لما شاف زوجته كاشخة ؟ وش سوى ؟؟

[شيخة الكعبي]

بسم الله الرحمن الرحيم


السلام عليكم ورحمة الله وبركاته .... نقلت لكم هالموضوووع الهاااام :





فيه وحده معزومه على زواج ويوم الزواج قامت الحرمه
وتروشت وتنظفت وسرحت شعرها احلى تسريحه
وسوت مكياج حلو ومرتب ولبست احلى فساتينها
وتعطرت وتبخرت وبعد ماخلصت اتصلت في زوجها
وقالت له اني خلصت
قالها زوجها دقايق واكون عندك شوي
واثاري زوجها قدامها
الرجال يوم شافها اعجبته لانه المسكين مايحصله
يشوفها مرتبه الا في المناسبات
المهم طلبها زوجها تترك الزواج وتجلس معه
وقال لها ابغى اخليها احلى ليله وراح اعوضك عن الزواج
قال لها اجلسي معي وننبسط ونسهر ونجيب عشاء من المطعم الزوجه وافقت

قال لها زوجها ابغى اروح اجيب العشاء علشان ما اطلع
راح الرجال مستعجل وجاب العشاء ودخل بيته
وش شاااااااااااااف قدامه

.

.

.

.

.

.

.

.

.


الحرمه فاصخه فستانها ولابسه قميص قطن من
حقات البيت وغاسله المكياج وفاكه التسريحه وحاطه
في شعرها زيت ورابطته



الرجال عصب وسالها ليش غيرتي ملابسك وليش سويتي
في نفسك كذا
قالت الفستان ضايقني وانحشرت منه وغسلت المكياج
ماله داعي وزيت شعري عقب الرغوه والاستشوار
تصدق توي احس في الراحه يوم لبست هالقميص

قام الرجال يهاوش وقالها الزينه بس للناس
وانا زوجك ما تهتمين لي
وقال والله ماتذوقين العشاء والحين تقومين قدامي للزواج
وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج
كانها شحاذه وتركها الين اخر الليل وكل الي في العرس شافوها
هي اجلست في عبايتها ما فصخته....... (سوى احراج لزوجته...)





تعليق على القصة السابقة :

تتكرر كثيرا عند النساء اللواتي لا يعرن زوجهن حقا من التجمل والتزين ... ولكن عندما ينطق بأن هناك حفلة هن مدعوات لها يصبحن وكأنهن ملكات جمال وكان هناك مسابقة لاختيار اجملهن ..


يانسااااااااااااااء اين حقوق وواجبات ازواجكن ؟؟

من المستحق بالتجمل اليس زوجك ؟

فلا نستغرب من حالات الطلاق بسبب عدم الاهتمام بالمظهر اما الزوج كيف تريدينه ان لا ينظر لغيرك وانت لا تهتمين به ؟



اسال الله ان يهديكن ويصلح بالكن ...

[@@منيره القصيم@]

بارك الله بك اختى طالبة نصيحة مباركة وثمينة شكرا اختى

[شيخة الكعبي]

اشكرك ياغالية على المرور والرد الطيب .. :)

[سفيرة العشاق]

يعطيج العافيه اختي (طالبه مستقيله)

بالفعل اهتمام الزوجه بمظهرها وشكلها الخارجي يخلي زوجها ينعجب فيها زياده ويحبها أكثر وأكثر ويبطل يطالع غيرها

تحياتي
سفيرة العشاق ..

[سحاب الليل]

الله يعطيك العافيه

[الى من يهمه الامر]

يعطيك العافيه على ها الموضوع الحلو
تحياتي لك

[بونواف]

ياااااااااااااالله على هالموضوع اللي جاي في الصميم ..

صراحه اغلب النساء تتجمل اذا ارادت ان تخرج ..

وفي البيت يمكن تصير الشغاله وهي الشغاله افضل لبس منها

مأساة يعاني منها الكثير من الازوااااااااج اعانهم الله ..



ايها الطالبه المستقيله ابدعتي في هذا الموضوع الله يجزاك خير

وخلي بعض البنات يقرووون هالموضوع و يتثقفون ويتعلمون اسلوب التعايش مع الزوج

جزاك الله خير

[دلع عيني دلع]

فعلاا .. كثير يصير هالشي .. مع انه .. التجمل للزوج .. أولى ..

وتؤجر الوحده .. مهما سوت ..

وممكن ان الوحده تتجمل .. بدون ماتلبس شي يضايقهاا

يعني تختار شي انيق ومريح بنفس الوقت ..

تسلميييييين

حبيبتي .. طالبه مستقيله ..

موضوع .. رائع ’’ ومهم ..

http://www.qassimy.com/vb/uploaded/daloooa33333.gif

[تحلى الدنيا]

الله يعطيك العافيه
جزاك الله خير

[العاذريه]

صدقت والمرأه تستاهل ماجاه..

[مشتاق]

والله قهر .. مسكين الرجال .. متحمس للسهرة ومبسوط من زوجته وشكله جايب أغلى الطلبات ولسان حاله يقول الليلة ليلة عمر نبي نفرفش
لكن يافرحة ما تمت ........ وخيرها بغيرها إن شاء الله

[الفقيره إلى الله]

الله يعطيك الف عافيه إختي

موضووووع جداً رائع

وهذا حااااال اغلب النسااااء إلا من رحم ربي

[شيخة الكعبي]

اخواني واخواتي اشكركم على الردود والمشاركه .. وانا ماحطيت هالموضوع الا لاني متأكدة انه اغلب نسائنا بهالطريقة ونحن فعلا نريد معالجة هدا الجانب المهم جدا في الحياة الزوجية واستقرارها ..

يامن تريدين السعادة الزوجية .. لا تنقصي من حقوق زوجك



جزاكم الله خير

[soud]

نزلت ثوب العرس يمكن ... لكن تضع الزيت على شعرها...... هذى مو قادر اصدقها......يعنى والله لو انها عنز حتفهم انه يبى ينبسط ولا تسوى جذى

[تركي الشوق]

والله مسكين وربي


وهذي عبرة لكل وحدة انها تهمت في زوجها المسيكين


تحياتي ايتها الطالبة المستقيلة

[تحلى الدنيا]

والله انى امراه مجنونه


هههههههههههههههههههههههههههه


يا ليت يصير معنا هالموقف


يعير احنا نحط شرط بدال شرط
مثل ما نبى ناكل البيت خل يجهز غرفه احلى فنادق وعشاء رومانسى ياااااااااااااهو من قدنا

[بنت الرعد]

ههههههههههههههههههههههههههههههههههه يا مسكين هالرجال

[القمر المنير]

جزاك الله خير على موضوعج الحلو

يسلموا


بس تستاهل هذي

[أسير الحرمان]

ياحرام والله كسر خاطري ليش كذا تحطم كل امالة بلحظة

يمكن هوا يتمنا يشوفها بكامل اناقتها الله يجبر بخاطرة ياربي


مشكورة اختي على الموضوع



أسير الحرمان

[شيخة الكعبي]

مشكوووووووووورين على المروووووووووووور اخواني / اخواتي الاعزاااء



فمان الكريم ..

[&الريم&]

لحظة لحظة ... انا لا انكر اهمال الزوجة لنفسها .. ولكن بعد الحرمة مرات عندها اشغال البيت والعيال .. يعني الريال لازم شوي يقدر ... مثلا ليش الريال ما يعدل حرمته .. تغيير يطلع لها قميص نوم راقي ومثير ويكوي حقها .. ويمشط شعرها ويعطرها .. والله اشكثر بتستانس الحرمة والريال بعد بيستانس لانه بيحصل حرمته حلوة وكاشخة

ومشكورة عالموضوع الحلووووو

[ذو النون]

الله يعطيك العافيه طالبة ممتازة
واقول دائم يعتقد الرجال التجمل للزوجة فقط دون الرجال للزوجات


فهل سالت نفسك يوما هل زوجي يهتم بمظهره امامي ويحرص عليه كما اهتم به انا؟

فالمقصود من كلامي هذا مالامسته من تذمر بعض النساء من عدم اهتمام ازواجهم بمظهرهم امامهن في المقابل لو يقع من الزوجه اي تقصير حتى لو كان بسيطا ومن غير قصد يبدي الزوج ملا حظته الجارحه لها وكانه سبحان الله لايرى عيوبه .:sdfsg:


فلماذا هذا التفريق؟
هل لكوننا نساء؟


انا براي ان هذا ظلم ,وانه مطالب بكل رحابة صدر منه بالاهتمام بمظهره الخارجي امام زوجته قرة عينه
لما في ذلك من انعكاس ايجابي على حياتهما الزوجيه,واننا اصبحنا في زمن لايقبل التجاهل.

دائما يلقى اللوم على المرأة في عدم الاهتمام والرجل ليس عليه حق بل عليه حق كبير ....اليس من حق المرأة ان ترى زوجها في كامل زينته لها .. ام ان الزينة فقط للمكتب والعمل والاجتماعات والزيارات .. فاين زوجتك من ذلك وهي احق بك من كل هذا .؟؟!!

لذلك فعلى الرجل أن يتزين لزوجته ، والرجل النظيف الشكل والهيئة داخل بيته يدل على انه انسان نظيف جاء من بيت نظيف وهو قدوه لاولاده الذكور خاصا لانهم يشبوا على نفس الطريقة فيكونوا فى بيت زوجاتهم رجال يهتموا بنظافتهم وهيئتهم وهكذا... فعن أنس رضي الله عنه قال : ( كان له ـ أي للنبي صلى الله عليه وسلم ـ ملحفة مصبوغة بالورس والزعفران يدور بها على نساءه ) وقال ابن عباس رضي الله عنهما : ( إني أحب أن أتزين لامرأتي كما أحب أن تتزين المرأة لي ) .

[نور المها]

جزاك الله خير
صراحة ابدعتى,,,,,انااعرف حريم من هالنوعية والسلبية
اللى تخليهم ينسون او يتناسون هالتفاصيل الصغيرة اللى
بنظر الزوج مهــــــــــــــــــــــــــــــــــمة

الله يعطيك العافيه

[شيخة الكعبي]

الحمدلله انه تفاعلكم اغلبيتكم معي ايجابي ...


وشكرا على التعقيبات الحلوة ...

[عاشقة العلا]

الله يعطيك الف عافيه إختي

موضووووع جداً رائع

وهذا حااااال اغلب النسااااء إلا من رحم ربي

عااد اغلب النساء وبعدين الامن رحم ربي اختر وحده بدون تلفيقه

[أشواق]

بارك الله فيك

[joooory6]

القصه مفبركه وغير صحيحه لان المراه تتطلق ولا تقابل احد من الضيوف في بيتها بهذا الشكل عاد كيف العرس ؟؟؟؟
المهم هذا الي يحصل من النساء عدم الاهتمام بالزوج والاهتمام بالمناسبات اكثر..ولاكن هناك من النساء من هم على غير ذلك وهم قله والسللالالالالالالالالالالالالالالالام

[ميرو كتكوتة]

السلام عليكم ورحمة الله وبركاته
اناشد كل زوجة بهذا حتى لا يضيع زوجها منها.و شكراً

[راعي الطالة]

واللة رحمتة ذا الرجال مسكين وهذا اللي زاد من الزواج من الاجنبيات

[شيخة الكعبي]

اشكركم ...،،



ياليت يكون فيـه اهتمام بالشكل والمظهر من قبل الزوجيـن وكل منهم له حق على الاخـر ... اتمنى مراعاة هذا الجانب .




تحياتي

[المحب لوالديه]

بسم الله الرحمن الرحيم السلام عليكم ورحمة الله وبركاته الله يعطيك العافيه
المهم هو أن تعرف نساؤنا لماذا يصلن للشيخوخة في سن مبكرة
لو احتفظن في داخلهن بهذا السر وهو كلما كنت متجددة لزوجي وجميلة في عينيه فأنا امرأة جميلة في عيون الأخرين.
ويكفي أن ترضي زوجك ياسيدتي .ومرة اخرى أشكر من أورد هذه القصة والله الموفق.

[hgtpg]

كل السعوديات كذا

[شيخة الكعبي]

اشكر الجميع


وياخوان يجب ان لا نعمم على الكل فهناك من النساء الخيرات ولله الحمد ..

[أم أديم]

والله انها ماتستحي وتستاهل اللي حصل لها



وياليتها تكون عبرة



:) لاعدمناكِ شمعتنا

[الهنـوف]

ياشين الحريم اللي كذا ،
يعني معقوله تتكشخ في الحفلات فقط والمناسبات ولزوجها لأه ..
قاسية :cl:
مشكورة على الموضوع الرائع يا رائعة ..

[الهنـوف]

كل السعوديات كذا

معقولة
:(

[عبير نجد]

هذا حال اغلب النساء مع الاسف!!


الله يعطيك الف العافيه أختي

[نبض القلب]

بسم الله الرحمن الرحيم

الله يعطيكى العافية اختى
شيخة العز