المساعد الشخصي الرقمي

مشاهدة النسخة كاملة : وش بووه دالوب غرفة نومي!


كراث وبس
10-11-09, 11:30 AM
بسم الله الرحمن الرحيم


السلام عليكم ورحمة الله وبركااااااته


الى اخواني الاعزاء حبيت اضع لكم بعضا من اقتراحات دالوب الغرفه خصوصا ان اغلبية الشباااااب

دالوبهم تلقاه طويل عريض واللي جوى يقرقع مابوه شي (qq15)


هو وحده من الثنتين ياانوه طايحه كل ملابسوه بالارض ياانوه مسوي رجال ومايهمه التشخيص والتزكرت (q20)

لاتنسون ان الله جميل يحب الجمال والجمال ليس مقتصر على الفتيات

فجمال الرجل من اناقته<<بلا الخشش اللي تهبل مايحتاج يتجمل (qq166)


المهم حبيت اوريكم بعض الصور اللي تهم الرجل ان يحرص عليها في دالوبه


ولا يقولي والله منب خكري هذي اسمها اناقه واهتمام موب خكري وماخكري


يلا تفضلوو واتمنى ان تعم الفائده للجميع



اول شي لا تقولون على بعض الاغراض المفروض تكون بدورةالمياه بالعكس غلط لانها تصدي لازم

تكون بدالوبك او دروجك


طبعا اول شي عشان تعرفون ان الرجل ماشاء الله معطيه الله قوة رائحه عرق ويبيله درزن مزيل عرق بالاضافه الى الاستحمام <<حشى هذا عامل البناء اللي يبيله درزن ههههه

http://www.britsuperstore.com/acatalog/Nivea_Deodorant_For_Men_Roll_On.jpg




ثاني شي يهم اناقة الرجل الراقي ادوات الحلاقه الضروريه واللي لازم ماينسى شي من اللي باذكره الحين حفاظا على سلامته اول شي ثانيا اناقة مظهره

والاغراض المطلوبه والمهمه في الدالوب مايلي

مكينة حلاقة الراس + اللحية .
(2) مكينة تحديد اللحية (( تشذيب ))
(3) موس حلاقه .
(4) فوطه حريرية الملمس .
(5) فرشاة إزالة الشعر خلال الحلاقة .
(6) مقص .
(7) جل حلاقة ((طبي)) .
(8) كلونيا ENERGY .
(9) مرطب ENERGY ((BALM
(10) مشط حلاقة اسباني .
(11) مطهر الأجزاء المعدنية الآلات بعد الحلاقة مثل "رؤوس المكينات والمقص والموس"

** ولا تقعدون تقولون هذي اغراض حماااااام غلط ثم غلط لازم يكون بدالوبك الخاااص **

واخر شي من ادوات العنايه الشخصيه الا وهو العطر عااد انت وذوقك انا هذا عطري الخاااص مستحيل اغيره شاري منه كم حبه يازين ريحته زيناااه بس

http://www.altemawi.net/up//uploads/images/domain-05f2624a14.jpg



نجي عاااد للملابس اللي بالدالوب واهمها عندنا ياالشباب


اولا

نجي للثياب انا عن نفسي اشتري من الكيسائي للاقمشه وافصل عنده والزين فيه كاني بالرياض بوه فرع وكاني بالقصيم بوه فرع محلن قمة في الرقي واسعااره مناسبه والزين بعد ان اقمشتهم ماقد شفتها تتقلب لونه من الغسيل ولا تنكمش ولا تتحبب ولا تتكهرب الله يكهرب العدو (q85)

المهم للي بالرياض ازيدكم معلومه ان فروعه بالاندلس والمعيقليه والديره و للي يحبون عروض الافتتاح ويحبون الرخص الحقو ترى بالسليمانيه فرع جديد توووه فاتح لهم وبوه انواع الاصواف كان تبون للشتاء وللعيد :gg4mpup:

http://img33.imageshack.us/img33/5508/418x220.jpg



نجي الحين للملابس الداخليه مهمه جدا تنقي القطنيه وذات الجوده العاليه وماتتساهل وتدور اهم شي الرخص يابوي اهم شي صحتك

:hgfyhg14k



http://www.al-jazirah.com/624095/rb04.jpg




والحين نجي للشماغ حدث ولا حررج كلها معرفطه من استهبال خياتي الله يهديهن بس بديت اقفل غرفتي مدري ليه يحبون يلبسونه ويصورون وبعدين طيب تراني مااشتري اي شماغ ليه تلعبون به الله معطيكم خلاقين وشالات تلثموبها ع كيفكم بس خلو شمغي (qq79)


http://msn-pic.mzaeen.com/data/media/1/kitkat_84.png


اتمنى اني قدمت الافاده والمتعه لكل رجل يهتم باناقته وماهو المهم في دالوبه ! ولا يتساهل او يقلل من قدره واهتمامه بحجة الرجوله هذا غلط يااخوان :(

يلا جعلي اشوف دواليبكم كلها مليانه ووداعا للدواليب اللي تقرقع مابها شي (qq15)

قمر الرائد
10-11-09, 11:56 AM
كشخه :)

(...)
10-11-09, 05:34 PM
اكشخ ... كل ذولي اغراضك << (vv)
موضوعك روووووووووعه ..:)

فجر الاسلام
10-11-09, 08:13 PM
ليت والله كل الشباب مثلك
عندي ناس يالله ان تهديهم ماكان بالغرفة دواليب

لطوووووووووف
15-11-09, 03:21 AM
ماشاء الله عليك عيني عليك بارده

كراث وبس
15-11-09, 07:05 PM
اشكر كل من رد علي قمر الرائد<< بعضا من كشختكم غاده<<اي كل هذي اغراضي بس مو كلها كلها عندي زياده بس خايف من العين خخخخ
فجر الاسلام <<الله يخليلك عيالك ويهديهم بما تتمنينه ويصلحهم امين
و لطوووف << الله يحفظك من العين
وللجميع << شاكر ومقدر مروركم وردودكم اللي نورت صفحتي (qq15)