المساعد الشخصي الرقمي

مشاهدة النسخة كاملة : ..(( عصبيات على الفاضي )) ..


اخو جميلة
15-11-09, 12:02 AM
كيفكم عساكم طيبين

عندنا عادات شينه لازم اصحابها يراجعون انفسهم

كم شفنا واحد يقول انا سعودي او انا ولد القبيلة الفلانيه او ولد

العايله الفلانيه او لد الشيخ الفلاني ويعتبرها مفخره له

ولو شفت افعاله تحصله مايذكي ذبيحه لضيفه ولا عنده من

علوم الرجوله مثقال ذره وتصرفاته ضعيفه مثل تصرفات

الحريم ومقصر في حقوق بيته وزوجته وعياله وجماعته

حتى على مستوى الحريم تحصل من تقول انا سعوديه وانا

بنت الشيخ الفلان او انا بنت العايله الفلانيه وعلشان صار

عندها فلوس تحتقر العالم وهي الظاهر ماشق طبقة الازون

غير ريحتها والمصيبه شايفه نفسها ملاك

الفخر الحقيقي ماهوب الي تارثه من ابوك او اسم قبيلتك او

عايلتك حتى لو كان اسمهم زين يمكن بتصرفاتك تشوه

سمعتهم

الفخر الحقيقي للشخص بفعاله واعماله اذا صرت بخيل

ماينفعك كرم ابوك وجدك وسمعتهم واذا صرت قليل رجوله

وقليل مروه وقليل خاتمه اسم سعودي او اسم قبيلتك

مايرفع قدرك في عيون الناس الي يرفع قدرك فعلك

ياكثر ماشفنا برا من ناس فيهم رجوله ونخوه ومروه وكل علوم

الرجوله فيهم وهم ماعاشوا في حياه عشناها الرجال يشرفه

خوٌت الرجال وعندي البنقالي الرجال اشرف من السعودي

البخيل قليل الرجوله والمروه والكرم حتى لو كان ولد عمي

ياما شفنا حريم عن ألفين رجال بخلاقها وحشمتها وتصرفاتها

وهي ماهي بنت شيخ ولا بنت ملك وابوها افقر العالمين

علشان كذا اقول افخر بفعالك واتركوا العنصريه الفاضيه الي

تنقص من قيمتنا بين الناس

اذا سويت شي يخلي الناس يقولون عنك بيض الله وجهك

ياولد فلان وقتها من حقك تفخر اما اذا ماسويت شي يشرف

الي تفتخر فيه احسن لك تحط في فمك حصاه وتسكت


,, تحياتي

Asatir
15-11-09, 12:13 AM
ما كـل رجـال ٍ يمـــد الفناجيـل ,,-¦-,, يتبع دروب الطيب في كـل الاحـوال
وترى العمـر ماهوب فـرق المشاكـيل ,,-¦-,, والهـرج مايرفع من الناس دجــال
بعض الرجال كـبار لـكـن مهابيـل ,,-¦-,, المـرجلـة ماهيب بالكـبـر والمـال
وبعض الرجـال اجسـام لكـن تماثيـل ,,-¦-,,, جسـم ٍ كـبير وداخلـه قلب تمثـال
يملى عيونك بالشكـل كـنه الفيـل ,,-¦-,, ولاحـان وقت الجد كـذبت الاشــكال
والـدلة اللي دون نـــار ومعاميـل ,,-¦-,, ماتسقي الخرمـان لو ربع فنجـــال

أنت توحي؟(qq15)

~سليل المجد~
15-11-09, 12:27 AM
تدري من هو الرجال الحقيقي؟؟

اللذي قال عنه تعالى((يسبح له فيها بالغدو والاصال رجال))
وقال فيهم تعالى ((رجال لا تلهيهم تجارة ولا بيع عن ذكر الله واقام الصلاة وايتاء الزكاة يخافون يوما تتقلب فيه القلوب والابصا))
وقال تعالى((من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا))

انا اخوك المرجله انك تدخل الجنة يومن الناس تدخل النار
المرجله ان تحيي ليلك بالصله يوم باقي الخلق نايمه
والمرجله ان تكون بالصف الاول يو البشر لاهين عن الصلاه
المرجله تصوم الهواجر يوم الناس تاكل وتشرب

المرجله ان يكون على يمينك النبي عليه السلام وعلى شمالك ابو بكر وعمر وليس ابا جهل وقارون

وتقبل فاااائق تحياتي

حمود الثامن عشر
15-11-09, 12:31 AM
هالله هالله صح لسانك ولسان اساطير :)

ماقلت الا الصحيح وانا اشهد/

ليس الفتى من قال كان ابي
ان الفتى من قال ها انا ذا <<<< صح والا لا :)

بنت الهيلا
15-11-09, 12:37 AM
(( لا فرق بين عربي أو أعجمي إلا بالتقوى ))

اخو جميلة
15-11-09, 12:42 AM
سليل المجد بيض الله وجهك ولاهنت

خذها قاعدة الي ماعنده دين لاترجي من وراه فايده

اخو جميلة
15-11-09, 12:45 AM
لاهنت ياحمود وصح بدنك

وهذه العلوم اكيد ماتخفى على الرياجيل شرواك

الناقد الصريح
15-11-09, 01:10 AM
http://news.makcdn.com/image3159859_630_700/630X700.jpg (http://news.maktoob.com/article/3159858/مقتل-جنديين-سعوديين-على)










http://www.alriyadh.com/2009/11/08/img/719649949328.jpg





http://www.al-jazirah.com/312819/fr1.jpg






ماني مطعم دون حمى الخنازير
دام الوطن ينخي ويعلن جهاده

من لا يحسب الربح قبل المخاسير

هذاك ما يحسب من أهل الرياده

مابي أموت بمنزلي موتت أبعير

ابي أموت وفزت با عظم شهاده

هذي الجنات يا باغي الخير

هذا المفاز وعند ربي زياده

من لا يقوم لديرته قومة الزير

يلبس عباة أخته ويقعد قعاده





(الحربي100)

شموخ بدوية
15-11-09, 01:12 AM
ليش العنصرية ليش ماترد على العضوات طيبها1

"أنـامل فضيهـ"
15-11-09, 01:25 AM
^

^

وجعاااااااااان من العضوات لاتستغربين انه مايرد عليهن

شموخ بدوية
15-11-09, 01:34 AM
^

^

وجعاااااااااان من العضوات لاتستغربين انه مايرد عليهن


اها اجل نسذا

عساااه دوم :gm741:

اخو جميلة
15-11-09, 01:38 AM
بنت الهيلا

لعلمك ماعندي عنصريه ضد الحريم والي ترد بحترام أرد عليها بأحسن من ردها وكل فرقة حسب الله الي هناك يسبون ماقول غير الله يخليهم لعيالهم واهاليهم كلامهم مايضرني مثقال ذره كله قرقرت حريم وهروج تدبل التسبد ماكلف نفسي بقراءة سطر واحد منها

انا ماني همجي ولا عنصري ضد الحريم بالعكس احقر كثير الرجال الي يقصر في حقوق زوجته وعياله اعتبره ماهوب رجال يخسى

صحيح كلامي صعب تتقبلونه لكن انا ماعرف اجامل احد ولكم الحق

في الرد بما يرضيكم انا كلامي بشكل عام بدون تحديد شخص بعينه ولعلمك بعد انا توني طالب وغير متزوج علشان ماتقولي مثل كلامك في هذاك الموضوع

حبيت ارد عليك علشان دعوتك الطيبه الي مستحيتها وعلشان ردك المحترم

اخو جميلة
15-11-09, 02:08 AM
الناقد الصريح صح لسانك على القصيده الجزله

بنت الهيلا
15-11-09, 02:15 AM
بنت الهيلا

لعلمك ماعندي عنصريه ضد الحريم والي ترد بحترام أرد عليها بأحسن من ردها وكل فرقة حسب الله الي هناك يسبون ماقول غير الله يخليهم لعيالهم واهاليهم كلامهم مايضرني مثقال ذره كله قرقرت حريم وهروج تدبل التسبد ماكلف نفسي بقراءة سطر واحد منها

انا ماني همجي ولا عنصري ضد الحريم بالعكس احقر كثير الرجال الي يقصر في حقوق زوجته وعياله اعتبره ماهوب رجال يخسى

صحيح كلامي صعب تتقبلونه لكن انا ماعرف اجامل احد ولكم الحق

في الرد بما يرضيكم انا كلامي بشكل عام بدون تحديد شخص بعينه ولعلمك بعد انا توني طالب وغير متزوج علشان ماتقولي مثل كلامك في هذاك الموضوع

حبيت ارد عليك علشان دعوتك الطيبه الي مستحيتها وعلشان ردك المحترم







لا والله انت فاهم غلط اقولك ليه مسحتها والله العالم وبيحاسبنى

انا خفت انى اكتب الحديث واخطئ فيه
عشان كذا رحت اتاكد من الحديث ونسخته والصقته بعدين كتبت الدعاء وطلع بالون غير

ومسحت الدعاء وخليت الحديث
والله ماقصدى الا الخير

بارك الله فيك ولا حرمك الله اجر ماكتبت

جنيفر
15-11-09, 10:14 PM
^

^

وجعاااااااااان من العضوات لاتستغربين انه مايرد عليهن



لا تقولون راعي المسجل وجعان (qq15)
الله يشفيه

والله يسامح الي عقدتك وأنا أمك



بس جد اذا وجعان وفيك شئ ترى نعين ونعاون

ازهلها بس << ترى من زمان ما قلت لاحد ازهلها
(qq89)

ربع ريال
15-11-09, 11:08 PM
ايييييييييييييه الرجال تحت الارض ، مابقى الا انا وانت وحمود هه حين وحين وكم عضو ( وعضوه علشان مايقولون اني متعنصر )


اخوي بسمة مسلم ، قصدي سليل المجد (q39)

يعلم الله انك جبت الرد الكافي ولا نزيد عن ردك شي

فارس السعيد
15-11-09, 11:11 PM
والله ياولدي ياليت عندي ولد مثلك

بس عاد اسلوبك مع الحريم يحتاج شوي توضيب وسمكره

لاتسمع الشيبان في الاشياء الي تخص الحريم اغلبهم مع السنوان دكتاتور مثل هلتر مع اليهود حححححح

وياصاحبي واثنين مالقى لهم نوع
مامن وراهم في المواقف حميه
الي خويه فالخلا صار مقطوع
والي قطع في الوقت ناسه وحيه

صح لسانك والله ياخو جميلة ابيات من ذهب

اخو جميلة
16-11-09, 01:02 AM
وافي ياكبتن مناحي والخير فيك وفي عيالك يابعد حيي

ماعندي عنصريه ياوجه السعد بس بعض هروج الحريم لاتسمن ولا تغني من جوع والرد عليها مضيعه للوقت

صح بدنك وانشاء الله ابيات تليق بالناس الي شرواك

اللطيفة
16-11-09, 01:08 AM
تعلم أول من يطبخ لك العشاء وتعال تكلم بعلوم الرجااال
صدقني أحس أن تصرفاتك تستفزني
وأحب أذكرك بحاجة وحده ماأكرمهن إلا كريم وماأهانهن إلا لئيم
متى ماأردت ان تعرف أي نوع من الرجاال أنت فانظر في أهلك
فلقد قالها صلى الله عليه وسلم (خيركم خيركم لإهله وأنا خيركم لأهلي )
واعلم أن الرجاال ماهي جوعانه لمفاطيحك والاتنتظر
منك عزيمة كلن شبعان
علوم الرجاال تكمن في أخلاق الإنسان مع أهل بيته :(
اللطيفة00

اخو جميلة
16-11-09, 01:20 AM
شموخ بدوية - اللطيفه - جنفير




http://i35.tinypic.com/mt35w9.jpg


اذا هرجتوا مثل الناس اهلا وسهلا
الي تبغى تقرقر تشوف لها موضوع ثاني

بنت مجنونه
16-11-09, 01:30 AM
شموخ بدوية - اللطيفه - جنفير




http://i35.tinypic.com/mt35w9.jpg


اذا هرجتوا مثل الناس اهلا وسهلا
الي تبغى تقرقر تشوف لها موضوع ثاني




يؤ يؤ يؤ

شو هالصوره المقرفه (a28)(a28)(a28)

نجمة المنتدى
16-11-09, 08:00 AM
ايه..كـــــــلن يبي المرجله..والمراجل صعيبه...

آل أندلُسيه
16-11-09, 08:16 AM
ههههههههههههههههههههههه
ههههههههههههههههههههههههههه
هههههههههههههههههههههههههههههههه

مره دعوة لزواج وحقران النساء
ومره دعوة لترك العصبية
خلك على بر
المرجله باحترام الحرمه :gm741:
مو انك تحث الرجال (qq89)(qq89)
انهم يتركون مهايط حريمهم (qq15)


ههههههههههههههههههههههههههههههههههههه

الــــــــهرم
16-11-09, 08:50 AM
طرحك جميل ورائع

وموضوع في غاية الروعة

هنا جوابي

http://www.qassimy.com/vb/showthread.php?t=295405

قلب العنا
16-11-09, 09:10 AM
السلام عليكم ورحمة الله وبركاته

قال تعالى : ( وإنك لعلى خلق عظيم )




قال رسول الله صلى الله عليه وسلم :

( إذا جاءكم من ترضون دينه وخلقه فزوجوه )


وهذين دليلين من القرآن السنة على أن الدين والأخلاق هي أساس الإنسان

والرجل هو الذي تتوفر فيه صفات خاصة

المحافظة على امور دينه

بر الوالدين

احترام اخوانه واخواته ومحبتهم

احترام الآخرين

حسن التعامل

إكرام واحترام زوجته شريكة حياته ومعاملتها كما كان رسول الله صلى الله عليه وسلم يعامل زوجاته رضي الله عنهن

الكرم

الوفاء

حفظ العهد





أخي الكريم


موضوع مميز وجميل




يعطيك العافية

شموخ بدوية
16-11-09, 09:44 AM
شموخ بدوية - اللطيفه - جنفير




http://i35.tinypic.com/mt35w9.jpg


اذا هرجتوا مثل الناس اهلا وسهلا
الي تبغى تقرقر تشوف لها موضوع ثاني






عيب ياأخوي تجيب صورة مقر عملك هنا :whwhwh:

الله واأكبر هالموضوع اللي مقطع بعضه (a27)


باااااااي

اخو جميلة
16-11-09, 03:00 PM
نجمة القصيعه

بيض الله وجهك ولاهنتي

اخو جميلة
16-11-09, 03:07 PM
الطيب ماهو بالنسب والقبايل = ولا عريب الاصل ينقال رجال
المرجله ماهي بكبر العوايل = ماهيب بالمظهر والانساب والمال


الهرم صح لسانك وبيض الله وجهك

عزالله لو دريت عن هالابيات المزيونه كان حطيتها في راس الموضوع وتكفي عن الشرح

القصيدة نشطتني والليله ابقلب مشاركاتك وبدٌور على المزايين الي عندك

لاهنت يالهرم وصح لسانك مره ثانية

اخو جميلة
16-11-09, 03:20 PM
قلب العنا ... كلامك مابعده كلام يابعد حيي

وكلامك فيه بعض العتب عليٌ وعتبك محل التقدير والاحترام

بس تأكد كلهم على عيني وراسي ولا ارضاهم شر كود ارضاه على واحد من اخواني الصغار اما المناوشات هذه تصير في كل زمان ومكان

لاهنت ياوجه السعد

جنيفر
16-11-09, 05:31 PM
شموخ بدوية - اللطيفه - جنفير




http://i35.tinypic.com/mt35w9.jpg


اذا هرجتوا مثل الناس اهلا وسهلا
الي تبغى تقرقر تشوف لها موضوع ثاني






مره عيب الي أنت حاطه


بكون ارفع منك مستوى



الله بس يرفع قدر حريمنا دنيا واخرة



نداء للمشرفين بالله تصرفوا بها الصورة الي حتى أطفال ما يحطونها

Al-jazy
16-11-09, 06:23 PM
تدري من هو الرجال الحقيقي؟؟

اللذي قال عنه تعالى((يسبح له فيها بالغدو والاصال رجال))
وقال فيهم تعالى ((رجال لا تلهيهم تجارة ولا بيع عن ذكر الله واقام الصلاة وايتاء الزكاة يخافون يوما تتقلب فيه القلوب والابصا))
وقال تعالى((من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا))

انا اخوك المرجله انك تدخل الجنة يومن الناس تدخل النار
المرجله ان تحيي ليلك بالصله يوم باقي الخلق نايمه
والمرجله ان تكون بالصف الاول يو البشر لاهين عن الصلاه
المرجله تصوم الهواجر يوم الناس تاكل وتشرب

المرجله ان يكون على يمينك النبي عليه السلام وعلى شمالك ابو بكر وعمر وليس ابا جهل وقارون

وتقبل فاااائق تحياتي



رد جميل وفي الصميم شكرا,

حمود الثامن عشر
16-11-09, 06:31 PM
مره عيب الي أنت حاطه


بكون ارفع منك مستوى



الله بس يرفع قدر حريمنا دنيا واخرة



نداء للمشرفين بالله تصرفوا بها الصورة الي حتى أطفال ما يحطونها

اخيرا شفنا جنيفير زعلانه :c010:

لكن للأسف السبب ماله داعي..هذي اختلاف وجهات نظر والرجال صريح ان كلامكم ماله قيمه عنده..والمشرفين مايقدرون يغيرون قناعاته:)

جنيفر
16-11-09, 06:38 PM
اخيرا شفنا جنيفير زعلانه :c010:

لكن للأسف السبب ماله داعي..هذي اختلاف وجهات نظر والرجال صريح ان كلامكم ماله قيمه عنده..والمشرفين مايقدرون يغيرون قناعاته:)





يا امير المحارب


ان ما اتكلم على اسلوبه



انا اتكلم عن الصورة



انت الحين تتطلع لك نفس الصورة الي تطلع لنا




وبعدين ما جبت خبره عشان ازعل



وفرحان يا ابوي عشاني زعلانه

ابشرك سامحت كل الي مزاعلتهم اليوم وتراضينا


بس خسارة انصدمت في أسباب الزعل


الشاهد


قسم بالله الصورة مقرقه