضطر للكذب واعطاء نفسك فوق حقها ؟ ليش صار من العيب اخفاء عيوبك ؟


ليش نظرتنا للحريم استغلالية مانعطي جانب حسن النيه حيٌز اكبر من الاستغلال هل من الشيم استغلال ضعفها ومحدودية تفكيرها وضعف سيطرتها العاطفيه تستغلها لرغباتك الرجولية ورفع معنوياتك على حساب من هي اضعف منك


الاسئله كثير لآبناء آدم بسبب كثرت العيوب الي تحتاج اعادة نظر واصلاح وإعادة برمجه لمفهوم الرجوله الي يختزله البعض في نظرت الحريم الغرامية والاطرائيه عنه فقط وينسى نظرت الناس من حوله الكبير والصغير والصديق والقريب ,, ياكثر ماشفنا رجال له قيمة عند الحريم ولو يدرون الحريم عن قيمته عند الرجال والناس الي حوله كان تفلو في وجهه وعرفوا حجمه الحقيقي وتفاهته بين الناس

فيه اشياء حساسه ماتطرقت لها وعلشان ماطوٌل علاكم احب اقولكم بختصار يا أبناء آدم

من كان همٌه البنات بشره بالذل طول الحياة

مستغرب
24-11-09, 09:15 PM
هذا آخر الزمان وانا اخوك واعظم فتنه كما ذكر النبي المصطفى

يارب نسألك الغفران والعفو

SAUDI LORD
24-11-09, 10:32 PM
كل هذه المغامرات وآخر شي يطلع فاشل في حياته الزوجية



مشكور اخي وكلامك واقعي

لميا
24-11-09, 10:45 PM
واقع غبي

داني دانيت
24-11-09, 11:03 PM
من العايدين وعيدكم مبارك وكل عام وانتم بخير
وانت بعد كل عام وانت بخير والجميع
مواضيع الحريم اخذت حقها من الطرح والطرق ومن باب العدل والانصاف مثل ماقلنا الحق بدون مجاملة للحريم راح نقول الحق للرجال بدون مجاملة بعد

حب البنات والزواج والاعجاب بالجمال والشخصيه هذي بدون شك أشياء فطرية في قلب كل ولد ,,
صادق
لكن ليش الولد عندنا ماعنده فرامل اذا شاف وحده
جميلة او صاحبة اسلوب جميل او شخصيه فذه صار مثل السياره الي نازله مع طلعت كرا لافرامل ولا جلنط يمسكه
لانه شاف احسن شي بالحياة (qq22)


ليش الولد عندنا أكبر اهدافه هو كسب اعجاب البنات اسلوبا وشكلا ,,
اكبر اهدافه رضى الرحمن.. ثم ثم ثم ثم ان المشكله هن المعجبات ! ياربي وش اسوي ؟(q78)

وليش يعتبر رضى البنات عنه شهادة نجاح في الحياه وبدون كسب اعجاب البنات وثنائهم واطرائهم يعتبر نفسه انسان فاشل في الحياه
قلنا لانهن احسن شي بالحياة انت ماتـفهم؟(q47)(q47)
ليش الولد عندنا يصنع شخصيه تختلف عن شخصيته الي يتكلم فيها مع اصدقاءه الاولاد في جلساته وطلعاته وفي مدرسته او في عمله عن الشخصيه الي يتكلم فيها مع البنات في منتدى او إي مكان يكون فيه تعامل مع البنات بشكل مشروع
لكل مقام مقال .. اجل تبين اعامل صديقي الدب مثل ست الحسن.. صدتس انك منسم !(qq172)

ليش الولد عندنا عنده حب الرياده في كل شي ,, بمعنى يحب يظهر نفسه دائما انه صاحب الشخصيه القويه وصاحب العقلية الفذه وصاحب الكلمه المطاعه والنظره الثاقبه والقلب الحديدي والمميز في اوساط مجتمعه ,,
مهوب دايم ..احيانا وده.. بس بالنهاية يكتشف انه دلخ:SmileyBunny:
ليش علشان البحث عن من يعجب فيك تضطر للكذب واعطاء نفسك فوق حقها ؟ ليش صار من العيب اخفاء عيوبك ؟
مافهت ؟ كيف عيب اخفي عيوبي؟
رحم الله امرء كف الغيبة عن نفسه !

ليش نظرتنا للحريم استغلالية مانعطي جانب حسن النيه حيٌز اكبر من الاستغلال هل من الشيم استغلال ضعفها ومحدودية تفكيرها وضعف سيطرتها العاطفيه تستغلها لرغباتك الرجولية ورفع معنوياتك على حساب من هي اضعف منك
هذا الله يسلمك يسمى انتهازي والانتهازي ليس برجل ! اذن لايدخل ضمن حديثنا هذا !(qq22)
الاسئله كثير لآبناء آدم
خرجنا من آدم وحواء ! قصدك آدم (qq22)
بسبب كثرت العيوب الي تحتاج اعادة نظر واصلاح وإعادة برمجه لمفهوم الرجوله الي يختزله البعض في نظرت الحريم الغرامية والاطرائيه عنه فقط وينسى نظرت الناس من حوله الكبير والصغير والصديق والقريب ,, ياكثر ماشفنا رجال له قيمة عند الحريم ولو يدرون الحريم عن قيمته عند الرجال والناس الي حوله كان تفلو في وجهه وعرفوا حجمه الحقيقي وتفاهته بين الناس
خله اقل شي يجد نفسه لو عند البنات .. عطه فرصه يعيش .. عطه فرصه يتـنفس السطح قصدي يتـنفس الصعداء والقرفصاء (qq22)

فيه اشياء حساسه ماتطرقت لها وعلشان ماطوٌل علاكم احب اقولكم بختصار يا أبناء آدم

من كان همٌه البنات بشره بالذل طول الحياة
واللي همه الزواج هل يدخل معهم ؟


موضوعك تحفة طيبه.. وتاج على راسي مثل صاحبه
تسلم اخو جميله عساك للبنت اللي ماتذلك (qq22)

"أنـامل فضيهـ"
24-11-09, 11:13 PM
على قدر الهمم تكون الهموم

بعضهم همه من بطنه وتحت

والبعض همومه عاليه ويكون اخر تفكيره الحريم الله يعافينا

اخو جميلة
24-11-09, 11:29 PM
مستغرب .. حياك الله يابعدي حيي ورحم الله ميتكم وأسكنه فسيح جناته ورزقكم الصبر والسلوان والرحمه والغفران

الله يكفينا شر الفتن لاهنت يامستغرب

اخو جميلة
24-11-09, 11:31 PM
سعودي لورد ... صدقت واكثر الفاشلين في الزواج لو تسمع سوالفه وهو يستعرض قدراته الخياليه تحس انه مكنسه كهربائيه مو بني آدم

الهرج ببلاش وانت فاهم قصدي :)

لاهنت ياسعودي

اخو جميلة
24-11-09, 11:33 PM
لميا .. للاسف هذا الواقع وما خفي كان اعظم

لاهنتي

اخو جميلة
24-11-09, 11:42 PM
داني دايت .. اشكرك على التعليق المستفيض ولاتتوقع اخو جميلة يطبق كل هذي المثاليات الي ذكرتها ,, الانسان احيان يغلب نفسه واحيان نفسه تغلبه وفي جهاد معها طول الحياه

لاهنت داني دايت والله يجوزك اربع حريم كل وحده احلى من الثانية

اخو جميلة
24-11-09, 11:46 PM
انامل فضية .. كل شي له مقدار والي يزود عن حده ينقلب ضده ,, للقلب حق وللعمل حق وللحياه حق وكل شي بمقدار

لاهنتي وعقبال ماتصير اناملك ذهبيه

عــزالخــوي
24-11-09, 11:51 PM
جعل ماب دنيانا اكبرهمناولاابلغ علمنا
الي يفكر بهالمواضيع اعتبره تربية حرمه ولاالرجال مايفكربهالامور حتى هي تعتبرمنقود عليه قدام ربعه وجماعته
ولوفكرفيهاحتى البنت بيطيح من عينهالانهااعرفته انه ارجيجيل مابعدصاررجال في نظرها

بس فيه بعص المنتديات ومنهامنتداناهذا اشوف العكس وهن قلة يمكن ينعدن على الاصابع اذافيه عضو طرح موضوع تحصلهاهي اول مايرد عليه وهذاطبيعي بس تكررت الملاحظات اكثرمن مره وخاصه لبعض الاعضاء فقط
وياليت ردهايكون عادي مثل بقية الاعضاء لاردهامغيركركرهـ مع هالعضو وكل واحدمنهم يقتبس رد الثاني
حتى في بعض المواضيع الي منزلهاغيرهم وياليتهاتكون مراهقه يمكن نعذرهاالمشكله انهاعجوزوعلى بالهاانهاتوهابنت وعندهاكم حبه من البزران
هذي عاد الي ماتنبلع وهذاموعذرلرجال الي هوصلب موضوعك بس الشي بشي يذكر

اخو جميلة
25-11-09, 02:48 AM
اراعيها ... فعلا الي ذكرت موجود عند الطرفين فيه ناس تستمتع بالمطارده والتضيق ان كان ولد او بنت يعطيه شعور انه شخص ملفت للنظر ويحس فيها شي من المتعه حتى لو تظاهر انه متضايق

اعتقد الي مايبغى هذا الشي فعلا تلقاه يبتعد عن اي شي في كلامه يثير الطرف الثاني مو يجلس يكركر على قولتك ويوزع ابتسامات وذبات ويقول بعدها افف من الازعاج

لاهنت وبيض الله وجهك

رزان ~
25-11-09, 04:59 AM
كل عام وانتم بخير
اول هام ... شكرا على موضوعك
ثاني هام .. كأني شميت ريحة رفض لمشاركة المرأة في المنتديات
ثالث هام ... المفروض كل واحد يدخل النت لابد ان يعرف انه في عالم افتراضي وبين اشباح خلف الكيبوردات
اكرر
شكرا لك

اخو جميلة
25-11-09, 04:38 PM
زران بنت ابوها ... لا مارفضت احد كنت اعاتب آدم على بعض تصرفاته ,, وكلامك صحيح بالنسبه للنت

لاهنتي وعفون لك

نازف حرف
25-11-09, 06:22 PM
أشد فتنة على الرجال هي فتنة النساء


عسى الله يحفظ شباب وفتيات المسلمين




تحياتي لك ياأخو جميلة على الموضوع القيم