....كرباج....

[ذيب الفلا]

السلام عليكم ورحمة الله وبركاته

قصيدتي موجهه لأخونا واستاذنا كرباج

كتبتها لحاجتن في نفس يعقوب .. يعني ذيب الفلا ...

وهي تعبر عن نفسها...



كرباج انا جيتك وكلي مناصيك=ابغى علوم(ن) منك فيني لججها
يوم العرب ماتقرب الي ينافيك=خافو من اعلوم(ن) ترقد عججها
والا بلاوي ربنا من يكافيك=انتا سعدها وانت قايد هججها
كرباج وان جيتك تراني احاجيك=خابرك شاعر تشتعل من وهجها
ياخوك لا تقرب على الي يراديك=مافاد قولك يمكن انه بعجها
اصاب قلب(ن) ماهو الي يعاديك=وزاد نار(ن) بالقلب ما بهجها
خل العرب دربك يقدي معاديك=يمسك عليك الي يسمى وقدها
ويصيبك اعلوم(ن) يجيبه صعاليك=تصبح عليك وصاير(ن) من نهجها
كرباج شاعر رمزنا الله يبقيك=للخير تصبح قايد(ن) يا سندها


وسلامتكم

[تفـــاصيل]

الرائع ذيب الفلا

صح لسانك ملايين ولا يكفون

لااااااهنت ياذيب العز

ننتظر رد مبدعنا كرباج

[قمر+]

صح لسانك استاذ ذيب الفلا
قصيدة روووعة
ونعم بيك وبالاستاذ كرباج
وبجميع الشعراء والشاعرات بمنتدانا الغالي

[محمد مطلق الجربا]

ياذيب قل للذيب ذيبن يناديك=له صيحة(ن) فوق العوالي زعجها
زهم طويلات العلا والشرابيك=نفسه على دمس المخاطر ولجها
ياذيب يلي واضحات(ن) معانيك=الخيل فزعت للذي قد سرجها
ترى الجوارح ليت ربي يخليك=من ينهره لالا يأمن حرجها
الذيب لاحس بالخطر دون تشكيك=يموت واكفان المعزه نسجها
ياذيب اخاف الذيب والله يدميك=شر الوحوش اليا تواقف عججها
الله يفكك والنوايا مواطيك=ومن شاف عسر الحال ينطر فرجها
حذاراك تقحم من تضنه يوازيك=وحذراك كلمات(ن) غريمك هرجها
خلك محايد لجل ما السيل ياتيك=ابعد عن عماق البحور ومرجها
نصيحة(ن) من صاحبن هاقين فيك=النار خله تاكل الي سرجها




صح لسانك يالذيب جزله من جزل

اسمح لي يشدني اسم الذيب للكتابه

فديتك

[ذيب الفلا]

الرائع ذيب الفلا

صح لسانك ملايين ولا يكفون

لااااااهنت ياذيب العز

ننتظر رد مبدعنا كرباج


الرائع بلياكم ماهو برائع

صح بدنتس ولا هنتي

وكرباج لا جا جاب السعد مايحتاج

تحيتي لك

[ذيب الفلا]

صح لسانك استاذ ذيب الفلا

قصيدة روووعة
ونعم بيك وبالاستاذ كرباج

وبجميع الشعراء والشاعرات بمنتدانا الغالي


صح بدنتس ولا هنتي

الروعه حضوركـ

وماعليتس زود وسبعة انعام من عندي في كرباج

وجميع الشعار ما يهونون

تحيتي لك

[ذيب الفلا]

ياذيب قل للذيب ذيبن يناديك=له صيحة(ن) فوق العوالي زعجها
زهم طويلات العلا والشرابيك=نفسه على دمس المخاطر ولجها
ياذيب يلي واضحات(ن) معانيك=الخيل فزعت للذي قد سرجها
ترى الجوارح ليت ربي يخليك=من ينهره لالا يأمن حرجها
الذيب لاحس بالخطر دون تشكيك=يموت واكفان المعزه نسجها
ياذيب اخاف الذيب والله يدميك=شر الوحوش اليا تواقف عججها
الله يفكك والنوايا مواطيك=ومن شاف عسر الحال ينطر فرجها
حذاراك تقحم من تضنه يوازيك=وحذراك كلمات(ن) غريمك هرجها
خلك محايد لجل ما السيل ياتيك=ابعد عن عماق البحور ومرجها
نصيحة(ن) من صاحبن هاقين فيك=النار خله تاكل الي سرجها




صح لسانك يالذيب جزله من جزل

اسمح لي يشدني اسم الذيب للكتابه

فديتك


محمد بن مطلق الجربا

شهادتي فيك مجروحه ومن اشد المعجبين بقصائدك .

يسرني كثير مروركـ ..

ونصيحتك ع العين والراس وابشرك مقتدي به

والدعوه بسيطه ولا فيها شي

وصح بدنك وصح لسانك على هالرائعه
تحيتي لك

[فهد بن زيد]

صح لسانك

شاعر نا الفذ,,,

ذيب الغلا

بدعت ابدعت
وقلت فاجدت

دمت من الله بكل الخير,,

[كرباااااااج]

صح السااااااااااااااااانك ياذيب

بدعت وابدعت وألي تبي على خشمي

واعتقد الجربا كفى ووفى

مره ثانيه صح السانك
اعجابي ومتابعتي

[صدى الرس]

ذيب الفلا

لافض فوك ولاانلجم لسانك

بيض الله وجهك

اخوي ذيب الفلا مانقبل الا برد كرباج

لانها موجهه اليه ارجو انه يرد ولايكتفي بردود الشعار