المساعد الشخصي الرقمي

مشاهدة النسخة كاملة : ماعمري شفت تعقيد اكثر من كذا


اخو جميلة
18-11-09, 06:41 PM
عندي زميل عزيز يدرس في الجامعه معاي ومرٌه من المرات قالي اعزمك على زواج اخوي ,, وعطاني كرت للعزيمة ,, لما قريت الكرت حصلت مكتوب في الكرت اسم الشاب واسم ابو البنت الي بتتزوج ,, واسم ابو الحرمه هو نفس اسم ابو زميلي ,, قلت يمكن تشابه اسماء ,, ومن باب الميانه والفضول قلت لزميلي اللحين الي بتزوج اخوك او اختك ,, قالي اخوي متزوج اختي وهذا ثاني زواج لخواني على اخواتي ,, وهذي نسبيا تهون مع التعقدات الي راح اذكرها لكم ,, لولا معرفتي فيه كان قلت هذا شيعي ماهوب سني ويمكن في عقيدتهم زواج المحارم مباح , المهم بعد معناه طويلة وبعد صداع الراس فهمت الحوسه الي عنده

تخيل شخص واحد

*اثنين من اخوانه متزوجين ثنتين من اخواته ويعني عيالهم يطلع لهم عم وخال في نفس الوقت

*اخته متزوجه من ولد أخته ( ثلاث من اخواته متزوجات من عيال اخواته) يعني نسيبه وفي نفس الوقت خاله

*اخوه متزوج من بنت اخته ( اثنين من اخوانه متزوجين من بنات اخواته) يعني زوجة اخوه تقول لخو زوجها ياخال


وكل واحد منهم عنده عيال كثر الجراد ويزوجون بعضهم ويستمر التعقيد بينهم,, وطبعا الزواجات كلها شرعيه صحيحه ,, ولا عمري سمعت او شفت شخص عنده مثل هذي الحوسه إلا عند هذا الزميل ,, الي يعاشره يحس فعلا باللخبطه تحصل نسيبه يناديه ياخال وعيال اخوانه نصهم يقوله ياعم ونص ياخال وزوجات اخوانه اما اخواته او بنات اخواته كلهم محارمه ,, الاحراج الحقيقي لو كان عنده اخو عينه زايغه ويجلس يغازل اخوات اخوه وش بسوي ؟

قد سألته هذا السؤال وانحرج (qq22)

احد مر عليه مثل هذي الحالات

AbduLraHmN
18-11-09, 06:50 PM
اقوووووووووووووووول كيف حالك

أخو حمسا
18-11-09, 07:06 PM
موضوع مبكي حقيقة :khmas258:

حمود الثامن عشر
18-11-09, 07:17 PM
راسي صدع يا اخو جميله وانا افكر في هالمعضله(q104)

طلع معي حاله وحده/


انه فيه شايب وولده تزوجوا عجوز وبنتها....عيال الشايب من العجوز راح يكونون اخوال واعمام عيال ولد الشايب الكبير وبنت العجوز الكبيره(qq152)


صحح لي يا استاذ(qq1)

منــــــال
18-11-09, 07:20 PM
:cl::cl::cl::cl:

الميسم
18-11-09, 07:20 PM
احد مر عليه مثل هذي الحالات

ايه مرت
ولو بذكر لك طريقة النسب , وأخوان من هنا ومن هناك
ماراح تستوعبها ..شبكة معقدة لايمكن فهمها للوهلة الأولى ..

بياض الثلج
18-11-09, 07:25 PM
طيب ليه هذا كله قلو البنات ولا قلو
بعدين زواج العائلة مو حلو كلهم عارفين بعض وفيهم شبه من بعض
المفروض البنت والولد يكونون من مناطق غير ويعيشون منطقة غير ..

اخو جميلة
18-11-09, 07:38 PM
عبدالرحمن ... يسرك الحال ابشرك ومعليش على الموضوع الي يصدع بالراس ههههه

اخو جميلة
18-11-09, 07:43 PM
اخو حمسا ... حيالله اخو حمسا الموضوع مافي شي يبكي كنت ابغى اشوف اذا في حالات مثل الذي ذكرتها او نادره

اخو جميلة
18-11-09, 08:04 PM
حمود الثامن عشر .. حيالله حمود تدري يابعد حيي بعطيك حل معضلة الرجال وشوف تراها مطابقه لحلك او لا ,, علشان تحليلك معضله وانا في هالسوالف مخي يقفل :)

الرجال ابوه متزوج اربع حريم وكل حرمه عندها دستت عيال وبنات
حرمته الرابعه الي هي ام زميلي كانت متزوجه قبل يتزوج ابوه على امه ,, وكان عندها عيال وبنات

اخوانه من ابوه وامه بعضهم كبار وعيالهم اكبر من سن زميلي علشان كذا تحصل مثلا ولد أخته من ابوه يتزوج اخته من امه او بنت اخته من امه

عساها وضحت الصوره لك

لاتقول ياخو جميلة انت ابيك تكحلها واعميتها زياده ههه

اخو جميلة
18-11-09, 08:08 PM
منال .. معليش على الصداع الي سببه هالموضوع وخلاك تقلبي عيونك

اخو جميلة
18-11-09, 08:11 PM
الميسم .. زين ماسويت يابعد حيي يادوب استوعبت حالت زميلي وانا قريب منه واعرف اغلب اخوانه مو عاد بستوعب شي مكتوب واكثر تعقيد لاهنت وبيض الله وجهك

اخو جميلة
18-11-09, 08:14 PM
بياض الثلج .. المثل يقول القريب اولى من الغريب

الوافي3
19-11-09, 12:32 AM
وش فيها ؟؟؟؟؟

ما أشوف فيها تعقيد

خالي متزوج أختي ؟؟؟؟



^



^






^









^










^










^











^










من الرضاعه (vv)

SAUDI LORD
19-11-09, 12:52 AM
زواج زواج زواج

ما تلاحظ ان كل مواضيعك عن الزواج


هو تخصصك الدقيق والا ايش

ماركس
19-11-09, 12:57 AM
طيب يجوز انك تتزوج بنت زوجت ابوك اللي من ابو ثاني مطلقته زوجت ابوك قبل تتزوج ابوك ؟

بالشرع يجوز .. لاني اخبر انه مايجوز تتزوج بنت زوجك وهي من ابو ثاني او ام زوجك!!

هل الشرع يبيح زواج اخوان خويك ؟ الأفاده الشرعيه ولاتهون .

ماركس
19-11-09, 01:01 AM
8
8
شئ ثاني

أخوي الحين اللي تزوجها اخو خويك أهي بنت زوجت ابوه من ابو ثاني صح ؟
يعني مو بنت ابوه يعني (أوب) أخته .. صح ؟

وشلون تقول متزوج اخته ؟؟

لان البنت اصلا بنت فلان الفلاني .. اللي هو ابوها مهوب ابو خويك لان البنت ترجع لأسم ابوها


ياخوي انت قروشتنا ماتصير اخته وبأسم ابوه وهي اصلا بنت من غير صلب ابو خويك وشلون تصير اخته ...؟؟؟؟

ياخي والله انت منسم هذي بنت ناس لكن امها مع ابو خويك بس ...

المهم الشرع يجوز ذلك ولا يحرم ماادري .. اللي يعرف يخبرنا .

اخو جميلة
19-11-09, 01:17 AM
الوافي .. سالفة الرجال مافيها رضاعه لو دخل معاهم في الشبكه المعقدة اخوان واخوات من الرضاعه كان يحتاجون شيخ حاصل على جايزة نوبل علشان يحل التعقيد هههه

اخو جميلة
19-11-09, 01:21 AM
ماركس .. قايلك ماشفت تعقيد اكثر من كذا

شوف اخوه من ابوه متزوج اخته من امه
واخوه الثاني من امه متزوج اخته من ابوه

أمه متزوجه قبل ابوه رجال وجابت منه عيال وبنات
عيال وبنات امه من زوج امه الاول مايصيرون اخوان عيال وبنات ابوه

هاا وضحت او دمرتها زياده ههه

MzaGe
19-11-09, 01:23 AM
احد مر عليه مثل هذي الحالات

آيه آنآ قد مرت علي(a24)

مرت اخوه تكشف له :danc854:

وعيال اخوه يقولون له ي عم ويا خال :danc854:

المهم ان الموضوع بالنسبه لي ما لحس راسي لانه مارن علي بالواقع (a14)

اخو جميلة
19-11-09, 01:29 AM
مزاجي ... طيب هذا الشخص عنده مثلا ولد اخته متزوج اخته ؟
او اخوه متزوج بنت اخته ؟

اذا كان ماعنده مثل هذي الحوسه معناته مازال الزميل متوفق في اللخبطه

يمامة الصحراء
19-11-09, 01:40 AM
انا عندي وحدة من الجيران ام زوجها تصير عمتها وخالتها في نفس الوقت

MzaGe
19-11-09, 01:41 AM
مزاجي ... طيب هذا الشخص عنده مثلا ولد اخته متزوج اخته ؟
او اخوه متزوج بنت اخته ؟

اذا كان ماعنده مثل هذي الحوسه معناته مازال الزميل متوفق في اللخبطه


بدآية اللخبطهـ (qq152)

يكون عنده اخو من ابووهـ (a24)
ويكون عنده اخت من امه (a24)
يعني اختهـ تتغطآء من اخوهـ (z)(a14)
وولد اختهـ آلثآني الي من امه تتغطآء منه اخته الي من آبوهـ (q104)(q39)
ولد اخته يتزوج اخته الي من ابوهـ (qq152)(a24)
واخته الي من ابوه تتزوج ولد اخوهـ الي من امهـ (a24)




^
^
^

كيف آلحآآل (a24)

الشـــــادن
19-11-09, 01:59 AM
الموضوع عادي مو معقد احس انت اللي عقدتها بشرحك

اي احد عنده أخوان من ( أب فقط ) وأخوان ( من أم فقط ) يعني امه كانت متزوجه غير ابوه
فــ كلهم مو أشقاء له .. طبيعي يحصل له الشي هذا ..

يعني اخوانه اللي (من اب فقط ) واخوانه (اللي من ام فقط ) مو محارم لبعض
عادي يتزوجون .. نفس الشي عيالهم وعيال عيالهم وهكذا..

ماركس
19-11-09, 02:35 AM
اقول انا مافهمت ... وكان ودي افهم لكن هونت ...

أعلن انسحابي ياخو جميله ههههههههههههههه

ربع ريال
19-11-09, 04:51 AM
حبيت اعلمك انهم لخبطه ، بس الصدز المفروض يدونون مجلدات عنهم علشان مايضيعون بعض بعدين :bb55bh:

متفائله رغم الانين
19-11-09, 07:16 AM
ياويلي احسني مو مستوعبه اخوان يتزوجو بعض؟؟؟لااكيد مافهمت السالفه زي..
بس هذااا حرااااااااااااااااااااااااام استغفرالله..

الشيخـــــه شجـــــون
19-11-09, 09:35 AM
الوالد الله يطول بعمره
له اخوات واخوان من الام
وله اخوات واخوان من الاب
وهو وحيد ماله شقيق
كلهم اما من الام او من الاب
عاد له اخ بالرضاع راضع مع اخته لامه
واخذنا سنوات واحنا نستفتي
هو يصير عمنا والا اخو عماتنا اخوات ابونا من امه
بس بحكم ان الرضاعه ترجع للرجل
حتى ثبت انه عمنا مع انه مازال فيه شك والسبه هالتشبيك الغلط

بس سووا خير يوم انهم بعدوا وماتزوجوا من بعض
والا كان هالحين حالهم حال خويك بس جات سليمه
خبصت صح ؟زدت الطين بله الظاهر
عوااافي