المساعد الشخصي الرقمي

مشاهدة النسخة كاملة : اكتشاف خطيررررر ... الوجه الاخر لمستر هريدي ..


مستر هريدي
01-03-05, 09:58 PM
سلامو عليكو ..

ازاي الحال ايها الجدعان والجدعات ..
اخوكم هريدي ابن ام هريدي ولد العمدة بيمسي عليكم ..

اليوم انا اكتشفت حاجة خطيرة اوي .. بس قبل ماقولكم ايه هي .. عاوز احكي ليكم الحكاية من البداية ..

طبعاً انتم عارفين ان اخوكم ولد العمدة .. اتمرمط اخر مرمطة .. واتشحطط اخر شحططة ..واه منك يازمن ..
نصب عليا كفيلي مستغرب النحس وجابني من البلد وهو يقول لي انه حيشغلني عنده مدير اعماله ..
ولما جيت معاه للسعودية شغلني بنشري في البنشر بتاعه ربنا ينتقم من الظالم ..
المهم اخوكم ولد العمدة مرضيش بالبهدلة دي .. وهرب .
ومن حتة لحتة .. ومن مكان لمكان .. ومن شارع لشارع .. ومن .. << خلاص بأ ..
واخيراً اشتغلت عند راجل طيب اوي اسمه عم ابوخلف ربنا يعلي مراتبه ..راعي معيز ..
وقررت اني اشتكي كفيلي المفتري مستغرب على مكتب العمل والعمال ..
علشان يديني رواتبي اللي لهفها .. وماشفتش منها ولا مليم .
طبعاً هو متفق معاي انه يديني راتبي بالعملة الصعبة ..
بالدولار الياباني ..او بالين الالماني .. او حتى الجنيه الهندي ..
بس الراجل .. يفتح الله .. لهف الفلوس . ولا من شاف ولامن دري . << بس ايه ولد العمد مايتكلش اونطة ..
المهم رحت لمكتب العمل والعمال .. وقدمت شكوى عليهم ..
وتعال بكرة وتعال بعده ورح هنا وروح هناك .. وفي الاخير ادوني قلمين على قفاي ومع الباب ..!!!
صرخت وقلت ياحماعة حرام عليكم تعملوا بولد العمدة كدا ..
دانا هريدي على سن ورمح بس الزمان هو اللي عمل بي العمايل دي .. حتروحوا من ربنا فين ..
وبرضه منفعش ..
ورجعت لعم ابو خلف اكمل شغلي عنده ..
وفي يوم من الايام اتصلت على الجماعة بالبلد و قلتلهم ع اللي صار من طقطق لسلامو عليكو ..
فقال لي متولي ابودراع بلدياتي ومن قرايبي ومن سلالة ال هريدي .. انت معرفتش باللي صار ..
قلت : لاع ..
قال : مش احنا طلع جدنا الثالث عشر من اصل لبناني ...!!!
واسمه ايهاب السريري .. واتجوز من مصر وسكن فيها وخلف جدنا هريدي الثاني عشر ..
قلت : انت بتتكلم جد ياجدع ..
وحلف بالله ان الكلام ده صحيح وانهم حصلوا وثيقة بالكلام ده ..
قلت لنفسي .. ايوا ياواد ياهريدي والله وطلعت لبناني ..
امال .. وانا بشوف النسوان بيموتوا في دباديبي . واقول ليه ... اتاري كل ده من الدم اللبناني ..
ربنا يرحمك ياجدي التالت عشر اللبناني ..
وطلبت صورة من الوثيقة ورحت لمكتب العمل وقدمت شكوى باسمي الجديد .. وحطيت معاها صورة من الوثيقة ..

هريدي ابن ايهاب السريري اللبناني ولد العمدة ..
يتقدم اليكم يامعالي مدير مكتب العمل والعمال بالشكوى هذه ويطالبكم بانصافه من كفيله الذي لم يعطه رواتبه حتى الان .. ونصب عليه واحتال .. وعمل فيه عمايل سودا ومتلتلة .. الخ ..

وما كملش يوم ونص الا ومستغرب بيه مشرف في التخشيبة .. وحيجيب فلوسي على داير مليم ..

وهنا هريدي ابن ايهاب السريري اللبناني الاصل ولد العمدة بيحذر اي شخص من التعاون او التعاطف مع اللي ميتسماش مستغرب ولا حيشوف حاجة مش حلوة ..

وهيك الشغل ولا بلاش ..

مستغرب
01-03-05, 10:15 PM
وهنا هريدي ابن ايهاب السريري اللبناني الاصل ولد العمدة بيحذر اي شخص من التعاون او التعاطف مع اللي ميتسماش مستغرب ولا حيشوف حاجة مش حلوة ..

وهيك الشغل ولا بلاش ..

اوريك يالمتهريد

يا فطحني وانت قنبي

بوصلة احساس
01-03-05, 10:19 PM
ياعيني ياعيني
ياهريدي باشا
طلعت لبناني ؟؟
نفسي اسئلك سؤال لكن خايفين تفهمنا غلط ؟؟

اسئل او مااسئل ؟؟

:)

.......

مستر هريدي
01-03-05, 10:22 PM
اوريك يالمتهريد

يا فطحني وانت قنبي


عاوز فلوسي يامجرم ...
فين الفلوس ولا حقول انك اعتديت على كرامة الشعب اللبناني العريق ..

مستنزرك ..

مستر هريدي
01-03-05, 10:26 PM
ياعيني ياعيني
ياهريدي باشا
طلعت لبناني ؟؟
نفسي اسئلك سؤال لكن خايفين تفهمنا غلط ؟؟

اسئل او مااسئل ؟؟

:)

.......

ماتخفيش يااختي بوصلة ..
قولي ولايهمك .. بس انا احزرك ..
كلام كدا ولاكدا .. ممكن توجه ليكي تهمة المس بكرامة الشعب اللبناني العريق .
وانت عرفة دحنا اللبنانيين نوعية فاخرة والدول الخليجية بتهتم بامرنا واي ..

بس اقولك .. قولي ولايهمك ..

مستغرب
01-03-05, 10:35 PM
عاوز فلوسي يامجرم ...
فين الفلوس ولا حقول انك اعتديت على كرامة الشعب اللبناني العريق ..

مستنزرك ..

هريدي يا بعد تسبدي كلش ولا الشعب اللبناني
هذا عندنا تدري أن فيه سجن أبدي

بوصلة احساس
01-03-05, 10:42 PM
احم احم

<<<<<<< ( وجه محمر )

هريدي باشا

لامؤخزه هو انت متجوز لا سمح الله

<<<<<<<< (e)


:) :) :)

..........

مستر هريدي
01-03-05, 11:06 PM
هريدي يا بعد تسبدي كلش ولا الشعب اللبناني
هذا عندنا تدري أن فيه سجن أبدي

يعني دلوقتي بس صرت بعد سبدك ..
الله يرحم ايام ماكنت تشخط بيا على الرايحة والجاية ...

الحقووووووووووووووووووني ..
شو هيدا ..
والله ماني مصدق انكم هيك بتعلموا يالسعوديين .. بحبايبكم اللبنانيين .. يالله .. شو بيصير ..

هذا مقطع من اللي راح اعمله يامستغرب باشا ان ماقبتش فلوسي على داير مليم ..
وبالعملة الصعبة ..

وبالين الالماني ... او الدولار الياباني .. ومش حقبل بغير العملتين دول

والله وانفتحت لك طاقة القدر ياهريدي ابن ام هريدي ..

مستر هريدي
01-03-05, 11:09 PM
احم احم

<<<<<<< ( وجه محمر )

هريدي باشا

لامؤخزه هو انت متجوز لا سمح الله

<<<<<<<< (e)


:) :) :)

..........


الحمدللللللللللللللللللللللللللللللللللللللللللللل لللللللللللللللللللللللللللللللللللللللله ..
ايو متجوز ..
وربنا يخلي لي ام العيال ..

صانع الأمجاد
02-03-05, 12:34 AM
يسلمو يا هريدي على هل موضوع لا وآلله بياخذ العقل
صانـ العرق دساس ـع الأمجاد

العاذريه
02-03-05, 01:15 AM
<<<

ابووووك ياللبناني

وانا اقول بوهتك مهب غريبتن علي

تكفى يامعلم احتس لبناني خل المنتدى يجيه انتفاضه

وانت يا مستغرب هنك <<<--(تُقال للتهديد) تعاند هريدي ولا تغثه

وترانا معك انا وباقي فرح والبت شفايف والبت جالكسي

<<<

هذولي عصابة العاذريه...

البنش
02-03-05, 06:34 AM
حرام عليك يا مستغرب .. تشغل واحد لبناني أصيل مثل هريدي بنشري

وحرام على ابو خلف بعد .. يشغل هريدي هيدا اللبنايني بتاع معيز

ما ارضاها لك يا هريدي .. غير وظيفتك عند أبو خلف .. واشتغل في التسويق وخش على الناس المسؤولة

خلاص يا هريدي دام هذا العرق فيك .. مستغرب اليوم حيجيب لك فلوسك


البنش : عرقك هذا خطير

مستر هريدي
02-03-05, 10:50 AM
يسلمو يا هريدي على هل موضوع لا وآلله بياخذ العقل
صانـ العرق دساس ـع الأمجاد


تسلم دياتك ياصانع الامجاد ..
والله طلالتك حلوة كتير .. تئبرني .. << هذا اذا عرفت مكاني ..

لك صادق الود والمحبة من اخوك ولد العمدة هريدي بن ايهاب اللبناني ...

مستر هريدي
02-03-05, 11:00 AM
<<<



تكفى يامعلم احتس لبناني خل المنتدى يجيه انتفاضه

وانت يا مستغرب هنك <<<--(تُقال للتهديد) تعاند هريدي ولا تغثه

وترانا معك انا وباقي فرح والبت شفايف والبت جالكسي

<<<

هذولي عصابة العاذريه...

مليون وتلت مية مرحبا بيك يامعلمة .. بتاعة العصابات ..

ومش ححكي لبناني ولامؤخذة دلوقتي .. انت عاوزة الناس هنا تخاف على طول ..
مايصحش كدا .. هما لما يعرفوا اني لبناني حتسيب ركبهم ويخافوا .. امال .. دنا ولد العمدة وفوق كدا طلعت لبناني ..
يعني اعدام على طول ..
علشان كدا افضل اني اتكلم مصري ولا نجيب مشكلة للمنتدى وللاعضاء .. ويجي مجلس الامن ويصدر قرار رقم 5555 بشأن الاعتداء على حريات المستر هريدي ابن ايهاب السريري اللبناني ..
عرفتي بأ ليه انا مابديش احكي لبناني ..

وبالنسبة للستات اللي معاكي في التنظيم .. انا يشرفني ان اكون تحت حمايتهم .. وربنا يديكم العافية ..

شبيـه الريـح
02-03-05, 11:03 AM
يااااااااااااااااه

بس ما تركب لبناني وشنبات:cl::cl:
<<<<<<<<<<<<<<<<<<<<<<<<بتتصفق لامحاله

الشنفرة
02-03-05, 11:24 AM
ما دام انك لبناني
انا معاك قلبا وقلابا
انت بس اشر وما عليك

مستغرب
02-03-05, 11:35 AM
هريدي تراني جهزت رواتبك على داير مليم

تعال خذهم وفوقهم بوسه على طرف شنبك

مستر هريدي
02-03-05, 11:40 AM
حرام عليك يا مستغرب .. تشغل واحد لبناني أصيل مثل هريدي بنشري

وحرام على ابو خلف بعد .. يشغل هريدي هيدا اللبنايني بتاع معيز

ما ارضاها لك يا هريدي .. غير وظيفتك عند أبو خلف .. واشتغل في التسويق وخش على الناس المسؤولة

خلاص يا هريدي دام هذا العرق فيك .. مستغرب اليوم حيجيب لك فلوسك


البنش : عرقك هذا خطير


شفت يابنش باشا ..
دول ناس ماتقيش الا بالعين الحمراء ..
طب تصدق .
ابو خلف الراجل العجوز لما قلتله على الخبر ده .
هوب وقام من مكانه وقعد يصبلي شاي ويرحب فيني .. وحلف انه يذبح لي ذبيحة . مع انني بحبه اوي .

وبالنسبة للوظيفة ان حفكر اشتغل ايه واقولك ..

تئبرني حبيب البي ..

خالد البديوي
02-03-05, 11:53 AM
هههههه حلوه يامعلم .................... ومـــــــات؟؟؟؟؟

مستر هريدي
02-03-05, 04:08 PM
يااااااااااااااااه

بس ما تركب لبناني وشنبات:cl::cl:
<<<<<<<<<<<<<<<<<<<<<<<<بتتصفق لامحاله


ليه ماتركبش .. ياخوي ..
طب دحنا اللبنانيين الفين وخمسة .. يعني موضة السنة دي ..
بس ماشوفش الشباب بكرة مربين الشوارب ويلقدوني .. دنا ازعل بأ ..

مستر هريدي
02-03-05, 04:10 PM
ما دام انك لبناني
انا معاك قلبا وقلابا
انت بس اشر وما عليك


مراحب بيك يامعلم شنفرة .. راعي سنيفيير ..
يعني دلوقتي الجماعة كلهم جتهم حنية لحالي .. اه منكم يابشر ..
بس موافق على انضمامكم لركبنا المبارك ..

مستر هريدي
02-03-05, 04:14 PM
هريدي تراني جهزت رواتبك على داير مليم

تعال خذهم وفوقهم بوسه على طرف شنبك

ياسلام على المجدعة والحنية ,,
يعني دلوقتي عرفت حقوق الخلق يامفتري ياظلالي ...
فلوسي جبتهم بالعملة الصعبة ياواد يامستغرب ولا ايه .. انا ماقبضش الا بالين الالماني ..
لاني مابحبش الامريكان وعملتهم ..
وبوسة شنباتي حتبوسها امام كمرات التلفزيون .. والصحافة ..
ايوا انا عاوز الناس كلها تشوفك وانت بتعتذر لمستر هريدي ابن ايهاب السريري اللبناني ..
انت سامع ولا اغير كلامي واخليك تئعد بالتخشيبة يامفتري ..

مستر هريدي
02-03-05, 04:17 PM
هههههه حلوه يامعلم .................... ومـــــــات؟؟؟؟؟

مليون وتلميت مرحبا على طلتك الحلوة ياسيد الكل ياخالد يابن ام خالد ..
شفت ازاي الخلق دول عرفوا قيمتي ..
يوم ماكنت مصري وصعيدي وانا اكلها على قفاي ..ولما دلوقتي عرفوا اني من اصول لبنانية صاروا حنينين اوي ..
والله عالم ....

Deema
02-03-05, 04:26 PM
مااااشاء الله عليك طلعت لبناني يا هريدي مبروك ونعم ونعم بيك

مستغرب
02-03-05, 06:16 PM
لا إله الا الله ظهر الحق يا قدعان



السيد الجليل مستغرب المستغرباوي .. من السعودية ..
السلام عليكم ورحمة الله وبركاته .. وتحية طيبة ..
اشارة لبرقيتكم المرفوعة بتاريخ 20/1/1426هـ بشأن طلبكم التاكد من صورة الوثيقة التي تقدم بها مكفولكم هريدي ابن هريدي ولد العمدة من كفر المعيز .. ويدعي فيها انه من ثبت ان جده الثالث عشر ايهاب السريري هو من اصل لبناني ..
عليه نفيدكم اننا بعد رجوعنا للجهات المعنية ثبت لنا صحة هذه الوثيقة ..
ولكننا نؤكد على امر نرى انه فيه لبس ..
وهو ان المدعو ايهاب السريري كان من اصل سوداني ومن مدينة ام درمان بالتحديد . وكان اهل البلد يلقبونه باللبناني لان بشرته فاتحة قليلاً واشتهر بهذا اللقب بين قومه اللبنانيين ..
وعندما رحل الى مصر اقام بها وتزوج هناك وانجب ذرية وكان مشهوراً بلقب ايهاب السريري اللبناني .. ولكنه ليس لبناني بل هو سوداني الاصل والمنشأ .. ومن ام درمان ..
لذا نامل بعد الاطلاع الاحاطة .. وتقبلوا تحياتنا ..
الملحق الثقافي بسفارة جمهورية مصر العربية ...

ابوهاجر العجمي
02-03-05, 09:55 PM
الله يعطيك العافيه

مستر هريدي
02-03-05, 10:04 PM
مااااشاء الله عليك طلعت لبناني يا هريدي مبروك ونعم ونعم بيك


نحمده ياختي ديما ..
انا كنت عارف اني مش حاجة سهلة . واتريني طلعت لبناني .. يالله على هيك مفأجات بتجنن ..

مستر هريدي
02-03-05, 10:09 PM
لا إله الا الله ظهر الحق يا قدعان






نور عنيا مستغرب .. والله دنا كنت اقول لمدير الشرطة اللي حبسك بالتخشيبة دا مستغرب راجل جدع ومايستاهلش ..
صحيح هو حرامي ونصاب .. ولهف فلوسي بس برضه انا بحبه ..
ماتجيب الفلوس بأ علشان اروح .. وسيبك من كلام السفارة ..



ربنا يخرب بيتك يامتولي ابودراع ..
وديتني في ستين داهية ..
طب وحياة شنباتي دا كنت حاسس اني مش لبناني ..
هو من شاف وشي يقول لبناني ..
والله وطلعت الحقيقة .. اتاري جدي الثالث عشر من ام درمان ..

حسبنا الله ونعم الوكيل ..

صانع الأمجاد
03-03-05, 06:45 AM
نور عنيا مستغرب .. والله دنا كنت اقول لمدير الشرطة اللي حبسك بالتخشيبة دا مستغرب راجل جدع ومايستاهلش ..
صحيح هو حرامي ونصاب .. ولهف فلوسي بس برضه انا بحبه ..
ماتجيب الفلوس بأ علشان اروح .. وسيبك من كلام السفارة ..



ربنا يخرب بيتك يامتولي ابودراع ..
وديتني في ستين داهية ..
طب وحياة شنباتي دا كنت حاسس اني مش لبناني ..
هو من شاف وشي يقول لبناني ..
والله وطلعت الحقيقة .. اتاري جدي الثالث عشر من ام درمان ..

حسبنا الله ونعم الوكيل ..

هو إيه اللي بتعملوا يا واد يا هريدي يابن أم درمان>>>هههههههههه
كفايه هزار ولعب عيال قلت صعيد وقلنالك ونعم، قلت لبناني قلنالك العرق دساس لكن تطلع سوداني........!!!!!!!!!
مهما يكون يا عمي انشاء الله هندي المهم تتكلم عربي عشان نستانس بكلامك
اليومين دي الواحد بالصبح لبناني وبالليل ينفضح ويطلع درماني>>>خخخخخخخخخخخخ
وإيه اللي حصل المهم ترجعلك حقوقك من المفتري ده اللي اسمه مستغرب.. إلّا قولي يا درماني هو مستغرب سعودي بجد ولا بكرة يطلع لنا موريتاني ولا حاجة زي كدا

صانـ ستبدي لك الأيام ما كنت جاهلاً ويأتيك بالأخبار من سمي مستغرباً ـع الأمجاد

مستر هريدي
03-03-05, 01:40 PM
الله يعطيك العافيه


ربنا يعلي مراتبك ياسعادة الباشا ..
ابو هاجر .. تكفى ...قل تم ..
انت شكلك انسان محرتم اوي وبتاع ربنا ..
لاتروح وتسيبني مع الوحش دا اللي اسمه مستغرب .. ربنا يكرمك .
انصر اخاك المظلوم ..
عاوز فلوسي وبس .. وعاوز اروح لاهلي في كفر المعيز ..
تكفى يابو هاجر .. الفزعة .

مستر هريدي
03-03-05, 01:50 PM
هو إيه اللي بتعملوا يا واد يا هريدي يابن أم درمان>>>هههههههههه
كفايه هزار ولعب عيال قلت صعيد وقلنالك ونعم، قلت لبناني قلنالك العرق دساس لكن تطلع سوداني........!!!!!!!!!
مهما يكون يا عمي انشاء الله هندي المهم تتكلم عربي عشان نستانس بكلامك
اليومين دي الواحد بالصبح لبناني وبالليل ينفضح ويطلع درماني>>>خخخخخخخخخخخخ
وإيه اللي حصل المهم ترجعلك حقوقك من المفتري ده اللي اسمه مستغرب.. إلّا قولي يا درماني هو مستغرب سعودي بجد ولا بكرة يطلع لنا موريتاني ولا حاجة زي كدا

صانـ ستبدي لك الأيام ما كنت جاهلاً ويأتيك بالأخبار من سمي مستغرباً ـع الأمجاد

والله دنا مظلوم ياسعادة البيه ..
وحياة شنباتي انا مش عارف انا مين ..
مسلم وعربي .. والحمدلله رب العالمين .. وربنا يديم المعروف بين الناس .
ومن كم يوم طلعت لبناني وبعدين سوداني وكنت الاول صعيدي مصري .. << انت مش ملاحظ انها كلها بتنتهي بحرف الياء .. سعودي صعيدي . هندي .. باكستاني .. يعني كله محصل بعضه ..
بس ياخراشي لما صرت لبناني صارت لي قيمة وانسان محترم اوي .. .. حاجة ماحصلتش ..
لكن حسبنا الله على مين كان السبب ..

طب وربنا دانتا حاجة ماحصلتش ياسعادة الباشا ..
ربنا يعلي مراتبك ويديك الصحة ..

ولامؤخذة ياباشا ..
معاك سلف خمسة جنيه .. حاكم اخوك رايح فيها ..

صانع الأمجاد
04-03-05, 05:15 PM
ولامؤخذة ياباشا ..
معاك سلف خمسة جنيه .. حاكم اخوك رايح فيها ..





أخاطبك كصعيدي: روح يابني الله يعطينا ويعطيك أنا مش آدر أصرف على نفسي وولادي الأول.
كلبناني: أنت تؤمر يا بيه أديك 100 جنيه لو بدك كم هريدي عندنا في الدنيا >>ولو
كسوداني: أقول روح لأناديلك مكافحة التسول

صانـ يعشق هريدي اللبناني ـع الأمجاد

مستغرب
04-03-05, 08:46 PM
نور عنيا مستغرب .. والله دنا كنت اقول لمدير الشرطة اللي حبسك بالتخشيبة دا مستغرب راجل جدع ومايستاهلش ..
صحيح هو حرامي ونصاب .. ولهف فلوسي بس برضه انا بحبه ..
ماتجيب الفلوس بأ علشان اروح .. وسيبك من كلام السفارة ..
ربنا يخرب بيتك يامتولي ابودراع ..
وديتني في ستين داهية ..
طب وحياة شنباتي دا كنت حاسس اني مش لبناني ..
هو من شاف وشي يقول لبناني ..
والله وطلعت الحقيقة .. اتاري جدي الثالث عشر من ام درمان ..
حسبنا الله ونعم الوكيل ..

طيب والله لو امسكك لأقطعن إذانك من الخلف

مستر هريدي
04-03-05, 10:21 PM
كلبناني: أنت تؤمر يا بيه أديك 100 جنيه لو بدك كم هريدي عندنا في الدنيا >>ولو




روح ياشيخ ربنا يجعلك في كل خطوة سلامة ..
وياسلام على حديثك لي باللبناني .. هو دا اللي احنا عاوزينه . سيب الصعيدي والسوداني دول مش وش نعمة .
اديلك رقم الحساب علشان تحول الفلوس .. ولا ايه ..
هريدي مستنزرك على احر من الجمر ...

مستر هريدي
05-03-05, 08:57 AM
طيب والله لو امسكك لأقطعن إذانك من الخلف


اهي .. طب دانا والله مش مصئدا ان الكلام ده يجي منك ياعم مستغرب يانور عنيا ..
اكيد انت بتهزر .. هع هع هع ... والله حلوة منك النكتة دي ..
طب فين الفلوس ...


هريدي ,,,,,,,,,,,,,,,,,,,,,,,,,,,,,,,, بيموت في دباديب مستغرب

صانع الأمجاد
05-03-05, 11:14 AM
روح ياشيخ ربنا يجعلك في كل خطوة سلامة ..
وياسلام على حديثك لي باللبناني .. هو دا اللي احنا عاوزينه . سيب الصعيدي والسوداني دول مش وش نعمة .
اديلك رقم الحساب علشان تحول الفلوس .. ولا ايه ..
هريدي مستنزرك على احر من الجمر ...

طيب يا وش النعمة أنت يا واد يا هريدي والله وطلعت لبناني محترم بعد ما كنت .....!!!

المهم راسلني عبر البريد الخاص عشان ابعت لك الفلوس مش حلو كدا قدام الناس لحسن أنا بحب الإخلاص
وما بدي أقولك قدام الناس أني حأبعتلك بدل الـ100 حابعت لك 200 وشويت لزوم وأغراض
عشان كذا راسلني على البريد عشان محدش يعرف
يا حشاشة قلبي يا هريدي اللبناني فقط

صانـ لا للرياء ـع الأمجاد

مستر هريدي
06-03-05, 07:43 PM
طيب يا وش النعمة أنت يا واد يا هريدي والله وطلعت لبناني محترم بعد ما كنت .....!!!

المهم راسلني عبر البريد الخاص عشان ابعت لك الفلوس مش حلو كدا قدام الناس لحسن أنا بحب الإخلاص
وما بدي أقولك قدام الناس أني حأبعتلك بدل الـ100 حابعت لك 200 وشويت لزوم وأغراض
عشان كذا راسلني على البريد عشان محدش يعرف
يا حشاشة قلبي يا هريدي اللبناني فقط

صانـ لا للرياء ـع الأمجاد


طب ماشي حجيلك انا كلي على الخاص ولايمهمك ..
مسافة السكة واكون عندك ...

متشنكرين على العزومة دي ..