طلال الفهد&فهد بن زيد&محمد الجربا

[طلال فهد الشمري]

هات الخبر يافهد بن زيد هاته=هات الخبر من صاحب ن غاب عنا
مدري وش اللي حاصل ن في حياته=هو انشغل ولا انه زعلان منا
الصاحب اللي الطيب منبع صفاته=ولد الشيوخ بدار فيها سكنا
اللي سمو العز سامي بذاته=محمد الجربا عضيد المعنا
طول غيابه والفكربه شتاته=ينشد يقول يامحمد القلب حنا
يحن لك قلب ن وفيي بحياته=ماخانله صاحب ولا ساء ظنا
قلبي وانا طلال هرجي ثباته=قول الرجال اللي كلامه يعنا
وأوصاك قلبي يافهد خذ وصاته=وانشد عن اللي باللقا مايكنا
عسى يعود وكلمتي منك جاته=وادعي عسى ايام الفرح له تهنا
هات الخبر يافهد بن زيد هاته=انت اللذي للطيبات تتعنا

[شــتآت]

صح لسانك شاعرنا....

وان شاء الله شاعرنا محمد الجربا يكون بأتم صحه وعآفيه...

والقاف وجّهته للوجهه الصحيحه..لفهد بن زيد ..شاعر رائع..

لاعدمناكم...

[محمد مطلق الجربا]

العزوه الغالي

والشاعر الانيق

الله يديمك للطيب ويديم الطيب لك

ما نغيب عن مثلك وشرواك والله حتى لو غبنا في الصفحات مكانكم في القلوب

ضروف امر بها يمكن اربكتني شوي

لكن انا موجود انشالله موجود بكم ولكم

اخوك ومحبك محمد الجربا




اوه من ليل اخنقتني عباته=كنه بنزفي يالنداوي تحنا
طلال والايام ياهي سواته=اللي تشب بخاطري ريح بنا
وش حيلة اللي غايته هي مماته=له خافق(ن) بين الضماير يونا
لو زاره الهوجاس ضفضف عباته=واليا رقى رجم الهواجيس ونا

[عناد الجروح]

صح لسانك وسلم نبض قلبك طلال
قصيدة رائعه جدا من قلب اصيل
والحمدلله انو القصيدة خلتنا نشوف نور الخيمة وشعاعهامحمد الجرباونتمني مايغيب
ونتظر قافية فهد المميزة
كل التقدير
عناد الجروح

[فهد بن زيد]

قلت/=
-=-
الحمدلله يوم جزلتك جاته = ياخوك قلبي قد نصاه وتعنا
طلال انامشغول احاتي نجاته = وين انت ياقرم الاواليد عنا
يالله ياللي مايخيّب رجاته = تحفظ نديمٍ للخفوق المعنا
منها الدهور اللي قبل محرجاته = يوم الليالي السود ماطوعنا
يجمض هموم وعلته في لجاته = بين الضلوع الحدب مايسمعنا
-=-
=وسلامتك طال عمرك,,))

[طلال معيض]

رائعه يافهد شكرا على هذه القصيده

[ياليل مااطولك]

الشآآآعر طلآل صح اللسآنك يآآشنب <<<وش اخبارك ^_&

الشآآعر محمد الجرباء صح اللسآنك يآشنب رآئعه وبقوه

الشآآآعر فهد زيد صح اللسآآآنك يآآشنب

امتعتونآ لآآآهنتم

اخوكم ابونمر

[جود القمر]

شعراء الخ ـيمه المتألقون

طلال الشمري .,., فهد بن زيد .,., محمد الجربا

::
،

استمتعت هنا كثيراً ..
بـ/ هذه الابيات الرائعه ..

الف شكـر والف تح ـية لـ/ جميل بوحكم ..

لاهنتم يالنشاما .. ولاهان مغليكم ..

[طلال فهد الشمري]

صح لسانك شاعرنا....

وان شاء الله شاعرنا محمد الجربا يكون بأتم صحه وعآفيه...

والقاف وجّهته للوجهه الصحيحه..لفهد بن زيد ..شاعر رائع..

لاعدمناكم...


صح الله بدنك يالغاليه

نورتي متصفحي بتواجدك الف شكر

تحيتي

[طلال فهد الشمري]

العزوه الغالي

والشاعر الانيق

الله يديمك للطيب ويديم الطيب لك

ما نغيب عن مثلك وشرواك والله حتى لو غبنا في الصفحات مكانكم في القلوب

ضروف امر بها يمكن اربكتني شوي

لكن انا موجود انشالله موجود بكم ولكم

اخوك ومحبك محمد الجربا




اوه من ليل اخنقتني عباته=كنه بنزفي يالنداوي تحنا
طلال والايام ياهي سواته=اللي تشب بخاطري ريح بنا
وش حيلة اللي غايته هي مماته=له خافق(ن) بين الضماير يونا
لو زاره الهوجاس ضفضف عباته=واليا رقى رجم الهواجيس ونا



هلا وغلا بالغالي الشيخ/محمد الجربا

صح الله بدنك وصح الله لسانك

تواجدك نور للمنتدى وللخيمه وقوافيك تطيب الخاطر وتشفي العليل طال عمرك

تحيتي

[مقروش]

صح لسانك شاعرنا طلال على القصيده الجزله
والشاعر الكبير الاخ الغالي /محمد الجربا له فقده في خيمةالشعر

يعطيك العافيه شاعرنا محمد الجربا على القصيده
وتحيه خاصه لمشرفنا الفاضل وشاعرنا المميز
فهد بن زيد
أخوكم
مقروش