فزعتكم يااهل القصيم.....

[راحت ايامي]

السلام عليكم

لو سمحتوا انا بروح للقصيم الخميس الجاي وابغى تعلموني

عن سوق التمر اي افضل ببريده ولا عنيزه وكم تبعد بريده عن عنيزه

وين مكان السوق بالتفصيل ترى ماحولكم احد ....مامره رحنا للقصيم

والبدائع وين نروح لها معه

انتظررركم

[أم اليسر]

االي أعرفه يا أخوي إن سوق التمر في بريده يعتبر عالمي وكبير جدا

وعنيزه فيها سوق ممتاز بعد- موقع سوق بريده جنوب بريده- بالقرب من مستشفى الفريح للنساء والولاده

(سوق الاغنام سابقا)

وبالقرب من شارع المياه-وإمتداد طريق الرياض القديم (شارع الورش)




أتمنى إن أكون قريبه من الوصف

[راحت ايامي]

االي أعرفه يا أخوي إن سوق التمر في بريده يعتبر عالمي وكبير جدا

وعنيزه فيها سوق ممتاز بعد- موقع سوق بريده جنوب بريده- بالقرب من مستشفى الفريح للنساء والولاده

(سوق الاغنام سابقا)

وبالقرب من شارع المياه-وإمتداد طريق الرياض القديم (شارع الورش)




أتمنى إن أكون قريبه من الوصف


مشكوره اختي ام اليسر

انا ترى اخت مو اخو

بس ابغى الوصف من ندخل بريده لين نشوف السوق

ترى مااعرف شي وقايله لزوجي بس انا بوديكم لبريده

عاد خلوني عند كلمتي

[نازف حرف]

بالنسبة لسوق التمور يا أختي

موسم التمر انتهى

لكن فيه محلات تخزنها بثلاجة وتبيعها ومكانها قريبة من سوق التمر

أما عن أفضل التمر في بريدة أو عنيزة

أنا مجرب التمر في بريدة ولا أعرف تمر عنيزة لذلك ماأقدر أحكم

لكن سمعة بريدة وعنيزة في التمر ممتازة


أما عن وصف سوق التمر من وين جاية من الرياض أو حائل أو المدينة عشان أوصف لك

[راحت ايامي]

بالنسبة لسوق التمور يا أختي

موسم التمر انتهى

لكن فيه محلات تخزنها بثلاجة وتبيعها ومكانها قريبة من سوق التمر

أما عن أفضل التمر في بريدة أو عنيزة

أنا مجرب التمر في بريدة ولا أعرف تمر عنيزة لذلك ماأقدر أحكم

لكن سمعة بريدة وعنيزة في التمر ممتازة


أما عن وصف سوق التمر من وين جاية من الرياض أو حائل أو المدينة عشان أوصف لك


الله يعطيك العافيه


بجي من الرياض

[نازف حرف]

إذا جيتي من الرياض

أول كوبري اتركيه

ثاني كوبري انزلي مع الخدمة تحت وبعدين اطلعي يمين

تقريبا أربع اشارات أو خمس اشارات ويجي سوق التمور على اليسار

أما المحلات اللي تبيع التمر المخزنة بالثلاجات

إذا صار سوق التمر على اليسار تجيك الاشارة اطلعي يمين تجي اشارة تعديها وبعدها

يجن المحلات على ايدك اليسار واليمين

[رامادا]

سوق التمر يااختي الزين بعنيزه بس انتهى الموسم التمر

[آبــو بآلـ ج ـنة ـكـ }]

التمر زين لو من بالنخلة الى بالشارع (q39)
بس الان مو موسمه يعني ماراح تلقين الطيب

واما الطرق والكلام ذا استعيني بقوقل