المساعد الشخصي الرقمي

مشاهدة النسخة كاملة : مواقف محرجة


اخو جميلة
20-11-09, 07:31 PM
كيفكم عساكم طيبين

اكيد كل واحد مرٌ عليه مواقف محرجه ,, ممكن تكون في وقتها محرجه لكن مع مرور الوقت تصير للشخص نكته مايحس بالحرج من الكلام عنها ,, لآن هذي المواقف صناعة نفسها بعكس النكته الي هي صناعة غيرها

أنا شخصيا لما اسمع واحد يتكلم عن موقف محرج حصله احس اني أقدر افهم جزء من شخصيته ,,والشخص الي يشارك في هذا الموضوع بحاول اقوله عن الفكره والانطباع الي في بالي عنه من خلال موقفه المحرج الي قاله بدون مجامله له ولا يزعل من كلامي لان الخطاء احتماله اكثر من الصواب ,, والاهم من هذا نستانس على مواقف الاخوان المحرجه وراح أبدا بنفسي واقولكم موقف من المواقف


مره كان عندنا مناسبه مسوين غدا وكان المجلس مليان من الناس ,, كنت وقتها في اولى متوسط وكان ذاك اليوم يوم اربعاء وقت توزيع الشهادات والنتائج ,, المهم كان كل واحد جاي من المدرسه ويدخل المجلس تتحوٌل الانظار كلها عليه ويقطعون سالفتهم ويسألونه عن النتيجة ,, ها بشر ياولد فلان اذا قالهم ناجح قالوا كفوو يالذيب ويجلسون يباركون له ,, أنا تاخرت الي بعد صلاة الظهر ورحت للدرسه وحصلت نفسي راسب في أربع مواد (q104)

صرت في موقف صعب مدري وش اسوي ماقدر اطنش الي في المجلس وماقدر اقول راسب والعيال كلهم ناحجين لو معاي واحد راسب تهون شوي ,, قررت اكذب عليهم واقول ناجح مافيه احد يدري غير أمي علمتها اول ماجيت من المدرسه ,, وابوي اقوله الصدق بعدين اذا راحوا الناس

دخلت المجلس وكان مليان عن بكرة ابيه ,, قطعو سالفتهم وقالوا ها بشر ياخو جميلة سبع ولا ضبع


قلت ابشركم ناجح ,, اخو جميلة راعي سباع ماهوب راعي ضباع


قالوا كفو يالذيب بيض الله وجهك مبروك والله ياخو جميلة


والله مايمداهم خلصوا كلامهم زين إلا وابوي داخل المجلس يقول لا والله يخسى ويعقب ماهوب ناجح إلا راسب وعنده اربع مواد التعب خساره فيه


موقف صعب جدا مدري كيف تعاملت معاه

وامي الله يهديها علمت على طول لو صبرت كم ساعة ماكان صار لي هالموقف (qq22)



لاتبخلوا بمشاركاتكم

مُحِبة الحياة
20-11-09, 07:57 PM
يا الله !

موقفك صعب جدا و محرج للغاية

انا قد صار لي موقف محرج مرة


هماني كنت معزومة انا واهلي عند خالي

و يوم جينا سلمنا على النساوين و جلسنا

فجا خالي

يسلم علينا انا و بنات خالتي

و ما شافني و لا اقبل يسلم علي و انا حسيت باحراج

قالت امي : ليه تسأل عن فلانة و فلانة و بنتي ما تسأل عنها ؟

قام هو يصرف : ايه صدق .. وين فلانة ؟ " ميدي هو "

ثم جيت اسلم عليه و ما عطاني وجه و ظني انه مهو بيحبني

هو ظالمني و انا ما اقصر عنده اي مشوار يوديني اعطيه فلوس


مدري

احس منت بفاهمني و لا انت فاهم شخصيتي

اظن اني حزينة اكثر من كوني محرجة هههههههه

اخو جميلة
20-11-09, 08:25 PM
ههههه فاهم عليك

انطباعي عنك من هالسالفه احس ان طيبتك مع الناس مسببه لك معناه منهم ,,, ويمكن الوالد مطلق الوالده لاسمح الله

لاهنتي يامحبة الحياة

داني دانيت
20-11-09, 09:01 PM
كان في سالف الايام وكان مرة من المرارير وحنا طلاب مثل الكلا.... اعزكم الله كان عندنا اختبار في مادة عملية وصعبة ووقتها طوويل حوالي ثلاث ساعات وزياده
وكان استاذ المادة واحد برنطاني يعني بريطاني
المهم دخل وقت صلاة الظهر وحنا نختبر وحان وقت الاقامه للصلاة
قالوا الطلاب يادكتور البري يعني الصلاة ودنا نصلي قال نو بربلم يعني لامشكله No problem !! هو اعتبر سماحه لنا اخلالالالالاق !!!
وبعدين المشرف بص علينا وعارض قرار الخروج وقت الاختبار ويقول انه هذولا طلاب (كما سبق ك....) احتمال كبير يغشوا
البرنطاني قال لا هولاء طلاب مسلمون لايمكن يغشون
والله لايوريكم بعد ماطلعوا الطلاب للصلاة انواع الغش !!
وانكشف موضوع الغش ..
وبعدها قال دكتور الماده الان عرفت انه مايغش الا المسلمين اخخخخخخخخخخخخخخخخخ بس انواع الاحرااااااااااااااااج
يعني كان لازم تغشون ياحوش قريح
هي وقفت على مادة وحده واستاذه برنطاني بعد !!!!
لو كان استاذة الماده القصيعه اللي بس ادربي خشته كل صبح بالمنتدى من دون فايده كان مو مشكله !!(a26)
والا لوكان استاذة الماده طالبه رحمة الله كان نعطيها مسكن لضرس العقل وخلاص تسمح بالغش بدون مشاكل.:g8546:
وام المشاكل اذا كانت استاذة الماده توليب!! هذي هي المشكله!!!(qq152)(g)
لكن بسيطه نعطيها كم بيت من الخواطر الحلوه وتسمح !(qq22)
والا لو كان استاذة الماده ..... اقول احس اني اهذر مثل بعض حريم المنتدى بدون فايده(a14) سلالالالالالالالالالام
شكرا اخو جميله (a24)

حمود الثامن عشر
20-11-09, 09:35 PM
هههههههههههههههههههههههه
هههههههههههههههههههههههه


شكل امك يا اخو جميله خايفه ان ابوك يتزوج عليها والا ماضحت فيك عبث:)

اخو جميلة
20-11-09, 10:05 PM
داني دانيت ... لاحشاك يالطيب سوالف الحريم غير يابعد حيي الحرمه تعطيك خمسين مشروع في نص دقيقه ,, واذا ماعندها سوالف قامت تحش في خلق الله واذا خلصت من الحش قالت الله يستر على الناس من كلام الناس !!



لاهنت على المشاركة الطيبه الي تحسسني انك راعي مضاربات ومشاكلك كثيره في الحاره هههه

لاهنت يادايت

اخو جميلة
20-11-09, 10:32 PM
حمود الثامن عشر .... هههههه تصدق بالله ياحمود قبل سنتين احاول في ابوي اقوله تزوج ويقولي انا ياولدي شيٌبت وامك ماهي مقصره معاي ولا ابلقى مثلها قلته ماعليك ماهوب لازم تحصل مثلها جدد شبابك وأمي ماراح يلحقها قصور حنا عندها ومن ناحية الديون انا واخواني نتكفل بديون الزواج كلها لاتشيل هم ,, قالي ابشوف وعلاها من سنتين ,,

||همس المشاعر ~
20-11-09, 10:48 PM
هههههههههههههههههههههههههه

لك شو هااااااااااااد


يسلمووووووووووووووووووووووووووو

بوح الجبل
20-11-09, 10:49 PM
أولاً يسلمو عالموضوع..

ثانياً..موقفك أليييييييييييييييييييييييييييم..صراحـة أنت بعد ما حسبت حسابها صح..نسيت إن أمك زوجـة أبوك..ويعرفون بعض قبلك..ياخي واضحـة(zm)

والبقيـة أهنييكم عالمواقف..بس شف البرنطااني كيف ماخذ صورة حلوة عن الاسلام (يا فشيله(qq152))..

_____

إعجابي بالطرح

المخلص&بوح&

جنيفر
20-11-09, 11:10 PM
اقول احس اني اهذر مثل بعض حريم المنتدى بدون فايده(a14) سلالالالالالالالالالام




تكفون والي يرحم ابوكم اضحكوا
ودي اضحك بس أكله كثير صدقني
وبعدين والله أن سوالف حريم المنتدى وبالذات بالجانب الأجتماعي افيد من سوالفكم
يكفي أن مواقفكم كلها من أيام زمان
حنا ياربي لك الحمد مافي الا قوة تجديد<< واحشتني كلمة الا قوة

الشاهد
أيام فضيلة اكثروا من الدعاء والذكر وحسنوا أخلاقكم

وبليز أخو لا ترد علي
الله أكبر الله أكبر لا اله الا الله

اخو جميلة
20-11-09, 11:53 PM
همس المشاعر .. حياك الله لاهنتي ولا هان غاليك

اخو جميلة
20-11-09, 11:54 PM
بوح الجبل .. الله يسلمك وشكرا تعليقك

اخو جميلة
20-11-09, 11:57 PM
جنفير ... شكرا على نصايحك ووجهة نظرك محل تقدير واحترام
وحياك الله في اي وقت لاهنتي

AbduLraHmN
21-11-09, 01:17 AM
داني دانيت ... لاحشاك يالطيب سوالف الحريم غير يابعد حيي الحرمه تعطيك خمسين مشروع في نص دقيقه ,, واذا ماعندها سوالف قامت تحش في خلق الله واذا خلصت من الحش قالت الله يستر على الناس من كلام الناس !!



لاهنت على المشاركة الطيبه الي تحسسني انك راعي مضاربات ومشاكلك كثيره في الحاره هههه

لاهنت يادايت

الله يستر من كلام الناس

AbduLraHmN
21-11-09, 01:19 AM
مادري الموضوع ويش يفيد الاعضاء والزوار في المواضيع التي وضع لها القسم الحوار

اخو جميلة لاتزعل مني بس الحق يقال ياغالي

اخو جميلة
21-11-09, 01:56 AM
عبدالرحمن ... حياك الله والزعل بعيد عن شرواك

فيه مواضيع كثيره بعيده عن فكرة القسم ,, عن نفسي لو تقولي وش الاقسام الموجوده في المنتدى قلت لك ماعرف غير هذا القسم واقسام الشعر ,, ومسألة نقل المواضيع وحذفها مخليها للمشرفين لهم وجهة نظرهم والراي الاخير رايهم

ولاهنت ياعبدالرحمن