أيها المتزوجون رفقا بالعزاب !

[الشاآآآمخه]

بسم الله الرحمن الرحيم
السلام عليكم ورحمة الله وبركاته
صباحكم خبز وكراث وزنجبيل
ان شالله مرتاحين

ندخل بالموضوع
اني اتسأل دائما ليش اذا جلسنا ا بأماكن عامه وعند العزاب خاصه نجد الرجل يتذمر من الحريم وهات ياسب ’الله يريحنا منهن ذبحونا هم وغم اسواق وطلبات ماتنتهي
واذا اتت تكلمه فرد عضلاته أمامهم ايقاله شخصيه والبعض يلقي عليها كلمات بذيئه يستحي العاقل من سماعها
والمشكله اذا اختلى بها تبدل الحال
وتلاقيه يردد

أحبك بس لوتعرف وش الي بالحشا ينخآك
وربي لو كشفت اللي بقلبـي مـتّ لرضآتـه
أنا وشلون أبين لك غـلاك ولهفتـي للقــآك
أنا وشلون أعبر لك عن اللي بيـن طيــآتـه (a26)
طيب ليش هالظلم ورسم الصوره الموحشه للحياة الزوجيه أمام هؤلاء العزاب انا لااقول لك احضنها وقبلها أمامهم لاوالله ولكن اغدقها بالحنان أمامهم حنان وتلطف بالتعامل لكي يتربى اجيالنا على هذا الطريق من الألفه والمحبه
وانتي يااخيه
لماذا كلما كبرت مجالسكن وإمتلات بالفتيات هات ياحش بازواجكن
الله يحوم كبده وياشينه اذا جاء يتلصق, والوحده كانها عاضه على ليمونه من الإشمئزاز
وتقوم منكم البنيه وهي آخذه فكره سيئه عن الزواج وعن المعاشره خاصه
بينما اذا جلستن لحالكن هات ياسوالف والوحده كانها تتكلم عن آيس كريم كوونزون
اظهر لاولاادكم وبناتك حلاوة الحياة الزوجيه
ولاتتعمقون معهم بذلك
ودمتم بود

[الفارس الهلالي]

فعلا يا حديده

انا واحد من اللي اخذ فكرة سيئة عن الزواج من خلال بعض المواضيع والردود هنا

وان شاء الله يطلع تصوري خاطئ

[الشاآآآمخه]

فعلا يا حديده

انا واحد من اللي اخذ فكرة سيئة عن الزواج من خلال بعض المواضيع والردود هنا

وان شاء الله يطلع تصوري خاطئ

والله ياخوي اذا الله وفق تعيش حياة كلها سعاده وتقول ياحسافه الايام الي مضت دون زواج

[عالي المستوى]

صدقتي

بس اشوف حاليا الوضع تغير بالنسبه للشباب يعني تفتحوا شوي

المشكله اللي يجي يهمق كل هالليل عند اخوياه من تشكي على الحريم تلقينه اذا رجع للبيت بس يتمحلس عند الحرمه

اما بالنسبه للمجالس النسائيه العامره بالكرااااث فما زالت تقوم بدورها الفعال ضد الرجال

[الشاآآآمخه]

صدقتي

بس اشوف حاليا الوضع تغير بالنسبه للشباب يعني تفتحوا شوي

المشكله اللي يجي يهمق كل هالليل عند اخوياه من تشكي على الحريم تلقينه اذا رجع للبيت بس يتمحلس عند الحرمه

اما بالنسبه للمجالس النسائيه العامره بالكرااااث فما زالت تقوم بدورها الفعال ضد الرجال

ههههههههاه هم ضد الرجال جماعه اما تعال شفها في حالة انفرادها يختلف الوضع

[توليب2]

احنا مجتمعنا كذا ... يستمتعون بندب الحظ الجماعي

والا اذا جيت للحق مايستغنون ولا نستغني

[مقراط]

السلام عليكم ورحمة الله وبركاته

الله يسلمك هدا وضع التربيه

ماغير بربره واغلب عيالهم هاملين الحمد لله والشكر

مانقول الا ياهادي وانت الدليل

ياربي يوفقك

[المراقب الصحي]

فعلاً صدقتي
أغلبهم تلقاه مبسوط مع أهله بس يمكن يخاف من العين والبعض يتوقع أذا مدح حياته الزوجيه أن زوجته مسيطره عليه بالعاميه ((راكبته))
هذا بالنسبه للرجال أما الجنس الاخر (q104) (q104) (q104)
انشاء الله يظهر من يبين لنا بعض الافكار.....

[همس الانوثه]

والله هالشيء غير مقبول لان الشباب يدخلون حياتهم الزوجيه وهم متخوفين ويمكن بعضهم يقلدون الي سمعوا ويطبقونه وهو خطا وتنتهي حياتهم بالطلاق وغير انه مايجوزبعد افشاء الاسرار الزوجيه00مشكوره يالغلا

[محبوبة الكل]

فعلا كلامك صحيح لنوعيه من النساء
* اما انها تخاف من العين
*او انها حكه باللسان فيه نوعيه تحب تترز وتكون محل انظار الجميع >> باي طريقه وباي كلام !!
*او انها تسمعهم يحشون ازواجاهم وهي مع الخيل ياشقرا
*او انها فعلا صادقه ولو صبرت واحتسبت لكان افضل لها
المصيبه بالسذج من المتزوجات والبنوتات
ويمشي عليهم هالكلاااااام !!
من حديد .. الف شكر للطرح القيم

[طالبة رحمة الله]

هلا يالحديدة

بصراحه وش أقول ووش اخلي..في حريم يبطووون الكبد ويفقعون المرارة..

في الصيف عزمونا ناس من قرايب امي من عيال عمها وبنات عمها المهم لما رحت أول مرةأروح بيتهم مااعرفهم ..بس هم يعرفوني شافوني بعرس أختي..

وتخيلي ايش قالو لامي طبعا هن بنات عمها أجتمعو وهات ياسالفه ورى سالفه ..كل وحدة تقول لامي شوفي يافلانه هالبنت لاتزوجينها الحين خليها تكمل الجامعه توها صغيرة على الزواج ..>>زين محد جاب طاري زواجي أو حتى خطبه أو عرس وانا ساكته كنت اتغدى وبعدين غصيت>>ويقولون لامي اوعدينا من الحين 3سنوات ماتزوجينها وحسيتهم أقنعو أمي..
وبعدين تدخل وحدة ثانيه وتسولف وتقول توها ياام فلان بنتس على العرس خليها تدرس وتتوظف..>>والله ان امي ماجابت طاري هالسالفه>>

يعني يحطمون الواحد ..وكن الزواج هو جهنم اللي الكل يخاف يدخلها..كن الزواج يحرق الواحد لاوطى فيه ..أنا مدري ليه بعض الحريم كذا..اذا عندها افكار مثل وجهها لاتسمع الغير وخصوصا البنات اللي بعد ماجبرو هالحياة..



بس أنا فهمت عليهم وش يقصدون..

حسيتهم يحطموني من كلامهم..أحس كانهم يقولون العرس هم وغثا وبلا ونكد توس باول عمرس لاتنكدين على نفسس بالزواج..

هاذي سوالف الحريم..

الحين نجي لسالفه خرعتني..

جات وحدة من قريباتي مع زوجها وبناتها وانا عند خالتي الهم دخل زوجها معها لللغرفه اللي كنا جالسات فيها >>حق الحريم>>وانا لما سمعت انه بيدخل على طول تغطيت وطلعت..والباقي كلهن داخل ..لانه عادي يقابلونه بس انا لا..

وبعدين فجأة وانا اسمع كلامهم من الغرفه اللي جنبها لان البيبان مبطله..تهاوش هو وزوجته..وهاااااااااااات ياتسدح كل واحد يطلع عيوب الثاني..وزوجته قامكت تبكي وهو يصارخ وامي تهدي بينهم..تهاوشو على شي سخيف ..
والله اني خفت..ونزلت دموعي مدري ليه بس كنه خوف من المستقبل واللي متخبي لي بكيت قبل لااعرف وش الجاي..قمت سكرت الباب وطفيت الليت وحطيت المخدة على راسي وغمضت عيوني لعل وعسى انام ومااابغى أسمع كلامهم ولاصراخهم على بعض..

بس بصراحه وافق شن طبقه ..والطيور على اشكالها تقع..أثنينهم نفس الشي..>>مافي احد عندة تنازل للثاني..مدري كيف والله ماني فاهمه..

بس المفروض اللي يكون بين الزوجين مثل الشعرة أذا هو شدها هي ترخيها واذا هي شدتها هو يرخيها عشان ماتنقطع هالشعرة..

بس مييييييين اللي يفهم ومين اللي يقدر..

يارب رحمتك..

[سفير شمر]

وعليكم السلام
مساك قشطه وشطه سومطرا
ياستار استر علينا من هذا كله
الحمد لله نحن فى الاستراحه ما نجيب طارى الحريم ابد
واللى عنده مشكله مع اهله نحلها له ودى ونحاوره ونحاول
نغير الصوره ونخليه الليله الثانيه يعزمنا على عشاء عنده بالبيت
وهذى واذا رجعنا البيت بعد نصير عسل على شوى ماء بارد

عاد تجمعاتكن على الكراث والملح وفسفس باجه ماندرى عنها
بس عاد انتى فضحتى المستور
موضوع رايق ونبى نناقشه الليله بالاستراحه بدل من ان نطالع غنونه

[روعة ملاكـ]

ههههههههه
من جد
دايم اذا اجتمعوا الحريم يسبون في ازواجهم .
والله العظيم غيروا فكرتي عن ام الزاوج شي جميل .
واكثرشي يحطمون الي لسة متزوجة يقولون لها اصبري كم شهر وتشوفين كيف يتغير الزوج عليك .
من جد ليش كذا .

[الشاآآآمخه]

احنا مجتمعنا كذا ... يستمتعون بندب الحظ الجماعي



والا اذا جيت للحق مايستغنون ولا نستغني



توليب فعلا يالغاليه مالنا غنى عنهم حتى لو قلنا كل شئ هم دنيتنا ا لله يخليهم لنا

[الشاآآآمخه]

[quote=مقراط;5798274]السلام عليكم ورحمة الله وبركاته

الله يسلمك هدا وضع التربيه

ماغير بربره واغلب عيالهم هاملين الحمد لله والشكر

مانقول الا ياهادي وانت الدليل

ياربي يوفقك[/quote


موفق اخي مقراط جزيت خيرا

[الشيعوف]

حي أمرأهـ وحي ماجابت

كنك عندي يوم الاربعاء الصبح(hjh)
صديق لي يقولي بلا زواج بلا عرس بلا خرابيط يالشيعوف وهو مابعد أعرس..؟
وصااك عمره 30(qq60) تصدقين هذي حتسوت بعض الزملاء واحد منهم أصغر مني
يقولي يالشيعوف خبل تعرس بذا العمر فلها وأنبسط وهمن فكر أعرس
يمكن ماتوفقوا بزوجات تنسيهم العزوبية ومتوقعين أن اكثر اللي يعرفونهم راح يمرون بنفس التجربة.؟ وهم مخطين في هذا
كثير بالمجالس نسمع مثل هالكلام والجوانب السلبية اللي ماارين فيها المتزوجين
ممكن يكون الواحد متزوج زوجة سليطة حنانة رنانة وبينهم مشاكل فيروح يفضفض عند ربعة المتزوجين
والا المعزبين فيعقدهم المساكين... أنحن يالعزاب لازم نعرف أن الحياة فيها الحلو والمر
ومستحيل تكون الحياة كلها حلوه ومستحيل أننا نحس بطعم الحياة الحلوه الا لما نذوق
المر فيها..؟ هذي الحياة ولابد نكون راضين فيها لو كل شخص فكر أن يخوض تجربة الزواج
وهو حااط في بالة أنة قد هذي المسؤلية وراح يوقف بطريق الضروف الصعبة في نظري راح تنجح العلاقة بعد توفيق رب العالمين
أنا من الاشخاص اللي تعقد فترة من الزواج وكرهت الزواج كره المسلمين لشارون
لاني كنت بصراحه أركز على الجوانب السلبية بس من السوالف اللي كنت أسمعها من كثير
من المتزوجين ومن المشاكل الحاصلة اللي الواحد يخاف يعرس بذي الايااام..؟
لكن الحمدالله تغيرت النظره كليا" بعد ما ركزت على الجوانب الايجابية في هذي العلاقاات
وبعد أن شفت نماذج لاأصدقاء العمر تفوقوا وكونوا أسر ناجحة والحمدالله فهذي كفيلة بأن الشخص يتمنى العرس،، حتى بين معشر النساء المرأه الناجحة في بيتها وفي حياتها مع زوجها
أتحدى أي بنت ماتتبي تكون مثلها وماتتمنى الزواج ..؟
خلاصة كلامي اللي بيركز على الجوانب السلبية وينظر للامور بنظرة تشاؤم فاالله يرحم بحالة
واللي ينظر للعكس فهذ يملك صفاات واثق فيها أن راح يكون قد هذي المسؤلية
تحياتي لك أمرأهـ والمعذره على تشتت الافكااار
الله يوفقنا وأياك لكل خير يارب
(J)

[الشاآآآمخه]

فعلاً صدقتي
أغلبهم تلقاه مبسوط مع أهله بس يمكن يخاف من العين والبعض يتوقع أذا مدح حياته الزوجيه أن زوجته مسيطره عليه بالعاميه ((راكبته))
هذا بالنسبه للرجال أما الجنس الاخر (q104) (q104) (q104)
انشاء الله يظهر من يبين لنا بعض الافكار.....


المراقب الصحي
هم من الاساس تشخيصتهم علشان الناس تقول مادبين حريمهم وربي انهم خرطي

[الشاآآآمخه]

والله هالشيء غير مقبول لان الشباب يدخلون حياتهم الزوجيه وهم متخوفين ويمكن بعضهم يقلدون الي سمعوا ويطبقونه وهو خطا وتنتهي حياتهم بالطلاق وغير انه مايجوزبعد افشاء الاسرار الزوجيه00مشكوره يالغلا

نعم اختي همس يجب عدم الافشاء وان افشوا فلايكون سلبي

[الشاآآآمخه]

فعلا كلامك صحيح لنوعيه من النساء

* اما انها تخاف من العين
*او انها حكه باللسان فيه نوعيه تحب تترز وتكون محل انظار الجميع >> باي طريقه وباي كلام !!
*او انها تسمعهم يحشون ازواجاهم وهي مع الخيل ياشقرا
*او انها فعلا صادقه ولو صبرت واحتسبت لكان افضل لها
المصيبه بالسذج من المتزوجات والبنوتات
ويمشي عليهم هالكلاااااام !!

من حديد .. الف شكر للطرح القيم


نقاط واضافات رائعه يالغاليه

[الشاآآآمخه]

هلا يالحديدة

بصراحه وش أقول ووش اخلي..في حريم يبطووون الكبد ويفقعون المرارة..

في الصيف عزمونا ناس من قرايب امي من عيال عمها وبنات عمها المهم لما رحت أول مرةأروح بيتهم مااعرفهم ..بس هم يعرفوني شافوني بعرس أختي..

وتخيلي ايش قالو لامي طبعا هن بنات عمها أجتمعو وهات ياسالفه ورى سالفه ..كل وحدة تقول لامي شوفي يافلانه هالبنت لاتزوجينها الحين خليها تكمل الجامعه توها صغيرة على الزواج ..>>زين محد جاب طاري زواجي أو حتى خطبه أو عرس وانا ساكته كنت اتغدى وبعدين غصيت>>ويقولون لامي اوعدينا من الحين 3سنوات ماتزوجينها وحسيتهم أقنعو أمي..
وبعدين تدخل وحدة ثانيه وتسولف وتقول توها ياام فلان بنتس على العرس خليها تدرس وتتوظف..>>والله ان امي ماجابت طاري هالسالفه>>

يعني يحطمون الواحد ..وكن الزواج هو جهنم اللي الكل يخاف يدخلها..كن الزواج يحرق الواحد لاوطى فيه ..أنا مدري ليه بعض الحريم كذا..اذا عندها افكار مثل وجهها لاتسمع الغير وخصوصا البنات اللي بعد ماجبرو هالحياة..



بس أنا فهمت عليهم وش يقصدون..

حسيتهم يحطموني من كلامهم..أحس كانهم يقولون العرس هم وغثا وبلا ونكد توس باول عمرس لاتنكدين على نفسس بالزواج..

هاذي سوالف الحريم..

الحين نجي لسالفه خرعتني..

جات وحدة من قريباتي مع زوجها وبناتها وانا عند خالتي الهم دخل زوجها معها لللغرفه اللي كنا جالسات فيها >>حق الحريم>>وانا لما سمعت انه بيدخل على طول تغطيت وطلعت..والباقي كلهن داخل ..لانه عادي يقابلونه بس انا لا..

وبعدين فجأة وانا اسمع كلامهم من الغرفه اللي جنبها لان البيبان مبطله..تهاوش هو وزوجته..وهاااااااااااات ياتسدح كل واحد يطلع عيوب الثاني..وزوجته قامكت تبكي وهو يصارخ وامي تهدي بينهم..تهاوشو على شي سخيف ..
والله اني خفت..ونزلت دموعي مدري ليه بس كنه خوف من المستقبل واللي متخبي لي بكيت قبل لااعرف وش الجاي..قمت سكرت الباب وطفيت الليت وحطيت المخدة على راسي وغمضت عيوني لعل وعسى انام ومااابغى أسمع كلامهم ولاصراخهم على بعض..

بس بصراحه وافق شن طبقه ..والطيور على اشكالها تقع..أثنينهم نفس الشي..>>مافي احد عندة تنازل للثاني..مدري كيف والله ماني فاهمه..

بس المفروض اللي يكون بين الزوجين مثل الشعرة أذا هو شدها هي ترخيها واذا هي شدتها هو يرخيها عشان ماتنقطع هالشعرة..

بس مييييييين اللي يفهم ومين اللي يقدر..

يارب رحمتك..

الله يكملك بعقلك ياطالبه صراحه اذا شفت سوالفك اقول هذي تكذب عمرها خمسين
من روعةكلامك ونظرتك للحياة
يارب يوفقك ويرزقك الرجل الصالح

[الشاآآآمخه]

وعليكم السلام
مساك قشطه وشطه سومطرا
ومايجي معها اندومي ؟
ياستار استر علينا من هذا كله
آآآمين
الحميد لله نحن فى الاستراحه ما نجيب طارى الحريم ابد
واللى عنده مشكله مع اهله نحلها له ودى ونحاوره ونحاول
نغير الصوره
ماتجي هذي تحلونها ! وشلون اجل جبتم الطاري؟
ونخليه الليله الثانيه يعزمنا على عشاء عنده بالبيت
هذا الي تدورون حوله شفاحه يعني مانيتكم خير
وهذى واذا رجعنا البيت بعد نصير عسل على شوى ماء بارد
هذا المطلوب

عاد تجمعاتكن على الكراث والملح وفسفس باجه ماندرى عنها
بس عاد انتى فضحتى المستور
اصلا مافيه شي مستور كل شي واضح
موضوع رايق ونبى نناقشه الليله بالاستراحه بدل من ان نطالع غنونه
هذا شي تعجيزي عاااد الاغنوه مستحيل تخليه ياسفير


على طاري غنوه مره دخلت على زوجي يترقص معهن تتوقع وش السبب ؟
انا قلت بنفسي يمكن يسوي رياضه :d

سفير منور القسم وش جابك هنا ؟ عندك اجازه؟

[الشاآآآمخه]

ههههههههه
من جد
دايم اذا اجتمعوا الحريم يسبون في ازواجهم .
والله العظيم غيروا فكرتي عن ام الزاوج شي جميل .
واكثرشي يحطمون الي لسة متزوجة يقولون لها اصبري كم شهر وتشوفين كيف يتغير الزوج عليك .
من جد ليش كذا .
خبال وربي خبال هذا بدل من انهم يقولون لها اذا عاملتيه معامله حسنه يتحسن اكثر
يخربون عليها

[الشاآآآمخه]

خلاصة كلامي اللي بيركز على الجوانب السلبية وينظر للامور بنظرة تشاؤم فاالله يرحم بحالة
واللي ينظر للعكس فهذ يملك صفاات واثق فيها أن راح يكون قد هذي المسؤلية
تحياتي لك أمرأهـ والمعذره على تشتت الافكااار
الله يوفقنا وأياك لكل خير يارب
(j)



ياسلاااام عليك يالشيعوف رغم ما تسمع لاتكترث بكلامهم
نعم من الضروري ننظر لكل الجوانب
فالسلبيه نتجنبها والايجابي نعمل به
بارك الله فيك على هذه الاظافات

[عيدسعيد]

والله ياخوي اذا الله وفق تعيش حياة كلها سعاده وتقول ياحسافه الايام الي مضت دون زواج



صدقتي والله
الله يوفق الجميع (qq18)

[طالبة رحمة الله]

الله يكملك بعقلك ياطالبه صراحه اذا شفت سوالفك اقول هذي تكذب عمرها خمسين

من روعةكلامك ونظرتك للحياة

يارب يوفقك ويرزقك الرجل الصالح

خمسين سنه قويه(qq152)
تسلمين يالحديدة على الدعوة..بس يمكن أموت بسرعه قبل لااتزوج:)

ماتلاحظين ان العزوبين دايم يكتبون ردود طويله(a14)شوفي نديم ياطول كلامه (a24)

[حسن خليل]

هكذا هو حال بعض المتزوجين الذين يتكلمون عن العزاب من الجنسين.

لكن ولله الحمد لا نتكلم في جلستنا عن العزاب إلا بكل خير.

يجب أن نعطي انطباعاً جيداً عن الناس ولا نتكلم بسوء عنهم خاصة أمام أبنائنا وبناتنا لأنهم يقلدوننا في ذلك.

كذلك نستغل هذا الوقت سواءً كان للرجال المتزوجين أو للنساء المتزوجات فيما يفيد.

شاكر ومقدر للأخت امرأة من حديد هذا الطرح الهادف.

[الشاآآآمخه]

استاذناالقدير حسن خليل

مرورك عطر متصفي دمت ودام تواجدك

[الموج القادم]

يشلمووووووووووووووووووو

هذا افضل موضوع بهالقسم(q81)


:ham020:

[الشاآآآمخه]

يشلمووووووووووووووووووو

هذا افضل موضوع بهالقسم(q81)


:ham020:

تشكرااااااااااااات شهاده اعتز بها يالموج

[ياليل مااطولك]

الس


الس


وووو السلااااااااااااام عليكم

الله يسعد هالحديده اللي تعرف تجيب مواضيع في الصميم
..ومن واقعنا ... ودآخل البيوت ...

بالنسبه للموضوع ههههه رحمت حالي ياعرب توي اعرف ان الشعب اللي عندي خرطي

يرن الجوال

الووووو

وش تبين انتي

قايل لك لاتتصلين انا لاخلصت راح اتصل

يلا ..... طوط طوط طوط

واقول يآهووووووه حرام عليك اهلك يبونك ...

يقول يبن الحلال الحريم لاتعطيهن وجه والله تسوقك مثل .....( مو زين وصفه ^_^ )!

واقوله وش دخل تعطيها وجه رح شف وش يبون يمكن خايفه تجلس لحالها

هههههه يرد بعصبيه ماهي خايفه هذي تخوف مدينه بكرها


قلت له وجع ... وانت مسوي انك تخوف المدينه والدوووووووله


والله ماعندك سالفه ومهايطي كبير بعد انت وجهك

اول ماتروح من عندنا تروح تجيب لها هديه
وتقعد تبكي عندها والله ياروحي كنت معصب
وكنت متهاوش مع مدري منهو
ومدري منهوووووو يصبخه دايم هههههه ويحوووووسه هع

ويروح يغسل الصحون عشان ترضى عليه المحروسه

عالم تهاويل وربي ....


على العموووووووم ترى السالفه من راسي ماصارت معي هههه اكذب

بس هذا اللي حاصل مثل السالفه وفيه ابلا وبلا بعد ... فيه خبول يتطرقون لحاجات محتاجات ماهي زينات

يبطووووون عظم <<< مايكرهوني بالزوآج ليه انا اقولكم ليه <<<<والله مدري بس لازم الزواج والا ^_^


الحديده ابصم لك بالعشره انك مبدعه في طرح المواضيع المهمه والحساسه

ارقي سنوووووووود يابت ومثل ماوصيتك بالموضوع السابق >>>طرطعآنه وخلاص http://www.qassimy.com/vb/images/icons/icon7.gif

تحيآآآآآآآآآآآآآآآآتوه


http://www.qassimy.com/vb/images/icons/icon7.gif



http://www.qassimy.com/vb/images/icons/icon7.gif

[الشاآآآمخه]

ياحلو تعليقك ياليل
ترى صدق انك تكذب علينا لكن هالقصص وربي واقعيه
لاتحرمنا تواجدك
انت صاير مثل سحابة صيف تجي بسرعه وتروح بسرعه

[بنت الشيوخ]

كلامك صحيح حدوده
فعلاً اشوف بعض من النساء في مجتمعنا مع الاسف شوهو الزواج بنظر بعض البنات اللي لسى ماتزوجو

تسب وتشتم زوجها أمام جمع من النساء وأنه ظالم ومطالبه لا تنتهي وانه سبب تعاستها منكرة معروفه عليها وعلى أبنائها
والمصيبه االكبرى اذا كانو الموجودات يؤيدونها ويتفاعلون معها

ليش تتكرر هالجمله في مجالس النساء

"الرجال ما فيهم خير ولا رحمه"

دايم اسال نفسي هالسؤال لماذا؟؟
( يكفرن العشير
ولا يحسون بالنعمه اللي محروم منها الكثير من النساء اللي هي الزواج والبيت والاطفال والاستقرار الاسري )

بقولكم موقف صار لي من فتره قريبه

مره كنت في حفل في مدرسة بنتي
الا وتجيني وحده تسلم علي
لها معرفه بوحده من قريباتي
سلمت بحراره ورحبت فيني وجلستني بجنبها
وتونا قايلين ياهادي
الا وتعالو اسمعو هالحش والتقطيع في زوجها لدرجة اني قلت بنفسي مسكينه الله يكون بعونها مع اني ماعرفها كثير

(q77)(q77)(q77)(q77)
لدرجة اني ماسمعت شي من الحفل ولا شفت بنتي زين وهي تقدم فقرتها (qq60)<< هذا همها (vv)

المهم من ضمنن الكلام الي قالته انها تحذر بناتها وبنات اخواتها من العرس لانه غثا وشقاء
ترا الرجال ما بهم رحمه يريدتس مثل الآلة تخدمينه ليل ونهار وه بس شوفن حالي وكسافتي اقعدو ببيت ابوانكم ابرك لكم "
(qq167)(qq167)(qq50)(qq167)


لكن اللي خلاني اتعجب اكثر موب هالكلام
لا
اللي ضحكني ان زوجها دق عليها بعد ماخلص الحفل على طول
الا واشوف هذيك الابتسامه اللي شاقه الوجه
وترد عليه بهدوء
وتقوم و تطلع المرايه وتجدد ماكياجها وتتهندم بعد وتتعطر
هههههههههه

:D:D:D:D:D:D:D

وقالت لي مودعه بأمان الله بمشي زوجي جاء
تقولها وهي تبتسم وتذهب مسرعة وتنادي بنتها بسرعه لتركب معه..!!!

أليس هذا الرجل الذي لا رحمة فيه والذي نكد عليها حياتها إذن لماذا هذا الركض والتجمل له؟؟

(عجبا لأمرها) (q33)


وليس هناك اصدق من حديث نبينا عليه افضل الصلاة واتم التسليم :" يا معشر النساء تصدقن فإني رأيتكن أكثر أهل النار , قلن : وبم يا رسول الله ؟ قال : تسرعن اللعن وتكثرن الطعن , وتكفرن العشير ".


وقال صلى الله عليه وسلم:" أريت النار فإذا أكثر أهلها النساء’ لأنهن يكفرن العشير ويكفرن الإحسان , لو أحسنت إلى إحداهن الدهر ثم رأت منك شيئاُ قالت: ما رأيت منك خيراً قط"


فإذا عرف الأنسان او الزوج طبيعة المرأه فإنه لا يغضب ولا يقلق ولا تتوتر أعصابه إذا تنكرت له أحيانا وزعمت أنها لم تر منه أي خير مع أنه قد فعل لها الكثير من الاحسان .







: