المساعد الشخصي الرقمي

مشاهدة النسخة كاملة : من يعرف عن نظام المدارس الأهليه؟ بستشيركم


شماليه شرقاويه
12-11-09, 11:42 PM
السلام عليكم ورحمة الله وبركاته
الله يجزاه خير من يساعدني
أنا أعمل في مدرسة أهلية "كنت مدخلة بيانات"فقط
وهالسنة جاء قرار من مجلس الادارة إني أكون "مدخلة بيانات+كاتبة" طبعاً أنا ماعمري سمعتها صارت بأي مدرسة سواء حكومية أو أهلية 2 في 1 (q85)مدخلة بيانات وكاتبة !! وقال أيش ..هاذا قرار يعني مالي حق يشاوروني !!
2/ مسماي الوظيفي "كاتبة والعمل الإضافي مدخلة بيانات" أحس انه ظلم كلهم عمل أساسي يعني انا لوحدي المسؤوله ، والعمل الاضافي يعني فترة وينتهي هاذا طول السنة يعني اساسي ،، وبعدين أكرف كاتبة ومدخلة آخر شي لما آخذ خبره تعتبر خبرة كاتبه فقط :eek:!!
3/ وبنفس الراتب ..(ekaj)"اللي كنت آخذه لما كنت مدخلة بيانات فقط" أنا أحس كل هالتلاعب عشان يوفرون على أنفسهم لايجيبون موظفة جديدة ويعطونها راتب ،، طيب حتى زيادة مازادو راتبي ،، حتى لو اعتبروه عمل اضافي بس لازم زيادة !!
سؤالي: هل يحق لهم هالي يصير؟ ولا هم مخالفين لنظام العمل والعمال؟
وأيش ممكن أسوي ؟
شاكرة لكل من يتعاون معي ،، والله أحس إني مظلومه (qq79) ،، يالله تفرجها لي ..

AbduLraHmN
13-11-09, 04:09 AM
اقول عظي على وظيفتك وخليك منهم هم ودهم يطفشونك هي كلها بالكثير سنة سنتين وانتي مدرسة ان شاء

سيمار
13-11-09, 07:02 AM
هههههههههههههههههههههههههه حبيلك بس
المدارس الاهلية مافيها رحمة
ومافيه شي اسمه مسمى وظيفي عندهم وتذكري تلقينهم موقعينك على القيام بأي اعمال يحتاجونها
سبق وعملت فيها انا
الله لايعيد ذيك الايام ويذكرها بالخير
صح انبسطت لكن هلكت وكله عشان 2000ريال وياخذون منها بدلات وخرابيط
امسكي وظيفتك وتحملي لين ربي يرزقك حكومية خصوصا اذا كنتي بنت وماعندك ضغوطات عائلية
وترى احلى شي في المدارس الاهلية انو ينحسب لك خبرة

الــلــــــــورد
13-11-09, 11:28 AM
المسمى الوظيفي اللي تقولين: " كاتبة والعمل الإضافي مدخلة بيانات " مكتوب بالنص كذا ؟
ولا كاتبينه لك " كاتبة وإدخال بيانات" ؟ . وهم غيروه لك بالعقد الجديد مع بداية السنة ولا بقرار مجلس الإدارة فقط ؟

شماليه شرقاويه
14-11-09, 09:24 PM
مشكور أخوي عبدالرحمن ، بس هم لامايبون يطفشوني هم مستانسين علي إني شغيله قالو خل نكرفها
مشكوره أختي سيمار صدقتي والله بس متى يجي فرج الوظايف الحكومية "لاحجت البقر على قرونه"
يااللـورد المسمى الوظيفى واحد "كاتبه" والعمل الإضافي مدخلة بيانات ، وغيروه بداية السنة بقرار من الإدارة ،، تقدر تفيدني بأي معلومة ؟

شماليه شرقاويه
16-11-09, 10:58 PM
انتظر ردودكم ..

إزدحام
16-11-09, 11:14 PM
الظاهر أنك ماتقدرين تسوين شي !
إلا أنك تستمرين في وظيفتك كما هي مادمتي نشيطة وتحبين العمل ..
المدارس الأهلية تعرف كيف تستفيد من الموظف لأخر قطرة ..

* Jun1n
16-11-09, 11:26 PM
اختي الي اعرفه ومتاكده منه

ان الفصل بين مدخلة بيانات وكاتبه في الحكومي فقط

اما الخاص فعمل الكاتبه وادرخال البيانات ايضا يعني يحللونك عدل ويمصون دمك

شيهانة
16-11-09, 11:55 PM
عزيزتي
اتوقع هالشيء راجع لأعداد الطالبات في مدرستكِ
فالمدراس الأهلية ذات الاعداد الكبيرة تفصل بين الوظيفتين بسبب ضغط العمل على الموظف ..
أما المدارس الصغيرة فيتم الدمج بين اكثر من وظيفة بسبب قلة الأعداد وبالتالي وجود مجال لإنجاز اعمال أخرى من قبل الموظفة ..
ولا يخفى على الجميع ان القطاع الخاص يستهلك الموظف إلى اقصى حد في ظل غياب الرقابة من وزارة العمل .. التي فسحت المجال للإستغلال دون حسيب أو رقيب .
موفقة يارب

إعتدال
17-11-09, 03:02 AM
الغاليه شماليه ... أطلبي من المديره أن تكتب عملك في شهادت الخبره (معلمه)
كثير اداريات بمدارس أهليه ..بمسمى معلمه في البيانات
لأن مسمى كاتبه لن يخدمك كثيرا عند التوظيف....هذا أذا افترضنا أنك جامعيه
أماان كانت شهادتك ثانوي فقط...فالمسمى لن يقدم أويؤخر..لانقاط ..ولازيادة راتب..!
وكان الله بعونك على شحططت المدرسه الأهليه (q78)

الــلــــــــورد
20-11-09, 03:09 AM
لك حق ويحق لك المطالبة به هذا أولاً
وثانياً/ نصيّحتي كونيّ أذكى منهم ولا تطالبيّ بحقك إلا بعد المخالصة معهم:whwhwh:
وثالثاً/ احتفظي بصورة من قرار مجلس الإدارة .. ولو استطعتي تصويّر بعض المعاملات "اللي اشتغلتيها" تكون زيادة أمان ويفضّل تكون بأول فترة التكليف وآخر فترة عملك بالوظيفة .
أما رابعاً/ فأحرصي على المال الحلال(qq1)

شماليه شرقاويه
23-11-09, 03:41 AM
مشكورين يا ازدحام والبارعة وشيهانة واعتدال على نصايحكم والله ييسر لي ولكم كل خير
بس أنا أبي أعرف النظام ؟ عشان أشوف يحق لي أناقشهم يزيدون راتبي ؟

شماليه شرقاويه
07-12-09, 06:25 PM
مشكورة ياللورد