ياصـاحبي

[اخو جميلة]

طقطقت كيبورد على السريع

اتمنى انها ترقى لذائقتكم






ياصاحبي وان صرت في الناس مخدوع = احذر على المخطي ترد الخطيه
خطاك يذكر دام لك صيت مسموع = واللاش ماتحسب عليه الرديه
ترا العتب مثل القلم عنه مرفوع = من لا يجيب الطيبه صار زيه
بعض الثمر لو جاد مايقطع الجوع = وبعض الشجر من غيرها صار فيٌه
وياصاحبي واثنين مالقى لهم نوع = ما من وراهم فالمواقف حميٌه
الي خويه فالخلا صار مقطوع = والي قطع فالوقت ناسه وحيٌه

[مها الشمري]

انشهد انك صادق ......... صح لساااااانك وتقبل مروري .................... تحياتي :)

[فهد بن زيد]

صح لســآنك وكلك,,,
شــــاعرنا / اخو جميــــــــــــله,,,,,
بدعت وابدعت في كيبوردية جزله ولا اروع,منها ,
كفكرة وتصوير فذ,,للمعاني ,,,وجزاله في قالب شعري صغير ولكنها تكفي 100بيت ,,
لاهنت على سبك هذه الابيات من شاعر يملك ادوات الابداع والتميز ــ
دمت ودام بوح قلمك النازف بروعة الشعر ,السهل الممتنع,
تحياتي لشخصك الكريم واجمل سلامي,,

[اميرة نفسي]

كيبورديه ولا احلى سلمت اناملك وصح نبضك

[اخو جميلة]

مها الشمري

صح بدنك ولاهنتي

[اخو جميلة]

فهد بن زيد

بيض الله وجهك على هذي المشاركة الطيبه الي هي بالتاكيد اكبر من حجمي لكنها شرف مدامها من رجال شرواك

صح بدنك يابعد حيي

[اخو جميلة]

قهرتون

سلمتي وصح بدنك لاهنتي ولا شنتي

[ضيف الله البدراني]

أخو جميلة لاهنت على هذه الحكم
واعجبني البيت اللي تقول فيه :
خطاك يذكر دام لك صيت مسموع = واللاش ماتحسب عليه الرديه
فعلاً الجاهل أو القليل أصل ما عليه ملام مهما قال ومهما أخطأ ، لكن كبار القوم والمحسوبين من رجال الحموله هم اللي خطاهم كبير وكما قيل غلطة الشاطر بعشرة أنا أقول غلطة راعي العرف بمليون .
مره أخرى تسلم وصح لسانك ،،،

[حطاب الظلوع]

صح لسانك والله انها جزلة

[اخو جميلة]

ضيف الله البدراني

الله لايهينك ياضيف الله واشكرك على التوضيح

صح بدنك وبيض الله وجهك ومن يسمع

[اخو جميلة]

حطاب الضلوع

ماهي بحسن عندي من تواجد مثل شرواك

صح بدنك ولاهنت

[فارس السعيد]

الله الله

وربي ابيات جزله تذكرني بقصايد زمان

صح لسانك ملاين ياخو جميلة

[اخو جميلة]

بيض الله وجهك ياكبتن مناحي

وصح بدنك ولاهنت يالغالي