لو لاسمح الله شريك حياتك ,,,,,,,

[الشاآآآمخه]

بسم الله الرحمن الرحيم

السلام عليكم ورحمة الله وبركاته

عندي لكم موضوع وأبي الصراحه منكم

مالكم بالطويله

دخل على ابو الشباب واشوف شكله مبسوط ومروق (q85)قلت لاالأمور سنعه اليوم
المهم اعطاني شماغه وعقاله وقال :
تكفين يالحديديه الغداء انا ميت من الجوع (q102)والغدا من الاشاره اشم ريحته مايدري اني توني قايمه(dhhdhdhd) والله يخلي لنا
( ميري)(r79yty)

على فكره مره ولدي احرجني عند ابوه وقال يمه وشلون تعلمين شغالاتك بنفس وزنة طبخك ماعمري لحظت اختلاف عاد انا بساعتها غصيت (wtg)
نرجع للسالفه

قلت حاضر ولايهمك ثواني وهو عندك

حطيته وكانو العيال نايمين (sdfsfs) بس انا وهو على الغدا

كنا نشاهد موضوع عن (انفلونزا الخنازير ) حمانا الله واياكم وجنبنا كل سوء

قلت يابو فلان لو تجيني حمى الخنازير وش تسوي
قلت اكيد رايق وهالحين يبي يسدح بيت شر على عادته
قال وبسرعه كااااان نهج يقصد هو وعياله, ولااننا نسوي لك غرفه بالمزرعه ونترك فيها لمده اسبوع
هو مااكمل كلامه من الضحك :SmileyBunny:وانا سويت نفسي زعلانه (qq50) لكن ماقويت غلبت علي الضحكه :SmileyBunny:
الي ابيييييييه كل واحد وواحده لو لاسمح الله اصيب شريك حياته بهذا المرض
ما موقفه نبي المصارحه وعدم المثاليه الزائده

[همس الانوثه]

سؤال صعب الصراحه والله يبعده عنا وعن المسلمين والظاهر اني بسوي سواة رجلك والعمر ياشامان00مشكوره يالغلا

[الشاآآآمخه]

ههههههههاه ايوالله العمر ياشمااااااان تصدقين قالها
تسلمي هموسه

[طالبة رحمة الله]

ههههههههههههههههههه

صار لي يومين خاطري اطرح هالموضوع بس بطريقه ثانيه بس ماطاوعني قلبي..>>قلت حرااااااام بخوف العالم>>

تدرين لما أشوف واحد يعطس في البيت على طول أهرررررررب واقول تراني ماابغى أموت بهالطريقه مرض حق الخنازير الله يبعد الجميع..

وانا كافيه الناس خيري وشري ومنثبرة بالبيت لااطلع ولاشي وتخيلي يجيني المرض وانا في البيت..والله قهر..

الله يحمي اهلي واخواني والجميع..

أنا اقول لهم ياويله اللي بيجيب لنا المرض تراني مااطلع من البيت وقسم بالله لاينطرد من البيت ولااحد يسلم على احد ولاشي ومن هالكلام..

عاد يالحديدة لاتخوفين الفارس الهلالي>>أبوعبدالملك>>عرسه قريب الحين بيأجل.المعازيم كلها بتسلم عليه واذا في واحد نذل ويكرهه وفيه المرض بيجي يتمطخ فيه ويسلم عليه خشم وخد وراس ويعطس وهو يسلم عليه عشان يعديه>>الفارس أنتبه خخخخخخخخ..الحين صار قلبه في بطنه من الخوف..

يالحديدة تفائلي خير>>أتسسسسسسسسسسو >>من الصبح عطست مرة وحدة وخايفه..اسم الله علي..

[توليب2]

وربي للزق فيه والبس كمامات ووسائل الوقايه كلها

واذا نوموه في المستشفى اصير مرافق بالغرفه الي جنبه

الصدقه قيام الليل والرقيه بتصير خواتي

يمكن اسويه مع كل خاص فيني مو معه وبس

الله لايفجع قلبي على غالي يارب


ولا القارئين

[الشاآآآمخه]

مشكوره طالبه على المرور
والله تبين الصدق انا اكثر وحده متفائله
ولذا طرحت الموضوع

قال رسول الله لاطير ولاعدوى ويعجبني الفأل
صلى الله على نبينا محمد

ولو كنا في بروج مشيده لن يمنع ماكتبه الله لنا
صراحه انا اليوم تعبانه الله يستر

[الشاآآآمخه]

وربي للزق فيه والبس كمامات ووسائل الوقايه كلها

واذا نوموه في المستشفى اصير مرافق بالغرفه الي جنبه

الصدقه قيام الليل والرقيه بتصير خواتي

يمكن اسويه مع كل خاص فيني مو معه وبس

الله لايفجع قلبي على غالي يارب


ولا القارئين

امين يارب والله يحفظ لك غاليك

[محبوبة الكل]

الله يكفينا واياكم الشر والامراض
ما أظني بتركه ..
بسوي احترازت زي الممرضات من كمام وغيره
وأقعد اداويه لين ربي يشفيه ..

حديديه .. الله يلبسك الصحه والعااافيه

[الدنياحلوه]

اهممممممممممم شي اصرف عيالي لبيت هلي للوقايه ثمن برافقه الله يحفظه ولا يعوقه شر برافقه برحلة العلاج من الاول للاخييييييير ما اخليه بس طبعا بلبس كمامه و قفاز واقرا عليه واراعيه ....الله يحفظنا جميع من هالمرض العجيييييييب.......(qq50)عوافي حديده

[مقراط]

السلام عليكم ورحمة الله وبركاته

من يتق الله يجعل له مخرجا

والانسان النظيف واللي يقوم بواجبات ربه ولا ياكل مال حرام ولاياخد حقوق الناس

لاتجيه الامراض

لان الامراض مماكسبت الانفس

ياربي يوفقك

[نور القصمان]

تفاولوا بالخيرررررررررررررررررررررررر الله يرفع البلاء عن المسلمين

[ربشه]

يسم الله موضوعتس يخوف يالحديده

الله يكفينا شر هالمرض ويبعده عن ديار المسلمين

طبعا هو قالك هالكلام من باب المزاح والا مايخلي ام عياله وويشرد

وانا لو قدر الله واصيب فيه عزيز علي مااتركه بالعكس اووقف معاه لما يطيب مع الحذر والوقايه


عوافي يالغلا وماتشوفين شر

[الشاآآآمخه]

الله يكفينا واياكم الشر والامراض

ما أظني بتركه ..
بسوي احترازت زي الممرضات من كمام وغيره
وأقعد اداويه لين ربي يشفيه ..

حديديه .. الله يلبسك الصحه والعااافيه


الله يحفظنا وياكم يارب
شكرا محبوبه

[الشاآآآمخه]

اهممممممممممم شي اصرف عيالي لبيت هلي للوقايه ثمن برافقه الله يحفظه ولا يعوقه شر برافقه برحلة العلاج من الاول للاخييييييير ما اخليه بس طبعا بلبس كمامه و قفاز واقرا عليه واراعيه ....الله يحفظنا جميع من هالمرض العجيييييييب.......(qq50)عوافي
حديده

امين الله يحفظالجميع وصدق والله عجيب !
شكرا الدنيا حلوه

[الشاآآآمخه]

السلام عليكم ورحمة الله وبركاته

من يتق الله يجعل له مخرجا

والانسان النظيف واللي يقوم بواجبات ربه ولا ياكل مال حرام ولاياخد حقوق الناس
ويسمع كلام ماما وبابا

لاتجيه الامراض

لان الامراض مماكسبت الانفس
اللهم لاتواخذنا بسوء اعمالنا

ياربي يوفقك

مقراط وين الغيبه فقدناك

[الشاآآآمخه]

يسم الله موضوعتس يخوف يالحديده

الله يكفينا شر هالمرض ويبعده عن ديار المسلمين

طبعا هو قالك هالكلام من باب المزاح والا مايخلي ام عياله وويشرد
والله عارفه ياربشه ولو كان يقصدها ماقالها من الاساس

وانا لو قدر الله واصيب فيه عزيز علي مااتركه بالعكس اووقف معاه لما يطيب مع الحذر والوقايه


عوافي يالغلا وماتشوفين شر
الله يحمينا وياكم ياااااااارب

[الشاآآآمخه]

تفاولوا بالخيرررررررررررررررررررررررر الله يرفع البلاء عن المسلمين
امين الله يحمينا وجميع المسلمين

شكرانور

[المراد]

جنبنا الله واياكم شر المرض والبسنا الصحة والعافية

بقولك سالفه قبل كم يوم كانت ام العيال تعبانه وتشتكي من كل مفاصلها وماتقدر تقوم من السرير الا بالقوة

الموووووهيم

قالت لايكون عندي اللي يسمونه انفلونزا الخنازير ........ عاد انا حسيت بغصه قلت قوم من فوق السرير ازين

وخلها تنام لوحدها

قالت ويش فيك سكت قلت ولاشي

قلت ياام انس ولا فيك شي كله تعب وارهاق بس واكيد من حلقك اللي ملتهب

خدي بندول بس ونامي

على فكره طبقت الاعلان اللي في التلفزيون يعني اغسل يدي بالصابون بعد اللمس هههههه

وفي الاخير مافي الا كل واحد بغرفة وياروح مابعدك روح ههههههه

عوافي حديده

[الشاآآآمخه]

وفي الاخير مافي الا كل واحد بغرفة وياروح مابعدك روح ههههههه

عوافي حديده



وتهون عليك ام انس يالمراد الله يحميك يارب

[أسفه شوفلك غيري]

الله يديم علينااااااا لباااااااااس الصحه والعااااااااافيه

ويحفظنا من كل شررر وجميع المسلمين يااااااااارب

[توليب2]

جنبنا الله واياكم شر المرض والبسنا الصحة والعافية

بقولك سالفه قبل كم يوم كانت ام العيال تعبانه وتشتكي من كل مفاصلها وماتقدر تقوم من السرير الا بالقوة

الموووووهيم

قالت لايكون عندي اللي يسمونه انفلونزا الخنازير ........ عاد انا حسيت بغصه قلت قوم من فوق السرير ازين

وخلها تنام لوحدها

قالت ويش فيك سكت قلت ولاشي

قلت ياام انس ولا فيك شي كله تعب وارهاق بس واكيد من حلقك اللي ملتهب

خدي بندول بس ونامي

على فكره طبقت الاعلان اللي في التلفزيون يعني اغسل يدي بالصابون بعد اللمس هههههه

وفي الاخير مافي الا كل واحد بغرفة وياروح مابعدك روح ههههههه

عوافي حديده



داعيه عليها امها الي آخذتك

[الشاآآآمخه]

داعيه عليها امها الي آخذتك


توليب يالغلا كلهم كذا وش قلتي سعوديين مارحتي بعيد يجيك راع الطحين وتشوفين كلامه

اصبري دوامه الصبح على النت
(ghqv)

[مشاكسة محترمة]

تصدقين اليوم زوجي تأخر ماجا للبيت من الدوام ويوم دقيت عليه
قلت عسى ماشر شفيك تأخرت؟
قال حسيت اني تعبان مصدع وحلقي ملتهب فرحت للمستوصف..
قلت وشو ؟؟
عسى مافيك حرارة ؟؟
قال الا
قلت اجل خلك في بيت اهلك لاتجي بروح لهلي قبل!!!
قال طووووووط
قلت شفيك ؟قال شفتي فشلتي عند اول اختبار في الحب..
مافيني الا العافية ..
بصراحة انحرجت بس قلت انا مافكرت الا في العيال ..قال ايه صرفيها
(asj)(asj)(asj)


الله يحفظنا واولادنا واحبتنا والمسلمين اجمعين من الوباء والبلاء..

[الشاآآآمخه]

حلوووووووه

لوكنت بمكانك كان جاملته وحاولت اخفف عنه ولو انها من جنب
لكن العشر ماتهون على اولاد الحلال هههههههههههههههههههههههههههاه
تسلمي يالغاليه والله انك مشاكسه فعلا

[مشاكسة محترمة]

مشكلتي صريحة بزيادة
تفكير عملي بحت خالي من الرومانسية(q39)

[نازف ألم]

مااعتقد أني اتخلى عنه او انحاش يمين يسار
بلا كمامات بلا هم اللي كاتبه الله يبي يصير

نازف

[彡я ş ∂ ∂ Ļ彡]

( قل لن يصيبنا إلا ما كتب الله لنا هو مولانا وعلى الله فليتوكل المؤمنون)

[عالي المستوى]

اوديها لاهلها واخذ اجازه واسافر اغير جو

واذا رجعت تصير اشوت والحمدلله



اكبر كذبه مرت على العرب والمسلمين في العصر الحديث قصة مرض انفلونزا الخنازير

[دانه السبيعي]

هذا الوقت اللي محتاجيني فيه مستحيل اتخلى عنه
او ابين له خوفي من العدوى
اللي الله كاتبه بيصير

[الشاآآآمخه]

مشكلتي صريحة بزيادة
تفكير عملي بحت خالي من الرومانسية(q39)

لايامشاكسه لايسمعك احد ماعندنا حريم يجهلون بالرومانسيه

[الشاآآآمخه]

مااعتقد أني اتخلى عنه او انحاش يمين يسار
بلا كمامات بلا هم اللي كاتبه الله يبي يصير

نازف

هذا الكلام الحلو يانازف الله يحميكم يارب

[الشاآآآمخه]

( قل لن يصيبنا إلا ما كتب الله لنا هو مولانا وعلى الله فليتوكل المؤمنون)

سبحانه توكلنا عليه
الله يحمي الجميع

[الشاآآآمخه]

اوديها لاهلها واخذ اجازه واسافر اغير جو

واذا رجعت تصير اشوت والحمدلله
ليش الانانيه ياعالي المستوى



اكبر كذبه مرت على العرب والمسلمين في العصر الحديث قصة مرض انفلونزا الخنازير

انت شفت ياعالي هالكذبه صدق احس انها تخطيط لاستغلال العرب والله أعلم

[الشاآآآمخه]

هذا الوقت اللي محتاجيني فيه مستحيل اتخلى عنه
او ابين له خوفي من العدوى
اللي الله كاتبه بيصير

فعلا بهذه المواقف يادانه اختبار لتحمل المرأه
الله يحفظك يالغلا

[بنت الشيوخ]

ههههههههههههههه
ضحكت من رد رجلك يالحديده احس ماعنده وقت :danc854:
تصدقين ودي اسال رجلي واشوف وش بيقول مع اني جاني احباط من ردود الشباب (qq60)

ماقول غير الله يخليكم لبعض ويبعد عنا وعنكم وعن المسلمين كل مكروه




الزبده لو صار له شي لاسمح الله اول شي برسل عيالي لاهلي
وبرابط عنده مع اتخاذ اجراءات الوقايه

[منااوى]

هههههههههههههههههههههههههههههه سؤال محرج الله يهديج
لا الصج اكيد مانى مخليته بداريه بس ماقالو البنات انصرف عيالى اول
يعطيج العافيه

[مشرقه]

عساكم ماترتعون مني

جاني انا وعيالي وجلسنا في بيتنا كاننا مجروبين

ولاحدشافنا ولاشفناه الين أنتهينا منه ولله الحمد

وزوجي كان يخالطنا بدون كمامات وستر ربي عليه

على قوله سامي جابر (أزمه وعدت)

وصدقوني كلام فاضي الأعلام عطاه اكثر من حجمه

تراني الحين طيبه لاتخافون ;star1;

[منااوى]

سلاااااامتج حياتى فى الرياض وخطاج السو
والله انج صاجه الاعلام مكبر موضوعه

[عيدسعيد]

بسم الله الرحمن الرحيم


السلام عليكم ورحمة الله وبركاته

عندي لكم موضوع وأبي الصراحه منكم

مالكم بالطويله

دخل على ابو الشباب واشوف شكله مبسوط ومروق (q85)قلت لاالأمور سنعه اليوم
المهم اعطاني شماغه وعقاله وقال :
تكفين يالحديديه الغداء انا ميت من الجوع (q102)والغدا من الاشاره اشم ريحته مايدري اني توني قايمه(dhhdhdhd) والله يخلي لنا
( ميري)(r79yty)

على فكره مره ولدي احرجني عند ابوه وقال يمه وشلون تعلمين شغالاتك بنفس وزنة طبخك ماعمري لحظت اختلاف عاد انا بساعتها غصيت (wtg)
نرجع للسالفه

قلت حاضر ولايهمك ثواني وهو عندك

حطيته وكانو العيال نايمين (sdfsfs) بس انا وهو على الغدا

كنا نشاهد موضوع عن (انفلونزا الخنازير ) حمانا الله واياكم وجنبنا كل سوء

قلت يابو فلان لو تجيني حمى الخنازير وش تسوي
قلت اكيد رايق وهالحين يبي يسدح بيت شر على عادته
قال وبسرعه كااااان نهج يقصد هو وعياله, ولااننا نسوي لك غرفه بالمزرعه ونترك فيها لمده اسبوع
هو مااكمل كلامه من الضحك :smileybunny:وانا سويت نفسي زعلانه (qq50) لكن ماقويت غلبت علي الضحكه :smileybunny:
الي ابيييييييه كل واحد وواحده لو لاسمح الله اصيب شريك حياته بهذا المرض

ما موقفه نبي المصارحه وعدم المثاليه الزائده



يحليلكم ياجوز الكناري
ياريت من شافكم
وانتم في قمة الود والمحبه الله يديمها عليكم
بشوف المحبه والموده مع الكبرى باخذ من
خبرتك اللي تجري يجري الانهار

[شعااااع الرياض]

حراااااااااااااام عليك التفكير بالموضوع قطع قلبي شلون انحاش وخليه
الاعمري فدا عمره
بس وشسواة بالعيال نروح ونخليهم شفتي تعبتيني بالتفكير
الا عيالي امانه في رقبتك ياحديده

[محبوبة الكل]

عساكم ماترتعون مني


جاني انا وعيالي وجلسنا في بيتنا كاننا مجروبين

ولاحدشافنا ولاشفناه الين أنتهينا منه ولله الحمد

وزوجي كان يخالطنا بدون كمامات وستر ربي عليه

على قوله سامي جابر (أزمه وعدت)

وصدقوني كلام فاضي الأعلام عطاه اكثر من حجمه


تراني الحين طيبه لاتخافون ;star1;




الف الف الحمد لله على سلامتكم
الف لاباس طهور ان شاء الله

الحمد لله انها عدت على خير وعساها ماتعود عليكم ولا على مسلم
والله يخليلك زوجك ويخليكم لبعض ويحفظكم من كل شر واذيه

[مشرقه]

سلاااااامتج حياتى فى الرياض وخطاج السو
والله انج صاجه الاعلام مكبر موضوعه

الله يسلمك حبيبتي ويخليك

بس حبيت اطمنكم والله كلام فاضي ...اهم شي في الموضوع الكشف المبكر عليه خاصه

للأطفال اللي فيهم ربو وحساسيه وباقي الأمور تساهيل

أبعد الله جميع الأمراض عنا وعن جميع المسلمين

[مشرقه]

الف الف الحمد لله على سلامتكم
الف لاباس طهور ان شاء الله

الحمد لله انها عدت على خير وعساها ماتعود عليكم ولا على مسلم
والله يخليلك زوجك ويخليكم لبعض ويحفظكم من كل شر واذيه
[/center]

الله يسلمك يالغلا ويخليك لعين ترجيك

آآآآآمين عساها ماتعود ...ويعطيك الف عافيه على هالدعوه الطيبه لاعدمناك

[حسن خليل]

أكيد غالبية الزوجات ستقف مع زوجها ولن يتركوه لوحده أو يتخلين عنه.

كفانا الله وإياكم شر الأمراض.

شاكر ومقدر جهودكِ المبذولة في هذا القسم.

[الشاآآآمخه]

استاذناالقدير حسن خليل

مرورك عطر متصفي دمت ودام تواجدك