مجلة الوله شهرية سنويه حسب الضروف العدد الاول اصدار ممنوع من النشر

[oJ9Jl]

السلام عليكم كل عضو باسمه للي ميزانيته لك عليها يقطع الاتصال ويقراء الموضوع

امي رضي الله عنها تقول انت يالوله ماهوب مدهورك غير درعمك قلت يا بخت الخباز على الفرن
في ليلة ظلما ولا فيها اسراج بس انا والذيب سارحين بالمعيز جاني هاجس تالي الليل يقول يالوله وراك ما تنط لشات وتدخل دردشه وتعرف لك على صوت ناعم وهات يا شات وانا والبنات والليل والبايسون والانترنت والدجه سادسنا
وادخل لك هاك الشات تبون الحق صرت مطحنه لهم شافون جديد وسنتروبي
المهم انه ما اذن الفجر الا انا مضيف خمس بنات طلع من بينهن ولد خول داخل باسم بنت يبي اشحن له بطاقة سوا يحسبن الوليد بن طلال ولا احد اعيال استقبل وغادر
المهم اني حبيت منهن وحده صار عندي اربع مدري وشو قصة الطفرة اللي حاصله اليومين بالتشبيك عبر الماسنجر حتى يسمون اجهزة البلوتوث ايميلاتهم تطورو العيال عقبي
تحرونها حمى جنسيه او فراغ عاطفي او زيادة هرمونات ترى الهرمونات لها دور والفايض عندنا واجد الله يستر لا يصير فيروس اصبع البطن منتشر
وتجي اكا الليلة ونسولف انا وياها ويازينها من سواليف انواع الدقه والنعومه وانا مسوي رومنسي اووووي
المهم قلت لها تراي يابنت احبك
حطت لي وجه يفكر قالت تحبني قلت ايه قالت تتزوجني قلت لا لا لا
قالت طيب ليش تحبن
قلت مدري بس اسمعهم يقولون احبك
قالت حبك القراده يالجراده
قلت نبي نكون صداقة طيب طايحين العالم اليومين بالصداقة ومعنا ضد الارهاب
وضح لكم ان العلاقة اخربت هي العادة لازم اخربها اخر شي
عاد جيت بزبطها ايقالي راعي اغزلي قلت انا بختبرك بشوف انتي وشي من لحيه
قالت لا تخاف انا ذيبه للمعلوميه تراها هي اللي مرقمتني بايميلها
وانا وياها بالسواليف قالت كم رقمك انا شهقت وغصيت بالماوس من بكرى رحت اشري شريحة سوا يوم دخلت على محل الاتصالات لقيت هاك الدب اللي تقل جمشه ادري بوه ناس ماهوب عارفين جمشه تراي حاط للي خارج الولايه هوامش اخر الموضوع المهم هالدب يكلم خويته يقول يا عمري انا املح من جواد العلي والله ياهو لاقيها تسحيب اكالساعه تمنيت الاتصال بالفديو والله ياسوقه بيمسط

اعلانات تجاريه مجانيه فاصل ونعطيكم الحاصل
تم القبض على ثلاث ارهابيين عبر محرك البحث قوقل

نرجع للموضوع
ان قلت احبك تراي كذاب وشو يحبب الذيب بالشاة غير طعم لحمها
وان قلت اعزاك تراي بعد كذاب وشو المعزة اللي تجمع جحشين بليلة فايح زخمها
وان قلت اعتبريني اخواك تراي بعد كذاب كذاب كذاب وشو الاخوة بالاختلا نسترها
وان قلت تراي صادق تراي كذاب بس الكلام جذاب كلن يغني على وترها
الخوف الحين ما هوب على البنت الخوف بعد على الشاب صار بوه بنات اذيابه انواع تنطيل الوجيه
اعرف شاب عذري اهب يالعذري يعني ماله بالشغله فرش جديد تعرف على بنت ودشرته والحين طايح بالتتن قويه شوي صح مشوها يا قدعان

اسئله كثيره تدور بدميجتي وشو القصه وشو اللي حاصل معقوله فسخنا كل شي اتحداك تبي تلقا بنت تخرب من روحه لابد وجود سلقه وراها اذا اخربت البنت وشو اخر ما تسوي ما يلحقها العيب الا اذا وصل الامر لشرفها ومستحيل الشرف يكون اطرافه كله بنات يعني لابد وجود ذكر بالموضوع يعني البلا من الشاب لو عرف واجبه كان ما خربت الديره انا ما اشره على البنت لانها عاطفيه بتفكيرها وحيده بخيالاتها لكن السمرمد اللي محسوبين علينا هم اللي يبي يهدمون بيتهم بيدينهم والله يا جاي جيل يحوم السبد

عاد انا اليومين داق ثقل مضارب بسوق البورصه عندي خمس اسهم باتحاد الاتصالات شاريهن بخمس ميه يوم الدنيا دنيا قبل يطيحون البزارين في بيع البطاقات على عشرين واحد لحد يلزي معي بالخاص يبي سلف لاني افكر انتخب نفسي بانتخابات البلديه

الهوامش
الدرعمه : لا صار ماعندك بريك
الجمشه : مجموعة من الطين مع شوي تبن مبروم صاير مثل كرة السله
الماسنجر : برنامج محادثه تكون البدايه فيه اخلاق وشوي ثقل ثم تدرج الى طلب الرقم ثم الصوره ثم ياليل يا جامع على الخط صوتين
قوقل : اطلق شي بالنت اي واحد لاطش موضوع يجيب لك خبره انت تفهم ياللي في بالي
بوه : لهل الرياض فيه \ لهل الرياض من اصل سديراوي فيذا
الوليد بن طلال : واحد من العيال عنده دراهم ما يدري وشو يسوي بهن
الزخم : هي ماده لاصقه بين اللحم والجلد ودايم تصير بالطيور اللي تاكل من المستنقعات والاماكن الوسخه
جحشين : مفردها جحش وهو ولد ابو صابر مانيب قايل لكم الحمار عدم المؤخذه مبطي عنكم ولا ودي ازعل احد اخاف يصير بوه احد يقرب له من جهة التفكير
يمسط : الوعد الارض
السمرمد : كلمة جايبها من الجنادريه تعني اللي مايستحي ويتتن ولاهوب يصلي

لارسال رسائل شات تابع الشريط يمكن بوه احد موصل لك سلام وتحيه
احب الصدق واعمل به كسبت او كنت انا خسران ولو صدقي يخسرني تشرفني خساراتي

[المتحد]

يعني لو أدز أيميلي للوليد تهقى أنه يضيفني

وياليل ياجامع على الخط صوتين

مشكوووووور وأبي نسخه من المجله على إيميلي

.

[قلم بلا قيود]

اسئله كثيره تدور بدميجتي وشو القصه وشو اللي حاصل معقوله فسخنا كل شي اتحداك تبي تلقا بنت تخرب من روحه لابد وجود سلقه وراها اذا اخربت البنت وشو اخر ما تسوي ما يلحقها العيب الا اذا وصل الامر لشرفها ومستحيل الشرف يكون اطرافه كله بنات يعني لابد وجود ذكر بالموضوع يعني البلا من الشاب لو عرف واجبه كان ما خربت الديره انا ما اشره على البنت لانها عاطفيه بتفكيرها وحيده بخيالاتها لكن السمرمد اللي محسوبين علينا هم اللي يبي يهدمون بيتهم بيدينهم والله يا جاي جيل يحوم السبد



8
8
8
صدقت فيما قلت


حمد لله على السلامه يا الوله

يعطيك العافية شيقة مجلتك لا عدمناك

برسل نسخها منها لأبو فيصل(a26)

لا تحرمنا من طلاتك ومواضيعك الشيقة

مبدع ودائم الإبداع ومتجدد

[سيف العداله]

الوليد بن طلال : واحد من العيال عنده دراهم ما يدري وشو يسوي بهن

هههههههههههههههههههههه

كله كوم وهالتشبيه كوم

الحمدلله عالسلامه يا الوله

[نازف ألم]

ههههههه قريت الموضوع ورجعت سخريه جميله وعسى الله ينفع بها
اتمنى لك مساهمه ناجحه تتجاوز 3.5 سهم

[شبيـه الريـح]

ههههههههه

الله يوفقك يالوله

[العاذريه]

الوله!! ( وحده طايرتن عيونه )

ياخي وينك من زمان... المفروض ننزل فيك موضوع ترحيبي ويطبخ بعد


من زمان ماطفّشت عضو ولا عضوه

<<<

تدق البنت بس من بعيد

موضوعك وكالعاده لا يخلو من الهزل المر

اهلاً بعودتك من جديد وياليتك ماتبطي عنا..

[شيخة الكعبي]

هلا بالدب المدحرج


والحمدلله على السلامة مثل مايقولون الاخوان ( ومع الخيل ياشقرا )


والا طايحن مغازل في الشات والنت والله من الفرااااااااغ اللي قاتلك ههههههههه



ونقول لك مرحبتين وسهلين ومادري ايش بعد


بس لايكبر راسك ,, قم بس قم ,, :cl:

[oJ9Jl]

يعني لو أدز أيميلي للوليد تهقى أنه يضيفني

وياليل ياجامع على الخط صوتين

مشكوووووور وأبي نسخه من المجله على إيميلي

.

انت مسكنا ايميله وازهل عمرك وترى وصلك على الايميل النسخه الثانيه اللي ما بعد نزلت

[oJ9Jl]

8
8
8
صدقت فيما قلت


حمد لله على السلامه يا الوله

يعطيك العافية شيقة مجلتك لا عدمناك

برسل نسخها منها لأبو فيصل(a26)

لا تحرمنا من طلاتك ومواضيعك الشيقة

مبدع ودائم الإبداع ومتجدد

الله مير يسلمك يا قلم ماسكه الرادار يا حبيلك انت وردودك بعد لا توصي حريص اكيد ابو فيصل مفلتر الموضوع ولا كان تشوف انواع التمصيع بس لا تكثر لي المدح تراي اصدق واغتر بعمري

[oJ9Jl]

هههههههههههههههههههههه

كله كوم وهالتشبيه كوم

الحمدلله عالسلامه يا الوله

وكله كوم وجيك كوم ثاني صايرين بسوق الشحن نجمع اكوام

[oJ9Jl]

ههههههه قريت الموضوع ورجعت سخريه جميله وعسى الله ينفع بها
اتمنى لك مساهمه ناجحه تتجاوز 3.5 سهم

هلا والله بعشق ليل مدري وشو انت شايف بالليل يوم تعشقه من زين ليلنا عاد اغبار وحر واصوات تفحيط يا حبيلك عسى الله ينفع بها ويعم على اثرها ارجاء البلاد وما جاورها مع فارق التوقيت ابشرك السهم كمز ماتشوف ان الردود كاشته عن الموضوع شويتين

[oJ9Jl]

ههههههههه

الله يوفقك يالوله

ويوفقك انت بعد شككتني بروحي يوم قلت الله يوفقك قلت لا يصير كاتب بالموضوع ان عندي اختبار بس ضحكت ومشيت مابوه تعليق شي ماشيات او تفضل الهزاز براحك

[oJ9Jl]

الوله!! ( وحده طايرتن عيونه )

ياخي وينك من زمان... المفروض ننزل فيك موضوع ترحيبي ويطبخ بعد


من زمان ماطفّشت عضو ولا عضوه

<<<

تدق البنت بس من بعيد

موضوعك وكالعاده لا يخلو من الهزل المر

اهلاً بعودتك من جديد وياليتك ماتبطي عنا..


لا لا تنزلين موضوع ترحيب ليتنا من حجنا سالمين تدقين ولا تطبلين براحك تقل اشوف ما جازل لك الموضوع كشتي بالرد اجل انا بكشت وراه الصوره اللي بجنب اسمك لونها باهت لحوووول وراك يالوله ما تترك التطفيش همن تجي العاذريه تكتب موضوع تقول ان الوله تسلق على اسمي تراي امزح اقول مثلا يعني

[oJ9Jl]

هلا بالدب المدحرج


والحمدلله على السلامة مثل مايقولون الاخوان ( ومع الخيل ياشقرا )


والا طايحن مغازل في الشات والنت والله من الفرااااااااغ اللي قاتلك ههههههههه



ونقول لك مرحبتين وسهلين ومادري ايش بعد


بس لايكبر راسك ,, قم بس قم ,, :cl:


قويه كلمة هلا بالدب اللي يسمعك يقول شايفن الدنيا تخوف طالبه مستقيله يعني عاطله مستديمه اول مره اشوف اسمك بالمنتدى ومشاركاتك فوق الالف من وين تجيبون المشاركات انا لي سنه وفحمت ما كملت الف منوره الموضوع بس وين التعليق او على قولك مع الخيل ياشقراء

[أم أديم]

الحمدلله على السلامه اخوي الغيور الوله

الله يحفظك من كل

ويهدينا والمسلمين


لاعدمناك اخوي

دائماً أنت (thumbs_up

[السطر الأخير]

السلام عليكم

أهلاً بك أخوي 000 الوله
الحقيقه مشتاقين لك واجد وفاقدينك من زمان
والحمدلله على السلامه

موضوع قوي با المره 00 ليت الشباب يصدقون مع أنفسهم شوي ويشوفون وين رايحين
وين جايين وبعدين وش نهاية المشوار اللي هم ماشين فيه
وإلى متى بيتمون كذا 0

تسلم والله 00 يا الوله
وجزاك الله خير

[دلع عيني دلع]

طرح .. رهيب استمتعت بقرأته .. بدون ماأقطع الأتصااال .:o......

بصرااحه حاال البناات والشبااب كله بتدهوور مستمر ... تذكرت سالفه .. لمن قريت كلاامك ..

. & . & . & .

كنت في المعهد وماعندي محاضره ..

دخلت للكوفي اللي يتوفر فيه نت ... لفت انتباهي بناات متجمعين

على جهااز واحد ومبسطييين .. ( يمكن 6 بناات ) من ضمنهم زميله .. ...


جلست اقلب مواقع .. ( واتقهوااا .. على قلبي بالعافيه :p.. ) .. سمعت ضحكهم .. التفت .. نادتني زميلتي ..

وش شفت ؟؟.. داخلين شاات .. وهاات من السوالف اللي مافيهاا الصدق ابد ..

اللي تقول انا من البحرين .. وادرس هندسه .. والثانيه تقول انا اقول للقمر وين انت من الزين

( وربي انه عبده وكلنا عبيد لله ) وشفته وحامت كبدي ..:cl::cl:.....!!!!!!

ويتبادلووون الايميلااات .. والارقااام

.. سالتهم .. ليش تعطونهم ايميلاتكم .. السوالف بلعناااهاا

هههههههههههه جوابهم شي يضحك ..!! حاطين كل وحده ايميل للاصحااب الشات ..

وكل وحده رقم سوووا للاتصالات بينهم .. وطبعاا اللي يشحن .. الاهبل(a) اللي مصدق انهم قمر .....؟؟؟

قالت لي وحده .. انه حالته النفسيه تتعب لو مادخلت شاات .. يعني مدمنه !!

ونلوووم مين ؟؟؟؟؟ هنا السؤااال


اخوي الوله ... الحمد الله على سلامتكــ ... وموضوعكــ قوووونان ...

الله يعطيكــ العافيه ......

والله يهدي شباب وبنات المسلمين ... آآآآآآمين ..’’’’

http://www.qassimy.com/vb/uploaded/daloooa33333.gif

[قلب وارف الخلجات]

حقيقة هذه المجلات .... التي تستحق القرأة...

أما غيرها فلا....


رغم إني كثير كلمات مافهمتها....

لكن الحمد لله المضمون وصل....


هي مجلة ساخرة... لكنها تحمل الكثير من وقاعنا... المحزن المرير...



شاكره لك أخي الفاضل الوله...

وننتظر جديد إصداراتك ... في الأشهر القادمه...


لك فائق التقدير والإحترام

من قلب وارف الخلجات

[فهد العبدالله]

سلام الله
يالوله

والكتاب المحترمين


مااقول الا حسبي الله عيليك قطعت وقتي ونفسي اقرأ


لكن الموضوع شو حلو


لاتعليق

[اليمامه]

الوله الحمد لله على السلامه


اثاريك يووم غبت الغيبه هذي كلها طااايح في الدردشه


وانا احسب الخطافه خاطفتك(g)


اشوى جت سليمه :o


بس تأكد من البقيه يمكن يطلعووون شيبان(q36)


مو بنات وانت مصدق انك تشبك بنااات(a16)


بس ما اقول إلاالحمد لله على السلامه يالقوقسي:p

[oJ9Jl]

الحمدلله على السلامه اخوي الغيور الوله

الله يحفظك من كل

ويهدينا والمسلمين


لاعدمناك اخوي

دائماً أنت (thumbs_up

الله يسلمك ام الديم ام الجميع لا عدمناك

[oJ9Jl]

السلام عليكم

أهلاً بك أخوي 000 الوله
الحقيقه مشتاقين لك واجد وفاقدينك من زمان
والحمدلله على السلامه

موضوع قوي با المره 00 ليت الشباب يصدقون مع أنفسهم شوي ويشوفون وين رايحين
وين جايين وبعدين وش نهاية المشوار اللي هم ماشين فيه
وإلى متى بيتمون كذا 0

تسلم والله 00 يا الوله
وجزاك الله خير

هلابك والله يالسطر الاخير ما تفقد غالي

[oJ9Jl]

طرح .. رهيب استمتعت بقرأته .. بدون ماأقطع الأتصااال .:o......

بصرااحه حاال البناات والشبااب كله بتدهوور مستمر ... تذكرت سالفه .. لمن قريت كلاامك ..

. & . & . & .

كنت في المعهد وماعندي محاضره ..

دخلت للكوفي اللي يتوفر فيه نت ... لفت انتباهي بناات متجمعين

على جهااز واحد ومبسطييين .. ( يمكن 6 بناات ) من ضمنهم زميله .. ...


جلست اقلب مواقع .. ( واتقهوااا .. على قلبي بالعافيه :p.. ) .. سمعت ضحكهم .. التفت .. نادتني زميلتي ..

وش شفت ؟؟.. داخلين شاات .. وهاات من السوالف اللي مافيهاا الصدق ابد ..

اللي تقول انا من البحرين .. وادرس هندسه .. والثانيه تقول انا اقول للقمر وين انت من الزين

( وربي انه عبده وكلنا عبيد لله ) وشفته وحامت كبدي ..:cl::cl:.....!!!!!!

ويتبادلووون الايميلااات .. والارقااام

.. سالتهم .. ليش تعطونهم ايميلاتكم .. السوالف بلعناااهاا

هههههههههههه جوابهم شي يضحك ..!! حاطين كل وحده ايميل للاصحااب الشات ..

وكل وحده رقم سوووا للاتصالات بينهم .. وطبعاا اللي يشحن .. الاهبل(a) اللي مصدق انهم قمر .....؟؟؟

قالت لي وحده .. انه حالته النفسيه تتعب لو مادخلت شاات .. يعني مدمنه !!

ونلوووم مين ؟؟؟؟؟ هنا السؤااال


اخوي الوله ... الحمد الله على سلامتكــ ... وموضوعكــ قوووونان ...

الله يعطيكــ العافيه ......

والله يهدي شباب وبنات المسلمين ... آآآآآآمين ..’’’’

http://www.qassimy.com/vb/uploaded/daloooa33333.gif




اللي يشحن الاهبل صدقتي وينهم مهبلنا اسكتي اسكتي اسمع اعلوم ان بوه مدرسات وموظفات الحين تشحن وتسدد خلي الطابق مستور الهبال ما يحدده جنس ولا لون ولا عمر ولا شاورما

[oJ9Jl]

حقيقة هذه المجلات .... التي تستحق القرأة...

أما غيرها فلا....


رغم إني كثير كلمات مافهمتها....

لكن الحمد لله المضمون وصل....


هي مجلة ساخرة... لكنها تحمل الكثير من وقاعنا... المحزن المرير...



شاكره لك أخي الفاضل الوله...

وننتظر جديد إصداراتك ... في الأشهر القادمه...


لك فائق التقدير والإحترام

من قلب وارف الخلجات


هلا بر اعي اكبر شعبيه بالمنتدى مبروك الترشيحات تراي مرشحك الشهر اللي راح يلمح يقول لا تنسوننا السنة اللي تجي بالنسبة للاصدارات يمكن عزلنا ما معنى ترخيص للمجله يديك العافيه يا غالي

[oJ9Jl]

سلام الله
يالوله

والكتاب المحترمين


مااقول الا حسبي الله عيليك قطعت وقتي ونفسي اقرأ


لكن الموضوع شو حلو


لاتعليق

اهم شي انك مبسوط فهد ودي اسئلك وشي الرابعيه اللي بتوقيعك

[oJ9Jl]

الوله الحمد لله على السلامه


اثاريك يووم غبت الغيبه هذي كلها طااايح في الدردشه


وانا احسب الخطافه خاطفتك(g)


اشوى جت سليمه :o


بس تأكد من البقيه يمكن يطلعووون شيبان(q36)


مو بنات وانت مصدق انك تشبك بنااات(a16)


بس ما اقول إلاالحمد لله على السلامه يالقوقسي:p

لا ما طحة بالدردشة طايح من الدريشة وانتي مصدقة اني مشبك يالقوقسيه على العموم هلابك اكثر ومرحبتين ما تشوف اننا مبطي ما تهاوشنا تراي امزح لا الحين يجون يحذفون ردي تراهم يتهددون

[اليمامه]

ما تشوف اننا مبطي ما تهاوشنا

والله انك صادق يا الوله


وش رايك نبداء هوشه اللحين


يالله>>>(q49)(q45)(q50)

الوله بعد الجوله الأولى>>>>(q73)


محسوبك انا>>>(oo)

[oaj]

الشات ما اعرفه .. الا اذا صرت عزوبي بهالماسنجر ..

وبالنسبه للمجله .. تكلم عن واقع ملموس من الموس ..

والله يستر على شبابا وبناتا من هالنوعيه ..

[جسيكا]

عاد انا اليومين داق ثقل مضارب بسوق البورصه عندي خمس اسهم باتحاد الاتصالات شاريهن بخمس ميه يوم الدنيا دنيا قبل يطيحون البزارين في بيع البطاقات على عشرين واحد لحد يلزي معي بالخاص يبي سلف لاني افكر انتخب نفسي بانتخابات البلديه

اقول ياللوله... عندي قريشاتن منذ مبطي وعاد قلت كود الوله ياخذهن ويساهمبهن وطبعا الربح فيفتي فيفتي....

وعلى قولتك ان السهم كمز ابد ماعليك مانيب ناسيتن الحلاوة....


تحرونها حمى جنسيه او فراغ عاطفي او زيادة هرمونات ترى الهرمونات لها دور والفايض عندنا واجد الله يستر لا يصير فيروس اصبع البطن منتشر

وهذي كثر منها والبركه بالبرتقاله وبقيه الشله الله ياخذهم سببوا
انفجاااااااااااااااااااار هرموني والضحيه البنات!!!!!!!!!!!!!!!!!!!!!!!!!!!!!!!!!


جسيكــــــــــــــــــــا

[المحــــارب **]

الأخ الوله
عليكم ورحمة الله وبركاته
كيف الحال عليا
عزيزي :
أنت كاتبلك موضوع وش كبره والربع كل شوي منقلب واحد باللفه
الصدق حاد جدا ؟؟؟

أنت قلت احبك كذاب .....
ان قلت اعزك كذاب .......
ان قلت أختي كذاب ......
مفردات جميلة جدا وحادة كسكين .... والحقيقه يبدو لي فيما يرى النائم انها
سياسة تعرية للحاصل والمحصول (صفر )
ليت كنا أكثر صراحة قبل الوقوع .... وليت كنا أقل صراحة عند الرحيل

أفاق من الحوار تدل على الوعي
دمت بخيـــــــــــــــــر

صورة مع التحيه : للحليلين في العالم العربي
صورة مع التحية : للمرور لتعديل اللفه اللي قلبت الكثير :)

أخوك المحــــــارب **
ذات بريك

[oJ9Jl]

والله انك صادق يا الوله


وش رايك نبداء هوشه اللحين


يالله>>>(q49)(q45)(q50)

الوله بعد الجوله الأولى>>>>(q73)


محسوبك انا>>>(oo)

اليمامه تراني متعوذ من الشيطان مانيب قايل يالقوقسيه بس ماتشوفين انك جنحتي عن الموضوع اهم شي الاخلاق والاختلاف بالراي لا يفسد من ملح الملوخيه

[oJ9Jl]

الشات ما اعرفه .. الا اذا صرت عزوبي بهالماسنجر ..

وبالنسبه للمجله .. تكلم عن واقع ملموس من الموس ..

والله يستر على شبابا وبناتا من هالنوعيه ..

قطيم حط عيني بعينك الشات ما تعرفه اكيد المجله هذي ملموسه ومحسوسه وراعيها ملحوس بدبوس منحوس سلملم

[oJ9Jl]

اقول ياللوله... عندي قريشاتن منذ مبطي وعاد قلت كود الوله ياخذهن ويساهمبهن وطبعا الربح فيفتي فيفتي....

وعلى قولتك ان السهم كمز ابد ماعليك مانيب ناسيتن الحلاوة....




وهذي كثر منها والبركه بالبرتقاله وبقيه الشله الله ياخذهم سببوا
انفجاااااااااااااااااااار هرموني والضحيه البنات!!!!!!!!!!!!!!!!!!!!!!!!!!!!!!!!!


جسيكــــــــــــــــــــا

جسيكا لو اني ماادري وشو يبي الاسم لكن اهم شي لقينا شي نناديك بوه الاسهم انا اتنبا انها رايح تطيح طيحه ما حصلتش لكن عليك باسهم الاتصالات هذي اللي ما رايح تنزل لين العالم تترك المغازل

[oJ9Jl]

الأخ الوله
عليكم ورحمة الله وبركاته
كيف الحال عليا
عزيزي :
أنت كاتبلك موضوع وش كبره والربع كل شوي منقلب واحد باللفه
الصدق حاد جدا ؟؟؟

أنت قلت احبك كذاب .....
ان قلت اعزك كذاب .......
ان قلت أختي كذاب ......
مفردات جميلة جدا وحادة كسكين .... والحقيقه يبدو لي فيما يرى النائم انها
سياسة تعرية للحاصل والمحصول (صفر )
ليت كنا أكثر صراحة قبل الوقوع .... وليت كنا أقل صراحة عند الرحيل

أفاق من الحوار تدل على الوعي
دمت بخيـــــــــــــــــر

صورة مع التحيه : للحليلين في العالم العربي
صورة مع التحية : للمرور لتعديل اللفه اللي قلبت الكثير :)

أخوك المحــــــارب **
ذات بريك

ياحليلك وراك جايب العيد الناس ما تبي كذا اقولهم وين مفتاح قلبي يقولون وشو بعارينه مجنحين ليت كنا اكثر صراحه اطلق البريك يالمحارب درعم وانا بزبن مالي دخل سلملم يالمحارب