اكبر عيب فيني النرجسية

[عبْث]

قالت الله لايهينك انت خابرني بدويه
ما احب اللي يمسس غترته وعقاله
انا ودي ببدوي يمشي بدمه حميه
لا تعزوا بالقبيله كلهم صاروا عياله
البدو غالين عندي لو حصل منهم خطيه
الولد فيهم يساوي شيخ بجاهه وماله
قلت انا انعم واكرم ماكذبتي يا اجوديه
سجل التاريخ عنهم البطوله والجماله
لاكن اله لايهينك لاتناسين البقيه
الحظر رجالهم ياوسع صدرة وطول باله
في المواقف انشديني مايتخلى عن خويه
لافزع ماعاد يدري من وراه ومن قباله
وضيفهم يبشر بعزه والوفا والمقدريه
كل واحد يسبق الثاني ولاندري بحاله
قالت اكبر عيب فيني يالحضر النرجسيه
ما اظن احد بيغريني بطبعه او جماله
انا احب اللي زهابه حاجتين وبندقيه
يفتخر بالذود ويسرح كل يوم في حلاله
وان لفاه الضيف شاف الفرق شاف النار حيه
بدوي صوت نجره اطرب الطرقي وجاله
قلت انا ليه اختلقتي فرق وسويتي قضيه
الكبر لله والمؤمن ضعيف براس ماله
يابدويه الجروح اللي من اسبابك نديه
والخفوق اللي تحرا جيتك ياما جراله
والعيون اللي تمنى شوفتك صارت شقيه
والفراق اللي بليا ذنب يذبحني لحاله
قالت الله لايعاقبني انا بنت بريه
من السوالف كلها والحب وين اللي وفاله
ياولد لاتحسبني جاهله ولاغبيه
الهوى ماهو كذا والحب انا مابي مجاله
انا اخوي ان قال اخو فلانه عرفت اني بدويه
تجتمع روس العرب له من يمينه ومن شماله



للشاعر الرائع بندر الرشود

[المياسه]

سيدي الفااضل

سلمت يمناك ولاعدمناك وصح لساان شاعرهاا.ابيات جدا راائعه..

[عبْث]

هلا مياسه


ولو اني ...........

بس الضيف لو انه عدو معاديك .... غصب عليك تقدره وسط بيتك

وانتي غاليه مو عدو


حياك

[العاذريه]

الحظر رجالهم ياوسع صدرة وطول باله
في المواقف انشديني مايتخلى عن خويه
لافزع ماعاد يدري من وراه ومن قباله
وضيفهم يبشر بعزه والوفا والمقدريه
كل واحد يسبق الثاني ولاندري بحاله

ياسلاااااااام عليك يالراسي

قصيده رائعه من جد وحنا بدو وحظر

يكفي اننا سعوديه <<<--ماتضبط بس غصب..

[عبْث]

هلا بالدباااااااااا منورين الموضوع


وانا اقول ليش الصفحه ثقيله

[سفير البادية]

تسلم اخوي الراسي على الابيات

الجميلة

[أحمد السكران]

الراسي






شكرا لك على هذا التقل الرائع

[عبْث]

سفير , احمد



هلا بكم اخواني