الطـرقي
10-03-05, 07:50 PM
صـــــــــــــــــــلاة الــــــغـــــــايـــــــب
يالدرب ياللي نحرت المهمـه الخالـي =
عرفتنـي يابعـد هالخبـت ودروبــه
عرفتنـي يامودينـي هـوى بـالـي =
من قبل ماادله واقـول التوبـه التوبـه
الله مااوفاك ياشـوق اشهـب الالـي =
تذكر خويّـك ثـلاث سنيـن محسوبـه
يادرب الأحباب يامـا كنـت تطرالـي =
بالـذات لاشفـت محبـوب ومحبوبـه
والشوق يـوم تمكـن دالـهٍ سالـي =
ذكّى التعب في ملامح وجهـه شحوبـه
لاعاد يوم تمـادى الشـوق بهبالـي =
وشريت معطوبه مـن بيـع معطوبـه
كنت اتحرى ضميـر غـاب يصحالـي =
خلقت ربـي كـذا صحوتـه غيبوبـه
جيتك وانا أحضن سوادك بابيض الفالي=
ورجعت والفكر سـج يراجـع ذنوبـه
راح يتهجـى يـدور بـاول وتالـي =
ذنب ٍ جنيته وصـاروا لاجلـه عقوبـه
إلي غدا المرّ لرضاهـم تقـل حالـي =
واصبح غلاهم مجرد مـزح واكذوبـه
من عقب ماشتتوا عمري بروا حالـي =
ثم اتركونـي جسـد والقلـب قفوابـه
كنت احسب الدار هي داري ومنزالـي =
أثر العـرب بدلـوا وشهـوا بشهوبـه
يرجون ابو زيد وانـا مانـي هلالـي =
أنا سنافي علـى قوسـه لبـس ثوبـه
أشوف جداني بعيـن أصغـر عيالـي =
الطيـب والمرجلـه ورثٍ تواصـوبـه
تقل إن جدي قـرى كفـي بفنجالـي =
يومه يحذرني مـن الوقـت واسلوبـه
يرحمك عودٍ جميـع أقوالـه أمثالـي =
يقولـه قبـل توسـد راسـه الطوبـه
في جيبك ريال فانت تسـاوي ريالـي=
هالوقت صار السنافـي قـدره جيوبـه
يمّـا حـداه الزمـان لكـل دجـالـي =
يمّا يصيـر الوفـا والطيـب عذروبـه
ويشلي وبيـرٍ خلـط بزلالـه حثالـي =
اموت ظامي ويخسى البيـر وغروبـه
برجع أصلي صلاة الغايب اشوى لـي=
حتى يوافـي خفـوقٍ غـاب مكتوبـه
يالدرب يالي إنكتب ممشـاك غربالـي =
نسيتنـي دارهـم وش حدنـي صوبـه
إلا تذكـرت جيـت أقـول يالغـالـي =
لو جوك قول "لدحيمي"قال لـي دوبـه
اليـوم والله لويطـرون فـي بـالـي =
قمت أتوضى وارتـل سـورة التوبـه
الـــــــــــــــــــدحيـــــــــمــــــــــي
يالدرب ياللي نحرت المهمـه الخالـي =
عرفتنـي يابعـد هالخبـت ودروبــه
عرفتنـي يامودينـي هـوى بـالـي =
من قبل ماادله واقـول التوبـه التوبـه
الله مااوفاك ياشـوق اشهـب الالـي =
تذكر خويّـك ثـلاث سنيـن محسوبـه
يادرب الأحباب يامـا كنـت تطرالـي =
بالـذات لاشفـت محبـوب ومحبوبـه
والشوق يـوم تمكـن دالـهٍ سالـي =
ذكّى التعب في ملامح وجهـه شحوبـه
لاعاد يوم تمـادى الشـوق بهبالـي =
وشريت معطوبه مـن بيـع معطوبـه
كنت اتحرى ضميـر غـاب يصحالـي =
خلقت ربـي كـذا صحوتـه غيبوبـه
جيتك وانا أحضن سوادك بابيض الفالي=
ورجعت والفكر سـج يراجـع ذنوبـه
راح يتهجـى يـدور بـاول وتالـي =
ذنب ٍ جنيته وصـاروا لاجلـه عقوبـه
إلي غدا المرّ لرضاهـم تقـل حالـي =
واصبح غلاهم مجرد مـزح واكذوبـه
من عقب ماشتتوا عمري بروا حالـي =
ثم اتركونـي جسـد والقلـب قفوابـه
كنت احسب الدار هي داري ومنزالـي =
أثر العـرب بدلـوا وشهـوا بشهوبـه
يرجون ابو زيد وانـا مانـي هلالـي =
أنا سنافي علـى قوسـه لبـس ثوبـه
أشوف جداني بعيـن أصغـر عيالـي =
الطيـب والمرجلـه ورثٍ تواصـوبـه
تقل إن جدي قـرى كفـي بفنجالـي =
يومه يحذرني مـن الوقـت واسلوبـه
يرحمك عودٍ جميـع أقوالـه أمثالـي =
يقولـه قبـل توسـد راسـه الطوبـه
في جيبك ريال فانت تسـاوي ريالـي=
هالوقت صار السنافـي قـدره جيوبـه
يمّـا حـداه الزمـان لكـل دجـالـي =
يمّا يصيـر الوفـا والطيـب عذروبـه
ويشلي وبيـرٍ خلـط بزلالـه حثالـي =
اموت ظامي ويخسى البيـر وغروبـه
برجع أصلي صلاة الغايب اشوى لـي=
حتى يوافـي خفـوقٍ غـاب مكتوبـه
يالدرب يالي إنكتب ممشـاك غربالـي =
نسيتنـي دارهـم وش حدنـي صوبـه
إلا تذكـرت جيـت أقـول يالغـالـي =
لو جوك قول "لدحيمي"قال لـي دوبـه
اليـوم والله لويطـرون فـي بـالـي =
قمت أتوضى وارتـل سـورة التوبـه
الـــــــــــــــــــدحيـــــــــمــــــــــي