المساعد الشخصي الرقمي

مشاهدة النسخة كاملة : حلم جعل السحالي يذوقونه!!!


ملح وقملة
26-02-05, 05:13 PM
مساء الخير جميعاً ،،،،، السالفة ذي حصلت في العصور الوسطى (( لاتصدقون وين فراعنه ؟ )) !!!
المهم مرة من المرات كنت أنا وخويي أبو داحم نتمشى بشوارع الرياض (( صياعه كالعاده )) ،، ويوم طرت على دحيم يوم قالي تراي جايع يارايح فيها (( أسفط )) عند أقرب مطعم نتعشا ،،،، قلت يالله ،،، واوقف عند حدى هالمطاعم المشهورة بالتخصصي (( منيب قايل اسمه لأن الدعاية ماهي ببلاش )) ،، المهم دخلنا المطعم وطلبت أنا أكل عصفور زي عادتي منيب آكل مسيكين ( وطلب دحيم أكل جماعة زي عادته ،، المهم كلينا لين شبعنا وحاسبت (( أيه ياالكاش )) وجينا بنمشي ،،،، يوم تونا بالسيارة يوم قال دحيم : يااخوي أحس اني جايع !!!!! وجع تونا طالعين من المطعم وماكل حق سنة زي العادة وش فيه ذا ؟
قلات يا دحيم مزحك صاير واجد ذاالايام ،،،، قال لا منيب امزح اقول لك جايع من جد ،، قلت طيب اجلس هالحين زين ونتفاهم ،، قال وش فيها جلستي ؟ قلت له شف راسك طاق بتندة السيارة أرخ جسمك زي العادة وريح ،، قال جلستي عادية بس اني حاس ان فيني شي غريب ،،،، شوي الا بدا جسمه يكبر زياده ،، وأوقف في حدا الشوارع الصاده لحد يشوف ذا الكبير وانزله لأنه لو جلس ثواني مهوب نازل من السيارة الا بالدفاع المدني لازم يقصونها !
المهم نزل من السيارة وبدا يكبر زود بمعدل سم كل ثانية ،،، قلت لازم نلحق على وضعك يادحيم حالتك ذي غريبه ،،، وهالحين لا تروح للبيت لين نشوف لك حل ،،، قال طيب ،، وأطلع على الشارع العام وأدور أحد يشيله معي سيارتي ماعاد تقد له ،،، وأطيح في ذاك اللوري (( مهوب المدرب المخيس )) ذاك اللوري المطربل قلت بس هذا الدوا ولا من شاف ولا من دري ،،، واقول لسواق اللوري القصة يوم انهبل ،،، وقال لي / حاسعدكم بس تدفع كم ؟ هذا والله النشبه كل قروشي تعشا بها دحيم ،،، قمت ورهنت بطاقتي (( زي العادة )) ،، وشلنا دحيم في الصندوق حق اللوري وغطيناه زين ودزينا به للبر ،،، يوم وصلنا للبر الا دحيم حتى اللوري ماعاد يكفيه ،،، قمنا ونزلناه (( بالعافيه )) وحطيناه في حدا هالبران الوسيعة لين نلقا له حل ،،، رجعت مع المصري وعطيته قروشه وخذيت بطاقتي ورجعت لدحيم ثانية ولقيته وقف على حجمه ماعاد كبر ،،، بس وقف على حجم يروع بصراحه لدرجة اني اناديه ما يسمعني (( وهو دلخ خلقه )) يعني دايم مايسمع احد ،،، قلت له أبروح أجيب الدكتور ابورافع وهو دكتور متخصص في كل شي وزمين انه يرجعك لحجمك الطبيعي ،،، قال خلاص ،،، رحت انا ودحيم توسد له جبل ونام شوي ،،، لقيت الدكتور ابورافع في المختبر حقه وقلت له السالفه ،،، قام يحك صلعته وقال لي : عذي حالة غريبة بس ما فيه حالة عندي الا لها علاج ،،، المهم خذا عدته ورحنا للمزاحمية حيث يرقد دحيم على الجبل الأبيض ،،، قال الدكتور ابورافع ابي افحص دماغه ،، طلعت المقرفون من السيارة وقلت دحييييم أرفع الدكتور جنب راسك خله يفحصك ،،، قام ذا المتنح (( مع الاعتذار للأغنية )) وقال الا انا انسدح وهو يفحصني أحسن ،،، قلت وين طلعت ذا الافكار منه ولو مخه كبر شوي ،،، يوم انسدح وفحصه الدكتور قال لي ابورافع / مش حخبي عليك يا استاز رايح فيها الحاله دي غريبه ولازم نفحص الدماغ من قوه ،،،، قلت يالله يادكتور افحصه ،،، قال وانا مقنون ادخل قوه دنا خايف ادخل معرفش اطلع تاني ،،،، قلت يعني وش السواة ؟ قال أدخل انت داخل وابعطيك جهاز لا سلكي أوجهك وين تروح وش تسوي ،،،، قلت ياولد مخاطرة بس لعيون الدحيم عادي هماني صديقه ؟ قام الدكتور ابورافع وطلع لبس خاص لمثل هذي الحالات ولبسته وعطاتي اللاسلكي وسريت ،،، وخدرنا دحيم منعاً للحركة ،،، ودورت طريق لمخه وقلت اقرب طريق هو اذنه ،، توني مسمي بالله وداخل الا ألقى ذاك الطبل الكبير ،،، أثرها طبلت اذن دحيم ،،، وتوني امشي ادور طريق المخ الا جرفني سيل أثري طحت في حدى الشرايين ،، وما ردني الا البنكرياس ،،، والله يوم اني ضيعت قلت مالي الا اسأل ،، والقا واحد احمر أبيض شكله غريب وقال لي وين وين وين ؟ وين رايح ان شاء الله ؟ قلت ليش تسأل ؟
قال لي : ومن بغى دخل وبس ،،،، وبدين من انت ؟ قلت له القصه كاملة وعرفته بنفسي ،، قال لي والنعم ،،، قلت له ما عليك زود ،،، قلت من انت ؟ قال انا حدى كريات الدم البيضاء واحسبك جرثومه (( طرح وجهي )) ،،، ثم قال لي : أمسك ذا الخط السريع (( ميد مجرى الدم )) وبيوصلك على البطين الايمن ،،، وبعدين اكسر يمين وتلقا المكان اللي تبي ،،، قلت طيب ما يردني أحد ؟ قال : لا اببلغ واخليهم يفتحون الخط لك (( صار ضابط )) ،،، مسكت الخط اللي قال لي ومع البطين على الأذين ما دريت الا انا عند مخ دحيم ،،،، لين مخه مقفل بقوه ،،،،،وأكلم الدكتور ابورافع باللاسلكي وأقول له اني وصلت هالحين وين اروح ؟ وصف لي الطريق للغدة النخامية المسئولة عن النمو ،،، يوم وصلت لها الا هناك بعض الاشكال الغريبه ومدري وش يسوون ،،، وأثرهم يولفون قطع على غدة دحيم وحاطين الضعيف تجارب ،،، قلت وش السواة ؟ ابورافع مهوب قاوي ذولي ،،،، وانا اللي ارجع لطريقي الأول وأعلم خوينا الكورة البيضاء بكل السالفه ،،، صاروا هكرز الجسم ،،، ويجيب معاه كم فرقه ويداهمون الموقع ويصيدونهم ،،،، قام وتشكرني وقال هذولا منحاشين من زمان من سجن الامعاء الغليظة ،،، ولازم نتشكرك عشانك ساعدتنا في صيدهم ،،، قلت عادي وتراي فازع مع دحيم (( صح التعبير )) … بس هالحن لازم ترجعون دحيم زي أول ،،،، قال هالحين خلال دقيقتي كل شي تماما ،، وأقوم واحط رجلي قبل يصغر دحيم وانا داخله وأدور أقرب مخرج ما لقيت الا خشمه وأنتق معه بسرعه يوم رجع طبيعي على طول ،،،، وأبارك له رجوعه بالسلامه الى دحيم منول ،،، وأركبه السياره (( صارت تكفي )) ونرجع للرياض انا وهو وابورافع اللي حطيناه في مستودعه … آسف في عيادته ،،،، وندز للحارة يوم تونا بنوصل يوم قال دحيم / جايع !!!!
قلت هذا والله النشبه ابحطك ببيتكم وكل براحتك ،، قال لا نبي المطعم ،، قلت لا كل ببيتكم وتوه يفر الطاره يبي جهة المطعم الا ذيك الصمخة الجامدة اللي حسيت بها في بطني ،،، لينه ابوي يقول : قم والا ناوي تغيب زي العادة ؟
قلت في نفسي أي أغيب زين انك قومتني وقطعت ذا الحلم اللي يروع !

ملح وقملة
26-02-05, 05:13 PM
مساء الخير جميعاً ،،،،، السالفة ذي حصلت في العصور الوسطى (( لاتصدقون وين فراعنه ؟ )) !!!
المهم مرة من المرات كنت أنا وخويي أبو داحم نتمشى بشوارع الرياض (( صياعه كالعاده )) ،، ويوم طرت على دحيم يوم قالي تراي جايع يارايح فيها (( أسفط )) عند أقرب مطعم نتعشا ،،،، قلت يالله ،،، واوقف عند حدى هالمطاعم المشهورة بالتخصصي (( منيب قايل اسمه لأن الدعاية ماهي ببلاش )) ،، المهم دخلنا المطعم وطلبت أنا أكل عصفور زي عادتي منيب آكل مسيكين ( وطلب دحيم أكل جماعة زي عادته ،، المهم كلينا لين شبعنا وحاسبت (( أيه ياالكاش )) وجينا بنمشي ،،،، يوم تونا بالسيارة يوم قال دحيم : يااخوي أحس اني جايع !!!!! وجع تونا طالعين من المطعم وماكل حق سنة زي العادة وش فيه ذا ؟
قلات يا دحيم مزحك صاير واجد ذاالايام ،،،، قال لا منيب امزح اقول لك جايع من جد ،، قلت طيب اجلس هالحين زين ونتفاهم ،، قال وش فيها جلستي ؟ قلت له شف راسك طاق بتندة السيارة أرخ جسمك زي العادة وريح ،، قال جلستي عادية بس اني حاس ان فيني شي غريب ،،،، شوي الا بدا جسمه يكبر زياده ،، وأوقف في حدا الشوارع الصاده لحد يشوف ذا الكبير وانزله لأنه لو جلس ثواني مهوب نازل من السيارة الا بالدفاع المدني لازم يقصونها !
المهم نزل من السيارة وبدا يكبر زود بمعدل سم كل ثانية ،،، قلت لازم نلحق على وضعك يادحيم حالتك ذي غريبه ،،، وهالحين لا تروح للبيت لين نشوف لك حل ،،، قال طيب ،، وأطلع على الشارع العام وأدور أحد يشيله معي سيارتي ماعاد تقد له ،،، وأطيح في ذاك اللوري (( مهوب المدرب المخيس )) ذاك اللوري المطربل قلت بس هذا الدوا ولا من شاف ولا من دري ،،، واقول لسواق اللوري القصة يوم انهبل ،،، وقال لي / حاسعدكم بس تدفع كم ؟ هذا والله النشبه كل قروشي تعشا بها دحيم ،،، قمت ورهنت بطاقتي (( زي العادة )) ،، وشلنا دحيم في الصندوق حق اللوري وغطيناه زين ودزينا به للبر ،،، يوم وصلنا للبر الا دحيم حتى اللوري ماعاد يكفيه ،،، قمنا ونزلناه (( بالعافيه )) وحطيناه في حدا هالبران الوسيعة لين نلقا له حل ،،، رجعت مع المصري وعطيته قروشه وخذيت بطاقتي ورجعت لدحيم ثانية ولقيته وقف على حجمه ماعاد كبر ،،، بس وقف على حجم يروع بصراحه لدرجة اني اناديه ما يسمعني (( وهو دلخ خلقه )) يعني دايم مايسمع احد ،،، قلت له أبروح أجيب الدكتور ابورافع وهو دكتور متخصص في كل شي وزمين انه يرجعك لحجمك الطبيعي ،،، قال خلاص ،،، رحت انا ودحيم توسد له جبل ونام شوي ،،، لقيت الدكتور ابورافع في المختبر حقه وقلت له السالفه ،،، قام يحك صلعته وقال لي : عذي حالة غريبة بس ما فيه حالة عندي الا لها علاج ،،، المهم خذا عدته ورحنا للمزاحمية حيث يرقد دحيم على الجبل الأبيض ،،، قال الدكتور ابورافع ابي افحص دماغه ،، طلعت المقرفون من السيارة وقلت دحييييم أرفع الدكتور جنب راسك خله يفحصك ،،، قام ذا المتنح (( مع الاعتذار للأغنية )) وقال الا انا انسدح وهو يفحصني أحسن ،،، قلت وين طلعت ذا الافكار منه ولو مخه كبر شوي ،،، يوم انسدح وفحصه الدكتور قال لي ابورافع / مش حخبي عليك يا استاز رايح فيها الحاله دي غريبه ولازم نفحص الدماغ من قوه ،،،، قلت يالله يادكتور افحصه ،،، قال وانا مقنون ادخل قوه دنا خايف ادخل معرفش اطلع تاني ،،،، قلت يعني وش السواة ؟ قال أدخل انت داخل وابعطيك جهاز لا سلكي أوجهك وين تروح وش تسوي ،،،، قلت ياولد مخاطرة بس لعيون الدحيم عادي هماني صديقه ؟ قام الدكتور ابورافع وطلع لبس خاص لمثل هذي الحالات ولبسته وعطاتي اللاسلكي وسريت ،،، وخدرنا دحيم منعاً للحركة ،،، ودورت طريق لمخه وقلت اقرب طريق هو اذنه ،، توني مسمي بالله وداخل الا ألقى ذاك الطبل الكبير ،،، أثرها طبلت اذن دحيم ،،، وتوني امشي ادور طريق المخ الا جرفني سيل أثري طحت في حدى الشرايين ،، وما ردني الا البنكرياس ،،، والله يوم اني ضيعت قلت مالي الا اسأل ،، والقا واحد احمر أبيض شكله غريب وقال لي وين وين وين ؟ وين رايح ان شاء الله ؟ قلت ليش تسأل ؟
قال لي : ومن بغى دخل وبس ،،،، وبدين من انت ؟ قلت له القصه كاملة وعرفته بنفسي ،، قال لي والنعم ،،، قلت له ما عليك زود ،،، قلت من انت ؟ قال انا حدى كريات الدم البيضاء واحسبك جرثومه (( طرح وجهي )) ،،، ثم قال لي : أمسك ذا الخط السريع (( ميد مجرى الدم )) وبيوصلك على البطين الايمن ،،، وبعدين اكسر يمين وتلقا المكان اللي تبي ،،، قلت طيب ما يردني أحد ؟ قال : لا اببلغ واخليهم يفتحون الخط لك (( صار ضابط )) ،،، مسكت الخط اللي قال لي ومع البطين على الأذين ما دريت الا انا عند مخ دحيم ،،،، لين مخه مقفل بقوه ،،،،،وأكلم الدكتور ابورافع باللاسلكي وأقول له اني وصلت هالحين وين اروح ؟ وصف لي الطريق للغدة النخامية المسئولة عن النمو ،،، يوم وصلت لها الا هناك بعض الاشكال الغريبه ومدري وش يسوون ،،، وأثرهم يولفون قطع على غدة دحيم وحاطين الضعيف تجارب ،،، قلت وش السواة ؟ ابورافع مهوب قاوي ذولي ،،،، وانا اللي ارجع لطريقي الأول وأعلم خوينا الكورة البيضاء بكل السالفه ،،، صاروا هكرز الجسم ،،، ويجيب معاه كم فرقه ويداهمون الموقع ويصيدونهم ،،،، قام وتشكرني وقال هذولا منحاشين من زمان من سجن الامعاء الغليظة ،،، ولازم نتشكرك عشانك ساعدتنا في صيدهم ،،، قلت عادي وتراي فازع مع دحيم (( صح التعبير )) … بس هالحن لازم ترجعون دحيم زي أول ،،،، قال هالحين خلال دقيقتي كل شي تماما ،، وأقوم واحط رجلي قبل يصغر دحيم وانا داخله وأدور أقرب مخرج ما لقيت الا خشمه وأنتق معه بسرعه يوم رجع طبيعي على طول ،،،، وأبارك له رجوعه بالسلامه الى دحيم منول ،،، وأركبه السياره (( صارت تكفي )) ونرجع للرياض انا وهو وابورافع اللي حطيناه في مستودعه … آسف في عيادته ،،،، وندز للحارة يوم تونا بنوصل يوم قال دحيم / جايع !!!!
قلت هذا والله النشبه ابحطك ببيتكم وكل براحتك ،، قال لا نبي المطعم ،، قلت لا كل ببيتكم وتوه يفر الطاره يبي جهة المطعم الا ذيك الصمخة الجامدة اللي حسيت بها في بطني ،،، لينه ابوي يقول : قم والا ناوي تغيب زي العادة ؟
قلت في نفسي أي أغيب زين انك قومتني وقطعت ذا الحلم اللي يروع !

مستغرب
26-02-05, 07:10 PM
أجيب الدكتور ابورافع وهو دكتور متخصص في كل شي

تحصله كمان يعرف يبلط عادي ترى أخواننا قداعان

أمسك ذا الخط السريع (( ميد مجرى الدم ))

وش معنى ميد ... هي ميد البقالة أو لها سالفه ثانيه
لا اببلغ واخليهم يفتحون الخط لك (( صار ضابط ))

والله ونعم شكله سنافي


ونحن ضد الإرهاب معا كلنا جنود للبطن

مستغرب
26-02-05, 07:10 PM
أجيب الدكتور ابورافع وهو دكتور متخصص في كل شي

تحصله كمان يعرف يبلط عادي ترى أخواننا قداعان

أمسك ذا الخط السريع (( ميد مجرى الدم ))

وش معنى ميد ... هي ميد البقالة أو لها سالفه ثانيه
لا اببلغ واخليهم يفتحون الخط لك (( صار ضابط ))

والله ونعم شكله سنافي


ونحن ضد الإرهاب معا كلنا جنود للبطن

ملح وقملة
26-02-05, 11:09 PM
يسعدني تواصل المبدع مستغرب

ملح وقملة
26-02-05, 11:09 PM
يسعدني تواصل المبدع مستغرب

أمـــ(الورد)ــيـرة
27-02-05, 03:56 AM
الله يعطيك العافيه ..


بس وش دخل السحالي بالموضوع...

أمـــ(الورد)ــيـرة
27-02-05, 03:56 AM
الله يعطيك العافيه ..


بس وش دخل السحالي بالموضوع...

تحلى الدنيا
27-02-05, 08:37 AM
صح
الله يعطيك العافيه
وضحكتنا عن جد
شئ حلو ولذيذ(مع صباح اخت جوعانه)
بس وش دخل السحالى او بطات
؟؟؟؟؟؟؟؟؟؟؟؟؟
فاهمونا يا اخواننا؟
ولا بس تهريش هيه شعاركم؟

تحلى الدنيا
27-02-05, 08:37 AM
صح
الله يعطيك العافيه
وضحكتنا عن جد
شئ حلو ولذيذ(مع صباح اخت جوعانه)
بس وش دخل السحالى او بطات
؟؟؟؟؟؟؟؟؟؟؟؟؟
فاهمونا يا اخواننا؟
ولا بس تهريش هيه شعاركم؟

مستغرب
27-02-05, 08:40 AM
انا أفهمكم يالسحالي المتسحلات

الماضوع يتكلم عن أنتفاخ في كريات الدم الحمراء حتى أصبح مقاس الأخ أخو ملح وقملة تقريبا XXXXXXL


لذلك اخونا ملح وقملة يتمنى لكن حياة سعيده مع سمنه جديده ... وأنا أؤمن

مستغرب
27-02-05, 08:40 AM
انا أفهمكم يالسحالي المتسحلات

الماضوع يتكلم عن أنتفاخ في كريات الدم الحمراء حتى أصبح مقاس الأخ أخو ملح وقملة تقريبا XXXXXXL


لذلك اخونا ملح وقملة يتمنى لكن حياة سعيده مع سمنه جديده ... وأنا أؤمن

ملح وقملة
27-02-05, 02:37 PM
نمبر ون شكراً لمرور الجميع
نمبر تو ابي السحالي يتلوعون بأحلامهم مثلي

ملح وقملة
27-02-05, 02:37 PM
نمبر ون شكراً لمرور الجميع
نمبر تو ابي السحالي يتلوعون بأحلامهم مثلي

المُهرة
28-02-05, 12:31 AM
ملح وقملة وقشرة :o

دخلت بشوف وشو الحلم ولقيت موضوعكـ مشووووووار :cl:

لذلكـ (e)

,, قم بس قم ,, :cl: الله يصلحكـ

المُهرة
28-02-05, 12:31 AM
ملح وقملة وقشرة :o

دخلت بشوف وشو الحلم ولقيت موضوعكـ مشووووووار :cl:

لذلكـ (e)

,, قم بس قم ,, :cl: الله يصلحكـ

أمـــ(الورد)ــيـرة
28-02-05, 08:51 AM
الله لا يسمع منكم..

قال xxxxxxxxxxxl قال..

أمـــ(الورد)ــيـرة
28-02-05, 08:51 AM
الله لا يسمع منكم..

قال xxxxxxxxxxxl قال..

ملح وقملة
28-02-05, 08:01 PM
المهرة انت الخسران مواضيعي غير شكل
ويلوموني في نفسي

اميرة الورد ««آمين»

ملح وقملة
28-02-05, 08:01 PM
المهرة انت الخسران مواضيعي غير شكل
ويلوموني في نفسي

اميرة الورد ««آمين»

هبلوها
28-02-05, 08:11 PM
مره ثانيه اختصر الموضوع ترى المواضيع الطويله تصيبني بالجرب


>>> يابو ميد ,, قم بس قم ,, :

هبلوها
28-02-05, 08:11 PM
مره ثانيه اختصر الموضوع ترى المواضيع الطويله تصيبني بالجرب


>>> يابو ميد ,, قم بس قم ,, :

تعشيقة
28-02-05, 09:07 PM
الأخ ملح ونملة


حلم جميل انتهى بمأساة أخوك الله ينسمه لكم

نصيحة لا جيت تنام عشِّق عقلك على حرف N

عشان ما يشتغل وانت نايم وينتفخ أخوك


تعشيقة% أبو الفضاوة

تعشيقة
28-02-05, 09:07 PM
الأخ ملح ونملة


حلم جميل انتهى بمأساة أخوك الله ينسمه لكم

نصيحة لا جيت تنام عشِّق عقلك على حرف N

عشان ما يشتغل وانت نايم وينتفخ أخوك


تعشيقة% أبو الفضاوة

بنت اهلي
28-02-05, 09:29 PM
<<جاري القرايه

<<جاري فهم القصه

برجع اذا فهمت

ت.ح.ي.ت.ي

بنت اهلي
28-02-05, 09:29 PM
<<جاري القرايه

<<جاري فهم القصه

برجع اذا فهمت

ت.ح.ي.ت.ي

ملح وقملة
01-03-05, 03:11 PM
من صفات رواياتي ومؤرخاتي انها تتصف بالغموض والجنون والعنجهييه
فلا يستغرب احد اذا مافهمها
يكفي اني فاهمها

شبيـه الريـح
02-03-05, 11:27 AM
http://www.elislam.net/up/pic/comcopy.jpg







هههههههههههه كح كح ههههههههههههههههههه حلوه ياملح وقشره وقبله