مشكله بيني وبين زوجي ماهو الحل بسرعه تكفون

[ام سااامي]

مساء الخير للجميع اكتب للمره الثانيه لانه انحذف الموضوع مادري ليش انا مشكلتي انو زوجي زعلان من لا شي يعني وده يزعل وبس باشياء تافه مثل ليش ماقلتي كذا ليش ماسويت كذا يعني يتمشكل على الفاضي يعني تعرفون الرجل لابداء يتحوقن:544453:ولناطقين بغير القصيميه يتحوقن يعني يدور هواش وش اسوي اسفهه ولا اكلمه حتى يحس على دمه(qq168)لاكن انا ماتحمل فتره الصمت حتى يتنزل عن الزعل من نفسه او اسفلبه واهاوشه واقوله ابروح لاهلي واذا راحت ام العنزين تعال ردو يحريم لو انتم بمكاني وش تسون ويا ارجال لماذا هذي الحركات الرعنا:876564:

[أم اليسر]

ياعزيزتي الزوج يحتاج لكثير من الصبر والتروي فهو كطفل صغير مدلل!!

لذلك عليك بالتروي والتمهل وعدم الرد عليه بكلمات فيه نوعيه من رد الاعتبار

فهذه وسيلة الزوجه الضعيفه لآنها عندما تشعر بالانتقاص تلجأ إلى (رد الاعتبار)

وهذه الطريقه خطأ000وبعيده عن الصواب


لذلك أنصحك ياغاليتي 000

عدم التحدث مع زوجك إذا كان غاضب وعلى قولك (يدور الهواش)بل العكس حاولي أن تتركي له المجال

بتفريغ الشحنات التي تكاد تنفجر من رأسه فكثيرا من الأزواج بمجرد أن تنطلق منه كلمات بأي تعبير

يشعر بإرتياح وربما ندم على ماقال في وقت لاحق


غاليتي 00


علينا نحن الزوجات بالصبر والحكمه وخصوصا في تلك اللحظات وهنا تظهر الحكمه والعقل (وسنع الزوجه)

دعيه يفرغ ما لديه فهو مجرد كلام يجول بخاطره ونار سرعان ما يخمد لهبها !!


دعواتي لك ياعزيزتي بالسعاده والتوفيق 00وأن يسخر لك زوجك ويصلح لك كل شأنك


محبة الجميع (أم اليسر)

[زائرة القصيم]

حبيبتي

يقول الشاعر

من راح على كيفه وكيفه يوديه

خله على كيفه وكيفه يرده

اذا انت واثقه انك ما اخطيتي

ولا زعلتيه

طنشيه

وقومي بواجباتك نحوه

واهتمي بنفسك وبعيالك

الله يعينك ويسخره لك

ادعي ربك ودائما خليك مبتسمه

[نآآآآيف]

يآأختــي ...

اذا هو معصب طنشيه واسكتـي عنه ..

بس لا اوصيكـ يعني بالاشيآء الاسآسيه في برنآمجك اليومــي

مثلا" يكون الغدآء جآهز اول مآيجي من الدوآم .. وشوفي رغبت زوجكـ شنو فيه اذا صحى العصر من النومـ . وش يحب

قهوه او شآي او عصيرآت وحـلآ وغيرهـ .. يعني من النوع ذآ مآأبي اتعمق بشي تعرفه كل متزوجه ...

واغتنمي جلسآته اذا صحى من النومـ يكون رآيق وجهزي له اللي يحبه وأبد اضحكي معآه وسولفي ..

وانشآءالله بتضبط اموركـم ..

ردي على عجــل ..وتقبلي مروري

[ام سااامي]

مشكورين يا هلي وناسي والله ماتصدقون كيف ارتاح اذا شكت لكم بدون مجامله المنتدى الوحيد الي اشكيله ويبردقلبي الرد مادري علشانه قصيمي والله يسخرلي زوجي قولو امييييييييييييييييييييييييييييييييين

[بدووون عنوان]

السلام عليكم

استاذة ام سامي انا اتوقع ان مشكلتك وببساطة انك من النوع السهل الاثارة وتتأثرين باي كلام او تصرف حتى لو بسيط .
وانا اتوقع انك تحبين زوجك كثيرا لذلك انتي من النوع اللي يحب يعرف كل شيء عن الزوج
وين رايح ومن وين جاي ووينك وتستفسرين عن كل شيء
:secret25:
انا اشوف اذا كان زوجك من هذا النوع من رأيي ان تقللي من حدة التوتر وتبطلي اسألة وتحاولي تقرأي افكارة وتسايرية على طبعه
وتحاولي اذا شفتية متنرفز ان تهدئي الوضع وتحاولي ماتسولفين وياة
(asl)

واذا شفتي الامور هادية شوي حاولي تسولفين بعيد عن المشكلة اللي سببت زعلة
مع الوقت راح يتعود على اسلوبك وراح يتغير بس لازم الصبر
والبعد عن القرقرة حتى لاتتحوقن الامور على قولتك
:876564:

اتمنى لك سعادة لاتنضب

دمتي بود
(ask)

[قراميش]

حبيبتي ام سامي اذا انتي ماكنتي غلطانه وماقصرتي في شي

اذا شفتيه زعل وعصب طنشيه ولاتردين عليه صدقيني اهو بيزعل

شوي بعدين بيجي يعتذر واذا جاك تدلعي عليه شوي >>>>>>>>بس لاتمسخينها

نفس حالتي يتكلم الين يشبع بعدين يجي يعتذر بس اذا راددته طولت السالفه

والحين صرت اطنشه

والله يهدي السر بين كل زوجين

[... بنت الجنوب ...]

خليه يزعل طالما ماغلطتي .خير ان شاءالله بينهل الذهب يعني .(asl)

<<<< مااطيق الزوج الي نفسه راس خشمه محد يقدر يقوله وخر عن الطريق من جد كأآآآبه.(asj)

[123جروح]

من قلب الله يعينك
ويسخر لكل المتزوجات ازواجهم
ويسخر للمتزوجين زوجاتهم
ياقلبي طنش تعش
حاولي تصبرين وترمين وراى ظهرك
الله يعين بس

[لطوووووووووف]

الله يعيننا على ارجالنا انا زوجي نفس زوجك ياام سامي بس وش نسوي نار الرجل ولا جنة الاهل الصبر زين وانا اطنشه واخليه ليبن يطيح الحطب اللي براسه و يجي خير ان شاء الله يغلط وروح لمه بعد هذا اللي ناقص بس مااقول الا الله يسخرهم لنا ويهديهم يارب

[qassimyh]

حبيبتي هذا هو الرجال بس تحمليه واسكتتتتتتتتتتتتتتتتتتتتتي ولا كلمه
ثوانيييييييييييييييييييييييي دقايييييييييييق هي سااااااااااااااااااعه يووووووووووووووووووووووووم
عاد على حسب الي عندك بيطيح الي في راسه وبيجي ويستسمح منك هو انا معاك احيانا مانصبر ونخرب الثقل
اثقلي انا (اختس )وبيجيك يقولك والله انتي عصبتيني اوووه مسكين حراممممممممممممم سامحيه
واذا رجع تتدلعي شوي وه عاد على حسب الرضاوه عشوه .تمشيه. ههه من هالطلبات المقدور عليه
يعني استغلال الي صار لصالحك بس اذا رديتي وصارختي راح تخسرين صدقيني بس مالومك انا عصبيه وماتحمل واخرب احيانا على نفسي بس احيانا اتحلى بالصبر ةالسكون
واهم شي الصبر والحكمه والتفكير بعقل والتخطيط صح لحياتك
والله يسخرلك ويسخرلنا
دعواتك لي تكفين

[بسمة الروح]

الله يهديهم.....انا اقول الصراحه مافي رجل يسوي كذا إلا براسه شي.... وعارفله وحده ثانيه مكرهته به...
انتي لاتخلين عليه شي ... دلليه وراقبيه من بعيد..علشان اذا انكشف يفشل....واذا هذا طبعه مالك إلا الصبر والدعاء..
الله يهديه ويسخره لتس. آآآآمين

[خطيطن منا]

ياختي طنش تعش وش احسن منها خليه يزعل ثم يضرب براسه الجدار