المساعد الشخصي الرقمي

مشاهدة النسخة كاملة : شوفوا الشرطه وش سوت !!


نادر الوُجود
27-10-09, 02:30 PM
اليوم في منطقتي وفي شارع عام والله شفت رجال >>> شكله غلط(asj)وماسك بنت لابسه مريول



المدرسه قلت بلكن خاطفها عمرها تقريبا 7 سنوات ياناس البنت تبكي وهو يشد فيها ناس كثيره وقفت تتفرج بس وانا


دقيت ع 999 (qq115) كلمني عسكري تقول يتكلم بالدف !! (q79)

* الو الشرطه !! :rofl951:

*اخوي فيه رجال لابس كذا كذا......... !!

* وين بالضبط !!(asl)

* وصفتهم وربي صح !!

وروحت ابتغدى الا شوي يدق تلفون ارضي ويسأل اخوي انت وش اسمك قلت عادل !!

قال ... وش لابس الرجال والبنت !! قلتله اعطيت العسكري الأول الوصف قال انتهى دوامه :ro258es: وقلتله الوصف

وبعد ساعه رد يدق يسأل وين بالضبط >>>> حسيت الشرطه ماعندهم الا انا اليوم !! عاد انقهرت

وقلتله الرجال وخطف وخلص وانت توك تدق ّّ :ro258es: مامرت نص ساعه الا وانا معلق بالقسم قال ايش قال

ازعاج سلطات !! :secret25: عاد جاء ابوي وكفلني وقال للظابط اسفين الولد مشحون جواله ومالقى الا يدق عليكم (q79) الله يسسسسسسسسسسسسسسسسسسسسامحك

البيزار
27-10-09, 02:37 PM
هههههههههههههههههههههههههههههههههههههـــــــ

وربي موتني ضحك .. الله يقطع أبليسك ,..

نادر الوُجود
27-10-09, 02:44 PM
ياناس قلت شئ يضحك انا :544453:

هدة الطير
27-10-09, 02:49 PM
لودقيت على الهيئه

كان على طول جوووووو

والله اني احترم اسود الهيئه

رغم قلة امكانياتهم

اذكر صارة مشكله في حارتنا المهم جيرانا اتصلو على الهيئه

السالفه استمرت من الصباح الين الظهر

ورجل الهيئه خلص دوامه
تصدق انه جاي يشيك على الوضع ومعه عياله وبسيارته الخاصه

والله لمسة فيه اخلاص <<< احسبه والله حسيبه

نسأل الله ان يجازيهم خير الجزاء

المحــــارب **
27-10-09, 04:45 PM
ورا ماوقفت وناديت معك احد من هالـ...........اللي تفرج
وشفتوا وش القصه ...كانه وليها ماهو ذابحكم وكانه
غير ذلك افكونها منه ...
وانت جيد انك تدق على الشرطه وتمشي
وكان شيئا لم يكن

الميسم
27-10-09, 05:12 PM
سبحان الله .!!!!
العالم واقفه تتفرج , وكأن الأمر ما يعنيها
على الأقل أسئلوا , تحروا , تأكدوا
مو كل شي الشرطه ..وأنتم وين دوركم
كيف تشوفون هالمنظر وتروحون تتغدون ..؟!!!!
لكن مو غريبه هذا إحنا نفسي نفسي ..

المحــــارب **
27-10-09, 05:17 PM
سبحان الله .!!!!
العالم واقفه تتفرج , وكأن الأمر ما يعنيها
على الأقل أسئلوا , تحروا , تأكدوا
مو كل شي الشرطه ..وأنتم وين دوركم
كيف تشوفون هالمنظر وتروحون تتغدون ..؟!!!!
لكن مو غريبه هذا إحنا نفسي نفسي ..

قبل سنوات قليلة عشر سنوات وربما اقل
كان الشارع له حراكه تجاه مايحدث وكانت الناس
تتفاعل ... مع الخلافات .. مع الحوادث في المساعدة والنجدة
مع التحرش بالنساء .. كان بالشارع رجال تهب للامر ..
اما الان فبدا يقل واصبح شارعنا خاملا.. وكاننا امريكان ..
رجال يجر طفلة تبكي .. وكل مايتحرك في ضمائرنا هو اتصال للشرطه
وكذلك في الحوادث فبدلا من غوث المسلم والمساعدة في انقاذه او على الاقل عدم المزاحمه ومنع الاسعاف من قبل المتجمهرين
فان جل مايفعله الرخوم هو التصوير بجوالاتهم
والله من البرده وبين قوسين (الرخامه )

لذلك طال عمرك لا تستغربين فالامور مدحدرة
والخير موجود في الناس ان شاء الله

3seel
27-10-09, 05:36 PM
الله يكون بالعون ان شاء الله
ولا تشحن جوالك دايم ياوليدي ترا الفسقه مهي زينه(qq171)
باين من كتابتك للموضوع ان فيك خير بس كان وقفت وسألت الرجال يمكن من قرايبها ترا صار الموقف لوحده من قرايبنا راحت طلعت بنته من المدرسه قبل نهاية الدوام وهي تفتح البنت مناحته الي يشوفه يحسبه مخطوفه وهي السالفه كلها بنت اول ابتدائي بالأسبوع التمهيدي

جنيفر
27-10-09, 05:39 PM
هلا والله بالكاتب الفذ

شكلك أخذت عرض زين تشحن وتخلص مكالمه ويعطونك شحن



الله بس يسلمك

عــزالخــوي
27-10-09, 06:55 PM
ومن قالك تدق على الشرطه يامقرود

ليش مادقيت على حرس الحدود(a21)

عجزان يمال الشحم تخطم على الرجال وتقوله انت وشبلاك البنيه هذي وينك موديها

اذاقالك انقلع وشدخلك

قله انا النقيب عادل من الاستخبارت (ask)

بعدين تعرف شوسالفته هل هوابوهاولاخاطفها مع العلم انه ابوهااوقريب منهابدرجه كبيره

افايعادل راح عليك الرجال وهوكان بين يديك يوالله الي ماينشدبك الظهرولاينغزابك:544453:

قصتي رواية
27-10-09, 07:06 PM
عاد جاء ابوي وكفلني وقال للظابط اسفين الولد مشحون جواله ومالقى الا يدق عليكم


ههههههههههه..

اللحين اللي مثلك يتوب ويبلغ ...


كمل .. وش حصل للبنت عسى ما شر ..



ذكرتني ببوي .. بلغ أخوي عن حالة وفاة ..

اتصل الشرطي على أبوي قال ولدك في القسم ..

كلنا خفنا ..قال الشرطي ..لا تخاف ابنك المفروض نعطيه وسام ..

قال أبوي المفروض تعطونه علقتين ..


للأسف هناك أخطاء من الأقسام ..في بطئهم ..

والآباء في خوفهم ..من جرجرتهم في الأقسام ..

والمتجمهرون ووقفهم دون حراك ..

لو أن بينهم (سيف الشمراني )!!!

لما وقف مكتوف الأيدي ..

كامل الأوصاف
27-10-09, 07:10 PM
سبحان الله .!!!!
العالم واقفه تتفرج , وكأن الأمر ما يعنيها
على الأقل أسئلوا , تحروا , تأكدوا
مو كل شي الشرطه ..وأنتم وين دوركم
كيف تشوفون هالمنظر وتروحون تتغدون ..؟!!!!
لكن مو غريبه هذا إحنا نفسي نفسي ..

مايلامون عزيزتي الكريمه


اذكر قبل كذا سنه

تعرضت فتاة لحادث صدم


الناس تتفرج والمسكينه تصارخ من الألم



وقّفت سيارتي بعيد شوي


والله شلتها وضميتها على سدري صغيره عمرها تقريبا 13 سنه


ركبتها في سيارتي


شوي جاي ابوها ركب معي ورجال ثاني يقربلها


وحنا رايحين للمستشفى إلاّ قريبها وابوها يتهموني إني انا اللي صادمها
شرحت لهم الوضع شوي ثم


سكت مارديت عليهم



بعد دخولنا لغرفة الإسعاف وبعد ما عملوا لها إسعافات أوليه


والله سألها ابوها وقريبها


هذا الشخص اللي صادمك قالت (( لا ))


الشاهد لو راحت البنت فيها لرحت معها كقالب سكر في مويه مغليه (qq115)

لذا ::
نفسي نفسي أفضل وخاصة في هذا الزمن الرديئ!!

ربع ريال
27-10-09, 07:19 PM
لو أن بينهم (سيف الشمراني )!!!


لما وقف مكتوف الأيدي ..



من هو سيف الشمراني علشان اعطيه وسام

قصتي رواية
27-10-09, 07:46 PM
من هو سيف الشمراني علشان اعطيه وسام




أعطوه قبلك وسام وترقية وفلوس بعد..

ما سمعت به !!!

أكيد سمعت بس غيران منه ..

هذا اللي أنقذ فتاة حائل وزوجها من الغرق ..

عرفته ؟؟؟

Asatir
27-10-09, 10:55 PM
لو أن بينهم (سيف الشمراني )!!!


لما وقف مكتوف الأيدي ..


أسمه سيف الشمري (vv)
والله لو يدري بك أبو عديّ يسوي بك حفله
تسيف تنسفين تاريخهم
همن يجبيلك سوالف الأسلمي همن يتدحدر لتميم خوال عياله :rofl951:
نوجه له تحيه مستر فيلسووف

وأما زبدة الموضوع هذي نتيجة العجلة يانادر
تراها تحصل كثير وخصوصا للي منفصلين الأم عن الأبو يجي الأبو ماشاء الله عليه ويسوي اكشن للبنيّة عند مدرستها

سويرس
27-10-09, 11:00 PM
اليوم في منطقتي وفي شارع عام والله شفت رجال >>> شكله غلط(asj)وماسك بنت لابسه مريول



المدرسه قلت بلكن خاطفها عمرها تقريبا 7 سنوات ياناس البنت تبكي وهو يشد فيها ناس كثيره وقفت تتفرج بس وانا


دقيت ع 999 (qq115) كلمني عسكري تقول يتكلم بالدف !! (q79)

* الو الشرطه !! :rofl951:

*اخوي فيه رجال لابس كذا كذا......... !!

* وين بالضبط !!(asl)

* وصفتهم وربي صح !!

وروحت ابتغدى الا شوي يدق تلفون ارضي ويسأل اخوي انت وش اسمك قلت عادل !!

قال ... وش لابس الرجال والبنت !! قلتله اعطيت العسكري الأول الوصف قال انتهى دوامه :ro258es: وقلتله الوصف

وبعد ساعه رد يدق يسأل وين بالضبط >>>> حسيت الشرطه ماعندهم الا انا اليوم !! عاد انقهرت

وقلتله الرجال وخطف وخلص وانت توك تدق ّّ :ro258es: مامرت نص ساعه الا وانا معلق بالقسم قال ايش قال

ازعاج سلطات !! :secret25: عاد جاء ابوي وكفلني وقال للظابط اسفين الولد مشحون جواله ومالقى الا يدق عليكم (q79) الله يسسسسسسسسسسسسسسسسسسسسامحك


يمكن بنته وما تبي تداوم تعال شف المهازل الي تصير قدام المدارس الابتدائية(vv)

خفايا الروووح
27-10-09, 11:41 PM
ليت السلامه تنشرى وشتريها هع هع هع


<اذا شحنت جوالي بدق على الدخليه بكبرها هع هع هع

يسلمو خيو

تـنـتـريـون
27-10-09, 11:57 PM
قلت بلكن

من يوم شفت هذي الكلمة وأنا مغسل يدي

أجل بلكن هاه :rofl951:

أخس يالسوري

اسير المنتديات
28-10-09, 12:14 AM
مساء ناادر لنادر الوجود ..

ياقلبي شلونك تماام ..

انت الحين كم عمرك ماشالله .. اذا فوق 20 سنة حقهم الشرطة يوقفونك (vv)

ياعيوني الحين انت شفت واحد وانك مشتبه فيه وجاي تبلغ عليه الشرطة .!!

افا ليه ايش شايفنا 911 ....!!

وكماان رحت البيت يااااقووووة قلبك المطنش ..

اقووول ياعيوني طيب ليه بلغت الشرطة ....؟؟؟

كان ازلها ومشّي حالك والعوض من الله .....(asj)

الافضل بما انك رجل ورجال اتبع المشتبه فيه وراقبه وخلي عندك الشجاعه ووقفه واسأله انت

مين وايش تكون للبنت ..!! تراه من حقك واكيد هو ماراح يضايق ويزعل بالعكس ...

اما انك تكلم شرطتنا يمين بالله انهم مالهم داعي بهالبلاغات ......

هاذي مسؤولية مجتمع وانا اعذر الشرطة اذا ما ردت على البلاغ بالسرعه المطلوبه ..

لازم يكون عند كل فرد الوعي والجرأة للتصرف في هالامور هاذي ....!!

هذاي مسؤوليتنا كلنا افراد مواطنين قبل الشرطة ....

بس وااالدك عجبني بالرد كفووو .. (qq18)

بنت الهيلا
28-10-09, 12:25 AM
الله يهديك كان دقيت على الهيئه

عاد وش صار فى البنت ياعمرى حزنت عليها ياليت اعرف وش صار فيها

ديفا
28-10-09, 12:32 AM
خوفتنا وقطعت قلوبنا على البنت وبس :(

(بلاحدود)
28-10-09, 02:06 AM
ياويلك الشرطة قرت موضوعك

انت متهم بسوء استخدام النت وتنال من هيبة الدولة


انتبه

وبكره راجع القسم واحضر ولي امرك معك قدام تجيك دورية

دبر عذر من بدري

اكيد بيقول ابوك شاحن كونكت وما لقي يكتب غير عن الشرطة ههههههههههههههههههه

ربع ريال
31-10-09, 03:45 PM
أعطوه قبلك وسام وترقية وفلوس بعد..

ما سمعت به !!!

أكيد سمعت بس غيران منه ..

هذا اللي أنقذ فتاة حائل وزوجها من الغرق ..

عرفته ؟؟؟


اها ، ونعم والله فيه

طيب ورا مانخطبه لك ؟ (zm)

نادر الوُجود
07-11-09, 08:07 AM
بحثت ع رد يستحق الشكر قسم عظمن انكم اوطى من الشفره على الأرض

جنيفر
07-11-09, 05:35 PM
بحثت ع رد يستحق الشكر قسم عظمن انكم اوطى من الشفره على الأرض



وش جابك حارتنا يا صغير << أغنية عراقية


(vv)

قصتي رواية
07-11-09, 08:34 PM
بحثت ع رد يستحق الشكر قسم عظمن انكم اوطى من الشفره على الأرض


يا أخي لا تنتظر الشكر من أحد ..

هل فعلت هذا الشيء لينظر إليك الملك عبدالله ..

قليلون من يفعلون الخير لوجه الله ..

وبعدين ما كملت جميلك إلى النهاية ..