بعثره جديده لي بدون ردود...)) [الأرشيف]

محمد مطلق الجربا

08-11-09, 04:42 PM

خلنا من القبايل عطني اشواقك حصايل=ياحبيبي شوف حبك عامل بروحي عمايل
هات كفك ياحبيبي ياحياتي يانصبي=كون اقرب من عيوني ياعيوني انت هايل
قالته في كل بساطه مادرت ايش الحكايه=قالته ياني فديته خلنا من القبايل
يعني اتركنا من اللي هوجنو للخيل شيمه=يعني خلصنا من اللي سادو اسياد السلايل
يعني لا تطري محمد وترك بنيه بحاله=يعني مطلق لا تجيبه بين قيل وبين قايل
يعني كفف لبو خوذه لا تطاري له مواقف=وش عطايا وش هدايا وش منايا وش فعايل
هيه يابنت الحضاره والنضاره وقفي لي=واعرفي اني محمد من ضنا ذوك الاوايل
اعرفي اني محمد من ضنا طه محمد=سيد الاسياد كله وخاتمة كل الرسايل
اجودي والطيب عمي والكرامه صارت امي=والفخر والعز خالي انت يا ناقض جدايل

محمد مطلق الجربا

08-11-09, 05:03 PM

هم الثنا والمجد والجود والطيب=واللي يعاديهم بموته لقاهم
بالمختصر وقت الوجب والمواجيب=الله وامانه ماتلاقي شداهم
يعني الردي منهم كما عويت الذيب=ولا قصور بطيبهم ذا رداهم

آل أندلُسيه

08-11-09, 05:05 PM

صح لسانك

محمد مطلق الجربا

08-11-09, 05:46 PM

تصبح على خير واكتب اخر حورفي=يمكن يعوض غيابي عندكم حرفي
انته وغيرك وحضي ويمكن ضروفي=يعني تصور معاك العالم وضرفي
انسا جنون معاك وخوذ معروفي=وياليت تبقا مثل ما كنت في عرفي
واعلم ترا لي خفوق(ن) لو رحل يوفي=يمنع خطاوي مساري لو شطح طرفي
ابي اولع سجاره واحتسي كوفي=وادلي اقدام روحي من علا جرفي
يكون موتي وانا اللي رافع سيوفي=اهون من العيش واهن للذي يرفي
اغفي على ذكرياتي واحضن كفوفي=وانتي بعد لملمي ذكراي ثم اغفي
شوفي جميع الخلايق وارجعي شوفي=يمكن تلاقين رجال(ن) شبه وصفي

اميرة نفسي

08-11-09, 05:52 PM

حلوه (ابغي اولع سجاره واحتسي كوفي) أستمر متابعين

محمد مطلق الجربا

08-11-09, 06:07 PM

محمد مطلق الجربا

08-11-09, 06:40 PM

السؤال اللي طرحته ياغرامي ليه احبك=وارتبك معنى سؤالي دون مفهوم الاجابه
تهيت انا مابين بعدن شدني لحدود قربك=وتهت انا مابين ضيقن شدني وسط الرحابه
اي وربك ياغلاتي اعشقك والله ربك=يعني حبك غصب عني في غريب ولا غرابه
منحدر

من ما اعجبني للشاعر الانيق فلاح فارس الجربا حبيتها واحتجتها لذلك حطيتها هنيا

عشان حفض حقوق الشاعر نوهت لاني نسيت التنويه في البدايه

محمد مطلق الجربا

08-11-09, 07:02 PM

مرات اسكر بذاتي دون لا اشرب=يعني ثمل منفرد مرات في ذاتي
بيني انا والجنون اجزاء او اقرب=يمكن ضياعي يبرر لي عباراتي
اطرب على جرح حالي ايه انا اطرب=واعلن رويا انتصاري فـ/انكساراتي
ما اقتنع في اسد يلعب مع الثعلب=يعني بكيفي وهذي من قناعاتي
يعني ترى اهون بعيني لسعة العقرب=اذا اشوف التهاون من خياراتي
اموت ضامي معزه دون ما اشرب=من فيضك اللي عذوبته انهزاماتي
اضرب كثر ماتحب ياصاحبي اضرب=ما عاد يشكي ثباتي كثر ضرباتي

شريف الشمال

08-11-09, 11:57 PM

تصبح على خير واكتب اخر حورفي
يمكن يعوض غيابي عندكم حرفي
انته وغيرك وحضي ويمكن ضروفي
يعني تصور معاك العالم وضرفي
انسا جنون معاك وخوذ معروفي
وياليت تبقا مثل ما كنت في عرفي
واعلم ترا لي خفوق(ن) لو رحل يوفي
يمنع خطاوي مساري لو شطح طرفي
ابي اولع سجاره واحتسي كوفي
وادلي اقدام روحي من علا جرفي
يكون موتي وانا اللي رافع سيوفي
اهون من العيش واهن للذي يرفي
اغفي على ذكرياتي واحضن كفوفي
وانتي بعد لملمي ذكراي ثم اغفي
شوفي جميع الخلايق وارجعي شوفي
يمكن تلاقين رجال(ن) شبه وصفي

خلنا من القبايل عطني اشواقـك حصايـل

ياحبيبي شوف حبك عامل بروحي عمايـل

هات كفـك ياحبيبـي ياحياتـي يانصبـي

كون اقرب من عيوني ياعيوني انت هايـل

قالته في كل بساطه مادرت ايـش الحكايـه

قالتـه يانـي فديتـه خلنـا مـن القبايـل

يعني اتركنا من اللي هوجنو للخيل شيمـه

يعني خلصنا من اللي سادو اسياد السلايـل

يعني لا تطري محمد وتـرك بنيـه بحالـه

يعني مطلق لا تجيبه بين قيل وبيـن قايـل

يعني كفف لبو خوذه لا تطاري له مواقـف

وش عطايا وش هدايا وش منايا وش فعايل
هيه يابنت الحضاره والنضاره وقفـي لـي

واعرفي اني محمد من ضنـا ذوك الاوايـل

اعرفي اني محمد مـن ضنـا طـه محمـد

سيد الاسياد كلـه وخاتمـة كـل الرسايـل

اجودي والطيب عمي والكرامه صارت امي

والفخر والعز خالي انت يا ناقـض جدايـل

لك أرفع عقالي يا محمد

سلم بوحك

محمد مطلق الجربا

30-11-09, 02:39 AM

حبيبي لا تحاتيني وانا شعري بياضه ضف=تخاف العين تحسدني على ايش الحسد قلي
اذا رددت لك شعري تقول ارجاك قلي تف=على شان اطرد النضره وعين الحاسد تولي
حبيبي مين ينضرني وانا غصني خضاره جف=ترى بس انت يالغالي على الاطلال متسلي
حبيبي زين طالعني امانه ياغلاتي شف=وش اللي باقي بعمري سوى زول(ن) جحد ضلي
حبيبي والزمن دوله وانا جندي نشاطه كف=عسا يرضى المعاش اللي يخلي بعض لك خلي
تخاف العين تنضر لي وانا قلبي بقايا دف=كفوف الوقت تضرب به ويضرب بالقهر كلي
ترى بس انت تنضر لي ولا لي عن نضيرك شف=انا اضمى نضرة عيونك بها ترحالي وحلي
حبيبي ما اقول الا على سود الليالي تف=لانه قصرت دونك وخايب للاسف حلي

محمد مطلق الجربا

30-11-09, 02:49 AM

يمكن ان الحض ضدي بس عادي
كل شين صار ضدي
عايش الدنيا تحدي
انجرح مليون مره
وانتهض لك مين قدي

يمكن تكون الليالي مابها اي اختيار
يمكن يكون الدمار
بس ابي تعرف حبيبي دايم ان الحض ضدي

اكتب ويحجب كلامي عثرة الحض ويرده
واكتب دموعي قوافي لونت وجه المخده
صح انا بدنيا غلط
مابها حروف ونقط

بس ابي تعرف حبيبي
انت بالخافق فقط

يمكن تضن ابتعادي عنك مني
وانت مني
وانا منك
لا يروح بعيد ضنك
ماهي الا كبوة الحض الجواد
نبتعد دون ابتعاد
والحقيقه ياغلاتي

وسط فوهة حض عاثر انتضر ضغطة زناد
ارسم امالي اماني
والاماني ياغلاتي ما يحققها مراد
ما يحققها مراد

محمد مطلق الجربا

28-12-09, 03:54 PM

كنت احسبك بضاعه غاليه وانت لاش=دامك ارخص بضاعه اشتري منك ليش
هيه يلي بترضا بيعتك بالبلاش=مابغيتك رخيصه ابعدي ما عليش
والله ان المصيبه لو لفت بأندهاش=تترك اللي وطبه مثل مدمن حشيش
وش بقا للقضيه دام ناوي النقاش=وانت ميت اساساً لو لقيتك تعيش
من يدنس فراشه لا يمد الفراش=ايش تبغا المرر اكتبه فعل طيش
يا اخي بنحطاطك ليه تلقا انتعاش=بس ابغا مرادك من ردا الحال ايش
كان منته محسب للخطايا بلاش=من الاه الخطايا كيف ماتختشيش

محمد مطلق الجربا

29-12-09, 09:44 AM

لا تطعن الميت مايحسب لطعناتك=والله لو به حياته كان ردت لك
ولا تذرف الدمع وش هو نفع دمعاتك=اضحك كثر ماتبي ذي فرصتك جت لك
الله حسيبك وحسبي الله بسواتك=ولا انا ما اجازي قتلي بقتلك
انقضت فتلي على كثر اشتهائاتك=وغزلت روحي على مايشتهي فتلك
ماعمر حالفت فرصه في متاهاتك=وياكم فرصه مع المطعون صحت لك
ماعادت افلاك حبي في مداراتك=ون عاودت لك رميته واحمله جت لك
طعنت روح النقاوه في سخافاتك=ياللي جحدت النقاوه ايش سوت لك
رح لاتجيني عسا تبعد مسافاتك=اضحك اذا باقيه ضحكه تهيت لك

محمد مطلق الجربا

29-12-09, 09:48 AM

بالله دام ابتعادي صار لك حاجه=ابعد بلا ماتدور للجفا حجه
يعني بسلاسه معي من دون ديباجه=حدد خفوقي هدف طعنات ثم وجه
ومدام درب الاماني صعب معراجه=خلك على راحتك لايشدهك عجه
ياصغرها ذا الحصاة تطيح زجاجه=ماغير كفك بلحضة طيشتك زجه
ومدام انت ومعاك الحض وهياجه=المشتكا للولي ماعنكم هجه
ياصافي الشرب شوف المر ومهاجه=وياهدي البال جرب لوعة اللجه
يالضلع الاعوج ترى في يوم نتواجه=في يوم ماتنفعك عن ضيقتك سجه
الله على الحض يوم(ن) فلة حجاجه=والله يكافيه يوم(ن) جاب لي رجه
ماعاد يفرق هدوء الناس وازعاجه=مادام اصلاً جروحك داخلي ضجه
قبل الوداع انتضر من طاحت ابراجه=اقبل على صدري المخنوق ثم فجه
اقطع خفوقي ترا ماد به حاجه=ومن عقبها بالسلامه وين تتوجه

محمد مطلق الجربا

29-12-09, 12:20 PM

ايه راضي

وانت راضي

لاتغرك صدمتي بك وامتعاضي

مسئله هي مسئله

قبل لا تمشي أساله

هو جميع الضيق في ضيق الاراضي

يعني لو عندك بلد

مابه عدد

او بالاصح مابه احد

يعني فيه العمر يصبح عمر فاضي

انت راضي

ايه ايه

هيه يا اكبر تجاري فالوجيه

بس جرح اللي تبيه

بس من هو صدقك تكذب عليه

الخوافق مو بضاعه بين ابيه وما ابيه

وبين اجيه ولا اجيه

هيه يلي ضل زيفك صار لاضي

انت راضي

كم وكم تجرح وابرر لك وكم

كنت لك منديل بكفوفن وكم

لين كل كمن سكن قربك جفاك

ثم رماك

وثم نساك

وثم حكم في غيبتك من دون قاضي

انت راضي

محمد مطلق الجربا

31-12-09, 12:44 AM

ماجيت لعيونك على شان انافسك=ماهي عداله فيك روح التنافس
اموت انا مابين لينك ويابسك=جيتك وانا ريقي من الشوق يابس
يلي مخامسني غلا جيت اسادسك=دام الغلا اصبح لي احساس سادس
خذ بن بوحي واحمسه في محامسك=واقبس من اشواقي لنار المحامس
يلي بتجهلني غلا جيت ادرسك=لن الغرام اللي بجوفي مدارس
شف كيف ميت فيك يحيا ويحرسك=يعني تناقض صاحب الثار حارس
غصبن على حلمك انا طيف فارسك=ولا قسم ماتهنتي بغير فارس
غلا تحدي ابذره في مغارسك=ون طاب طلعه بان جود المغارس
كلمه بقوله عل فختامها مسك=انا ولا غيري لك اليوم جالس

محمد مطلق الجربا

07-01-10, 02:27 AM

ركنت لعز حالي في ثباتي=وعززت القوافي بالمحابر

اذا فضفضت دفتر ذكرياتي=ونفضت عن العتب تاريخ غابر

لقيت القاف ينهل من صفاتي=لانه ما يمر بالذهن عابر

اكيد ان الكتابه نبع ذاتي=فخامة منهل عيال الاكابر

يشتتني الزمن واجمع شتاتي=لاني شمري ياللي انت خابر

بمعنى كل كسر(ن) في حياتي=الاقي عزوتي له خير جابر

انا ما اقول اصبر في شقاتي=اقول اشقا فخر في قلب صابر

اذا دندنت شعري في سكاتي=تردد بالعلن فوق المنابر

محمد مطلق الجربا

07-01-10, 04:28 AM

الحب قصه رواها صاحب الدكه=في مجمعن من عقولن تعشق قصصه
بدابه وكل راوي يمتلك حنكه=حتى لقينا لكثر متابعه غصه
من اول اشباك شوقه لآخر الفكه=يروي على انصاف عمر(ن) مالقا نصه
مابين صدمة جنون العشق والشكه=اواه من ذيب فرقا يطلب الحصه
تعب يردد علينا شطبه وحكه=ويوصل اشياء واخرى حاول يقصه

! عبدالاله الشمري !

08-01-10, 12:46 AM

صح لسااااااااااانك00 ابيات في قمة الجمال والعذوبه

محمد مطلق الجربا

09-01-10, 10:15 AM

تعبت اطالع في تجاعيد الابواب=الين افتح للعنا كل بابي
بعثرت ايامي على ابواب غياب=حتى ذرا ريح الزمن من شبابي
وانا عزاي من الاسا عضة الناب=ماغير كفي يصبر لهم نابي
كل ثانيه ترمي على الروح مخلاب=الين كل جسمي وهن ياعذابي
فصلت من صبري على قدي ثياب=شف كيف سملت بنتضارك ثيابي
اموت واحيا واحترق دون شباب=ولا يخفف غير دمعي مصابي
ما شفت شمع(ن) يحترق دون ما ذاب=هذا الذي والله دونك جرابي
قلبت ديوان الرفاقه والاحباب=دونك ولا غير المواجع صحابي
الموت فصل لي من الضيق جلباب=والضيق حطم بالالم كل مابي
والياس يمطر داخلي وانبت اعشاب=متشابك(ن) شوكه شقا ياغيابي
عامين قلبي ينفض الدم مرتاب=مليار ليه ولا حضت في جوابي
عامين دمعي كل ما اجففه راب=حتى غدى شوفي يشابه سرابي
عامين ما والله ضحك حبر بكتاب=غير يتغزل في مراري شرابي
عامين ودموع الرجا تنثر اهداب=الين جفني في خريفه سرابي
ودي اعاتب غيبتك اكبر عتاب=بس التعب ما عاد يمهل عتابي
تعال شفني للوهن قاعة احزاب=كل داء بالدنيا حبيبي دوابي
اخذ عليك من السهر كل مشعاب=الين كل ضاري بليلي ضرابي
وافز مع فجري على كل مرقاب=ارقب وضيق من المراقب رقابي
دونت ديوانك على صفحة تراب=ما عاد غير وجوه قاعي كتابي
الين صار محمد كتاب الاغراب=كل من فقد مثلي حبيب(ن) قرا بي
وش جاب قلي منك الحض وش جاب=شتان ما بين الجفا والوفا بي
رح لا تجي ما عاد في عمري حساب=كنت انطرك لين انتضاري غدا بي

محمد مطلق الجربا

10-01-10, 06:59 AM

قل وش تبي..بالله قل وش تبي=ما عاد ارد المطالب لا ولا اخونها
ياصاحبي بالله ياصاحبي=ماهزكم بعض قيفاني مع شجونها
بس اطلبي بالله بس اطلبي=يابوح ذيك الحروف وروح مضمونها
عين الضبي يلي انت عين الضبي=حرام طيش النواضر ترسل طعونها
بس مر بي ارجوك بس مر بي=ياموت ذيك الحناجر تعبت لحونها
يامعذبي اهواك يامعذبي=تفداك روحن سكنت بداخل ركونها
مسبي سبي والله مسبي سبي=ياخافقي في غلاها ولوعة جنونها
طلي ارحبي حياك طلي ارحبي=اهلا هلا بك عدد براق ومزونها
يامشرقي لا ياعنا مغربي=اواه من وجد حالي لو تشوفونها
ما عاد بي والله ما عاد بي=صبرن على غربتي وانتم تعرفونها

محمد مطلق الجربا

10-01-10, 10:52 AM

الشوارع ياحكاية صمت في جوف المدينه=والمدينه ياحكاية عمر في دفتر زماني
والدفاتر يا حكاية عشق مدري راح وينه=والمحبه ياحكاية شوق في رحم الثواني
والثواني ياحكاية صبر هالعين الحزينه=والنواضر ياحكاية عين بكتها الاغاني
والاغاني ياحكاية عشق للي سامعينه=والمسامع ياحكاية ذكرايات اللي هداني
والهدايا ياحكاية موقف(ن) بيني وبينه=والمواقف ياحكاية دمع للي قد جفاني
والتجافي ياحكاية ضلم من جارت سنينه=والسنين اكبر حكاية ضلم لو خطه بناني
مابقا للوصل عمر من التلاقي ذاخرينه=ولا بقا للقرب كلمه تنبته رمضا لساني
الهوا عاصف جنونه وعود حالي خابرينه=كل ما جن الهوا بي مال منه خيزراني
انت للحرمان قصه وانا للغربه رهينه=ما لقيت انته بديلي ولا انا لي فيك ثاني

زياد الخالدي

26-01-10, 11:55 PM

صح لسانك ابيات في قمة الروعه اخوي

سورية شمرية

27-01-10, 01:04 AM

صح لسانك................يالشاعر

قصائد روعة................وحضور جزل

لاهان راسك...................متابعين للإبداع

محمد مطلق الجربا

28-01-10, 01:42 AM

قسم واللي رفع سبع وبسط سبع وجعل به سبع=انا سبعن وسط سبعن طحاها خالقي سبعه
ومدام ان التطبع فالحقيقه ماهو اصل الطبع=انا والله لي طبعن خذا من طينته طبعه
انا والعز والشيمه وناس المرجله لي ربع=معى قلبن يشوف الموت لكن ما ترك ربعه
انا ما جيت اقاسمهم كرامه واخذ من الربع=انا جيت اخذ حمول الكرامه ماهو بربعه
اذا كف الالم مدة يمينه ناويه للصفع=قبل لا تنضر عيونه لخدي تبشر بصفعه
زرعت النفع بعروقي وفي روحي جنيت النفع=وصرت اليوم في روحن قويه جايدن نفعه
رفيع الشان ما يحتاج من بد الخلايق رفع=وانا من شان ما والله رضا الا له الرفعه
مواقف هالزمن صكن يناطر بالخلايق دفع=ديون احداث هالدنيا وانا وافي على دفعه
اذا كانت خطاياهم شفعناها بيوم الشفع=ابد مانرتضي نخطي ونطلب منهم شفعه

عبدالله ابو نواف

29-01-10, 02:35 PM

صح لسانك كلام رائع

وننتظر القادم

محمد مطلق الجربا

02-02-10, 01:49 PM

على ما قالو الدنيا مواقف والمواقف دين=انا ماجيت مشتاقك انا جيت اطلبك ديني
حبيبي لا تماهل بي تقول ان الوفا بعدين=تبي تهرب من سداده وتجحد غربة سنيني
الا من وين نبدا بالحكايه يالغلا من وين=من اول يوم ضيعتي كياني في عناويني
حكاية اوله نضره بها عين استحلت عين=تعبت امسحك من شوفي واشوفك لو غفت عيني
تعالي دامها صارت حساب وراح وقت اللين=عطيني كل ماجالك وخوذي ما عطيتيني
قسم بالله ماجيتك ابي منك لقا تكفين=انا جيت اطلبك لو يوم جيتك لا تلاقيني
تعالي نفتح القوسين ناخذ محتوا القوسين=عشان تكون قسمتنا عداله في موازيني
انا لي في يدك قلب ومشاعر من ثلاث سنين=وفكر(ن) اتلفه حبك وروح(ن) ما غدت فيني
معك باقي صدى حرفي اماني خابت التخمين=ابي حقي ولا غيره كرم ما اريد تعطيني
وانتي لك معي جرح وهواجس سبة السكين=وباقي هموم من ذكرى خيانه يوم خنتيني
وقاروره من الحنضل ودفتر زيف به تلوين=وقيد من الوهم ما عاد له صلطه بكفيني
وهذا لك كرم مني مناديل وحروف اثنين=حروف الحب ما عادت معك والله تعنيني
اذا بانت معك صحوة ضميرك انصحك تبكين=عشان الدمع يغسل بك ذنوبك لو طريتيني
قبل لا امشي بغيت ادعي الاهي دعوة المسكين=ياربي لا تشيبها دعيتك وانت تدريني
لان الشيب ابيض لون ماينفع مع الواطين=ابي تبقا اسود اشيائي مثل ما كنت في عيني

محمد مطلق الجربا

08-02-10, 09:16 PM

يعلم الله لو انك تشوف الحشا=لا حشا ياحبيبي ما تشد الرحال
ليت ينسا خفوقي وجه منهو مشا=مير كبر البلاوي ناضره لا يزال
انت وصلك بذاتي شد حبل الرشا=تجذبه في يمينك جذب دلو المحال
من بزوغ المنيره لين وقت العشا=والقدم يحتري لك شرق ولا شمال
اه يانور عيني وش غشا ما غشا=نورك اللي توارى في متاهات لال
ترقب اللي غلاها في فؤادي نشا=مثل عود الجناين لا نشا بالضلال
سرها في خفوقي حافضه ما فشا=ما درابه سوانا غير سود الليال

@ترايستار@

08-02-10, 09:31 PM

بعثره جميله يا عسل ..
محمد .. اقولك سر خطير ..
نادرا .. ما اخش جو مع القصيد ..
ولا يعجبني إلا قصايدي القصيره .. اذا رجعت اتصفحها .. بعد فتره من كتابتها ..
لكن ابشرك .. انك قدرت تخششني جو هع هع هع
ياخوك ابي اتواجد في بعثرتك ..
عادي .. لا ترد علي ..
بس شوي .. والله ما ابطي خخخخخخخـ ابي اصير هنا ..

ودي اشارك معك لو ما ترد = يكفي إن اسمي يجي بالبعثره
من يجد يفوز ومن يزع حصد = وانت سيد للجهود المثمره
ترايستاآآر

محمد مطلق الجربا

08-02-10, 09:39 PM

هلا وغلا فياض

البعثره وصاحبها قدامك

وجودك شهاده لي

منور يالطيب

مرحبا يامرحبا قلته مدد=كل ركن من المراحب ننثره
دام فياض العطا زار العدد=اشهد انه بالمعالي يشهره

محمد مطلق الجربا

08-02-10, 10:13 PM

دخيل الله لا تطري فراقك وانت تدريبي=اعيش بلحضة وجودك واموت بطاري الفرقا
دخيل الله يابعد النواضر لا تخلي بي=هموم الكون في لحضة غياب داخلي ترقا
تعال وكون في قلبي وسو اللي تسوي بي=تعال واناضر عيون الشفاقه رايبه غرقا
تعال وبعثر اجفاني وشوف النوم يطري بي=ابد والله ما زار النواضر لو غدا سرقا
تعال احرقني فقربك ولا تطفي لواهيبي=فدتك النار في ذاتي الا ياسبة الحرقا
ابد لا تعلن غيابك وانا رطبه مضاريبي=تغيب ومن بعد شوفك بيعلن للسما شرقا
وانا والله هي غيبة ثواني وش تخلي بي=سوا جدم(ن) ليا منه نضر رجم العلا يرقا
حبيبي لا دخيل الله امانه كف تعذيبي=لاني دون ما اشوفك محال بدنيتي ابقا

محمد مطلق الجربا

08-02-10, 10:47 PM

تصبحين على خير يا بعثرتي

زائرة القصيم

08-02-10, 11:09 PM

صح لسانك

محمد مطلق الجربا

13-02-10, 12:49 AM

لا جابك الله يا هواجيس ذكراي=وين التحضت بنضرتي بك لفيتي
تعبت اساير هاجسك واطرد خطاي=ون جيت بيتي صرتي اركان بيتي
يا اقرب اقرابي ويا اشرس عداي=ياليت تطويني مثل ما طويتي
تعبت اعايش سالفك واجحد الجاي=وانتي غيابك لو ذكرناه جيتي
اغيب فيك واترك حضور دنياي=توقف بك ايام الزمن لو طريتي
يا اجمل اللي صادفه سالف صباي=بالله وين اليوم عني غديتي
تروب عيني كل ما لاح ممساي=ياكثر ما بعيون شوفي بكيتي
صوتك يجر بداخلي بحة الناي=والعوج ردن ونتك وامتليتي
حتى غديتي بالجسد ساير احشاي=ماضي الزمن مقبل حياتي وصيتي
ياذكرياتي دام بك اصل بلواي=متى على الله لو سريتي رسيتي
تطرين لين تهزني ساير اعضاي=وتسرين لين استقبلك وانتهيتي
لا جابك الله ياهواجيس ذكراي=يلي على كل النواضر بديتي

محمد مطلق الجربا

13-02-10, 01:30 AM

اقول عال وخاطري ماهو بعال=طموح عالي لكن الهم عالي
يامر حال اللي بقاياه الاطلال=لا صاح صوته وانتكس دون والي
من عقب ما شوفي جمع كل الازوال=اليوم من كل المخاليق خالي
ما غير انا والهم والضيق واللال=هذا الذي من كل مالي بقالي
يشكي مواطي غربتي كل مدهال=من كثر ما يمناي ساقت شمالي
لا صرت في راس الطويلات نزال=ياصبر حالي باللذي قد طرالي
يروب شوفي من شفا الجال للجال=حتى تذورف دمعتي في خيالي
الدمعه اللي حملها حمل غربال=لا جيت ابيحها طرالي عقالي
حتى يزلزني من الضيق زلزال=وتهزني عبره تفوق احتمالي
اقول ماقل البكا شان رجال=وارجو السموحه بين حالي وحالي
لا صارت الغربه معي روس الاموال=عملاتها يربا بها زود مالي
تعبت ابعثرها ولا زال ما زال=يزيد كثر بنوكها في مجالي
لا جيت اقصر جزرها مدها طال=الين موجه يحتوي كل تالي
يغيم جو الياس ويطيح همال=حتى تربع بالمأسي جبالي
وانا عرفت من القدر طبع منوال=لو مالفيته زاني واعتنالي
هنيت منهو بالهبل داله(ن) سال=يعني على كل الخيارات سالي
يضحك ولو هو ضحكة افواه الانذال=ماميز سقاط العرب والغوالي
راضي بحاله لو ستر جسمه اسمال=حتى ولو يبلا الزمن ما يبالي
يضن كل باقي الملا عم(ن) وخال=ما حسب حساب السهر والليالي
تثمر بذاته للابد مدة ريال=كنك تملكه الزمن بيد والي والي
لا واهناته ما نضر ذيك الاطلال=ولا رابت عيونه على رجم عالي

محمد مطلق الجربا

13-02-10, 02:00 AM

المطوح ان زاد في قل الوفاق=وش بقايا زايده غير الحريق
لا غدى شوفك سما والحض ساق=والعواثير الخلايق والطريق
انت في ذاتك طموحن ما يطاق=والخلايق للمطامح ما تطيق
اه ياوقت(ن) رفع شان النفاق=لين جاك الضد بثياب الصديق
وش ذنوب الحلم لو دمه يراق=يوم تنده صاحبه قبل ان يفيق
مايموت الحلم دام الليل باق=الليالي عايده للمستفيق
دام شوف الطير بي مد الحداق=وارتعاشته بزفيري والشهيق
ماتموت بداخلي روح السباق=والرجا باللي حمى البيت العتيق
الفضا ماضيق بوجهي شناق=والبهارج ما تزييف لي بريق
والمأسي ما تضييق لي خناق=دام باقي في شفاهي بل ريق
دام انا اصلاً من تراب العراق=معدني معجون من سيل وحريق
ما تغرقني على كثر الغراق=ولا تحرقني وهي نارك صعيق
والله اني عشت في تربة شقاق=واقسم بربي على حفض الشقيق
مالي من ذنوب دنياتي رفاق=غير ذنب طموح في عثرة طريق

محمد مطلق الجربا

13-02-10, 02:27 AM

خوف قرب الموت ما عمرك عمر=واحتراسك عن فنائك ما حرسك
دام كله من الاه الكون امر=لا تداري عن طموحاتك نفسك
والحياة اثمارها جمر(ن) وتمر=والمغارس غارسه منهو غرسك
والخلايق لو بدت بيض(ن) وسمر=البواطن داخله حنضل ومسك
منت دارس لونها في جوف غمر=لا ولا منهو نضر لونك درسك
خوذ من طيب الطنا للراس خمر=وازهم الطولات لو شاحت فرسك
واحرق براس العلا للنور جمر=لين ينضر لاهبك منهو بخسك
الحياة سيول والايام ضمر=كان يومك ماترسته ما ترسك
اصرخ بصوت العلا بعيون حمر=والحذاري كان شيطانك خرسك
لا يهمك بالملا زيد(ن) وعمر=سابق اهل الطيب واترك من نحسك
نام لكن في نقاوه دون ضمر=لين تصحى بالنقاوه من نعسك
واعلم ان الوقت سجن يروح دمر=ما يهده غير من فيه احتبسك

محمد مطلق الجربا

13-02-10, 02:48 AM

تسلمين وتسلمين وتسلمين=عد كل جرحن مع حضورك حضر
طال عمرك كثر ضلمك يا امين=وكثر مافيني يبس غصنن خضر
اصنعي في داخلي ما تصنعين=ادمريني يا دمار اهل الحضر
والله اني بالغلا مشمش وتين=واحة(ن) تسحر مدارات النضر
اخذ من الياس ريح الياسمين=لين انفع بالخلايق من يضر
لو حسبتيني مسافه تتعبين=انصحك بس اغنمي وقت(ن) حضر
من خلقت وكل مداتي يمين=اعتني بالمحتوا دون الغضر
والدليل الجرح رده تسلمين=كل ما جرحك معا حضورك حضر

محمد مطلق الجربا

13-02-10, 03:04 AM

لا صار مافي علتك يالعيا طب=النار اخرها دوا بيد شباب
شب الحشا ياخافق السقم بي شب=مألوف صار الشيب في عارض الشاب
القوس قوسي والهدف في بحر غب=قمة نجاحي بالبحر صيد نشاب
لا غام جو الفكر ياهاجسي هب=هملولك اللي بالورق ينبت اعشاب
تعال واسرج مهرة الشعر ثم ذب=طارد بها ياهاجس الشعر ما طاب
لا زامت افكاري بحر ياقلم عب=لجل الورق مايصبح بغيبتي تراب
لا قلت ياشعري مدد انصحك لب=تراي سيدك والملا عنك اغراب
من ذا الذي تنصاه لا كنت متعب=مالك سوا مولا قوافيك اقراب
تعال وانهلني الا ليتني انضب=تعبت ادسم شاربك وانت مخلاب
ياصايد الجزلات من راس به شب=كساه صيدك لونن ابيض وهو شاب

محمد مطلق الجربا

13-02-10, 03:36 AM

سبحان من خلاك للعين كابوس=من عقب ما انتي في دجا دنيتي طيف
افوع من نومي مثل حال ممسوس=لو لاح من باقي خيالك تواصيف
يادرس واحد يحتوي عدة دروس=من حنكة التجريح للضلم للزيف
لنفوس غدر استوطنت عدة نفوس=اخر بقايا فعلها بالملا حيف
يا اول ذنوب(ن) لها شابت الروس=واحات هل وناتجه بذرة الكيف
كابوس ليل ويلبس ثياب عاروس=الكذب موجه والخيانه مجاديف
ماني بالاول دام وجهت لي قوس=الدرع صبري واحتمالي مشاريف
كرهك معي اصبح ترا شي ملموس=ان زرتني تكليف ماهو بتشريف
ماعدت انا ذاك اللحم وانت لي موس=لا والله اني ياللحم صرت لك سيف
تراك لو قد زرتني صرت كابوس=ما عاد عيني يخدعه كاذب الطيف

اميرة نفسي

13-02-10, 03:37 AM

راااااااااائع جداً يفوق الوصف ويتعدى حدود الجمآآآل ليصل للقمه من الأبدآآآع الشعري والعزف العذب
سلمت اناملك وصح نبضك
**
استاذي وشاعرنا الكبير محمد الجربا آسفه على ردي وتخريب بعثرتك المنفرده ولكن ابى اعجآبي بجمآل قوافيك الا الرد

**
تحيآتي وتقديري لك

محمد مطلق الجربا

13-02-10, 03:52 AM

ما دمت انا في قولتك ماني بشي=وش جايبك عندي تدور لك اشياء
وما دام تنضر لي جسد ماني بحي=رح لا تجي للمقبره عندك احياء
هذا انا اللهاوب ياقاصد الفي=وش حادك للال والعالم افياء
دام التناقض بيننا ماهو شوي=يعني تقارب حضرتك يصنع اعياء
ما مد كفي اخذ اللي مهو لي=انا عن اشياء الملا في استغناء
من منطلق اخر علاج المرض كي=كويت قلبي لين عيشته اغماء
والحين تبغا خافقي يالغلا ني=لا والله الا مستوي في استرخاء
عاود مثل ما جيت ياصاحب الغي=ما عاد لك في ناضري اية اغواء

محمد مطلق الجربا

13-02-10, 03:54 AM

انتي اميرة المنتدى وليست اميرة نفسك فحسب

مرورك يزيدني شرف

واعجابي بمتواضع حرفي وسام ازين به اعناق شواردي

كوني بكل خير ياخفيفة الضل

محمد مطلق الجربا

13-02-10, 04:14 AM

امبراطوريتي معجم حروف=اوله مشتق من كلمة انا
لا تعومس خاطري صفت صفوف=كنها سور(ن) من البوح ابتنا
اندبه واحد وتلفيني الوف=كنها شمر ليا جاه الطنا
المشاعر داخلي تصنع هنوف=والهنوف اصلا من احلام المنا
والمنى من عالم امالي يطوف=والامل مولود من رحم العنا
والعنا من ناتج الراس العروف=راس من زود السنع باع الهنا
لا غفا السالي فتح فكري رفوف=واضرم الخفاق للقاري سنا
يحترق قلبي عنا من شان اشوف=واضني افكار(ن) تجازيني ضنا
لين اجيب الدر من يم الحتوف=نادر اللي من بحر حتفه جنا
بين شك وبين ريب وبين خوف=واحتمالية هنا ولا هنا
قلت اعوم البحر في رجوا انوف=لؤلؤه ماله مع الناس خدنا
جبتها واضراس حيتانه سيوف=هذي اللوحه وناتجا انا

محمد مطلق الجربا

13-02-10, 04:38 AM

ياشعر دامك ممتلي من جزيلك=سامح وعف عن الهزيل ان نوا لك
ازرع جميلك بيد جاحد جميلك=اليا تورق داخله غصب شالك
دام القوافي في فراتك ونيلك=ما كدرك كثر الحجر في مسالك
يلي بتعطي للملا سلسبيلك=الله يديمك طيب الله فالك
ياشعر تكفا شيلني لجل اشيلك=اوثق حبالي لجل توثق حبالك
لا يستفزك من رجاته هزيلك=وانت الهزايل راميه من شمالك
احفض جميلي لجل يبقا جميلك=في فكر من حب الجمل ثم قرا لك
اصبح معي سيان لجل استوي لك=اصحى مع اللي في رقودك صحا لك
بالك توطي قيمتك في شليلك=ياشعر ياروح التعابير بالك
يلي كثيرك سحر يكفي قليلك=في روح منهو بالمعاني عنا لك
ياكثرها فيك الشيم وانت جيلك=قليل منهو من يعوض مجالك
اياك صدة ناضرك عن دخيلك=واياك تجزا بالاسا من اسا لك
الشان شانك وانت عابر سبيلك=ترحل ويبقا بالملا ما بقا لك
اما تكون سراج في ضلم ليلك=ولا تكون ضياع والليل حالك
تعالي في كل شموخك واجي لك=لنك ثمر ذاتي وانا راس مالك
اكتب محمد كثر ما يشتهي لك=ياما كتب كفه مزايا خصالك
يلي انت مني في دليلي دليلك=الله لا يخلي الورق من دلالك

شمريه الراس عالي

13-02-10, 11:12 PM

يكون موتي وانا اللي رافـع سيوفـي
اهون من العيش واهن للـذي يرفـي
تسلم بيت عن قصيده وصح لسانك يابن العم

محمد مطلق الجربا

14-02-10, 02:46 AM

اواااااااااه من ليل السهر هد حالي=ما كنه الا ليل في ليل في ليل
تعبت اجمع حاصل اللي بقا لي=والمشكله موتي بجمع المحاصيل
انا وديجور الليالي قبالي=على هواجس سالفي والتعاليل
نوب(ن) اطيل ونوب صبري يطالي=ون طيل صبري بالاسا صرت ما اطيل
ياغربتي في عالمي وش بقالي=تعبت احضر للعباير مناديل
تعبت احايلها على طول بالي=وانا امني رامضي بالهماليل
العمر فات ولا بقا سيل سالي=والبذر فيني كذب حكاية السيل
من بادي ايامي صنعت الرجا لي=اثر الرجا يادنيتي كذبة ابريل
اعيش خالي مثل ما كنت خالي=وانا همومي داخلي تشبه الخيل
نوب جنوب ونوب شاحت شمالي=غاراتها في حيلها هدت الحيل
يالله ياوالي عضيم الجلالي=محمود يارب(ن) جعل همي الليل
الليل ياقصة زمان متتالي=يسوقني من ويل في ويل في ويل

محمد مطلق الجربا

14-02-10, 03:42 AM

مادريت الموت موق

ولا عرفت الليل شوق

ولا سمعت ان الحقيقه بالغلا جحد الحقوق

ايه اتوق

كل ماطيفك بدى يمي وجال

اصرخ بصوتي تعال

اجحد جروحك بروحي

كنها ماهي جروحي

كل همي وقتها لحضة وصال

لين اطيح بخطوتي صوبك وافوق

واعرف ان الموت موق

واعرف ان الحب بوق

وادرك ان اسم الضحيه اسمه الثاني معشوق

انصدم فيني انا ياكيف اجيك

يعني ابيك

يعني كذبة هالنهايه في طيوفك تبتديك

ماهي حاله

فيك انا حد الثماله

بين روح المستحيل وبين جحد الاستحاله

في هروبي عنك جبت خطاي اسوق

لن اصل الموت موق

ادفعك في قوتي وتشدتني

واجذبك في لهفتي وتهدني

اااااه همك هدني

ودني بس ودني

ودي اقصاك البعيد

ودي ادناك الفريد

ودي هذا النار تطفا ولا تبي هل من مزيد

ودي ما ارد اجهلك

ودي اعرف اولك

ود عيني شوف عيني لو يطاردك وصلك

لجل كل الكون في شوفي يروق

ولجل احس الموت ماهو فعل موق

محمد مطلق الجربا

14-02-10, 04:05 AM

تغيب عيون وتعاود عيون وفي رجاك عيون=وكل عيون هالعالم اشوف بناضره عينك
تعبت ارسم مسافتك طعون ولا محيت طعون=وانا في صدري اللوحه وريشتها سكاكينك
نزفت الحرف من روح انتضاري للذي يقرون=انا من كثر حبي لك زرعتك وسط قارينك
اموت ليا همز طول اشياقي صبري المجنون=واردد للسما صرخه يرددها المسا وينك
هلكت اجمع من شتاتي ثواني والسنين سنون=وانا والله في فكين تضرس بي من سنينك
الا ما ترحم اليتم الذي في داخلي مرهون=مشاعر افجعه بعدك شكت غيبة مضامينك
حبيبي لو بغيت اشرح ضروفي والحروف تخون=تفوق العبره حروفي وتنثرني دواوينك
على باب الوهن واقف من ايام البطا مركون=رجاي تفج بيبانك وتجذبني بكفينك
تعبت المحك في كل الزوايا ياجميع الكون=وتعبت اطردك من كل الزوايا وانت للحينك
اجي لك في رجا لمسة يمنك يابديع اللون=ولو جيتك سرى طيفك قبل تلقاك سارينك
وانا والله فغيابك حبيبي كم تغيب عيون=وكل عيون ناضرته اشوف بناضره عينك

محمد مطلق الجربا

14-02-10, 04:22 AM

كل ما مد الامل للقاي شبر=شدني كف الاسا صوبه ذراع
من عرفت العمر والايام صبر=من بلغت الحلم وايامي نزاع
حي لكن في فوادي الف قبر=كل ابوها احلام واراها الضياع
هذا انا دنيا بها الايام غبر=من وعيت واصغر احلامي جياع
ما خذيت الا من الاجواف حبر=نزف روحي لا صدح قبل اليراع
طيني اللي مع جميع الناس تبر=يصهرونه لجل يعطيهم شعاع
كنت اثابر مير كان الحض ثبر=في سفينه ما يسنعها شراع
كم سبرت وكم تخيب اغوار سبر=ما لقيت بداخل الاوطان قاع
ما لقيت من الفرح طاري وخبر=لا ولا حتى بدى كذبه يذاع
ماني محاتي الامل لو كف شبر=دام اصل الياس يجذبني ذراح

محمد مطلق الجربا

14-02-10, 04:45 AM

حي الله الجرح في ضيفة معازيبه=ياحي من طاب له ملقاي ثم جاني
من قيمة اللي جرحني به اهلي به=نرفع مقام الجروح لقيمة الجاني
يامرحبا بالنوازف الف ترحيبه=بعداد ماهي تلوع ضلعي الحاني
وعداد ماهي تعيي دون تطبيبه=لو شح كثر التدواي واعلن ادماني
ادريك ياذا الجواريح داخلي ذيبه=حي الله اللي قنوبه ما تعداني
ذيبه وتجزل بجيبه من بعد غيبه=دوم تغدى حلومي وتعشاني
لا غاب زوله بقت سطوة مضاريبه=واليا برابي مصابي عاودت ثاني
الجوف جوفه وانا والله وش لي به=مسير موتي يحسسها بحرماني
ماهي جديده هواجيسه وتعذيبه=ولا وليدة قطيعه يوم تنصاني
حياه زارت مضاربنا مضاريبه=يامرحبا في مضارب صاحبن جاني

محمد مطلق الجربا

14-02-10, 05:18 AM

ماهو كثير اشغل بك الفكر مرات=في كل ساعه تطري الفين مره
يعني حضورك ياخذ الوقت لحضات=حتى جحدت الوقت خيره وشره
ما هو كثير انضر لك قبال مرأة=يعني جنابك تعتني لي صوره
فوق الشجر بين السما والمدارات=في كل مجره بان طيفك مجره
ما عدت اهوجس فيك ياكود حزات=من شرقة الانوار لا مستقره
ومن والج العسعاس لآقصا النهيات=من برد اول برق لسموم حره
ماهو كثير استطرد بشعرك ابيات=يمكن اجرك داخلي الف جره
لولا جمعته داخلي في عبارات=ضاقت ثيابي منها كود اطره
لا رحم حيك ياكثير السخافات=ياكيف تسألني غلاك اش مقره
والله دونك هالزمن عالم اموات=ماجاز لي بحره ولا جاز بره
خلك من افكار التغلي على الذات=دام كل الذات كره وفره
تعال واسكن داخلي يالغلا بات=واطرد جميع اللي بهالذات بره

محمد مطلق الجربا

14-02-10, 06:06 AM

قد قالو الايام لو خابت تصيب=اشوفها خابت ولا يوم صابت
قد قيل كل غيبة امل ترجع تجيب=وش علمها عادت ولا شي جابت
الحبل حضي والليالي جواذيب=كم جوذبتني في كفوفه وغابت
مني صغير وهذا انا عارضي شيب=ارجا وجودي مير الامال شابت
ياكيف ياعهد الطرد تحقر الذيب=من عقب ما صوته له قلوب ذابت
سبحان من خلا الثقل يجحد هديب=اللي حملها يوم الانذال هابت
المرجله صارت حوار الاكاذيب=افعال من كذب التعابير طابت
من لام صبري في سبب طرة الجيب=جعله يشوف اللي به النفس طابت
كني اشوف شروقها من تغاريب=في يوم اشوف عيون الاجواد رابت
لاشفت من هم للمراجل معازيب=تقصر خطاهم يوم الايام عابت
والله حينه اشعر بطعنة كليب=احس في صلب الضهر رمح نابت

محمد مطلق الجربا

14-02-10, 10:25 PM

في حوار ذاتي لي مع الشعر حيث كنا نتكيء على دكة السمر نتبادل اطراف الحديث عن ارواح الجمل سألته ايه الشعر

كيف استطيع ان اجعلك لا تكسد في عقول الاخرين كيف اصنع منك تجدد دائم كيف احافض على جماليتك رغم اعتياد الناس عليها

ابتسم الشعر وقال هذا الذي كنت انتضره منك يا صاحبي.. اسمعني جيداً ونفذ ما اقوله لك

انا ياصاحبي بستان تعددت فيه الاشجار وتلونت فيه الثمار واختلفة فيه النكهه والطعم بل وحتى الحجم

اذا اردت ان تجعل مني شيء متجدد فلا بد ان تجعل من مشاعرك شيء متجدد لانني اتجدد بك

قلت له كيف ياصديقي

قال اعشق ولو كذبه واشتاق لعشق كذبتك واذا حضرت كذبتك المعشوقه عاتبها واذا رفضت عتابك خاصمها وان قبلت خصامك
عد لآرضائها واذا قبلت الرضا تغزل بها وان شعرت بغرور غزلك حطم غرورها وان خذلها تحطيمك حاول جمع شتاتها وان استعضمت بعد جمعها شتتها

ودع لك عند كل جزء منها حكايه وعند كل حكايه اجزاء لم تكتمل دعها للايام هكذا انت متجدد

الوااااثق

14-02-10, 10:28 PM

صح السانك رائع
ودي وتقديري
واحترامي
اخوك
صح السانك
خالي

محمد مطلق الجربا

15-02-10, 12:59 AM

لا يدهشك صمي على كثر الاوقات=في داخلي من سالف الوقت ضجه
صامت ولكن فالدواخل عبارات=احيان اخاف اضلاع صدري تفجه
اقضم على كفي الم موت بسكات=وتروب عيني واخذ الدرب سجه
انحر بعيدات الروابي الطويلات=واستقبل خيول الكداره وعجه
كنه يحاوطني الاسا في مدارات=ويصدني من وين جيت اتوجه
اشهق ضياع ويطلع الموت زفرات=حتى تطابق بالجبين الاحجه
لا صارت الحسره جميع الخيارات=وش هو خياري لو بغا الدمع حجه
مرجوج ماهو طيش لا والله اهات=اهات ناتجها على الحال رجه
تعبت اخط ابيات وانثرني ابيات=نوب(ن) اجمعها شقا نوب ازجه
تعبت أأنب داخل الذات بالذات=هلكت اساير غربتي في مهجه
اصرخ ولا غير الصدى دوني اصوات=حتى الصدى لو ردد الصوت لجه

محمد مطلق الجربا

15-02-10, 01:19 AM

مشكور تسألني عن الحال كيفه=الحمد لله تسعدك كل الاحوال
يعني شوية ضيق ضيقه خفيفه=تمرني لامن بدى الليل منوال
وتهدني لا بان نور المنيفه=شمس الضحى لجل التقي واهم اللال
ماني مخفي الحال صارت كليفه=تغيرة في ناضري عدة اشكال
جنيت من كل المأسي قطيفه=وخذيت في كل الطواريق ترحال
عرفت كيف احساس عين(ن) كفيفه=وهي تحاول للنضر توجد ازوال
شفت الخريف شلون يجتث ريفه=وشفت الشجر خالي ورق كنه اطلال
عرفت كيف دموع عيني العفيفه=تصنع بشايرها على وجه الانذال
حسيت من كل المخاليق خيفه=ما عدت اشوف اصل البشر غير تمثال
كرهت حلمي والتياعه وزيفه=وشربت لي من مر الايام فنجال
قدعت من جمر اللضا في رشيفه=حتى شعرت من التعب قرب الاجال
ياناشد(ن) عن حالي الحال كيفه=طالع على وجهي ويشرح لك الحال

محمد مطلق الجربا

15-02-10, 02:19 AM

ياشعر سولف لي عن صباك بالله=وش تفتكر ياشعر يوم انت كبري
تعال ناديمني على الليل نطواه=عطني علومك وانت لك كل خبري
من اول اللي حرك لحرفك شفاه=ودي ادون اعترافك بحبري
دامك ضحك وضحكت ما عهدناه=اكيد بتسولف بما كان يجري
قال اترك المستور في جوف مخباه=وش حادك لثياب الايام تفري
قلت انتنادم والزمن يلحق اتلاه=ما دام هاليله من الوقت بدري
قال ادري انك ضايق البال يلاه=وانا بعد مثلك على الضيق تدري
ياصاحبي اول كتاباتي الاه=ماكنت وازنها على صغر صدري
كانت كبيره والقلم ماله افواه=كنت اشعر احساسي بها شي مزري
لا جيت ادونها تصاغرت معناه=ماحس تعبيري لها كان مغري
كنت ازرع القيفان لمناطر اجناه=اشب ناري بالحشا لجل تبري
ياصاحبي بدايتي شوف نجلاه=اللي على ميراد الايام تطري
كنت اول المشوار والقول بصباه=من طيش حالي انضر الناس حدري
كنت اعتبر نفسي انا صاحب الجاه=واللي بقا من باقي الشعر عمري
لين استحل بخافقي بارج ضياه=وازريت اوصفها على طول صبري
عرفت انه مالفا الشعر لولاه=حتى ولا مد التعابير شبري
اللي غلاها صار للشعر مولاه=تسقم حروف وغيره حروف تبري
من ليل جادلها لبارق محياه=لسيوفه اللي حاميه وجه سحري
من سحر ناضرها الى قوس مرماه=لخدود نرجس في فضا وجه زهري
من بسمته يوم سكنت واحة شفاه=من قده اللي كل مافيه يغري
من مشيته لا جننت لين خطاه=من صوتها لا هز شعري ونثري
ياصاحبي ما والله القا مزاياه=في عصري الحالي ولا قبل عصري
اهي بداياتي واهي كل منهاه=لولاه ما يرد على الناس يطري

محمد مطلق الجربا

15-02-10, 05:21 AM

ابتسم لي الحض مره وابتسمت=اثر حضي المبتسم يضحك علي
لين جاني اقصاه واقصاني وقمت=اثره من الفود هالغادي خلي
ياكثر يمحي من امال(ن) رسمت=كل ما كملت لوحه تنجلي
وش جدى حلمي ليامني حلمت=دام ضيقي في مضيقي مبتلي
ياعلي قرب اشورك لا ندمت=وش سواتي في حياتي ياعلي
ياصيحبي كم تعبت ولا غنمت=غير غربه صرت اشوفه في هلي
ياعلي سالمت وقتي وما سلمت=والمضالم يارفيقي للولي

محمد مطلق الجربا

15-02-10, 06:45 AM

وقفي بالله يالذكرى هنيا=السموحه يابقايا ذكرياتي
دام من باقي طواريهم تهيا=طالبك تكفين ردي لي حياتي
وقفي ما دام شوف العين عيا=يبرح اللي من قديم الوقت فاتي
وقفي لي كان باقي بك حميا=قبل تدني لهفتي لحضة وفاتي
وقفي بي ردي احبابي عليا=جمعي في قربهم باقي شتاتي
لو بعدها تنثريني للثريا=او بعدها تدفنيني في سباتي
والله ان الوجد طاوي الذات طيا=طية الجيدان في شح الرواتي
هيه يالذكرى عسا عمري بليا=دام ما باقي سوا تالي رفاتي
وقفي بالله واكوي الروح كيا=اخر علاج العيا كي الشواتي

محمد مطلق الجربا

16-02-10, 06:15 AM

ياصباح الورد ياورد الصباح=هو بعد وردك بقا للصبح ورد
والله انك لو تغيب الورد طاح=تصبح اغصان الحلا بجفاك جرد

محمد مطلق الجربا

16-02-10, 07:44 AM

من كل ترتيب الحلا ماخذ الحاء=هذا وخذيت القاف من لفض قمه
يلي خذيت الياء واسرفت بالياء=ضف جنبها رائك وهائك وتمه
لو تجمع الاجزاء تنطق لك اجزاء=تكتب مقامك دون كسره وضمه

محمد مطلق الجربا

16-02-10, 08:02 AM

يرحم الله يازمان الاذكيا=يوم يبدون التغابي في ذكاء
ويخلف الله يازمان الاغبيا=دام ترضا في تذاكي الاغبياء
المرض لا فاق جهد الادويا=مالنا الا دعا رد البلاء
دام صار الجهل فالواقع عيا=والقضيه واضحه دون ادعاء
وش جدات الراي في جحد الريا=دام صار الراي حكر الاقوياء
الضيا من شمس ماهو احجيا=نضرتك للشرق مافيها دهاء
الدها لا صار وقت الاضحيا=تتضح كل الحقايق في جلاء

محمد مطلق الجربا

16-02-10, 08:24 AM

تساليني ليه في ذاتي غريب=ليه دايم وسط عزله منطوي
ليه احس الكون في شوفي كئيب=ليه دايم للمأسي محتوي
لن كوني ياطري العود ذيب=كل ما طالع علي صار يعوي
من بدايتي وانا جوي مغيب=اكبر امالي رجا صبح(ن) ضوي
مالقيت من الملا شخص(ن) قريب=لا حبيب ولا طبيب ولا خوي
عمري اربع واكتسا راسي مشيب=طفل لكن شيب راسي فوضوي
احترق في داخلي ويفوح طيب=لين من حب التطيب يرتوي
ما عرفت الا عواثير النصيب=ولا ثنيت لعثرتي حيل(ن) قوي
كم طموحن ازهمه لو فيه ريب=وكم مريب بداخلي يدوي دوي
بأختصار القول يالغض الرهيب=غربتي دنيا بضلعان بدوي

محمد مطلق الجربا

17-02-10, 04:15 AM

تبغا تعرف الشعر وش لون يبنا=تعال اعلمك القوافي والاوزان
وشلون نصنع روحنا لو كتبنا=وشلون نجعل صامت الحرف فتان
وشلون نعطي المفرده من تعبنا=حتى تعبنا يصبح احساس فنان
عطني سماعك واستمع من طربنا=تعبير ساحر لا كتب يكتب اتقان
الشعر يابارق قوافي ذهبنا=تبر(ن) يحركه القدر فوق نيران
حتى يصوغ من الجواهر عتبنا=يزها بها جيد القصايد ليا بان

محمد مطلق الجربا

17-02-10, 06:57 AM

قد جاز لي في خاطري شي ماجاز=اللي ماهو جايز على الخاطر يجوز
دام الخيال يناطر لبوحي ايعاز=وش له اكدر خاطري دون ما احوز
الصبح طل وطلة الصبح تمتاز=في جو يفتح بالفضا طاقة كنوز
نضرت للمشراق مادونه حراز=ابلج بياضه ساطع النور مبروز
حسيت في نشوة امل ماله طراز=ماكنه الا فرحة الكاس والفوز
جريت من صافي الهوا عمق معتاز=كن الحشا مطلوق من ساحة العوز
حسيت قلبي دقته تضرب اجواز=نبض ارتياحي يضرب الجوز في جوز
يانشوتك ياصبح ياحلو الافراز=يلي من اشراق السما صرت مفروز
اهيم بك هيمة عزيز(ن) على اعزاز=يلي انت في جو السموات معزوز
فنجالك اللي كل ميعاد لي جاز=وانضار سحرك من ورى شجرة الجوز
وترنيمتك لامن غدى الطير فزاز=لا جن سمع الذات في صوت فيروز

:)

محمد مطلق الجربا

18-02-10, 02:30 AM

صباح الخير

محمد مطلق الجربا

19-02-10, 01:16 AM

وينك ذبحني الشوق والله دونك=تعال لملم مابقا من حبيبك
وينك ضميت لشوف ناضر عيونك=وانفاسك اللي تزفرينه بطيبك

محمد مطلق الجربا

19-02-10, 04:42 AM

نياب الوقت تنهش بي وترميني السنين عضام=تعبت اصرخ دخيل الله نياب الوقت تنهش بي
تعبت اشبي على روس الرواسي واجهد الاقدام=الا يا راس هالراسي انا والله تعبت اشبي
عليك الله ياوقت الكداره ما لقيت اخصام=الا بالله وش علمك معى الضيقات تبلش بي
تشجر غصن امالي رجاوي في قدوم غمام=الين استسعرت صحرى وجودي ثم يبس عشبي
لك الله يالخفوق اللي تمرك هالثواني اعوام=وكل ما مرتك لحضه على اللاهوب تطرش بي
ولدت وداخلي اضلاعي من شموخي اسد ضرغام=ولكن للاسف ليثي من الضيقات يعرش بي
امد لحزني فراشي وادثره ورجاي ينام=اللين الحزن لضيوفه من التشتيت يفرش بي
انا ما اعاتب الدنيا ولا أشكي قسا الايام=ابد والله غير اني بغيت الموت ينعش بي
يروح العام من عمري على رجوى حلول العام=وكل ما جد بي عامي لقيت الهم يبطش بي
هلا بالحزن حي الله الذي ما عاد فيه خصام=هلا حياك ياحزني تفضل داخلي عش بي

محمد مطلق الجربا

19-02-10, 05:06 AM

ابي اكتب بحر ما خطه ولا شده ولا مده سواي انسان=ابي اكتب لي بحر سابع عشر كنه قمر زايد على السته
توارد من موارد والموارد وارده من انس جابه جان=حسبها ثم كتبها ثم حفضها ثم ندبها صوته وجته
خيالي ياخيالي يالخيال اللي من الضيقه تجيب جنان=تعبت استطرد افكارك على امهارك حبايل هاجسك لته
انا كحيلان ياشعر الصعايب والعجايب والغرايب كانك كحيلان=وانا العامود في بيوت القصايد والفرايد والعنايد يوم شيدته
وانا الادمان في خط المعاني والمواني والاماني لو بغيت ادمان=وانا الاعياد في روح المثايل والجمايل والصمايل كان انا ردته

محمد مطلق الجربا

19-02-10, 05:23 AM

يالشاعر المجنون وجنونك يجنن له عرب=لا بارك الله في جنون الحرف حزة ساعته
يخط قدامي واخط ويعود يمحي ما كتب=يبغا يطوعها جمل نفس(ن) ابت ما طاعته
حتى اقصص لوحته وادق مسمار الخشب=وابدي براعة شاعر(ن) يطغى على براعته
لا هزني كثر النشب اصنع معاني من نشب=يطرب لها سمع الملا وترودها سماعته
قمة عطاء اهل الكرم مد المعاني من تعب=لاصار ننثرها شقا وتلمها جماعته
يفوح هاجس دلتي لامن وقد ذاتي لهب=حتى يفوح من السنا للناس عطر بضاعته
اون من ضيق الزمن والناس تسمعني طرب=والجود جود اللي صنع ابداع من ملتاعته
ملتاعته روح الشقا لا خزها السيف الحدب=تغص في جزل النبا ابداع حتى زاعته

محمد مطلق الجربا

19-02-10, 05:47 AM

ليتن معك يوم(ن) تزور الفيافي=في روضن اعشب ماسوانا معانا
ليتك على صدر الغلا كنت غافي=محدن يجينا غير هادي هوانا

محمد مطلق الجربا

19-02-10, 11:35 PM

ماهو جديد الهم والحزن والضيق=وش عاد لو يومي معك صار ضيقه
من بادي ايامي وانا دون توفيق=هذي الحقيقه لو كرهت الحقيقه
متعود انحر للضمى يابس الريق=اصلاً لقيت ان الضما جف ريقه
تاخذني هموم الخلايق طواريق=اعتدت اطيقه ليتني ما اطيقه
اطيح لين يشدني الصبر وافيق=اشعر بصدري ما يوفي شهيقه
ماكني الا معتلي قمة طويق=وانا بذاتي طويق همي طريقه
يريقيني حرفي على الناس واريق=حرفي اذا خان البيان بصديقه
امير غربه والاماره تلافيق=لا جيت اعيقه واصلت دون اعيقه
تعبت اعوقها جلد دون ماعيق=تعبت انيمها وهي مستفيقه
هلكت اداوي في جروح المعاليق=وانا ادري انه ماتشافت عميقه
كل يوم فيني يولد الهم توثيق=هذا وكل هم(ن) يبي له عقيقه
ماهو جديد الضيق ياجايب الضيق=من بادي الدنيا والايام ضيقه

محمد مطلق الجربا

20-02-10, 01:28 AM

لا تحاتي...
،
،
لاتحاتي...
،
،
عادي لو شفت الضما يسكن شفاتي...
،
،
عادي لو همي ملا واحة حياتي...
،
،
عادي جداً لو شكيت...
،
،
عادي اكثر لو حكيت...
،
،
عادي والله تزدري بي هالحياه ولابكيت...
،
،
حيلتي عضة شفاتي...
،
،
لا تحاتي...
،
،
لا تحاتي غربة ايامي معاي...
،
،
لا تحاتيبي شقاي...
،
،
عادي اصرخ دون صوت...
،
،
عادي ارحل دون موت...
،
،
عادي تكون المأسي موج والاوجاع حوت...!!
،
،
اه ياصمتي وياحكمة سكوت...
،
،
اه ياضيقي ويا عزة ثباتي...
،
،
لاتحاتي...
،
،
لا تحاتي جرح ماعمره تضمد...
،
،
ولا تحاتي سيف في همه تغمد...
،
،
ولا تحاتي قلب سال ولا تجمد...
،
،
لا تحاتي يامحمد...
،
،
لا تحاتي يامحمد...
،
،
هو بقا غيرك بهالدنيا غريب...؟
،
،
او بقا غيرك بعالم شقا...؟
،
،
هو بقا غير المواجع لك نصي...؟
،
،
او سوى ذيك المأسي وش بقا.؟!
،
،
روح واتركها بلاها...!!
،
،
دنية(ن) زايد بلاها...!!
،
،
كم طوتنا في دروبها...!!
،
،
ما لقينا من طواها...!!
،
،
ودامها ذي قسمتك سوي سواتي...!!
،
،
ولا تحاتي...!!

محمد مطلق الجربا

20-02-10, 02:15 AM

بين الغروب وبين تنوير الاشراق=اشيا تنام بداخلي وغيرها تفيق
لو لاح لي من سالف الوقت براق=تسكن مسافات المدى خاطر الضيق
وتروب دمعه سورها عز الاحداق=ماهي من عيون النضر من معاليق
لا صارت الحيله معي خطوة الساق=مالي غنا عن حثها بالطواريق
بين الرجا والياس زفرات وشهاق=كل ما تواقف جمعها جفف الريق
انا فصولي الاربعه كله فراق=حتى الجهات الاربعه دون توفيق
بعرث روحي في عبارات الاوراق=لعلها تسكن قلوب المخاليق
انا بجوفي موج الاحزان صفاق=والناس تجزاني عن الحل تصفيق
يالغربه اللي ساكنه مد الافاق=ياللي معي خطت عهود ومواثيق
متى على الله بيننا يحدث خناق=متى شبح ذكراك مايرجع يويق
تعبت ادور خل واعطيه الاشواق=تعبت ادور بالاوادم مطاليق
تعبت اطارد للامل كل مشراق=واثر المغارب كلها داخلي تفيق

محمد مطلق الجربا

20-02-10, 02:54 AM

شف كيف نور الشمس يضهر خجلها=اول بزوغه من تحت رغبة الليل
شف كيف يبدي لون وجهه زعلها=ساعة غروبه لا طوتها المحابيل
الله ياحكمة ضياها واملها=اليا تجلت عقب ذيك التفاصيل
الشمس توصل للذي ما وصلها=شف كيف طالتنا دفا دون تنزيل
يعني تواضع نورها قد جعلها=سر الحياة اللي بلا شوفه نزيل
تنزل دواخلنا ولا احدن نزلها=وتبدل ايام الزمن دون تبديل
اليوم لامن تعزله ما عزلها=لنه تعود ولا تغيب مراسيل
مرسولها اللي في غيابه حملها=نور القمر سبع النعايم مع سهيل

محمد مطلق الجربا

20-02-10, 04:52 AM

يطيب شعري كل ما عسعس الليل=مدري السبب بالليل ولا بشعري
مدري سبب شح الزمن بالتعاليل=ولا سبب هم(ن) يبعثره صدري
مير الاكيد ان القوافي تجي سيل=من بعد نصف الليل لحدود فجري
يغيم جوي والقوافي هماليل=حتى يخضر بالمحيلات حبري
يجي فرات الشعر ويصب بالنيل=وافيض من جود الجزيلات واجري
كل ليل يحمل في خيالي مخاييل=تضبح لهيب وتصهر اجواف تبري
حتى يمرن لابسات الخلاخيل=بنات فكري يرقصن وسط فكري
نوب(ن) يورني الشقا والبهاذيل=واحيان اعيش بقربهن جو سحري

محمد مطلق الجربا

20-02-10, 12:19 PM

فنجال صوته لا تقهواه سمعي=ما هز فنجاله عساها تعيده
اقدع حلا شوفه ولا امل قدعي=يالله وش طعم النضر للفريده
يوم انسكب عطره على موت جذعي=تورقت كل العروق الجديده
ياحسي وحدسي وفعلي وطبعي=ايا اول نشيده لين اخر نشيده
ياضحكة اشفاهي وياعز دمعي=يانبض خفاق الغلا ياوريده
ياشعري وبوحي ونثري وبدعي=لولاك وش معنى حروف القصيده
ياطرحي وضري وجذري وجمعي=اعدادي اللي لو حسبته عديده
ياخيطي اللي يحرف اجواف شمعي=ويذيبني لامن حرقبي جليده
ياصحوي ونومي وناسي وربعي=اللي اريده والذي ما اريده
ياكل درب(ن) ينتهي فيه فرعي=وياكل فرع(ن) ينقل خطاي سيده
يالصيده اللي شلت اركان سبعي=السبع يشكي من عذاب الطريده
ان قلت لك هايم غلا ايش نفعي=ون قلت ميت بك غلا مو جديده
ياكيف اب اشرح لك عن احوال وضعي=وشلون يشرح خاطري ما يريده
جيتك على خيلي وسيفي ودرعي=غزاي لكني لقيت الضهيده
وانا من قروم العرب كان توعي=عزيز قوم وطايح(ن) في مكيده
اما ادني الفنجال مشتاق سمعي=ولا اذبحيني يالعنود العنيده

محمد مطلق الجربا

21-02-10, 01:43 AM

لا تدور للجفا اية سبب=روح من دون الذرايع يالحبيب
العتب ماهو على مثلك عتب=العتب على الليالي والنصيب
منت اول من نحرني للتعب=ولا انت اخر من رماني للهيب
ومنت اول واحد(ن) عني ذهب=ولنت اخر واحد(ن) عني يغيب
شوفني كني من الواح الخشب=والزمن منشار والمولى حسيب
مايشابهني سوى بعض العنب=لو يجففه الالم يبقا زبيب
كان جرحي من فعايلك التهب=يمدي ان الوقت ينساه ويطيب
اعتبرني ريش في عرض المهب=زجته ذكراك في يوم(ن) عصيب
لا عجب والله منك لا عجب=امر عادي صد ذاتك مو عجيب
هذا انا مثل النخل كلي رطب=مايغيرني مثيلك لو يصيب
من لفاني وصل منزاله هدب=ومن نوالي قطع يبشر بالمريب
عادي ارحل عادي ازعل في غضب=منت اول من جفاني يالحبيب

محمد مطلق الجربا

21-02-10, 04:01 AM

الشعر صدر البوح والبوح صدري=يعني انا صدر البحور بصداره
لاصار قدر القاف من ذات قدري=يبشر بعزه والفخر واقتداره
الحر حر ولا يشاديه وكري=وكل بيطلق للقوافي حراره
وانا نداوي هاجسي طير خمري=راع الكفوف اللي تقاطر حماره
لافج خرب الصيد ارداه بدري=ماكنه الا الزير في يوم ثاره
اقلامي البركان والسيل حبري=والفوهه فكره والاشعار ناره
ان قلت له صبي الهماليل وجري=ناضت بروقه وامطرت في غزاره
تهيج كله بين مدي وجزي=حتى تربع قاعها من خضاره
لاصار جن القاف مصباح سحري=ينهض خدوم ان كان يمناي زاره
لو قلت له هايم لفا الشعر عذري=ون قلت له زعلان شد الوزاره
ان قلت نادم قدم اوزان عذري=ون قلت قادم صار فيني سفاره
يطري مثل ما راده الفكر يطري=حتى يبروز صورته في اطاره
هو صاحبي في لين حالي وعسري=يوم الخلايق منحيه في مساره

محمد مطلق الجربا

22-02-10, 06:22 AM

لا مرني المصباح من دون لاماك=يمرني مافيه نسمه ولا نور
الصبح يشرق لي من انضار نجلاك=لو غابت النجلا لفا الصبح مكسور
وين انت ياللي كل ابو الشوق ينصاك=ديجور والله دونك الصبح ديجور

محمد مطلق الجربا

22-02-10, 06:45 AM

عامين والله كل ماحل طاريك=يصير مالي غير الاوجاع طاري
عامين والله دنيتي غربته فيك=الصبح ماشي واخر الليل ساري
عامين والله كل حرفي يناديك=كيفان تشكي غيبتك وانتضاري
عامين والله عين الاشواق تبكيك=حتى غدى جفنه من الرمش عاري
عامين والله ماهجع قلب شاريك=من خوفه انك طحت في كف شاري
عامين والله يابعد روح غاليك=تسطا بروحي ضالمات الشباري
عامين والله في خيالي اباريك=وادعي لك بكل الصلوات باري
عامين والله اعتني لك واعانيك=عامين تاكلني من الشوق ناري
عامين والعامين من دون تشكيك=كل ثانيه منها دهر وانت داري

محمد مطلق الجربا

23-02-10, 04:59 AM

ويل قلبي يوم شال الريم طاح=وانكشف ليل(ن) على الامتان يلج
ثم ضهر نور النحر كنه صباح=نور(ن) اشرق للملا من بين ثلج
ياعذابي ياشيابي يافلاح=كن ثوبه فوق قده صار زلجش
ثوب جنن قدها يوم استباح=كل رابي منها وابداه لزج
خصر ياويل الشقا يبدي المباح=جل منهو ضمره انج(ن) بأنج
في قفاها موت وقدومه سلاح=موت ضالم دون تخدير(ن) وبنج
كل حته منها عالم زحاح=لن فيه الموت في لين(ن) وغنج
من يصدق لو تداعبها الرياح=يرتخي من لطفها للريح عرج
قاعدة زينه لها قلبي متاح=لا رحم حي الحلا والقلب برج

محمد مطلق الجربا

23-02-10, 10:56 AM

يمه قبل لا اروح تكفين يمه=تعالي جنبي ليت تفداك جنبي
جيبي قدم رجلك ابي حيل اشمه=اللي تحت ماطاه جنات ربي
يمه فديتك عانقيني بضمه=رحك ياروحي عن غثا الناس طبي
دامك بقربي مالفا القلب همه=ون غاب زولك ريشتي في مهبي

محمد مطلق الجربا

23-02-10, 11:34 AM

ريحك ياروحي عن غثا الناس طبي

هيفاء السبيعي

24-02-10, 07:23 AM

لا تحاتي...

،
،
لاتحاتي...
،
،
عادي لو شفت الضما يسكن شفاتي...
،
،
عادي لو همي ملا واحة حياتي...
،
،
عادي جداً لو شكيت...
،
،
عادي اكثر لو حكيت...
،
،
عادي والله تزدري بي هالحياه ولابكيت...
،
،
حيلتي عضة شفاتي...
،
،
لا تحاتي...
،
،
لا تحاتي غربة ايامي معاي...
،
،
لا تحاتيبي شقاي...
،
،
عادي اصرخ دون صوت...
،
،
عادي ارحل دون موت...
،
،
عادي تكون المأسي موج والاوجاع حوت...!!
،
،
اه ياصمتي وياحكمة سكوت...
،
،
اه ياضيقي ويا عزة ثباتي...
،
،
لاتحاتي...
،
،
لا تحاتي جرح ماعمره تضمد...
،
،
ولا تحاتي سيف في همه تغمد...
،
،
ولا تحاتي قلب سال ولا تجمد...
،
،
لا تحاتي يامحمد...
،
،
لا تحاتي يامحمد...
،
،
هو بقا غيرك بهالدنيا غريب...؟
،
،
او بقا غيرك بعالم شقا...؟
،
،
هو بقا غير المواجع لك نصي...؟
،
،
او سوى ذيك المأسي وش بقا.؟!
،
،
روح واتركها بلاها...!!
،
،
دنية(ن) زايد بلاها...!!
،
،
كم طوتنا في دروبها...!!
،
،
ما لقينا من طواها...!!
،
،
ودامها ذي قسمتك سوي سواتي...!!
،
،

ولا تحاتي...!!

ليس فقط ماأقتبسته اعجبني
وانما هي الأقرب الى قلبي
بل ان جميع مافي متصفحك
هو في قمة الروعه ورقي الأدبي
بحثت عن متصفحك لاني احب
ان ارى نتاج من اشدو برايهم في
ماأكتب
واعجابي بأشعارك ليس ردا على
ثنائك لخاطرتي
وانما لأن اشعارك لاتستحق الا ذلك
لك جزيل احترامي0000

محمد مطلق الجربا

24-02-10, 07:41 AM

الاخت هيفاء السبيعي

من دواعي سروري ان ارى نضرة الرضا بين جنبات قلوبكم الطاهر

هل يصبو الشاعر الى اكثر من ذلك

كل الاحترام لسموك الكريم

محمد مطلق الجربا

24-02-10, 10:44 AM

المدى والمسافه والوداع الاخير=والليال الطويله في مدى الانتضار
الشهيق وعذابك والالم والزفير=واحتمالات موتي والرجا والخيار
انهيار الخطاوي في مدارات سير=واختلاج الاماني في لقا الاحتضار
النفوس الكريمه فالوجود الحقير=وانصهار الخوافي في سخافات نار
الدفاتر وشعري شمعتي والحصير=والمعاني وحبري والورق والفنار
التحافي لهمي وافتراش الهجير=ياوسايد دموعي ساعة الانفجار
كلها وسط ذاتي نادبه في ضمير=لاتباطت وجودك يابعيد المسار
لا توهمت خيرك ماتهقويت خير=كيف خيرك يجيني وانت اصل الدمار
كنت اكذب حكاية كل قلب(ن) يطير=لين قلبي لقيته من سبايبك طار
هز عوج المحاني لين طاح الكثير=كن ماهو خفوقي كنه يريد ثار
وين اب القاك ياللي ما ذكر لك نضير=تعبت اقدام سيري والمدار المدار

محمد مطلق الجربا

25-02-10, 08:26 AM

ترى طير الهوا هد المواكر=زمن يوم الغلا لك كان وكري
حزمت الجرح واعطيت التذاكر=رحيل ولا بقا لك غير ذكري
على كل ما لفا والله شاكر=على جرحك وهمك كل شكري
ابد ما يجتمع طيب وماكر=ولا فكر(ن) مريض يشد فكري
ابد لا تنتضر رجواي باكر=الا ياللي تبي حبسي وحكري
صحيت من الثمل كان انت فاكر=خلاص انسا بحبك يوم سكري