جاكم الحج

[123جروح]

اخواني واخواتي (في الاسلام ) اعضاء وعضوات قصيمي نت
وبذات قسم العلاقات الزوجيه
احيكم بتحيه الاسلام
السلام عليكم ورحمة الله وبركاته
صبحكم الله بالخير
او مساكم الله بالنور
حابه اسألكم من ناوي يحج(انا من زمان حاجه ولله الحمد)اذا يهمكم تعرفون هذي السنه
ومن ناوي يسافر (انتبهو من النفلونزا) و اقضبو ارض السعوديه وبلاش سفريات هذا الي اخذناه من السفر (وحده منقهره عشان مي مسافره )
ومن ناوي يتكي في بيته (ويقتل خروفه)ابوك يالوصف
ومن ومن
انا نفسي اروح ديرة اهل امي(ياخال ابوي حك ظهري ) ولكن ابو الشباب الين الحين رافض
مايستغني (وحده واثقه)
يعني بالمختصر اسدحو برامجكم في عطلة الحج )الي علي مااظن اسبوعين
وش ريكم بتنسيق الالوان

[ياغريب كن اديب]

الف شكر على الموضوع

[شموع رومنسية]

الحمدلله انا كد حجيت
وانشاء الله نبي نطلع لاهلنا ونستانس ونذبح ضحيتنا ونعايد الناس
مشكوره ولاكن مره ثانيه اكتبي وكبري الخط لرقم 7

[ساري بليل]

فيه غلط بالموضوع بس مدري شنو

عموما جوابي بتكي على جال مركاتي

[بنت الشيوخ]

بالنسبه لي ماصار تخطيط معين لحد الحين بس الاكيد بالرياض يالله لاتخلينا



:

[رومنسيه منسمه]

ان شاء الله بحج الله يسر

[سنى البدر]

في البيت لأن زوجي عنده دوام

والاستراحة لابد منها أجتمع مع أخواتي فيها طوال أيام العيد

يعطيك العافية

[123جروح]

الف شكر على الموضوع

يسلمو ياغريب لكن لا تتهرب من السوال وين بتروح

الحمدلله انا كد حجيت
وانشاء الله نبي نطلع لاهلنا ونستانس ونذبح ضحيتنا ونعايد الناس
مشكوره ولاكن مره ثانيه اكتبي وكبري الخط لرقم 7
الله يسعدكم
وكل عام وانتي بخير مقدم
احس الخط 7 كبير مره
ومشكوره علي المرور

سلري باليل ابي اعرف وين تسري
اذا فيه خطاء ياليت اعرف ماهو وش هو
عشان اعدل اسلوبي
ومنكم استفيد
بنت شيوخ الله يعينكم علي برد الرياض وعجاجه
ومشكوره علي المرور
رومنسيه الله ييسر لك ويوفقك ادعي لنا
وتقهوي عندنا يوم العيد
في البيت لأن زوجي عنده دوام

والاستراحة لابد منها أجتمع مع أخواتي فيها طوال أيام العيد

يعطيك العافية

الله يعافيك سنو شاكره لك مرورك
وكل عام والجميع بخير

[مقراط]

السلام عليكم ورحمة الله وبركاته

الله يسلمك بس همكم الطلعات والسفريات

والاجازه ماجاءت

انتبهوا لتربيه ابناءكم افضل من التفكير بالطلعات والسفريات

ياربي يوفقكم

[الخووبله]

ودي احج وبس(g)

[سحابة شوق]

الله طلعات
انا هالسنه باذن الله طلعات للبر
واحب اشاهد الخرفان وهي تنذبح وعلى
فكره احب اساعدهم
ولا هالسنه بعد اطلع اقنص في الصقور

[123جروح]

مقراط انا اذا شفت اسمك اقول الله يستر
فيه ناس تحب تخطط قبل الاجازه بفتره واكيد الي ناوي يحج بعد يستعد
علي العموم (الانسان مسير مو مخير)
يعني كل شي باذن الله
لكن حنا ندردش وشكرن علي نصيحتك
والله يوفقك
خوووبله
ان شاء الله ربي ييسر لك الحج ويكتب لك الخيره
معزوفة الحزن ماشاء الله عليك تقنصين
علميني
شاكره لكم مروركم

[rsnhs]

سلامين واحد في الصبح والثاني في المسا,
انا قد قلتك انك مميزة في الطرح والإلقاء
قلت كيف تجي ده {جروح وكاتبة ..مميزة}
شكلك برضه مانت واثقة من نفسك معذورة
تبين اشخص مشكلتك. ببساطة لك من اسمك نصيب بمعنى ..جروح معناه >الالااام اوجاااع احزاان اهااات .. يعنى حياة بدون معنى. وموضوعك فيه قتل خرفان وتقشير:g8546: جلودهم وانفلونزا خنازير(a14)الله يكفينا الشر.
{تراني عن جد امزح(q81)} وتحملي خفة دمي انا عارف انه ثقيل وأأكد لك انك مازلت متميزة وارجوا ان يستمر قلمك المرح في الكتابة لأسعادنا, وارجوا من الله ان يبعد عنك الألااام والأحزاان والجرووح .. تحياتي لك
ابوسلطان(qq152)

[لطوووووووووف]

موضوع حلو وبالنسبه لي انا يوم عرفه بروح عند اهلي وانام عندهم هذا اذا نمنا نسهر عشان نشوف الضحايا عددهن 6 يؤؤؤؤؤ وناسه وتعالوا شوفوا ابو يذبح واخوي الكبير والرجال خواتي يسلخون و هذا اللي يشوي لحم واللي يشوي كبده وعمتي هواش على البزران ياويل اللي يقرب ضحيته وامي بلشه بالحساحيس والشغالات بالكرشه والمصران اما انا اهئ اهئ اكسر العظام واختي تساعدني بتقطيع اللحم واختي الثانيه تروح تحمس الكبده وخذ الفطور وتقوم امي وتضبط هالحميسه وخذ اكل مايجي وقت العصر الى الكل تعبان وشبعان اكثرنا نايمين يجي المغرب نتقهوا جميع عاد تعالوا شوفو الحلا انواع واشكال وبس عطيتكم كل شيء بالتفصيل
وبعدها اللي يعيده علينا وعليكم بالصحه والعافيه وانا ماعمري حجيت وان شاء الله اذا الله عطان عمر بحج السنه الجايه انا وابو الشباب ومااعتقد اني بسافر عشان الرجال مستلم ثاني العيد قهر

[彡я ş ∂ ∂ Ļ彡]

يالغلا لحد الآن ماحددنا شيء
أحتمااال نجلس فالبيت والله أعلم
لاهنتي

[نور القصمان]

بالرياض اجتمعات مع الاقارب الله يديم علينا وعليكم نعمة

[123جروح]

سلامين واحد في الصبح والثاني في المسا,
الله يسلمك كل صبح ومساء
مشكور علي التعليق
لطوووف برنامجنا من تزوجة يشبه برنامجكم بس انا واهل زوجي
لكن السنه ذي نفسي اروح لخوالي اذا الله يسر

صمت الكون _نور القصمان
مشكورين علي الردود
والله ييسر للجميع

[يارب ارحم محمد]

والله انا هالسنه بجلس بالبيت علشان
ولدي تعبان عنده التهاب بالرئه ياقلبي عليه
الله يشفيه ومرضى المسلمين عاجلا غير آجل

[123جروح]

والله انا هالسنه بجلس بالبيت علشان
ولدي تعبان عنده التهاب بالرئه ياقلبي عليه
الله يشفيه ومرضى المسلمين عاجلا غير آجل

اسال الله العظيم رب العرش العظيم ان يشفي ولدك وجميع المسلمين

[رامادا]

موضوعك حلو لو ماشحبطتي الاوان تحطيم صح(a26)انا ماحجيت وماادري متى احج (qq1) ولا راح اسافر لاني زي حالتك ابو الشباب ماراح يوديني لاهلي (qq152)(g)(q78)(gtrtree)(q73):Sugarwa03 يعني شكله يبغى يصير يوم عادي(r79yty)(r61yty) ونوم الى الضهر(sdfsfs) اللي عنده ذبيحه يرسلي حميسه(qq52) ولا شكلي بسوي كيك وعصير نعيد فيه(q18)الله يخلف على امي اللي جابتن الناس يعيدون بلحم وشحم وانا كيك يازين الحاله بس(qq112)