ودي اكتب فيك ياروحي قصيده

[فـواااز]

ودي اكتب فيك ياروحي قصيده = لكن ابغى استئذانك قبل ابتديها
الهوا كنه على قلبي وقيده = والوله بعيون خلك منتشيها
أنتي أول حب اقبل راحة إيده = ماكنه فيني وقلبي مهتويها
وانتي آخر من تركني يوم عيده= نظرتك للحب صعبه تحتويها
ويش عذرك يوم صرتي في وريده = تجري بدمه وروحه تنعشيها
آه لو صرتي لمحبوبك فقيده = كيف اعد ايام عمري منت فيها
لوملكت الكون والتفو عبيده = ما ملو عيني وزولك يغتشيها
هو صحيح انك في اعيوني فريده = بس غيابك جمرته كيف اقتويها
لوغيابك جيش في دربي لبيده = لكن الفرقا تحسبني احتريها
اليالي في امآنينا عنيده = احرمتنا كل كلمة نرتضيها






بقلمي فواز

[@ترايستار@]

صح لسانك يافواز ..
حقيقه .. حيل حلوه هالقصيده ولاهي غريبه عليك .. فكل قصائده حلوه .. وكل وحده تقول انا ازين
استمتعت حيل بقرأتها .. الله يمتعك بالصحه والعافيه ..

"<÷‘ـأإ؛*)؛لأ)&*لأ{[إ*‘لأأ{ :)

[سنى البدر]

الله

صح لسانك مليون

أبيات رايقة فيها معاني رقيقة

لوحة مشاعر لشاعر عرف كيف يحبك الحرف والكلمة

أبدعت شاعرنا فواز

[فهد بن زيد]

صح لسانك ملايين

شاعرنا المبدع

مشاكس

لاهنت وعادتك التميز والابداع

قصيدة جزله من شاعر رائع

تقبل مروري ومعه’’’

كل التحايا لشخصك الكريم

واجمل سلامي

[جود القمر]

فواز / مشاكس

::
،

صح إحساس قلبك .. ودام جميل عزفك ..

ولاحرمك الله شخص تحبه وَيحبك ..

الفـ شكر لك اخوي .. بارك الله فيك ..


اح ـترامي

[شاعر مشاعرها]

شاعرنا الراقي

فواز

تسلم وصح قلبك يارائع

نص غايه بالجمال

لاعدمناك