انسان ملتزم .. و قمة فالأخلاق ... ولكن ..؟؟؟!!!!!

[stylish.uae]

السلام علييكم ورحمة الله وبركاته ..


امممم ما ادري هي مشكلة و الا شو اسميها .. المهم اتمنى من الكل يقترح علي .. لأني بصرااحه مب عاارفة شو أسوي .. خاصة ان الامر حساااس ..


الساالفة بالمختصر المفييد .. اني انا شابة اماراتية .. عمري 25.. وانا من عاائلة محااافظة على عااداتها وتقااليدها .. ..تقدم لي شااب متمسك بديينه .. و أخلااقه وااايد عاااالية ..

المشكلة ان الشااب صح موااطن .. بس أصووله على كلااام اهلي .. ان اصووله ايرانية ..


بصرااحه .. مابي اخسر الشااب .. وانا ما افكر فالعاائلة اللي راح اناسبها .. و أكبر همي ديين الريااال و أخلااقه ..

بس اخوااني تفكييرهم غير ..

مب عااارفة كيف اقنع اخوااني ..

يا رييت اللي عنده اي فكرة يخبرني .. و اللي ما عنده يدعيلي ..


اختكم Stylish.uae

[الجارح]

والله اذا اصوله ايراانيه ابتعدي عنه عن الزواج منه ,,,
والله يرزقك بأحسن منه ,,

[نآآآآيف]

الله يوفقكـ ..

ويكتب لكـ الخــيرهـ ..

[stylish.uae]

وليش تفكيركم جيه .. ليش ما تمشووون على كلاام الرسووول صلى الله عليه وسلم ...

(( لا فرق بين عربي أو أعجمي إلا بالتقوى ))


ووينكم عن الحديث اللي يقوول ..

( إذا جاءكم من ترضون دينه وخلقه فزوجوه )

[stylish.uae]

مشكوووووور اخ نااااايف .. وربي يجزييك الجنة ان شاااء الله ..

[محمد الخريف]

اختي

لا تنظرين الي الاصول مادام الشاب اخلاقه زينه المهم ماتكون عقديته فيها انحراف

واذا على الاصول كثير من المجتمع الاماراتي متزوجين هنود وايرانيات وغيرها

اللي انصحك فيه توضي وصلي صلاة استخاره واذا فيه الخير فالله بيوفق بينكم

كلمي اخوانك بالمعروف واذا ماوافقوا لاتتزوجينه لان اي شي يصير وقتها بيكون اللوم عليك

والله بيعوضك خير منه

كل التوفيق لك

[دلع البريداويه]

إستخيري....
أنا سعوديه مستحيل أتزوج واحد أصوله مهب سعوديه
أو مب قبلي لوهو سعودي
(أنا متزوجه بس) وجهةنظري وجميع اللي حولي

[آل أندلُسيه]

الله يوفقك ياقلبي
استخيري اذا ربي كاتبه بيرزقك اياه
ياحياتي اذا كانت نيتك انك تبين رجل صالح
ربي راح يوفقك
لانك تسعين لدين والتقى
أسال الله في هذه الساعه
ان ربي يرزقك الزوج التقي النقي
الي يحطك بعيونه ومايشوف بالدنيا غيرك
يارب

[طالبة رحمة الله]

هنا المشكله

متى الناس بتفهم ان من اتاكم دينه وخلقه فزوجوة..

وحتى لو اصوله ايرانيه اهم شي هو دينه واخلاقه وشخصيته واسلوبه انتي ماراح تتزوجين أصله ولاجنسيته انتي بتتزوجين الشخص نفسه..

هالموضوع وهالسالفه بالذات مااقدر اتكلم فيها بالتفصيل انا بالنسبه لي اوااااااااااافق وبقوة على الرجال الاخلاق وراعي الدين مهمها كان اصله بس المشكله في اهلى واخواني يبغون النسب والاصل..

بس وقسم بالله مشكله..وقهر..يعني لازم بدوي بدوي أففففففففففف اللهم طولك ياروح

الله يكتب لس اللي فيه الخير..

حاولي اقنعي اهلس لان انتي موب صغيرة في سن الزواج المناسب واليوم جاس واحد ملتزم بكرة يمكن مايجي ملتزم يجي صايع ووووووالخ..

تحياتي لس

[ساميوو]

نصيحه محب

العرق دساس

ابتعدي وخوذي لك اماراتي ابا عن جد
ماراح تندمي ابن البلد هو من يخاف على بنت بلده

[الجارح]

أنا سعوديه مستحيل أتزوج واحد أصوله مهب سعوديه
أو مب قبلي لوهو سعودي

الله يحفظك ويرزقك بالى يسعدك
لسه الدنيا فيها خير مادام بااقي بنات يفكروون بهالتفكير ,
بوسى رااس ابووك فاانتى بنت رجال واخت رجال ,,,,
والاخوان الى يقولون من أتاكم من ترضون دينه وخلقه فزوجوهـ ,,
انا ابي افهم ليش ناخذ من الدين الشي الى نبيه ونترك الى الى ما نبيه ,,,
يأخوان فيه شي اسمه تكأفؤ النسب وانتم تعرفوون هالشي من عهد الرسول صلى الله عليه وسلم ,,, اتحداا واحد فيكم يزووج اخته لعبد او شخص اصوله ترجع سوريه او ايراانيه او اي دوله ,,
يعنى سبحان الله الواحد يعطي رااي معهم معهم بس ,,,,,
ابيها بذمتكم يالى تقولون للبنت تزوجي (لو كانت اختكم مخطوبه لشخص اصوله يمينيه او ايراانيه هل ترضوون تزوجونه )؟؟؟؟؟ انا سألتكم بالله قولوا الصدق وبعدها اتنااقش معكم ,,,
تحيااتى

[بنت قبايل والعز هايل]

اكيد القبايل مايزوجون الا قبايل زيهم

يعني الشمامره مثلا عاد بناتهم يجدعون الطير من زينهن لو يجيهم ملك مو قبلي مستحيل يزوجونه

شي معروف وبعدين حق الاولاد على امهم وابوهم ان يختار النسب

[ديار1]

الزواج قسمه ونصيب اذا هو نصيبك راح تتزوجينه واذا هو مو من نصيبك ماراح تتزوجينه لو شو ماصار
وعليك بالاستخاره لانه ماخبى من استشار الخالق
والله يوفقك اللي فيه الخيررررررر

[123جروح]

استخيري والله يكتب لك الخيره